− باس شۋجي شي جينپيڭنىڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزى رايونىمىزداعى قالىڭ پارتيالى كادرلار اراسىندا كۇشتى اڭىس قوزعادى
□ انار بۇلت / شينجياڭ گازەتىنىڭ تىلشىلەرى
9 - ايدىڭ 1 - كۇنى باس شۋجي شي جينپيڭ 2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزى رايونىمىزداعى پارتيالى كادرلار اراسىندا، وتە - موتە، جاس كادرلار اراسىندا كۇشتى اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، سەنىمدى بەكەمدەپ، پارتياعا ادال بولىپ، شىندىقتى ءىس جۇزىنەن ىزدەپ، جاۋاپكەرشىلىك ارقالاپ، ىسكەرلىك كورسەتىپ، ۇلكەن ىسكە جارامدى، كەلەلى مىندەت ارقالاي الاتىن تىرەكتى دارىندى بولىپ شىعۋعا قۇلشىنىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش قوسامىز.
”باس شۋجيدىڭ ماڭىزدى ءسوزى تارتىمدى دا تولعامدى، جان - جاقتىلى ءارى تەرەڭ ماعىنالى بولدى، يدەيالىق جاقتان شىڭدالدىم“، - باس شۋجيدىڭ ماڭىزدى ءسوزىن دەر كەزىندە ۇيرەنگەن اۆتونوميالى رايوندىق پارتكوم ۇگىت ءبولىمى لەكسياشىلار ۇيىرمەسىنىڭ كادرى اينۇر توقان بىلاي دەدى: ”باس شۋجي بىزگە پارتيالى كادرلاردا بەرىك مۇرات - سەنىم بولعاندا عانا، ءتۇرلى سىناقتاردان سۇرىنبەي ءوتىپ، نىق قاداممەن الىسقا جەتەدى دەپ ءتالىم بەردى. ۇگىت، مادەنيەت جۇيەسىندەگى جاس كادر، كوممۋنيست رەتىندە، مەن باس شۋجيدىڭ شىن ىقىلاسپەن بەرگەن تاعىلىمىن ەسىمدە بەرىك ساقتاپ، ۇدايى ۇيرەنۋ، ۇدايى جاڭالاۋ بارىسىندا نازاريالىق ۇيرەنۋدى كۇشەيتىپ، مۇرات - سەنىمدى بەكەمدەۋدى شىن مانىندە ومىرلىك تاقىرىپ ەتىپ، ۇنەمى جەتىلدىرىپ، ۇنەمى شىڭداپ وتىرامىن، ءومىر بويى سەنەمىن، ءومىر بويى ساقتايمىن“.
باس شۋجي شي جينپيڭ بىلاي دەپ اتاپ كورسەتتى: مۇرات - سەنىم بەرىك بولعاندا عانا، پارتياعا ادال بولۋعا بولادى، پارتياعا ادال بولۋ مۇرات - سەنىمنىڭ بەرىك بولۋىنىڭ ەڭ جاقسى تۇسىندىرمەسى. اۆتونوميالى رايوندىق ساياسي كەڭەس ورگان پارتكومىنىڭ ورىنباسار شۋجيى داي جيڭ بىلاي دەدى: مۇرات - سەنىمدى بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاپ، پارتياعا ادال بولۋدى ناقتى ارەكەت بارىسىندا تياناقتاندىرىپ، قىزمەت ساپاسى مەن ونىمدىلىگىن جوعارىلاتۋدا ايگىلەپ، پارتيا مەن حالىق جۇكتەگەن اۋىر مىندەتتى سانالىلىقپەن ارقالايمىن.
”پىشاق قايراقپەن قايرالادى، ادام ىسپەن شىنىعادى، بوران - شاشىندى باستان وتكىزبەسە، ىستىق - سۋىقتى باستان وتكىزبەسە جارامدى بولىپ شىعۋ قيىن“. باس شۋجي شي جينپيڭنىڭ تەرەڭ سەزىممەن ايتقان سوزدەرى شينجياڭ شەكارادان كىرۋ - شىعۋ شەكارا قورعانىسى تەكسەرۋ باس پۋنكتى تايكەشكەن شەكارادان كىرۋ - شىعۋ شەكارا قورعانىسى تەكسەرۋ پۋنكتىنىڭ حالىق ساقشىلارىن ايرىقشا اسەرگە بولەدى.
وسى تەكسەرۋ پۋنكتى جۇڭگو - موڭعۇليا شەكاراسىنا ورنالاسقان، جاراتىلىستىق شارت - جاعدايى جاپالى، قىس ماۋسىمىندا ەڭ تومەنگى اۋا تەمپەراتۋراسى نولدەن تومەن 40 نەشە سەلتسي گرادۋسقا جەتەدى. قازىر بۇكىل پۋنكتتە 140 نەشە حالىق ساقشىسى بار، ورتاشا جاس مولشەرى 28 جاسقا جەتپەيدى. ”باس شۋجي شي جينپيڭنىڭ ماڭىزدى ءسوزى ءبىز جاس حالىق ساقشىلارىنىڭ شەكارانى كۇزەتىپ، وتاننىڭ ءۇمىتىن اقتاۋ سەنىمىن جانە بەكىمىن نىعايتتى“، - دەدى تايكەشكەن شەكارادان كىرۋ - شىعۋ شەكارا قورعانىسى تەكسەرۋ پۋنكتى ساياسي باسقارماسىنىڭ مەڭگەرۋشىسى جۋ شياڭدۇڭ، - ءبىز ادالدىق جانە جاۋاپكەرشىلىك ارقالاۋ ارقىلى اۋەلگى ماقساتتى امالياتتا ايگىلەۋدى نيەت ەتىپ، باستان - اياق مەملەكەت قاقپاسىن ويداعىداي قورعاپ، شەكارا وتكەلىنىڭ حاۋىپسىزدىگىن، ورنىقتىلىعىن قورعاۋ ءۇشىن ءتيىستى ۇلەس قوسامىز.
