تيانشان تورى   ›   ۇيرەنۋ   ›   شولۋ

سەنىمدە بەرىك، پارتياعا ادال بولايىق

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  تاڭداۋلى جاس كادرلاردى باۋلۋ، تاڭداپ ءوسىرۋ عاسىرلىق ۇلى ءىس، پارتيانىڭ تاعدىرىنا، مەملەكەتتىڭ تاعدىرىنا، ۇلتتىڭ تاعدىرىنا، حالىقتىڭ باقىتىنا سايادى. 2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا، باس شۋجي شي جينپيڭ ماڭىزدى ءسوز سويلەپ بىلاي دەپ باسا دارىپتەدى: جاس كادرلار ۇلى داۋىرگە تۋرا كەلدى، ولار پارتيا مەن مەملەكەت ىستەرىن دامىتۋداعى جالىندى كۇش، ءسوز جوق، وزىندىك قابىلەتكە توسەلىپ، جەتىلىمدى جوعارىلاتىپ، سەنىمى بەرىك، پارتياعا ادال بولىپ، ءىس جۇزىندىككە باسا ءمان بەرىپ، شىندىقتى ءىس جۇزىنەن ىزدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، پرينسيپكە تاباندى بولىپ، باتىلدىقپەن كۇرەس جۇرگىزىپ، قاعيداعا قاتاڭ بويسۇنىپ، تومەنگى شەكتەن اتتاماي، شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتىپ، ۇلكەن ىسكە جارامدى، كەلەلى مىندەت ارقالاي الاتىن تىرەكتى دارىندى بولۋعا قۇلشىنىپ، پارتيا مەن حالىقتىڭ ءۇمىتى مەن ماڭىزدى تاپسىرماسىنىڭ ۇددەسىنەن شىعۋ كەرەك.

  جۇڭگو كوممۋنيستىك پارتياسى قۇرىلعان 100 جىلدان بەرى باستان - اياق اسقاق مۇراتى مەن بەرىك سەنىمىن ساقتاپ كەلە جاتقان پارتيا. بۇل مۇرات - سەنىم − ماركسيزم سەنىمى، كوممۋنيزم ۇلى مۇراتى، جۇڭگوشا سوتسياليزم ورتاق مۇراتى. ارىنى اسقاق 100 جىلدىق ساپاردا، جۇڭگو كوممۋنيستىك پارتياسى ماشاقات - قيىندىققا، قاتەر - بوگەتكە جولىقتى، ءولىم - ءومىر سىناعىن باستان كەشىردى، اۋىر قۇرباندىق بەردى، ءبىراق، توڭكەرىستىك مۇراتى اسپاننان دا بيىك بولىپ، مۇرات - سەنىمنىڭ ۇشقىنى تۇتانىسىمەن جويقىن رۋحاني كۇش تۋىنداتتى. پارتيامىزدىڭ توڭكەرىس، قۇرىلىس، رەفورما ۇدەرىسىندە ۇزدىكسىز جەڭىسكە جەتۋىنىڭ ءتۇبىرلى سەبەبى پارمەندى يدەيالىق قارۋدى يگەرىپ، ماركسيزمدىك تۇرعىدان، كوزقاراستان، ادىستەن پايدالانىپ، ماسەلەلەردى دۇرىس تانىپ، ماسەلەلەرگە عىلمي تالداۋ جاساپ، ماسەلەلەردى ءونىمدى شەشە العاندىعىندا. پارتيامىزدىڭ 100 جىلدى باستان وتكەرىپ كەمەل شاعىنا كەلىپ، سان تاۋقىمەتتى باستان وتكەرىپ تولاسسىز تولىسىپ، حالىقتى ىنتىماقتاستىرىپ، باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ اسقاق ەپوس جازۋىنىڭ سەبەبى − ءار ۇرپاق كوممۋنيستەردىڭ اۋەلگى ماقساتتان اينىماۋعا، مۇراتىنان جازباۋعا تاباندى بولىپ، قايسار دا تاباندى مۇرات - سەنىممەن، پارتيا مەن حالىققا شىنايى ادالدىعىن، پارتيا مەن حالىققا دەگەن ادالدىعىن جانە ىستىق سۇيىسپەنشىلىگىن كوكەيدە بەرىك ساقتاپ، ارەكەتتە تياناقتاندىرىپ، پارتيا مەن حالىق ىستەرى ءۇشىن وزىندە باردىڭ بارلىعىن، ءتىپتى قىمباتتى ءومىرىن ارناپ، پارتيانىڭ مۇرات - سەنىمى ءۇشىن قايسارلىقپەن كۇرەس جۇرگىزگەندىگىندە، قاجىماي - تالماي كۇرەس جۇرگىزگەندىگىندە.

