تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

سارا ونىمدەردى ءوزارا جەتكىزۋ، ءوزارا ساتۋ ازىق - تۇلىك كاسىپ سالاسى تىزبەگىنىڭ دارەجەسىن ءوسىردى

حيلۇڭجياڭ:

سارا ونىمدەردى ءوزارا جەتكىزۋ، ءوزارا ساتۋ ازىق - تۇلىك كاسىپ سالاسى تىزبەگىنىڭ دارەجەسىن ءوسىردى

□ انار بۇلت / شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى چاڭ يرۋ

  8 - ايدىڭ 23 - كۇنى ءتىلشى شينجياڭ ىحىدىرىن ازىق - تۇلىك شەكتى سەرىكتەستىگىنىڭ سەحىنا كەلىپ، ماشينالانعان اۆتوماتتى ءوندىرىس جەلىسىنىڭ ۇزدىكسىز اينالىسقا ءتۇسىپ، جۇمىسشىلاردىڭ ماشينالاردى جاتتىق مەڭگەرىپ جاتقانىن، سونداي - اق مانەرلەنىپ قۇتىعا سالىنعان قىزىل بۇرىش تالشىقتارىن جاشىككە سالىپ، 500 جاشىك ءونىمدى حيلۇڭجياڭ ولكەسى شياۋكاڭ لۇڭجياڭ بۇلت قامباسىنا جونەلتۋگە دايىنداپ جاتقانىن كوردى.

  ”بيىل سەرىكتەستىگىمىز حيلۇڭجياڭ ولكەسى كومەكتەسىپ سالعان بەيتۇن ونەركاسىپ باقشا رايونىنداعى شاعىن كاسىپورىنداردىڭ شارۋاشىلىق قۇرۋ باقشاسىنا ىرگە تەۋىپ، جەرگىلىكتى ورىننىڭ ەرەكشە بايلىعىنا سۇيەنىپ، قىزىل بۇرىش كاسىپ سالاسى تىزبەگىن زور كۇشپەن تۇلعالادى ءارى شينجياڭ مەن حيلۇڭجياڭنىڭ سارا ونىمدەرىن ءوزارا جەتكىزۋ، ءوزارا ساتۋ ينجەنەرياسىنا سۇيەنىپ، حيلۇڭجياڭنىڭ بازارىنا ساتتىق“، - دەدى شينجياڭ ىحىدىرىن ازىق - تۇلىك شەكتى سەرىكتەستىگىنىڭ باس ديرەكتورى ليۋ ۋيكۇي.

  شينجياڭ مەن حيلۇڭجياڭ سارا ونىمدەردى ءوزارا جەتكىزۋ، ءوزارا ساتۋ ينجەنەرياسى حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى التاي ايماعىمەن بىرلەسىپ، ەكى جەردىڭ ساپالى ەگىن، مال شارۋاشىلىق ونىمدەرىن بۇكىل مەملەكەت بازارىنا كەڭەيتۋدى سەلبەسە ىلگەرىلەتۋ نىساندارىنىڭ ءبىرى.

  ”وسى ينجەنەريانى تۇلعالاۋدىڭ ماقساتى التاي ايماعىنىڭ تۇتىنۋ ارقىلى كومەكتەسۋ، سۇيەمەلدەۋ قىزمەتىنىڭ تەرەڭدەۋىن، ناقتىلانۋىن ىلگەرىلەتىپ، ويداعىداي ساتۋ ارقىلى ويداعىداي ەگۋگە، ويداعىداي باعۋعا، ويداعىداي مانەرلەۋگە جەتەكشىلىك ەتىپ، سول ارقىلى جەرگىلىكتى ورىننىڭ جاسىل ازىق - تۇلىك تۇتاس كاسىپ سالاسى تىزبەگىنىڭ سيىمدىلىعىن كەڭەيتىپ، دارەجەسىن وسىرۋگە دەم بەرىپ، التاي ايماعىنىڭ اۋىل - قىستاقتى گۇلدەندىرۋىن ىلگەرىلەتۋ“، - دەدى حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى نىسان ءبولىمىنىڭ باستىعى، التاي ايماقتىق دامۋ، رەفورما كوميتەتىنىڭ ورىنباسار مەڭگەرۋشىسى ساۋ چيڭفىڭ، − ”’سارا ونىمدەردىڭ‘ ساپاسى مەن باعا باسەكەلىك قۋاتىن قامتاماسىز ەتۋ ءۇشىن، شيكىزاتتى كولەمدەندىرۋ، ونىمدەردى جىنتىكتەي مانەرلەۋ جانە ساتۋ ارناسىن كەڭەيتۋ سىندى 3 جاقتاعى قىزمەتتى ءتۇيىندى تۇردە يگەردىك“.

