مەملەكەت ءتوراعاسى شي جينپيڭ 9 - ايدىڭ 2 - كۇنى كەشتە 2021 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار باس قوسۋىندا بەينە ەكراندا ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
مەملەكەت ءتوراعاسى شي جينپيڭ 9 - ايدىڭ 2 - كۇنى كەشتە 2021 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار باس قوسۋىندا بەينە ەكراندا ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن
شينحۋا اگەنتتىگىنىڭ 9 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 2 - كۇنى كەشتە 2021 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار باس قوسۋىندا بەينە ەكراندا ءسوز سويلەدى.
شي جينپيڭ بىلاي دەپ اتاپ كورسەتتى: قىزمەت وتەۋ ساۋداسى حالىقارالىق ساۋدانىڭ ماڭىزدى قۇرامداس بولىگى جانە حالىقارالىق ەكونوميكا - ساۋدا سەلبەستىگىنىڭ ماڭىزدى سالاسى، جاڭا دامۋ ارناسىن قالىپتاستىرۋ بارىسىندا ماڭىزدى رولعا يە. جۇڭگو جاق ءار جاقپەن بىرگە اشىق سەلبەسۋگە، ءوزارا تيىمدىلىك جاساپ تەڭ يگىلىكتەنۋگە تاباندى بولىپ، قىزمەت وتەۋ ساۋداسىنىڭ دامۋ ورايىنان بىرگە يگىلىكتەنىپ، دۇنيە ءجۇزى ەكونوميكاسىنىڭ قالپىنا كەلۋىن جانە ارتۋىن بىرگە جەبەۋدى قالايدى.
شي جينپيڭ بىلاي دەپ باسا دارىپتەدى: جۇڭگو ەسىك اشۋ دەڭگەيىن جوعارىلاتىپ، بۇكىل ەلدە شەكارا اتتاعان قىزمەت وتەۋ ساۋداسىنىڭ ۇنامسىز ءتىزىمىن اتقارۋدى ىلگەرىلەتىپ، مەملەكەتتىڭ قىزمەت وتەۋ ساۋداسىن جاسامپازدىقپەن دامىتۋدان ۇلگى كورسەتۋ رايونىن قۇرۋ جونىندە ىزدەنىس جاسايدى؛ سەلبەستىك ءورىسىن كەڭەيتىپ، ”ءبىر بەلدەۋ، ءبىر جولدى“ بىرگە قۇرۋشى ەلدەردىڭ قىزمەت وتەۋ كاسىبىنىڭ دامۋىنا قولداۋ كورسەتۋدى ارتتىرىپ، دۇنيە جۇزىمەن جۇڭگونىڭ تەحنيكالىق دامۋ تابىستارىن بىرگە يگىلىكتەنەدى؛ قىزمەت وتەۋ سالاسىنداعى ەرەجەلەر قۇرىلىسىن كۇشەيتىپ، بەيجيڭ سياقتى جەرلەردىڭ حالىقارالىق جوعارى دەڭگەيلى ەركىن ساۋدا كەلىسىمى ەرەجەسىمەن ۇشتاسۋىن، ونى الدىمەن اتقارىپ، الدىمەن سىناق ەتۋىن قولداپ، سيفرلى ساۋدادان ۇلگى كورسەتۋ رايونىن قالىپتاستىرادى؛ ورتا، شاعىن كاسىپورىنداردىڭ جاڭالىق اشا دامۋىنا ۇزدىكسىز قولداۋ كورسەتىپ، جاڭا ءۇش تاقتا رەفورماسىن تەرەڭدەتىپ، بەيجيڭ اكتسيا ساۋدا بازارىن قۇرىپ، قىزمەت وتەۋشى، جاڭالىق اشۋشى ورتا، شاعىن كاسىپورىنداردىڭ نەگىزگى شەبىن قالىپتاستىرادى.
شي جينپيڭ بىلاي دەپ اتاپ كورسەتتى: ءبىز قول ۇستاسا ىندەتكە قارسى اتتانىپ، ۋاقىتتىق قيىندىقتى بىرگە جەڭىپ، بەيبىتشىلىك، دامۋ، سەلبەستىك، تەڭ يگىلىكتەنۋ ”التىن كىلتىن“ قولدانۋعا تاباندى بولىپ، قازىرگى دۇنيە جۇزىلىك ەكونوميكا، حالىقارالىق ساۋدا جانە قارجى قوسۋ ءدوپ كەلىپ وتىرعان ماسەلەلەردى شەشىپ، بىرگە اناعۇرلىم جارقىن بولاشاق اشايىق!
2021 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى 9 - ايدىڭ 2 - كۇنىنەن 7 - كۇنىنە دەيىن بەيجيڭدە وتكىزىلەدى، نەگىزگى تاقىرىبى: ”سيفر ارقىلى بولاشاق اشىپ، قىزمەت وتەۋ ارقىلى دامۋدى جەبەيىك“.
