− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”بارلىعىندا ءىس جۇزىندىكتى شىعار ءتۇيىن ەتۋگە تاباندى بولۋ ءبىزدىڭ ماسەلەگە وي جۇگىرتۋدەگى، شەشىم جاساۋداعى، ءىس بىتىرۋدەگى شىعار ءتۇيىنىمىز جانە تابان تىرەر تياناعىمىز“، ”ءىس ىستەۋ، ءىستى ۇستىنە الۋ كادرلاردىڭ مىندەت جاۋاپكەرشىلىگىنىڭ تياناعى ءارى قۇن تياناعى“. 2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا، باس شۋجي شي جينپيڭ جاس كادرلاردىڭ وزىندىك قابىلەتكە توسەلىپ، جەتىلىمدى جوعارىلاتۋىنا ايقىن تالاپتار قويدى، ”ءىس جۇزىندىككە باسا ءمان بەرۋ، شىندىقتى ءىس جۇزىنەن ىزدەۋ“، ”باتىلدىقپەن جاۋاپكەرشىلىك ارقالاۋ، ىسكەرلىك كورسەتۋگە شەبەر بولۋ“ مۇنىڭ ماڭىزدى جاعى.
شىندىقتى ءىس جۇزىنەن ىزدەۋ − ماركسيزمنىڭ ءتۇبىرلى كوزقاراسى، جۇڭگو كوممۋنيستەرىنىڭ دۇنيەنى تانۋداعى، دۇنيەنى وزگەرتۋدەگى تۇپكىلىكتى تالابى، پارتيامىزدىڭ نەگىزگى يدەيالىق ءادىسى، قىزمەت ءادىسى، باسشىلىق ءادىسى. ماركسيزمدىك ساياسي پارتيانىڭ ەڭ ماڭىزدى نازاريالىق قاسيەتى − بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، نازاريانى امالياتپەن بىرلەستىرىپ، شىندىقتى ءىس جۇزىنەن ىزدەپ، اماليات بارىسىندا اقيقاتتى سىننان وتكىزىپ جانە دامىتىپ، اماليات نەگىزىندەگى نازاريالىق جاڭالىق اشۋدى ۇزدىكسىز ىلگەرىلەتۋ. داۋىرمەن بىرگە العا باسقان وسى نازاريالىق قاسيەت − پارتيامىزدىڭ قاۋلاعان ومىرشەڭدىك قۋاتىن، جاسامپازدىق قۋاتىن باستان - اياق ساقتاۋىنىڭ تەتىگى. 100 جىلدان بەرى پارتيا حالىققا باسشىلىق ەتىپ قان توگە شايقاس جۇرگىزىپ، قايىسپاس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، گۇلدەنۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، جىگەرلەنە العا ۇمتىلىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. تاريح پەن اماليات مىنانى دالەلدەدى: شىندىقتى ءىس جۇزىنەن ىزدەۋدى ورىنداي الۋ - الماۋ − پارتيا مەن مەملەكەتتىڭ ءتۇرلى قىزمەتتەرىنىڭ ءساتتى - ءساتسىز بولۋىنىڭ تەتىگى. قاي كەزدە نازاريانى امالياتپەن ۇشتاستىرۋعا ويداعىداي تاباندى بولعاندا، پارتيا مەن حالىق ىستەرىندە ۇزدىكسىز جەڭىسكە قول جەتكىزۋگە بولادى؛ كەرىسىنشە بولعاندا، پارتيا مەن حالىق ىستەرى زيانعا ۇشىرايدى، اۋەلى، اۋىر بۇراڭدىلىقتار تۋىلادى. شىندىقتى ءىس جۇزىنەن ىزدەۋ − ماركسيزمنىڭ جاۋھارى، ءبىز بۇرىنعى تابىستاردىڭ بارلىعىنا شىندىقتى ءىس جۇزىنەن ىزدەۋگە سۇيەنىپ قول جەتكىزدىك، بۇگىنگى تاڭدا جاڭا داۋىردەگى جۇڭگوشا سوتسياليزم ىستەرىن ۇزدىكسىز العا ىلگەرىلەتۋدە دە شىندىقتى ءىس جۇزىنەن ىزدەۋگە سۇيەنەمىز.
