− ايەلدەر ۆولەيبول قۇراماسى رۋحى جونىندە شولۋ
□شينحۋا اگەنتتىگىنىڭ تىلشىلەرى ۋاڭ حىڭجى، ساۋ جيانجيە
1981 - جىلى 11 - ايدىڭ 16 - كۇنى جاپونيادا وتكىزىلگەن 3 - كەزەكتى ايەلدەر ۆولەيبول دۇنيە جۇزىلىك ساۋىتىنا تالاسۋ جارىسىندا جۇڭگو ايەلدەر ۆولەيبول قۇراماسى 7 رەتتە تولىق جەڭىسكە جەتكەن ناتيجەمەن تۇڭعىش رەت دۇنيە جۇزىلىك اعا جۇلدەگەرلىكتى ەنشىلەيدى، وسىنى باستاما ەتىپ، بۇرىن بولىپ كورمەگەن ”ءۇرتىس 5 رەت اعا جۇلدەگەرلىكتى ەنشىلەۋدەي“ ۇلى ءىستى باستايدى.
رەفورما جاساپ، ەسىك اشۋدىڭ العاشقى مەزگىلىندە ايەلدەر ۆولەيبول قۇراماسىنداعى بويجەتكەندەردىڭ قاجىرلى، جان قيارلىقپەن شايقاسۋ رۋحى بۇكىل مەملەكەت حالقىن ايرىقشا جىگەرلەندىردى؛ ”ايەلدەر ۆولەيبول قۇراماسىنان ۇيرەنىپ، جۇڭحۋانى گۇلدەندىرەيىك“ دەگەن ۇران ءبىر ءداۋىر جۇڭگولىقتاردىڭ رۋحاني بەلگىسىنە اينالدى.
2019 - جىلى 9 - ايدا جۇڭگو ايەلدەر ۆولەيبول قۇراماسى جاپونيادا وتكىزىلگەن 13 - كەزەكتى ايەلدەر ۆولەيبولىنىڭ دۇنيە جۇزىلىك ساۋىتىنا تالاسۋ جارىسىندا تولىق جەڭىسكە جەتۋدەي ناتيجەمەن اعا جۇلدەگەرلىكتى ساقتاپ قالىپ، دۇنيە جۇزىلىك ۆولەيبول ”ءۇش ءىرى جارىسىندا“ اعا جۇلدەگەرلىكتى 10 - رەت داڭقپەن ەنشىلەيدى. باس شۋجي شي جينپيڭ داڭقپەن ەلگە ورالعان ايەلدەر ۆولەيبول قۇراماسىنىڭ ۋاكىلدەرىمەن كەزدەسكەندە بىلاي دەپ اتاپ كورسەتتى: قالىڭ حالىق بۇقاراسىنىڭ جۇڭگو ايەلدەر ۆولەيبول قۇراماسىنا دەگەن قىزىعۋى، تەك سىزدەردىڭ اعا جۇلدەگەرلىكتى جەڭىپ العاندىقتارىڭىز ءۇشىن عانا ەمەس، ونان دا ماڭىزدىسى، سىزدەردىڭ جارىس مايدانىندا وتاندى بارىنەن جوعارى قويۋ، ىنتىماقتاسا سەلبەسۋ، جان قيارلىقپەن شايقاسۋ، ماڭگىلىك جەڭىلمەۋ رۋحاني بەينەسىن ايگىلەگەندىكتەرىڭىز ءۇشىن ەدى. ايەلدەر ۆولەيبول رۋحى ءبىر ءداۋىردىڭ رۋحىنا ۋاكىلدىك ەتىپ، جۇڭحۋانىڭ كوركەيۋى ءۇشىن جان قيارلىقپەن شايقاسۋدايءداۋىردىڭ ەڭ كۇشتى اۋەنىن شارىقتاتتى.