  حيلۇڭجياڭ ولكەسىنىڭ شينجياڭعا باعىتتامالى كومەكتەسۋ ”14 - بەسجىلدىق“ جوباسى بويىنشا، ءوزىنىڭ اۋىل شارۋاشىلىعى عىلىم - تەحنيكا باسىمدىعىنا سۇيەنىپ، التاي ايماعىندا ەگىنشىلىك، باعىمشىلىق جاڭا تەحنيكاسىنان، جاڭا سورتىنان ۇلگى كورسەتۋ مەن جالپىلاستىرۋدى ورىستەتەدى. بەلسەندى تۇردە التاي ايماعىنا لۇڭجياڭ حىنيۋ سيىرىنىڭ توڭازىتىلعان سفەرماسىن جانە ءناسىلدى ەنەلىك سيىرىن ەنگىزىپ، جەرگىلىكتى سيىردى ناسىلدەندىرەدى، ولشەمدەنگەن اسىل تۇقىمدى باعىمشىلىق الاڭ قۇرىلىسىن ورىستەتىپ، بيڭتۋان مەن جەرگىلىكتى ورىننىڭ 10 مىڭ باس اسىل تۇقىمدى حىنيۋ سيىرى ۇلگى كورسەتۋ بازاسىن تۇلعالايدى؛ بۋرىلتوعاي، بيڭتۋان 10 - شىسى بەيتۇن قالاسىنىڭ ەگىستىك جەر بايلىعىنا سۇيەنىپ، 10 مىڭ مۋلىق تۇقىم مايساسىن جەتىلدىرۋ بازاسىن دامىتىپ، جۇڭگوشا ءشوپ دارىلەرى، بالاۋىزدى جۇگەرى، كارتوپ، سۋىق سۋ بالىعى سياقتى كولەمدەنگەن ەگىمشىلىكتى (باعىمشىلىق) جالپىلاستىرادى؛ بيڭتۋان مەن جەرگىلىكتى ورىن اۋىل شارۋاشىلىعى عىلىم − تەحنيكاسىنان ۇلگى كورسەتۋ باقشا رايونىن تۇلعالاپ، تيانرۇن توبى ەت ونىمدەرىن مانەرلەۋ، 183 - تۋان جۇگەرى مانەرلەۋ جانە بيڭتۋان مەن جەرگىلىكتى ورىن سۋىق تىزبەكتى زات تاسىمالى سياقتى ماڭىزدى نىسان قۇرىلىستارىن ءتۇيىندى تۇردە ىلگەرىلەتىپ، 10 ميلليارد دارەجەلى ونەركاسىپ باقشاسىن تۇلعالايدى.

  ”وسى ءادىس - امالداردىڭ بارلىعى جوعارى ساپالى ازىق - تۇلىك ونەركاسىبىن دامىتىپ، جەرگىلىكتى ورىننىڭ ەرەكشە ماركاسىن زور كۇشپەن تۇلعالاپ، جەرگىلىكتى ورىننىڭ ’سارا ونىمدەرىنىڭ‘ شيكىزات حاۋىپسىزدىگى مەن كولەمىن قامتاماسىز ەتىپ، ’سارا ونىمدەردى‘ ساتۋعا، ويداعىداي ساتۋعا، ماركالاپ ساتۋعا شىنايى كەپىلدىك ەتىپ، سول ارقىلى التاي ايماعىنىڭ ەگىنشىلىك، باعىمشىلىق، مانەرلەۋ، ساتۋ تۇتاس تىزبەگىنىڭ قاۋىرت دامۋىن جۇزەگە اسىرۋ ءۇشىن“، - دەدى التاي ايماقتىق دامۋ، رەفورما جاساۋ كوميتەتى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشىسى ۋاڭ فاڭ.

  اۋىل شارۋاشىلىعى ەرەكشە ونىمدەرىنىڭ ساپا حاۋىپسىزدىگىن قامتاماسىز ەتۋ ءۇشىن، بيىل 5 - ايدا حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى التاي ايماعى ازىق - تۇلىك، ءدارى - دارمەك تەكسەرۋ ورنىنىڭ تەكسەرۋ، سارالاۋ تۇعىرىن جاڭالاۋ، دارەجەسىن ءوسىرۋ نىسانىن جوبالاپ اتقاردى، سونداي - اق 2021 −2022 − جىلعى ”التاي ايماعى مەن حيلۇڭجياڭ ازىق - تۇلىك تەكسەرۋ - سارالاۋ قۇرىلىمىن جۇپ قۇراپ بىرگە قۇرۋ“ نىسانىن جوبالاپ، جوسپارلاپ، جىل سايىن التاي ايماعىنداعى ازىق - تۇلىك تەكسەرۋ - سارالاۋشى كاسىپتىك تەحنيكالىق قىزمەتكەرلەردى حيلۇڭجياڭ ولكەسىنىڭ ساپا تەكسەرۋ مەكەمەسىنە جىبەرىپ 1 − 2 اي قىزمەتكە ىلەسە ءجۇرىپ تاربيەلەۋ، ۇيرەنۋ ورىستەتىپ، تەكسەرۋ - سارالاۋ قابىلەتىن جوعارىلاتتى.