باس شۋجي شي جينپيڭ بىلاي دەپ باسا دارىپتەدى: ءىس جۇزىندىكتى شىعار ءتۇيىن ەتۋگە تاباندى بولۋدىڭ العى شارتى ءىس جۇزىندىككە ىشكەرىلەي ارالاسىپ، ءىس جۇزىندىكتى ءتۇسىنۋ، وسىلاي ىستەگەندە عانا شىندىقتى ءىس جۇزىنەن ىزدەۋگە بولادى. اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى تەكسەرۋ - زەرتتەۋ كەڭسەسىنىڭ ورىنباسار مەڭگەرۋشىسى داي ياۋشيان مىنالاردى ءبىلدىردى: مۇنان بىلايعى قىزمەت بارىسىندا تەكسەرۋ - زەرتتەۋ سىندى وسى ءبىر نەگىزگى ونەردى يگەرىپ، نەگىزگى ساتىعا بارۋ، ونان دا ماڭىزدىسى، زەيىنىن نەگىزگى ساتىعا اۋدارىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن تاپتەشتەي ۇعىسىپ، تالداۋ جاساپ، وي جۇگىرتۋدى كۇشەيتىپ، ءتىپتى دە كوپ باعىتتامالى، ءىس جۇزىندىك جاعدايعا ۇيلەسەتىن شەشۋ ادىستەرىن ورتاعا قويامىز.
باس شۋجي شي جينپيڭ بىلاي دەپ اتاپ كورسەتتى: پارتيانىڭ كادرلارىندا ادىلدىكپەن ءىس ىستەيتىن، قارا قىلدى قاق جاراتىن قالتقىسىز رۋح بولۋ، پرينسيپتى دارىپتەۋ، بەتكە قاراماۋ، پارتيالىلىقتى دارىپتەۋ، كوڭىلگە قاراماۋ كەرەك. اۆتونوميالى رايوندىق ايەلدەر بىرلەستىگىنىڭ ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قاشقار قالاسى نازارباق قالاشىعى چۇمبۇس قىستاعىندا تۇراتىن قىزمەت اترەتىنىڭ مۇشەسى دۇڭ يانفاڭ بىلاي دەدى: ”قىستاقتاعى ىستەر قات - قابات بولسا دا بۇقارانىڭ ەڭ ەلەپ - ەسكەرەتىنى ادىلدىك، تۋراشىلدىق. حالىق ءۇشىن قىزمەت وتەۋ بارىسىندا مەن پرينسيپكە تاباندى بولىپ، دۇرىستىقتى ۇستانامىن، استە ’جاقسى اتتانۋشى مىرزا‘ بولمايمىن“.
”’كادرلار، ءسوز جوق، يمەنۋدى ءبىلىپ، جاسقانۋدى ءبىلىپ، تومەنگى شەكتى ساقتاپ، پارتيادان يمەنۋى، حالىقتان يمەنۋى، زاڭ مەن تارتىپتەن يمەنۋى كەرەك‘، بۇل باس شۋجيدىڭ كادرلارعا تەرەڭ ەسكەرتۋى“. قارامايلى قالالىق ورتا حالىق سوتى مەكەمەسى اتقارۋ مەكەمەسىنىڭ سوتشىسى جاڭ يۇيفىڭ مىنالاردى ءبىلدىردى: مۇنان بىلاي زاڭنان ونان ارى يمەنىپ، ادىلدىكتەن، تۋراشىلدىقتان تايماي، ادىلەت سەمسەرى ارقىلى قوعام ورنىقتىلىعىن قورعاپ، حالىقتىڭ مۇددەسىن قامتاماسىز ەتەمىن.
توقسۇن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا شيا قالاشىعى گۇڭشاڭ قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ۋارىسجان اسەن قىزمەتى قانشالىق قاربالاس بولسا دا پارتيا تاريحى كىتاپتارىن ءار كۇنى كەشتە وقىپ وتىرادى. ”باس شۋجي جاس كادرلاردى، ءسوز جوق، ۋاقىتتى قادىرلەپ، ەسىل شاقتى بوس جىبەرمەي، قۇشتارلانا ۇيرەنۋگە، ءبىر ءسات تە توقتاماي دەڭگەيدى جوعارىلاتۋعا جىگەرلەندىردى. ’90 − جىلداردىڭ تۇلەگى‘ بولعان كادر رەتىندە، مەن ۇيرەنۋدى كۇشەيتۋ نەگىزگى ساتى قىزمەتىن جاقسى ىستەۋدىڭ ماڭىزدى كەپىلى ەكەندىگىن تەرەڭ ءتۇسىندىم. مۇنان بىلاي ’ۋاقىت شىعارۋ‘ مەن ’ىزدەۋ‘ رۋحىن اسقاقتاتىپ، ءبىلىم جۇيەمدى ۇزدىكسىز كەمەلدەندىرىپ، ءوز قابىلەتىمدى ۇزدىكسىز ارتتىرامىن“، - دەدى ۋارىسجان.
(ءتىلشى لي ياڭ، جازۋعا قاتىناسقان تىلشىلەر جاڭ يانفاڭ، جاڭ يۇنمەي، لياڭ ليحۋا، ۋاڭ نا، ياڭ شۋحان، يان شياۋتيان، جاڭ رۇيلين)