وتاندى بارىنەن جوعارى قويۋ، ىنتىماقتاسا سەلبەسۋ − جۇڭحۋانى كوركەيتۋ ءۇشىن جان قيارلىقپەن شايقاسۋ
1972 - جىلى قۇرىلعان فۋجيان جاڭجوۋ دەنە تاربيە جاتتىعۋ بازاسى − جۇڭگو ايەلدەر ۆولەيبول قۇراماسىنىڭ ەڭ باستاپقى شوعىرلى جاتتىعۋ بازاسى، بۇل بازا جۇڭگو ايەلدەر ۆولەيبول قۇراماسىنىڭ ”ءۇرتىس 5 رەت اعا جۇلدەگەرلىكتى ەنشىلەۋىنىڭ“ جان تەبىرەنتەرلىك ساپارىنا كۋا بولدى.
جاسى توقسانعا تاياعان جاڭجوۋ ايەلدەر ۆولەيبول قۇراماسى جاتتىعۋ بازاسىنىڭ بۇرىنعى مەڭگەرۋشىسى جۇڭ جياچي ەسكە الىپ بىلاي دەدى: كەزىندەگى توسىننان سالىنعان قامىس لاشىق زالىنىڭ ەدەنىنە سەمەنت قۇم توگىلگەن، جىعىلساڭىز قۇم تۇيىرشىكتەرى ەتىڭىزگە كىرىپ كەتەتىن، قۇراما مۇشەلەرى جاتتىعىپ بولعاننان كەيىن ەمدەۋ بولمەسىنە بارىپ جۋىپ، ەتىنە كىرگەن قۇم تۇيىرشىكتەرىن تازالايتىن.
40 نەشە جىلدىڭ الدىنداعى قامىس لاشىق زالى الدەقاشان جوق بولدى، ءبىراق تام قابىرعاسىنا جاپىسرىلعان ”جىعىلساڭىز باتپاق بولار دەنەڭىز، قابات - قابات تەرىمىزدى جونىپ جەرگە بەرەمىز، جاپا مەنەن ماشاقاتتى ەلەڭ قۇرلى كورمەيمىز، جاتتىعۋمەن ءادىس - ايلا ۇيرەنەمىز، سەنەمىز، بيىگىنەن كورىنۋدى جەڭىستىڭ، ماقسات ەتىپ كەلەمىز“ دەگەن ۇران اعا بۋىن ۆولەيبولشىلاردىڭ جادىندا ءالى جاتتاۋلى.
1976 - جىلى جاڭا كەزەكتى ايەلدەر ۆولەيبول مەملەكەت قۇراماسى قايتادان قۇرىلىپ، يۋان ۋيمين نەگىزگى جاتتىقتىرۋشى بولىپ تاعايىندالادى، ول سارالاعان قۇراما مۇشەلەرىنىڭ بارلىعى قامىس لاشىق زالىندا ابدەن شىنىعىپ - شىڭدالعاندار بولىپ، وسى ارادا سان دۇركىن ەرەكشە جاتتىعۋدان وتەدى.
جاپا - ماشاقاتتا قۇرىشتاي شىڭدالدى.
1981 - جىلى 11 - ايدا جاپونيانىڭ وساكاسىندا جۇڭگو ايەلدەر ۆولەيبول قۇراماسى 3 - كەزەكتى ايەلدەر ۆولەيبول دۇنيە جۇزىلىك ساۋىتىنا تالاسۋ جارىسىندا اعا جۇلدەگەر بولدى.
1982 - جىلى 9 - ايدا پەرۋدىڭ ليماسىندا جۇڭگو ايەلدەر ۆولەيبول قۇراماسى 9 - كەزەكتى ايەلدەر ۆولەيبول دۇنيە جۇزىلىك جۇلدەگە تالاسۋ جارىسىندا اعا جۇلدەگەر بولدى.
