تيانشان تورى   ›   جاڭالىقتار   ›   وقۋ-اعارتۋ

مىندەتتى وقۋ – اعارتۋ ساتىسىنداعى وقۋشىلاردىڭ تاپسىرما جۇگىن جەڭىلدەتەدى

ٴۇرىمجى قالاسى تاپسىرما باسقارۋ ناقتى ەرەجەسىن شىعاردى

مىندەتتى وقۋ – اعارتۋ ساتىسىنداعى وقۋشىلاردىڭ تاپسىرما جۇگىن جەڭىلدەتەدى

  گازەتىمىزدىڭ 9 – ايدىڭ 2 – كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ٴتىلشىسى شىن زۋشياۋ حابارلايدى. ٴۇرىمجى قالالىق وقۋ – اعارتۋ مەكەمەسى تاياۋدا «ٴۇرىمجى قالاسىنداعى مىندەتتى وقۋ – اعارتۋ ساتسىنداعى مەكتەپتەردىڭ تاپسىرما باسقارۋ ناقتى ەرەجەسىن» باسىپ تاراتىپ، تاپسىرما جوباسى، تاپسىرما ورنالاستىرۋ، تاپسىرما تەكسەرۋ، تاپسىرما ورىنداۋدى قۋزاۋ سياقتىلار جونىندە ەگجەي – تەگجەيلى بەلگىلەمە شىعاردى، مىندەتتى وقۋ – اعارتۋ ساتىسىنداعى وقۋشىلاردىڭ تاپسىرما جۇگىن شىنايى جەڭىلدەتىپ، ”جۇگىن جەڭىلدەتۋ، ساپانى تومەندەتپەۋ، مولشەرىن ازايتۋ، ونىمدىلىكتى ارتتىرۋ“ نىساناسىن شىنايى جۇزەگە اسىردى.

  «ناقتى ەرەجەدە» مىنالار تالاپ ەتىلدى: مەكتەپتەر ٴبىر تۇتاس جوسپارلاپ باسقارۋ مەحانيزمىن ورناتىپ، تاپسىرما قۇرىلىمى مەن تاپسىرما جالپى سانىن ۇيلەسىمدى تىزگىندەپ، باستاۋىش مەكتەپتەردىڭ جازباشا تاپسىرماسىنىڭ ساباقتان كەيىنگى قىزمەت وتەۋ ۋاقىتىندا ورىندالۋىن، تولىقسىز ورتا مەكتەپتەردىڭ كوپ ساندى تاپسىرماسىنىڭ ساباقتان كەيىنگى قىزمەت وتەۋ ۋاقىتىندا ورىندالۋىن جۇزەگە اسىرۋ كەرەك.

  تاپسىرما جوباسى جاعىندا، وقىتۋشىلاردان تاپسىرمانى دەن قويا جوبالاپ، وقۋشىلاردىڭ ۇيرەنۋ، جەتىلۋ جاعدايىمەن ۇشتاستىرىپ، تاپسىرما مازمۇنىن سارالاپ، الدىن الا تۇجىرىمداپ جانە سىناپ كورىپ، تاپسىرمانىڭ مولشەرى مەن ۋاقىتىن ۇيلەسىمدى بەلگىلەۋ تالاپ ەتىلدى. سونىمەن بىرگە، تاپسىرما ورنالاستىرعاندا، ٴارقايسى مەكتەپتەر تۇرلىشە پاندەردىڭ ەرەكشەلىگىنە ساي، جازباشا تاپسىرما، دەنە شىنىقتىرۋ، كوركەمونەردەن ٴلاززاتتانۋ، ەڭبەك امالياتى سياقتى ۇقساماعان تۇردەگى تاپسىرمالاردى بەرۋ ، ”بەس تاربيەنى قاتار جۇرگىزۋدى“ تولىق ايگىلەپ، وقۋشىلاردىڭ جان – جاقتىلى جەتىلۋىن جەبەۋ كەرەك.

  ”ەسكەرۋگە ٴتيىستىسى، وقىتۋشىلاردىڭ اتا – انالارعا تاپسىرما ورنالاستىرۋىنا رۇقسات ەتپەۋ، اتا – انالاردىڭ تاپسىرما تەكسەرۋىن تالاپ ەتپەۋ اتا – انالاردىڭ بالانىڭ ۇيرەنۋىن باقىلاۋ جاۋاپكەرشىلىگىنەن كەشۋگە بولادى دەگەندىك ەمەس“. ٴۇرىمجى قالالىق وقۋ – اعارتۋ مەكەمەسى باستاۋىش وقۋ – اعارتۋى ٴبولىمىنىڭ باستىعى ۋاڭ يۇڭ بىلاي دەدى: اتا – انالار بالانىڭ وقۋىنا ىرىقتىلىقپەن كىرىسىپ، بالانىڭ ۇيدەگى ۇيرەنۋىن باقىلاۋ – باسقارۋ بورىشىن وتەپ، بالانىڭ تاپسىرمانى ۋاعىندا ورىنداۋىنا قۋزاۋشىلىق ىستەپ، ىرىقتى، دەربەس، تىڭعىلىقتى تاپسىرما ورىنداۋ تاماشا ادەتىن قالىپتاستىرۋ كەرەك.

  بۇدان تىس، مىندەتتى وقۋ – اعارتۋ ساتىسىنداعى وقۋشىلارعا باعىتتالعان ٴپان تۇرىندەگى مەكتەپتەن سىرتقى تاربيەلەۋ قۇرىلىمدارى تاربيەلەۋ مازمۇنىن مەملەكەتتىڭ ساباق ولشەمىنەن اسىرۋىنا بولمايدى، تاربيەلەۋ قارقىنىن تۇرعان رايونداعى (اۋدانداعى ) ورتا، باستاۋىش مەكتەپتەردىڭ ۇقساس مەزگىلدەگى قارقىنىنان اسىرۋعا بولمايدى، جازباشا تاپسىرما ورنالاستىرۋىنا، مەحانيكالىق جاتتىعۋ جاساتۋىنا، ەمتيحانعا توتەپ بەرۋدى كۇشەيتۋىنە بولمايدى.

  ٴۇرىمجى قالالىق وقۋ – اعارتۋ مەكەمەسى ءارقايسى رايوندىق (اۋداندىق) وقۋ – اعارتۋ اكىمشىلىك تاراۋلارىنان مەكتەپتەن سىرتقى تاربيەلەۋ قۇرىلىمدارىن كۇندەلىكتى باقىلاۋ – باسقارۋدى كۇشەيتىپ، الدىعا ٴوتىپ تاربيەلەۋ، ولشەمنەن اسىرىپ تاربيەلەۋ سياقتى بەلگىلەمەگە قايشى ارەكەتتەردى قاتاڭ تەكسەرىپ ٴبىر جايلى ەتىپ، بەلگىلەمەگە اۋىر قايشىلىق جاساعانداردى ”قارا تىزىمدىككە“ ەنگىزۋ ٴارى قوعامعا جاريالاۋدى تالاپ ەتتى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە