− جەمىس ورمانى ونىمدەرىن ساتۋ تۋرالى جەلىلەس حابار (3)
انار بۇلت / شينجياڭ گازەتىنىڭ ءتىلشىسى ما ينيڭ
سانجى قالاسى داشيچۇي قالاشىعى يۇيتاڭ قىستاعى چيشين سەلبەستىك كووپەراتيۆىنىڭ مۇشەلەرى ءجۇزىم جيناۋدا (8 - ايدىڭ 30 - كۇنى تۇسىرىلگەن). □ سۋرەتتى حى لۇڭ تۇسىرگەن
قازىرگى كەز شينجياڭدا جەمىس - جيدەكتىڭ حوش ءيىسى اڭقىعان كەز. شارۋالار اتىزدا جەمىس ءۇزىپ، مول ءونىم شاتتىعىنا بولەندى؛ بەيجيڭ، شاڭحاي، گۋاڭجوۋ سياقتى ەلىمىزدىڭ جەر - جەرىندەگى قالالاردىڭ ساۋدا بازارلارىندا شينجياڭنىڭ ساپالى جەمىس - جيدەكتەرى كوزدىڭ جاۋىن الادى.
شينجياڭنىڭ جەمىس - جيدەگى ساپاسىنىڭ جوعارىلىعىمەن اتى شىققان، الايدا جاس كۇيىندە ساقتاۋ مەرزىمى قىسقا بولۋ سەبەبىنەن ساتۋ ارناسى جاعىندا شەكتەمەگە ۇشىراپ كەلگەن. ەلىمىزدىڭ جەر - جەرىندەگى تۇتىنۋشىلاردىڭ شينجياڭ جەمىس - جيدەگىنىڭ ءدامىن ەڭ جاس كەزىندە تاتىپ كورۋىنە مۇمكىندىك جاساۋ ءۇشىن، شينجياڭ حالىقتىق اۆياتسياسى جاعدايعا قاراي ءىس ىستەدى، جاشىك - جاشىك جەمىس - جيدەكتەر ۇزىلە سالىنىسىمەن ۇشاقپەن تاسىلىپ، بۇكىل ەلدەگى بۇقارانىڭ داستارقانىنان ويىپ ورىن الدى.
شينجياڭنان شىققان جەمىس - جيدەك سول كۇنى وتكەرمەلەندى
8 - ايدىڭ 25 - كۇنى قاشقار اۋەجايى 20 توننا شينمەي تيەگەن جۇڭگو وڭتۇستىك اۆياتسيا توبى شەكتى سەرىكتەستىگىنىڭ كەزەكشى ۇشاعى شىنجىنعا قاراي اتتاندى. وسى شينمەيلەر شىنجىنداعى ءارقايسى ەرەن بازارلارعا كۇنبە - كۇن جەتكىزىلەدى.
ساندى مالىمەتتە كورسەتىلۋىنشە، 8 - ايدىڭ 1 - كۇنىنەن 23 - كۇنىنە دەيىن، وڭتۇستىك اۆياتسياسى زات اينالىم شينجياڭ بولىمشە سەرىكتەستىگىنىڭ شينجياڭنان سىرتقا تاسىعان جەمىس - جيدەگى 600 نەشە توننادان اسىپ، سايكەس مەزگىلدەگىدەن ％14 ارتقان.
7 - ايدان بەرى وڭتۇستىك اۆياتسيا تارماق لەنيالى اۋەجايلاردىڭ ءۇرىمجى باعىتىنداعى اۋە لەنيالارىنىڭ ءجيى بولۋى، سونداي - اق ۇرىمجىدەن ەل ىشىندەگى قالالارعا باراتىن سيىمدى ۇشاقتاردىڭ ىسكە كوپ قوسىلۋى باسىمدىعىنان پايدالانىپ، جەر - جەرگە شينجياڭنان شىققان جەمىس - جيدەكتەردى سول كۇنى وتكەرمەلەۋدى جۇزەگە اسىردى.
”جەمىس - جيدەكتى جاس كۇيىندە ساقتاۋدىڭ تالابى جوعارى، ءبىز تاۋاردى مۇمكىندىكتىڭ بارىنشا كەڭ ۇشاققا تيەيمىز“. وڭتۇستىك اۆياتسياسى زات اينالىم شينجياڭ بولىمشە سەرىكتەستىگى ساتۋ ىستەرىن باسقارۋ ءبولىمىنىڭ مەڭگەرۋشىسى فان يۇيدۇڭ بىلاي دەدى: كەزەكتە جەمىس - جيدەك تاسىمالىندا ءبىر ءبولىمى العاشقى جەرىنەن شينجياڭنان سىرتقا تىكە ۇشاتىن كەزەكشى ۇشاقتار ارقىلى كۇنبە - كۇن جەتكىزىلەدى؛ ەندى ءبىر ءبولىمىنىڭ ءۇرىمجى ارقىلى وتكەرمەلەنگەنىن دە سول كۇنى جەتكىزۋگە بولادى. وسىعان بايلانىستى وڭتۇستىك اۆياتسياسى ارناۋلى قامتاماسىز ەتۋ جوباسىن جاساپ، جەمىس - جيدەكتىڭ العاشقى جەرىنەن باستاپ زات جاعدايىن قاداعالاپ، جۇمىس باسىنداعى تاراۋلاردى سايكەستىرىپ، وتكەرمەلەۋ قارقىنىن جەدەلدەتىپ، شىعىندى ازايتۋعا مۇمكىندىك جاسادى.
قازىر شينجياڭداعى ءارقايسى تارماق لەنيالى اۋەجايلاردان ءۇرىمجى ارقىلى وتكەرمەلەنەتىن جەمىس - جيدەك بارعان سايىن كوبەيدى. تەك اقسۋ اۋەجايىنان شىعىپ ءۇرىمجى ارقىلى ەل ىشىندەگى باسقا قالالارعا وتكەرمەلەنەتىن جەمىس - جەيدەكتىڭ كۇندىك ورتاشا تاسىمال مولشەرىنىڭ ءوزى 10 توننادان استى.
”جەمىس - جيدەك ءنومىرلى“ كەزەكشى ۇشاق تۇس - تۇسقا ۇشتى
8 - ايدىڭ 16 - كۇنى 1.5 توننا شينمەي تيەگەن كەزەكشى ۇشاق تۇمشۇقتان گۋاڭجوۋدى بەتكە الىپ ۇشتى، شينجياڭنىڭ جەمىس - جيدەگىن ەڭ جاڭا كۇيىندە تەڭىز جاعالاۋىنداعى قالاعا ەڭ تەز قارقىنمەن جەتكىزىپ بەرەدى.
5 - ايدىڭ سوڭىنان باستاپ، شينجياڭنىڭ جەمىس - جيدەگى ىركەس - تىركەس بازارعا سالىنا باستادى، اۆياتسيا تاسىمالىنىڭ قارقىنى تەز، جەمىس - جيدەكتى مۇمكىندىكتىڭ بارىنشا ەڭ جاس كۇيىندە ساقتاۋداي باسىمدىققا يە بولعاندىقتان، ساۋداگەرلەردىڭ باستى تالعامىنا اينالدى. 5 - ايدىڭ 1 - كۇنىنەن 8 - ايدىڭ 25 - كۇنىنە دەيىن شينجياڭ تيانيۋان حالىقارالىق زات اينالىم شەكتى سەرىكتەستىگىنىڭ تاسىمالداعان جەمىس - جيدەگى 992.89 تونناعا جەتتى.
جەمىس - جيدەكتىڭ ءوتىمدى كەزىندە اۆياتسيا تاسىمالىنان پايدالانۋ ءتيىمدى ورايىن مىقتى يگەرۋ ءۇشىن، كورلا اۋەجايى اۆياتسيا زات تاسىمالى ارناۋلى ۇشاعىن ىسكە قوستى.