1984 - جىلى 8 - ايدا امەريكانىڭ لوس - انجەلەسىندە جۇڭگو ايەلدەر ۆولەيبول قۇراماسى 23 - كەزەكتى وليمپيادا جارىسىندا ايەلدەر ۆولەيبول جارىسىنىڭ اعا جۇلدەگەرى بولدى.
1985 - جىلى 11 - ايدا جاپونيانىڭ توكيوسىندا جۇڭگو ايەلدەر ۆولەيبول قۇراماسى 4 - كەزەكتى ايەلدەر ۆولەيبول دۇنيە جۇزىلىك ساۋىتىنا تالاسۋ جارىسىندا اعا جۇلدەگەر بولدى.
1986 - جىلى 9 - ايدا چەحسلوۆاكيانىڭ پراگاسىندا جۇڭگو ايەلدەر ۆولەيبول قۇراماسى 10 - كەزەكتى ايەلدەر ۆولەيبولى دۇنيە جۇزىلىك جۇلدەگە تالاسۋ جارىسىندا اعا جۇلدەگەر بولدى.
بۇرىن بولىپ كورمەگەن ”ءۇرتىس 5 رەت اعا جۇلدەگەرلىكتى ەنشىلەۋ“ بۇكىل دۇنيە جۇزىنە ىنتىماقتاسا جان قيارلىقپەن شايقاسۋدىڭ، جىگەرلەنە العا باسۋدىڭ جۇڭگو مەملەكەتتىك وبرازىن ايگىلەپ، جۇڭحۋا پەرزەنتتەرىنىڭ ماقتانىش سەزىمىن بۇرىن بولىپ كورمەگەن دارەجەدە تاسقىنداتىپ، بۇكىل ەل حالقىنىڭ ءبىر نيەتپەن ىنتىماقتاسىپ، جۇڭحۋانى گۇلدەندىرۋ سەنىمى مەن بەكىمىن نىعايتۋعا شابىتتاندىردى. جۇڭگو ايەلدەر ۆولەيبول قۇراماسىنىڭ تۇڭعىش رەت دۇنيە جۇزىلىك اعا جۇلدەگەر بولعاندىعىن قۇتتىقتاۋ ءۇشىن «حالىق گازەتى» باس بەتىندە حابارلادى ءارى بۇكىل ەل حالقىنا بىلاي دەپ ۇندەۋ تاستادى: ايەلدەر ۆولەيبول قۇراماسىنان ۇيرەنىپ، جۇڭحۋانى گۇلدەندىرەيىك. وسى مەزگىلدە جۇرتتىڭ بارلىعى ايەلدەر ۆولەيبول قۇراماسىن كورۋ ءبىر داۋىردەگى ادامداردىڭ توپتىق ەستەمەسىنە اينالىپ، ايەلدەر ۆولەيبول قۇراماسىنداعى بويجەتكەندەر داۋىرلىك تۇلعاعا اينالىپ، ءار سالا، ءار كاسىپتە ايەلدەر ۆولەيبول قۇراماسىنان ۇيرەنۋدىڭ قىزۋ ورلەۋى كوتەرىلىپ، ”ايەلدەر ۆولەيبول قۇراماسى رۋحى“ وسىلايشا تۋىندادى.
ايەلدەر ۆولەيبول قۇراماسىنىڭ ساقا باستىعى سۇن جينفاڭ ايەلدەر ۆولەيبول قۇراماسىنىڭ كۇرەس بەلەسىن ەسكە العاندا مىنالاردى ءبىلدىردى: ءتىپتى دە كوپ جاستاردى باتىلدىقپەن جاۋاپكەرشىلىك ارقالاۋداي جاۋاپكەرشىلىك سەزىمگە باستاپ، وتان ءۇشىن ءبىر كىسىلىك ۇلەس قوسۋ − ايەلدەر ۆولەيبول قۇراماسى رۋحىنىڭ ەڭ تاماشا جالعاستىرىلۋى بولماق.