باس شۋجي شي جينپيڭ بىلاي دەپ اتاپ كورسەتتى: ”ءىس جۇزىندىكتى شىعار ءتۇيىن ەتۋگە تاباندى بولۋدىڭ العى شارتى ءىس جۇزىندىككە ىشكەرىلەي ارالاسىپ، ءىس جۇزىندىكتى ءتۇسىنۋ، وسىلاي ىستەگەندە عانا شىندىقتى ءىس جۇزىنەن ىزدەۋگە بولادى“. ءىس جۇزىندىكتى تۇسىنۋدە تەكسەرۋ، زەرتتەۋ جۇرگىزۋ سىندى نەگىزگى ونەردى يگەرۋ كەرەك، نازاردى تومەنگە اۋدارىپ، تومەنگە بارۋعا تاباندى بولىپ، ۇنەمى ءبىرىنشى شەپكە بارىپ، ءبىرىنشى شەپتە تياناقتاپ، جاعدايدى شىن مانىندە ناقتى، ەگجەي - تەگجەيلى يەلەۋ كەرەك؛ نەگىزگى ساتىعا بارىپ، ونان دا ماڭىزدىسى، زەيىندى نەگىزگى ساتىعا اۋدارىپ، شىن سوزدەردى ەستىپ، شىنايى جاعدايدى تەكسەرىپ، ماسەلەگە شىنايى زەرتتەۋ جۇرگىزۋ، شىنايى ماسەلەگە زەرتتەۋ جۇرگىزۋ كەرەك؛ ىشكەرىلەي تالداۋ جاساۋعا، وي جۇگىرتۋگە كۇش سالىپ، قاۋىزىن تاستاپ ءدانىن الۋ، جالعانىن تاستاپ شىنىن ساقتاۋ، بەر جاعىن بىلگەن سوڭ ار جاعىنا ءۇڭىلۋ، كورىنىسىنەن مانگە ءوتۋ، زاتتاردىڭ ءمانى مەن زاڭدىلىعىن تابۋ، ماسەلەنى شەشۋدىڭ ءادىسىن تابۋ كەرەك. ءبىز شىندىقتى ءىس جۇزىنەن ىزدەۋ سەنىمىن سانالىلىقپەن بەكەمدەپ، شىندىقتى ءىس جۇزىنەن ىزدەۋ قابىلەتىن كۇشەيتىپ، ءار ۋاقىتتا، ءارقانداي ورىندا شىندىقتى ءىس جۇزىنەن ىزدەۋدى ەستە بەرىك ساقتاپ، ارەكەتتە كورسەتىپ، شىندىقتى ءىس جۇزىنەن ىزدەۋدى ءتۇرلى قىزمەتپەن ساباقتاستىرىپ، ۇنەمى، كەڭ كولەمدە، ىشكەرىلەي تەكسەرۋ - زەرتتەۋ جۇرگىزىپ، شىنايى جاعدايلاردى اناعۇرلىم كوبىرەك يگەرۋگە، وبيەكتيۆ زاڭدىلىقتى اناعۇرلىم جەتە تانۋعا قۇلشىنىپ، ءتۇرلى قىزمەتتى جاقسى ىستەۋگە، جاۋاپكەرشىلىك ارقالاپ، ىسكەرلىك كورسەتۋگە مىعىم نەگىز قالاۋىمىز كەرەك.