  ”قازىر ءبىز تۇتاس ايماقتاعى 84 ازىق - تۇلىك ءوندىرۋشى كاسىپورىننىڭ 243 ءتۇرلى ازىق - تۇلىك پارامەترىنە، 94 ءتۇرلى ازىق - تۇلىك ونىمىنە تەكسەرۋ، سارالاۋ جاساي الامىز، ونىمدەر استىقتان مانەرلەنگەن ءونىم، قۋىرىلعان، قاتتى قابىقتى جەمىستەردەن جاسالعان ونىمدەر سياقتى 11 تۇرگە سايادى“، - دەدى التاي ايماقتىق ازىق - تۇلىك، ءدارى - دارمەك تەكسەرۋ ورنىنىڭ باس ينجەنەرى، حيلۇڭجياڭنىڭ شينجياڭعا باعىتتامالى كومەكتەسۋشى مامانى لي جۇنۋي، − ”كەلەسى قادامدا 5000نان ارتىق ازىق - تۇلىك پارامەترىن تەكسەرۋ قابىلەتىمەن قامتۋدى جۇزەگە اسىرامىز“.”كومەك قابىلداعان جەردىڭ ەكونوميكاسىنىڭ جوعارى ساپالى دامۋىن ىلگەرىلەتۋ ءۇشىن، ءبىز تاعى لۇڭتاي زات تاسىمال ارناۋلى پويەزىن جۇرگىزىپ، تەمىر جول تاسىمالىنىڭ وزىندىك قۇنى تومەن بولۋ باسىمدىعىن ساۋلەلەندىرۋ ارقىلى شينجياڭ ەرەكشە اۋىل شارۋاشىلىعى ونىمدەرىن حيلۇڭجياڭعا ساتاتىن، حيلۇڭجياڭنىڭ جاسىل ونىمدەرىن شينجياڭعا اكەلىپ ساتاتىن ۇلكەن اينالىمدى جۇزەگە اسىردىق“. ساۋ چيڭفىڭ بىلاي دەدى: ”ەكى جەردەگى جۇزگە جۋىق ساۋداگەر ۇزاق مەرزىمدىك، ورنىقتى سەلبەستىك قارىم - قاتىناس قالىپتاستىرىپ، ەكى جەردىڭ ءوزارا جەتكىزۋ، ءوزارا ساتۋ، ءوزارا تيىمدىلىك جەتكىزۋىن پارمەندى جەبەپ، كەڭىنەن دوستاسۋ مەن سەلبەستىك جاساپ تەڭ يگىلىككە كەنەلۋ سىندى ءوزارا جەبەۋ ارناسىن قالىپتاستىردى“.

  ”كەلەسى قادامدا شينجياڭعا كومەكتەسۋ قىزمەتىندە ءبىز ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىنا بەلسەندىلىكپەن توعىسۋدى تياناق ەتىپ، شينجياڭنىڭ ەگىنشىلىك، مال شارۋاشىلىق ونىمدەرى بايلىق باسىمدىعى مەن حيلۇڭجياڭنىڭ اۋىل شارۋاشىلىق عىلىم - تەحنيكا باسىمدىعىن ءوزارا ۇشتاستىرىپ، التاي ايماعىنىڭ سۋ ۇنەمدەيتىن اۋىل شارۋاشىلىعىن، قۇرىلعى اۋىل شارۋاشىلىعىن، ەرەكشە مال، قۇس باعىمشىلىعىن، جەمىس ورمان شارۋاشىلىعىن جانە اۋلا ەكونوميكاسىن دامىتۋىنا بەلسەندى كومەكتەسىپ، ەرەكشە باسىمدىققا يە كاسىپ سالاسىن جەتىلدىرىپ، زورايتىپ، ەكى جەردىڭ ەرەكشە اۋىل شارۋاشىلىعى ونىمدەرى ماركاسىن بىرگە تۇلعالاپ، ونىمدەردىڭ بازارداعى ساتىلۋ ارناسىن كەڭەيتىپ، ءار ۇلت بۇقاراسىن كىرىستەرىن ارتتىرىپ، بايۋعا باستايمىز“، - دەدى التاي ايماقتىق پارتكومنىڭ مۇشەسى، التاي ايماقتىق اكىمشىلىك مەكەمەسىنىڭ ورىنباسار ءۋاليى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ ورىنباسار باس قولباسشىسى ۋاڭ يگۋاڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.