لاچين بايەكەنىڭ بالالارى «وقۋ باستاۋدىڭ ٴبىرىنشى ساباعى» ”مىنبەسىنە“ شىقتى
9 – ايدىڭ 1 – كۇنى ورتالىق تەلەۆيزياسى 2021 – جىلعى «وقۋ باستاۋدىڭ ٴبىرىنشى ساباعى» باعدارلاماسىن تاراتتى، ”ٴداۋىر ونەگەسى“ لاچين بايەكەنىڭ بالالارى دۇرحان لاچين (ورتادا) مەن لادير لاچين (وڭدا) ۇسىنىس بويىنشا ناق مايدانعا كەلدى. (كەسكىننەن الىنعان قيما سۋرەت)
تيانشان تورى – شينجياڭ گازەتىنىڭ حابارى (ٴتىلشى جاۋ شييا حابارلايدى). 9 – ايدىڭ 1- كۇنى ساعات 20دا، ورتالىق تەلەۆيزياسى 2021 – جىلعى «وقۋ باستاۋدىڭ ٴبىرىنشى ساباعى» باعدارلاماسىن تاراتتى، ”ٴداۋىر ونەگەسى“ لاچين بايەكەنىڭ بالالارى ”مىنبەگە“ شىعىپ، ٴبىر شاڭىراقتاعى 3 ۇرپاقتىڭ شەكارانى قورعاۋ، شەكارانى كۇزەتۋ حيكاياسىن بايانداپ، قاھارمان اكەسىنىڭ قىسقا دا شۇعىلالى ٴومىرىن ەسكە الدى.
لاچين بايەكە ٴتىرى كەزىندە تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىنىڭ شەكارا قورعاۋشىسى بولعان. بيىل 1 – ايدىڭ 4 – كۇنى ول مۇز جارىعىنا ٴتۇسىپ كەتكەن بالانى قۇتقارۋ جولىندا قىمباتتى ٴومىرىن ارنادى.
«وقۋ باستاۋدىڭ ٴبىرىنشى ساباعىندا» لاچين بايەكەنىڭ بالالارى − 14 جاستاعى دۇرحان لاچين مەن 12 جاستاعى لادير لاچين ۇسىنىس بويىنشا ناق مايدانعا كەلدى. قىزى دۇرحان اكەسىنىڭ كوزى تىرىسىندەگى كەسكىندى كورگەندە، بىرنەشە رەت وكسىپ جىلادى. ول بىلاي دەدى: ”ەگەر اكەم ٴالى ٴتىرى بولسا، ول تاعى دا جالعاستى شەكارانى قورعاعان، شەكارانى كۇزەتكەن بولار ەدى. سۇيىكتى اكە، مەن ەرجەتكەن سوڭ اسكەري شيپاگەر بولامىن، ٴارى شيپاگەر ٴارى اسكەر بولامىن“. ”حونچيراپقا قايتىپ بارعان سوڭ وتباسىمىزدى، وتانىمىزدى بىرگە قورعايمىن“.
لاچين بايەكە كوزى تىرىسىندە بالالارىن ۇنەمى شەكارا قورعانىس قاراۋىل ورنىنا ەرتىپ بارىپ، بالالارىنا شەكارا قورعانىس جاۋىنگەرلەرى سياقتى ”شەكارامىزدى، ٴسوز جوق، ويداعىداي قورعاۋىمىز كەرەك“ دەپ تاربيە بەردى. پارتيانى، وتاندى، شينجياڭدى سۇيەتىن تۇقىم كىشكەنتايىنان لاچين بايەكەنىڭ بالالارىنىڭ جۇرەگىنە تامىر تارتىپ، بۇرشىك جارعان. لادير ايبىندى تۇردە: ”اكە ٴسىز الاڭسىز بولىڭىز، مەن، ٴسوز جوق، جاقسى ۇيرەنىپ، داشۋەگە ٴتۇسىپ، ەرجەتكەندە اسكەر بولىپ، قوسىننان شەگىنگەننەن كەيىن تاڭداۋلى شەكارا قورعاۋشىسى بولامىن“، - دەپ ۋادە بەردى. وتان ٴۇشىن شەكارا قورعاۋ− لاچين بايەكە شاڭىراعىنداعى 3 ۇرپاقتىڭ 72 جىل بۇلجىماعان ورتاق ماقساتى، لاچين بايەكەنىڭ پەرزەنتتەرى بولعان ولار وسى داڭقتى بورىشتى جالعاستىرۋعا بەل بايلادى.
قازىر دۇرحان مەن لادير قاشقار 2 - ورتا مەكتەبىنىڭ جاڭاشار مەكتەپ رايونىندا وقيدى، دۇرحان ورتالاۋ 3 – جىلدىقتا، لادير ورتالاۋ 1 – جىلدىقتا وقيدى. ”كەلەر جىلى ورتا مەكتەپكە ەمتيقان بەرەمىن، مەن قۇلشىنىپ، كوڭىلدەگىدەي ورتا مەكتەپكە قابىلدانۋعا ۇمتىلامىن“، - دەدى دۇرحان تولىق سەنىممەن.
اۋدارعان: قادىر ماقان