4 - ايدىڭ 1 - كۇنى بايىنعولين موڭعۇل اۆتونوميالى وبلىسىندا وندىرىلگەن 1000 جاشىك شەكەرشە پاميدور پوچتا جولداماسى فورماسىندا بەيجيڭگە جىبەرىلدى، بۇل پوچتا EMS ەرەكشە جىلدام جولداماسى ”پاميدور ءنومىرلى“ توتە ۇشاتىن ۇشاقتىڭ تۇڭعىش رەت ۇشىرىلۋى ءارى 2021 - جىلى بايىنعولين وبلىسى اۋىل شارۋاشىلىق قوسىمشا ونىمدەرى بويىنشا ورنالاستىرىلعان اۆياتسيا زات تاسىمال ارناۋلى ۇشاعىنىڭ تۇڭعىش رەت ۇشۋى. 6 - ايدىڭ 8 - كۇنى كورلا اۋەجايى ”بۇگىر ورىگى ءنومىرلى“ اۆياتسيا زات تاسىمال ارناۋلى ۇشاعىن ىسكە قوسىپ، العاشقى توپتاعى ”بۇگىر اۋدانىنىڭ ورىگىن“ بۇكىل ەلدىڭ ءارقايسى ءىرى قالالارىنا جەتكىزدى، وسىدان كەيىن ءار كۇنى ورتا ەسەپپەن 50 نەشە توننا ورىك تاسىمالدانىپ وتىردى. ىلە شالا كورلا اۋەجايى دا ”تيانشان بيڭتاڭ شاپتولى ءنومىرلى“، ”504 جالپاق شاپتول ءنومىرلى“، حوشۇت ”شينمەي ءنومىرلى“، ت. ب اۆياتسيا زات تاسىمال ارناۋلى ۇشاقتارىن ىسكە قوستى.
جۇڭگو پوچتا ىستەرى توبى شەكتى سەرىكتەستىگى بايىنعولين وبلىستىق بولىمشە سەرىكتەستىگى ەرەكشە اۋىل شارۋاشىلىعى ونىمدەرىن اۆياتسيا ارقىلى تاسىمالداۋعا قارجى جاعىنان ارناۋلى تيىمدىلىك جاسادى. قامداۋشى ساۋداگەر، اۋەجاي سياقتى بۋىندارمەن تىعىز سەلبەسۋ ارقىلى تاسىمالداۋ اقىسىن ارزانداتۋ سياقتى جولدارمەن اۋىل شارۋاشىلىعى ونىمدەرىنىڭ ساتىلۋىن جاسىل ارنامەن قامدادى.
كورلا اۋەجايىنىڭ بيىل زاتتى پوچتا فورماسىندا قابىلداۋ - جونەلتۋ مولشەرى 5500 تونناعا جەتىپ، ءۇرتىس 2 اي 1000 توننادان اسىرىپ، اۋىل شارۋاشىلىعى قوسىمشا ونىمدەرىن تاسىمالداۋ مولشەرى 4000 توننادان استامعا جەتتى. جەمىس - جيدەكتى جاس كۇيىندە تاسىمالداۋ بايىنعولين وبلىسىنىڭ اۆياتسيا زات تاسىمالىن دامىتۋ باسەكەسىندەگى جاڭا باسىمدىعىنا اينالدى.
اۋەجاي ماڭى ەكونوميكاسى بازار كومەسكى كۇشىن قاۋلاتتى
8 - ايدىڭ 26 - كۇنى بايىنعولين وبلىسى اۋات ەگىس الاڭىنىڭ قىزمەتكەرى ۋاڭ گۋانسۇن جالپاق شاپتول باعىندا جەمىس اعاشتارىن بۇتاپ، كەلەر جىلى ۇزدىكسىز مول ءونىم الۋعا ويداعىداي دايىندالدى. ۋاڭ گۋانسۇن مەن 4 ەگىنشى وتباسى ارناۋلى سەلبەستىك كووپەراتيۆىن قۇرعان بولاتىن، بيىل وسى سەلبەستىك كووپەراتيۆى 300 نەشە مۋ جەردەگى جالپاق شاپتول باعىنان 120 توننا ءونىم الىپ، ۇزە سالا ۇشاققا تيەپ شينجياڭنان سىرت جەرگە ساتۋدى جۇزەگە اسىردى، وسى جولعى ءونىم جيۋ مەزگىلىندە ولاردىڭ كىرىستەرى ءبىر ميلليون يۋان ارتتى.