جان قيارلىقپەن شايقاسۋ، جەڭىلىسكە ماڭگى مويىنسال بولماۋ − جۇڭگولىقتاردىڭ رۋحاني ىزدەنىسى
جۇڭگو ايەلدەر ۆولەيبول قۇراماسىنىڭ تۇڭعىش رەت دۇنيە جۇزىلىك اعا جۇلدەگەرلىكتى ەنشىلەگەننەن كەيىن ارادا 40 جىلعا جۋىق ۋاقىت ءوتتى، جاتتىقتىرۋشىلار، مۇشەلەر كەزەك سايىن اۋىسىپ وتىردى، وسى ارالىقتا ايەلدەر ۆولەيبول قۇراماسىنىڭ ناتيجەسى كەيدە جوعارىلاپ، كەيدە تومەندەپ وتىردى، ءتىپتى ءبىرشاما ۇزاق ۋاقىت توقىراۋ جاعدايىن باستان كەشىردى، الايدا، بۇكىل ەل حالقى جۇڭگو ايەلدەر ۆولەيبول قۇراماسىنا باستان - اياق نازار اۋدارىپ، ارداقتاپ، قولداپ وتىردى، ويتكەنى، ىنتىماقتى بولۋ، جان قيارلىقپەن شايقاسۋ، ەكپىندەي ىلگەرىلەۋ رۋحى ءبىر ءداۋىر جۇڭگو ايەلدەر ۆولەيبول قۇراماسىنىڭ بويىندا باستان - اياق جالعاسىن تاپتى.
ءدال وسىنداي رۋحاني كۇش - قۋاتقا سۇيەنىپ، 2004 - جىلعى افينا وليمپياداسىنىڭ شەشۋشى جارىسىندا جۇڭگو ايەلدەر ۆولەيبول قۇراماسى 0: 2 (نولگە قارسى 2 ۇپايمەن) ۇپايمەن قاتاردان قالىپ بارا جاتقان مۇشكىل جاعدايدا تاڭ قالدىرارلىق ۇلكەن بۇرىلىستى جارىققا شىعارادى؛ 2016 - جىلى ريودە جانە يرو وليمپياداسىندا جۇڭگو ايەلدەر ۆولەيبول قۇراماسىنداعى بويجەتكەندەر ەشتەڭەدەن تايسالماي، توسىن بۇرىلىس جاساپ التىن مەدال ەنشىلەيدى.
ايەلدەر ۆولەيبول قۇراماسىنىڭ ەڭ باعالى رۋحى الدەقاشان دەنە تاربيە اۋماعىن باسىپ وزىپ، ءبىر ءداۋىر جۇڭگولىقتاردىڭ رۋحاني ىزدەنىسىنە اينالدى.
2020 - جىلى 3 - ايدا ۋحانعا كومەككە اتتانعان ”90 - جىلداردىڭ تۇلەگى“ بولعان ايەل سەسترا ۇستىنە ايەلدەر ۆولەيبول قۇراماسىنداعى بويجەتكەن جۋ تيڭنىڭ ءازىل سۋرەتى سىزىلعان، ”ءداۋىر جۋ تيڭمەن داڭقتى“ دەگەن ءسوز جازىلعان قورعانۋ كيىمىن كيىنگەن سۋرەتىن ميكرو بلوگقا جۇكتەپ، توراپتاستارىن قۇپتاۋعا باۋرايدى. ول بىلاي دەدى: ”ءارقانداي ۋاقىتتا جۋ تيڭ مەن جۇڭگو ايەلدەر ۆولەيبول قۇراماسىن ەسكە السام بولعانى قيىنشىلىقتى ەڭسەرۋگە سەنىمىم ءتىپتى دە ارتا تۇسەدى“.