باس شۋجي شي جينپيڭ بىلاي دەپ باسا دارىپتەدى: ”ءىس جۇزىندىكتى شىعار ءتۇيىن ەتۋگە، شىندىقتى ءىس جۇزىنەن ىزدەۋگە تاباندى بولۋ يدەيالىق ءادىس ماسەلەسى عانا ەمەس ءارى پارتيالىلىقتىڭ كۇشتى بولۋ - بولماۋ ماسەلەسى. قازىرگى كادرلار قوسىنىنىڭ ءىس جۇزىندىگىنەن قاراعاندا، شىندىقتى ءىس جۇزىنەن ىزدەۋگە تاباندى بولۋ شەشۋدى ەڭ قاجەت ەتىپ وتىرعان پارتيالىلىق ماسەلەسى“. كادرلاردىڭ شىندىقتى ءىس جۇزىنەن ىزدەگەن - ىزدەمەگەندىگىنە كوپ جاقتان قاراۋعا بولادى، ەڭ ءتۇبىرلىسى، راس سويلەگەن - سويلەمەگەندىگىنە، شىن سويلەگەن - سويلەمەگەندىگىنە، ناقتى ءىس ىستەگەن - ىستەمەگەندىگىنە، ناقتى ونىمدىلىككە تالپىنعان - تالپىنباعاندىعىنا قاراۋ كەرەك. جاس كادرلار پارتيالىلىق ارقىلى ءوزىن تۇلعالاۋعا، ءىس ىستەۋگە تاباندى بولىپ، شىنايى سويلەۋدى، شىنايى ءىس ىستەۋدى، شىنايى ادام بولۋدى پارتيالىلىق جەتىلىم مەن شىنىعۋدىڭ ماڭىزدى مازمۇنى ەتىپ، باتىلدىقپەن اقيقاتقا تاباندى بولۋ، دەربەس وي جۇگىرتۋگە شەبەر بولۋ، شىندىققا جۇگىنىپ، ناقتى ءىس ىستەۋگە تاباندى بولۋ كەرەك. سونىمەن بىرگە، مىنانى تەرەڭ تانۋ كەرەك: پارتيانىڭ كادرلاردى ءارقايسى قىزمەت ورىندارىنا قويۋى كوپشىلىكتىڭ ءمانساپتى بولىپ، باقىتقا كەنەلۋى ءۇشىن ەمەس، قايتا جاۋاپكەرشىلىك ارقالاپ، ءىس ىستەۋى ءۇشىن بولىپ تابىلادى. رەفورما، دامۋ، ورنىقتىلىق قىزمەتتەرى وسىنشاما كوپ، قىزمەتتى جاقسى ىستەۋدە بارلىعىندا جاۋاپكەرشىلىك ارقالاپ، ىسكەرلىك كورسەتۋ كەرەك. جاۋاپكەرشىلىك ارقالاۋ مەن ىسكەرلىك كورسەتۋ ءبىر تۇلعا، ءىس تىندىرماۋ جاۋاپكەرشىلىك ارقالاماعاندىق، ىسكەر بولۋ ءۇشىن، جاۋاپكەرشىلىك ارقالاۋ كەرەك. ءىس ىستەگەندە قاشاندا حاۋىپ - قاتەر بولادى. حاۋىپ - قاتەر بولعاندىقتان دا جاۋاپكەرشىلىك ارقالاۋ قاجەت بولادى. پارتيا مەن حالىققا پايدالى ءىس بولادى ەكەن، ءبىز قيىنشىلىقتان تايساقتاماۋىمىز، جاۋاپكەرشىلىكتەن جالتارماۋىمىز، جۇرەكتىلىكپەن ىستەۋىمىز، باتىلدىقپەن ىستەۋىمىز كەرەك. جاڭا جاعداي، جاڭا مىندەتتەر الدىندا، ءبىز ”نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلاتىن“ قاھارماندىق ارىندى، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق كۇرەس جىگەردى ساقتاپ، اۋىر مىندەتتى باتىلدىقپەن ارقالاپ، دەن قويا شوگەلدىكپەن ىستەپ، جاڭا داۋىردە، جاڭا ساپاردا پارتيانىڭ، وتاننىڭ ءۇمىتىن اقتايتىن كۇرەس ىزدەرىن قالدىرۋىمىز كەرەك.
ءار ۇرپاقتىڭ ءوز بورىشى، ءار ۇرپاقتىڭ ءوز جاۋاپكەرشىلىگى بولادى. ءبىز تالاي - تالاي اسقار تاۋ، اساۋ وزەندەردەن وتتىك، ءالى دە ۇزدىكسىز تاۋ اسىپ، سۋ كەشۋىمىزگە تۋرا كەلەدى. العا باسۋ جولىندا، پارتيانىڭ سيپاتىن، باس ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، ءىس جۇزىندىككە باسا ءمان بەرىپ، شىندىقتى ءىس جۇزىنەن ىزدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، قاجىماي - تالماي كۇرەس جاساساق، ماڭگى كۇرەس جاساساق، ءسوز جوق، پارتيا مەن حالىق ءۇشىن اناعۇرلىم زور داڭققا قول جەتكىزەتىن بولامىز!
(شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى)