سول كۇنى بايىنعولين وبلىسى جياڭتاۋ نۇڭگى ەلەكتروندىق ساۋدا ىستەرى شەكتى سەرىكتەستىگىنىڭ باس ديرەكتورى تاۋ دىڭفىڭ 3 توننا جالپاق شاپتولدى گۋاڭجوۋعا جونەلتتى. ”بيىل سەرىكتەستىگىمىزدىڭ اۆياتسيا تاسىمالى ارقىلى شينجياڭنان شىعارعان جەمىس - جيدەگى سايكەس مەزگىلدەگىدەن ％50 ارتتى، مولشەرىن 400 تونناعا جەتكىزۋدەي ناتيجەگە قول جەتكىزۋدەن ءۇمىت بار“. تاۋ دىڭفىڭ بيىل شامامەن 200 مىڭ يۋان اۆياتسيا زات تاسىمال كومەك قاراجاتىنا يە بولۋ مۇمكىندىگىنىڭ ءوزىن ءتىپتى دە كوڭىلدەندىرىپ وتىرعاندىعىن ايتتى.
ۋاڭ گۋانسۇن مەن تاۋ دىڭفىڭنىڭ كىرىستەرىن ارتتىرۋى بايىنعولين وبلىسىنىڭ اۋەجاي ماڭى ەكونوميكاسىن ورنالاستىرۋىنىڭ ارقاسىندا قولعا كەلدى.
اۋەجاي ماڭى ەكونوميكاسى قۇرىلىسى دامۋىنىڭ ىلگەرىلەۋىنە ساي، كورلا اۋەجايى تۇتاس شينجياڭداعى 2 - توراپتىق اۋەجايعا اينالدى، ول تاڭەرتەڭ شىقسا كەشكە جەتىپ بارۋ سياقتى باسىمدىقتاردى ازىرلەدى. سوڭعى جىلداردان بەرى بايىنعولين وبلىسى تاعى «اۆياتسيا ىستەرىنىڭ دامۋىن جەبەۋدى اتقارۋ پىكىرىن» اقىلداسىپ شىعارىپ، اۆياتسيا بازارىن كۇش سالا جەتىلدىرىپ، ءۇرتىس 3 جىل اۆياتسيا تاسىمالىنا بەرگەن قازىنالىق كومەك قاراجاتى 260 ميلليون يۋانعا جەتتى.
الداعى جەردە كورلا اۋەجايى اۆياتسيا سەرىكتەستىكتەرىن زاتتى پوچتا فورماسىندا جەتكىزۋ اۋە لەنياسىن اشۋىنا بەلسەنە سايكەستىرىپ، جەمىس - جيدەككە سۇرانىسى ەرەكشە رايوندارعا تىكە قاتىنايتىن اۋە لەنياسىن ءتۇيىندى اشىپ، بۇكىل ەلدەگى ماڭىزدى قالالارعا باراتىن اۋە لەنياسىنىڭ، كەزەكشى ۇشاقتاردىڭ تاسىمالدايتىن جەمىس - جيدەك مولشەرىن ۇزدىكسىز ارتتىرادى. سونىمەن بىرگە، اۆياتسيا سەرىكتەستىكتەرىمەن تىعىز بايلانىس جاساپ، ءتيىمدى تاسىمال اقىسىنا قول جەتكىزىپ، زات جەتكىزەتىن زات اينالىمى كاسىپورىندارىنا تاسىمال اقىسى جاعىنان قولداۋ كورسەتەدى.