جۇڭ جياچي زەينەتكە شىققاننان كەيىن جاڭجوۋ بازاسىنداعى جۇڭگو ايەلدەر ۆولەيبولى ەسكەرتكىش سارايىنا ۇنەمى بارىپ مىندەتتى ءتۇسىندىرۋشى بولادى. ول بىلاي دەدى: ”ايەلدەر ۆولەيبول قۇراماسى رۋحى كەزىندە ءار داۋىردەگىلەردى جۇڭحۋانى گۇلدەندىرۋ ۇلى مۇراتىنا جەتۋگە ىنتالاندىردى، ءبىزدىڭ ءار سالا، ءار كاسىپ دەرلىك وسىنداي قيىنشىلىقتان قورىقپايتىن، شارشاپ - شالدىعۋدان قورىقپايتىن، قيىنشىلىقتى ەلەڭ قۇرلى كورمەيتىن، كۇشتى جاۋدان تايسالمايتىن رۋحتى قاجەت ەتەدى، وسىنداي رۋحتىڭ ايەلدەر ۆولەيبول قۇراماسىنىڭ بويىندا ۇرپاقتان ۇرپاققا جالعاسا بەرۋىن تىلەيمىن“.
وزىنە سەنۋ، ءوزىن الۋەتتەندىرۋ، ەشتەڭەدەن تايسالماۋ − ايەلدەر ۆولەيبول قۇراماسى رۋحى ۋاقىت وتكەن سايىن تۇلەدى
ءداۋىردىڭ العا دامۋىنا ىلەسىپ، ايەلدەر ۆولەيبول قۇراماسى رۋحىنىڭ ءمانى ۇزدىكسىز بايىدى.
40 جىلدىڭ الدىندا مەملەكەت قاقپاسىن جاڭا عانا اشقان جۇڭگو اعا جۇلدەگەرلىك، مەدال ارقىلى ءوزىن دۇنيە جۇزىنە دالەلدەۋدى قاجەت ەتتى، بۇگىنگى جۇڭگو الدەقاشان سول كەزدەگى تاريحي كەزەڭدى باسىپ ءوتتى. قازىرگى داۋىردەگى جۇڭگولىقتار اناعۇرلىم سەنىمدى، ءتىپتى دە اشىق ءىرى ەلدىك كۇيمەن دۇنيە جۇزىنە بەت الىپ، جۇڭگو ايەلدەر ۆولەيبول قۇراماسى تىڭ داۋىرلىك رۋح پەن كەلبەتىن: وزىنە سەنۋ، ءوزىن الۋەتتەندىرۋ جانە وتان بارىنەن ارداقتى، ىنتىماقتاسا سەلبەسۋ، جان قيارلىقپەن شايقاسۋ، جەڭىلىسكە ماڭگى مويىنسال بولماۋداي رۋحاني بەت - بەينە سومدادى.
”ايەلدەر ۆولەيبول قۇراماسى رۋحى اعا جۇلدەگەرلىكتى جەڭىپ الۋ ەمەس، قايتا كەيدە جەڭە الماسا دا بار قايراتىن سارقا جۇمساۋ. ءسىز جول بويى ءسۇرىنىپ كەتسەڭىز دە، ءبىراق ورنىڭىزدان تۇرىپ، ءۇستى - باسىڭىزداعى شاڭ - توپىراقتى قاعۋىڭىز، جانارىڭىزدان مويىماستىق مەن مۇندالاپ تۇرۋى كەرەك“. 2 جىلدىڭ الدىندا جۇڭگو ايەلدەر ۆولەيبول قۇراماسى تاعى ءبىر رەت دۇنيە جۇزىلىك ساۋىتىنا تالاسۋ اعا جۇلدەگەرلىگىن ەنشىلەپ، وراسان زور داڭققا بولەنگەندە باس جاتتىقتىرۋشى لاڭ پيڭ وسىلاي دەگەن ەدى.
ەندى عانا اياقتاعان توكيو وليمپياداسىندا جۇڭگو ايەلدەر ۆولەيبول قۇراماسى اۋىر سوققىعا ۇشىراپ، شاعىن گرۋپپالار اراسىنان شىعا الماي، اعا جۇلدەگەرلىكتى ساقتاي الماي جەڭىلىپ قالدى.