  باس شۋجي شي جينپيڭ بىلاي دەپ اتاپ كورسەتتى: ”مۇرات - سەنىم جۇڭگو كوممۋنيستەرىنىڭ رۋحاني تىرەگى جانە ساياسي جانى ءارى پارتيانىڭ ىنتىماعى مەن بىرلىگىن ساقتاۋدىڭ دا يدەيالىق نەگىزى“. پارتيالى كادرلاردا بەرىك مۇرات - سەنىم بولعاندا عانا، ءتۇرلى سىناقتاردان سۇرىنبەي ءوتىپ، نىق قاداممەن الىسقا جەتەدى؛ مۇرات - سەنىم بولماسا نەمەسە مۇرات - سەنىم بەرىك بولماسا، داۋىلدى تولقىنداردىڭ سىنىنان وتە المايدى، شەشۋشى ساتتە، وزىمشىلدىك، بوگدە وي ءورشيدى، ءتىپتى، شەپتەن قاشقالاقتايدى. تاريح پەن اماليات ءبىر ساياسي پارتيادا ۇلى مۇرات پەن اسقاق تالپىنىس بولسا، تاباندى دا پارمەندى بولىپ، المايتىن قامالى بولمايتىندىعىن، جەڭىسكە جەتپەي قويمايتىندىعىن، نە ءبىر ساتسىزدىكتەرگە توتەپ بەرىپ تولاسسىز سەرپىلەتىندىگىن؛ ءبىر كادردا بەرىك مۇرات - سەنىم بولسا، تۇرعىسى بيىك بولىپ، كوكىرەك كوزى اشىلا تۇسەتىندىگىن، دۇرىس ساياسي باعىتقا تاباندى بولىپ، ”بوران - شاشىندا اسقار تاۋداي مىزعىماي تۇرا الاتىندىعىن“ قايتا - قايتا دالەلدەدى. مىنانى، ءسوز جوق، جىعا تانۋ كەرەك، بەرىك مۇرات - سەنىم وپ - وڭاي ءبىر - اق جولدا قالىپتاسا قويمايدى، قايتا كۇرەس امالياتى بارىسىندا ۇزدىكسىز شىڭدالۋعا، سىننان وتۋگە تۋرا كەلەدى. جاس كادرلار مىنانى ەستە بەرىك ساقتاۋ كەرەك: بەرىك مۇرات - سەنىم ومىرلىك تاقىرىپ، ۇنەمى جەتىلدىرىپ، ۇنەمى شىڭداپ وتىرۋ، ءومىر بويى سەنۋ، ءومىر بويى ساقتاۋ كەرەك. كادرلار ءوسىپ - جەتىلەمىن دەيدى ەكەن، ءسوز جوق، وي - ساناسىن اقيقاتپەن قارۋلاندىرىپ، پارتيالىلىق جەتىلىمدى كۇشەيتىپ، سەنىمنىڭ نەگىزىن بەكەمدەپ، رۋحاني كالتسيدى تولىقتاپ، يدەيا تىزگىنىن مىقتى يگەرۋى كەرەك. ماركسيزم جونىندەگى سەنىمدى، جۇڭگوشا سوتسياليزم جونىندەگى ۇستانىمدى ومىرلىك تالپىنىس ەتىپ، ءوز قىزمەت ورنىندا قايسارلىقپەن ايانباي ىستەپ، اسقاق مۇرات ءۇشىن كۇرەسۋ امالياتىن ۇزدىكسىز العا ىلگەرىلەتۋ كەرەك.