ەلگە ورالعاننان كەيىن جۇڭگو ايەلدەر ۆولەيبول قۇراماسىنداعى بويجەتكەندەر مىنانى ءبىلدىردى: ىنتىماقتاسا سەلبەسۋ، جان قيارلىقپەن شايقاسۋداي ايەلدەر ۆولەيبول قۇراماسى رۋحى − قوسىنىمىزدىڭ سۇبەلى ناتيجەگە قول جەتكىزۋىندەگى اسىلى ءارى قوسىنىمىزدىڭ ساتسىزدىككە ۇشىراعان كەزىندەگى رۋحاني جەتەكشىسى. ءبىز ايەلدەر ۆولەيبول قۇراماسى رۋحىن ۇزدىكسىز ساۋلەلەندىرىپ، قول ۇستاسا ەكپىندەي العا ىلگەرىلەيمىز.
ايەلدەر ۆولەيبول قۇراماسىنداعى بويجەتكەندەردىڭ ەڭسەسى تۇسپەيدى، ەڭسە كوتەرۋ رۋحىمەن قايتا اتتانادى؛ ايەلدەر ۆولەيبولى جانكۇيەرلەرى سۇلكىنىن تۇسىرمەيدى، اۋەلگىدەي قايراتتانۋعا جىگەرلەندىرەدى.
40 جىلدان بەرى جۇڭگو ايەلدەر ۆولەيبول قۇراماسىنىڭ ەڭ باعالى جاعى ولاردىڭ مويىماس مىعىم جان دۇنيەسى، قايراتتانا العا ىلگەرىلەگەن ەركى، باستان - اياق تايسالماي، ”جەڭىلىستى“ كەلەسى جەڭىستىڭ ”ىرگە تاسىنا“ اينالدىرۋىندا.
جۇڭگو ايەلدەر ۆولەيبول قۇراماسىنىڭ داۋىرلىك رۋحى مەن بەت - بەينەسى جاڭا داۋىردەگى جۇڭگو جاستارىن تەبىرەنتتى.
سۋجوۋلىق 17 جاستاعى قىز بالا گۋ شياتيڭ كىشكەنتايىنان وتباسى جازاتايىمىنا ۇشىراپ، مىنەزى بۇيىعى بولىپ وسكەن ول ورتالاۋ مەكتەپ وقىپ جۇرگەن كەزىندە ۆولەيبول ويناۋعا اۋەستەنەدى، سونداي - اق جۇڭگو ايەلدەر ۆولەيبول قۇراماسىنىڭ جان كۇيەرىنە اينالادى. ول بىلاي دەيدى: ”ايەلدەر ۆولەيبول قۇراماسى الاڭدا ساتسىزدىككە، ىرىقسىز كۇيگە ۇشىراعانىمەن ولار تاباندىلىق كورسەتتى، مەنىڭشە، مەن دە تاباندىمىن، ايەلدەر ۆولەيبول قۇراماسى رۋحى مەنى جىگەرلەندىردى“.
ۋاقىت وتكەن سايىن جاڭارعان ايەلدەر ۆولەيبول قۇراماسى رۋحى جۇڭحۋا ۇلتىنىڭ باعالى رۋحاني بايلىعىنا اينالدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جاڭا ساپارىندا ايەلدەر ۆولەيبول قۇراماسى رۋحىن بار كۇشپەن اسقاقتاتىپ، بۇكىل جۇڭحۋا پەرزەنتتەرىن ءبىر نيەتپەن ىنتىماقتاسۋعا، قيىنشىلىقتان تايسالماۋعا، سىن - سايىستان جاسقانباۋعا جىگەرلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جان قيارلىقپەن كۇرەس جاسايىق.
(شينحۋا اگەنتتىگىنىڭ 9 - ايدىڭ 1 - كۇنى بەيجيڭنەن بەرگەن حابارى)