  باس شۋجي شي جينپيڭ بىلاي دەپ باسا دارىپتەدى: ” مۇرات - سەنىم بەرىك بولۋ مەن پارتياعا ادال بولۋ تىعىز بايلانىستى. مۇرات - سەنىم بەرىك بولعاندا عانا، پارتياعا ادال بولۋعا بولادى، پارتياعا ادال بولۋ مۇرات - سەنىم بەرىك بولۋدىڭ ەڭ جاقسى تۇسىندىرمەسى“. كادرلاردىڭ مۇرات - سەنىمىنىڭ بار - جوقتىعىن بايقاۋدا، باستىسى، پارتياعا ادال ما، جوق پا دەگەنگە قاراۋ كەرەك. پارتيامىز باسىپ وتكەن جولىندا سان - ساناقسىز ماشاقاتتار مەن قيىندىقتاردى باستان كەشىردى، الايدا، ەشقانداي قيىنشىلىق ءبىزدىڭ ەڭسەمىزدى باسا العان جوق، ەشقانداي جاۋ ءبىزدى كۇيرەتە العان جوق، مۇندا ءبىز سان ميلليونداعان پارتيا مۇشەلەرىنىڭ ادالدىعىنا سۇيەندىك. پارتياعا ادال بولۋ − كوممۋنيستەردىڭ ماڭداي الدى ساياسي قاسيەتى. پارتيالى كادرلاردىڭ پارتياعا ادال، ادال ەمەستىگىن تەكسەرگەندە، توڭكەرىس داۋىرىندە پارتيا مەن حالىق ىستەرى ءۇشىن اتويلاپ الدا جۇرە العان - الماعاندىعىنا، باسىن ءباي تىگە العان - الماعاندىعىنا قارالدى، بەيبىت كەزدە دە ايقىن تەكسەرۋ ولشەمدەرى بار. مىسالى، پارتيانىڭ باسشىلىعىنا تاباندى بولا الدى ما، جوق پا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعادى ما، جوق پا، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاي الدى ما، جوق پا؛ پارتيانىڭ نازارياسى مەن لۋشيان، باعىت - ساياساتىن باتىل دايەكتىلەندىرە، اتقارا الدى ما، جوق پا، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرا الدى ما، جوق پا؛ پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، ساياسيدا اڭعارلى ادام، شىنايى ادام بولا الدى ما، جوق پا؛ پارتيا مەن حالىقتىڭ ىستەرىن بارلىعىنان جوعارى قويۋعا تاباندى بولىپ، ۇيىمنىڭ ۇيعارىمىن سانالى اتقارا الدى ما، جوق پا، ۇيىمنىڭ ورنالاستىرۋىنا بويسۇندى ما، جوق پا، ت. ب، بۇلاردىڭ بارلىعى پارتياعا ادال بولۋدى تىكەلەي سىنايدى. جاس كادرلار وسى ارقىلى ءوزىن تەكسەرۋى، ءاردايىم سالىستىرىپ وتىرۋى، ءوز ارەكەتىمەن امالياتتا ايگىلەۋى، ماڭگى پارتياعا سەنۋى، پارتيانى ءسۇيۋى، پارتيا ءۇشىن ىستەۋى، ءىستىڭ سالماعىن ءبىلىپ، اۋىرىن ارقالاۋى، بەرىلە شوگەلدىكپەن ىستەۋى، قامال الىپ، قيىندىقتاردى جەڭۋى، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن ناتيجە جاراتۋعا قۇلشىنۋ كەرەك.

  قازىر ەكىنشى 100 جىلدىق كۇرەس نىساناسىنا جورىق جاساۋدىڭ دابىلى قاعىلدى. جاڭا تاريحي باستامادا، جاس كادرلار سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، ساياسي قاسيەتتى شىڭداپ، ەرەن ونەردى شىڭداپ، ادال، پاك، بورىش ارقالايتىن ءىس جۇزىندىك ارەكەتتەرى ارقىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن العا ۇمتىلۋى، ەڭبەك قوسىپ، ۇلەس قوسۋى كەرەك.

  (شينحۋا اگەنتتىگىنىڭ 9 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.