تيانشان تورى   ›   جاڭالىقتار   ›   ماڭىزدى حابارلار

شي جينپيڭ 6 - كەزەكتى شىعىس ەكونوميكا تالقى مىنبەرى جالپى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى

 

  9 - ايدىڭ 3 - كۇنى مەملەكەت ءتوراعاسى شي جينپيڭ ۇسىنىس بويىنشا بەينە ەكران تاسىلىمەن 6 - كەزەكتى شىعىس ەكونوميكا تالقى مىنبەرى جالپى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 3 - كۇنى ۇسىنىس بويىنشا بەينە ەكران تاسىلىمەن 6 - كەزەكتى شىعىس ەكونوميكا تالقى مىنبەرى جالپى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى.

  شي جينپيڭ بىلاي دەپ اتاپ كورسەتتى: بۇگىن جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە فاشيزمگە قارسى دۇنيە جۇزىلىك سوعىستىڭ جەڭىسكە جەتكەندىگىنىڭ 76 جىلدىعىن ەسكە ءتۇسىرۋ كۇنى. حالىقارالىق قوعام دۇنيە جۇزىلىك 2 - سوعىستىڭ جەڭىسكە جەتۋ جەتىستىگىن باتىل قورعاۋى، تاريحتىڭ شىن بەينەسىن قورعاپ، تاريحتى اينا ەتۋگە، بولاشاق اشۋعا تاباندى بولۋى كەرەك. بيىل 6 - ايدا مەن پۋتين زۇڭتۇڭمەن بەينە ەكراندا ءساتتى ديدارلاسىپ، «جۇڭگو - رەسەي تاتۋ كورشىلىك، دوستىق سەلبەستىك شارتىنىڭ» ۋاقىتى ۇزارتىلعانىن بىرگە جاريالاپ، جۇڭگو - رەسەيدىڭ ستراتەگيالىق ىستەستىگى مەن جان - جاقتىلى ناقتى سەلبەستىگىن كۇشەيتۋ سياقتى كەلەلى ماسەلەلەر جونىندە تىڭ ورتاق تانىمعا كەلدىك، جاڭا داۋىردەگى جۇڭگو - رەسەي جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ قوزعاۋشى كۇشى مىعىم، بولاشاعى كەڭ.

  شي جينپيڭ بىلاي دەپ باسا دارىپتەدى: كەزەكتە دۇنيە ءجۇزىنىڭ ارناسى تەرەڭ وزگەرۋدە، جاڭا تيپتى ايدارشا ۆيرۋس وكپە قابىنۋ ىندەتى بىردە ءورشىپ، بىردە باسەڭدەپ دۇنيە ءجۇزى ەكونوميكاسىنىڭ قالپىنا كەلۋى قيىنعا سوعۋدا. شىعىس سولتۇستىك ازيا ءوڭىرى سەلبەستىگى قاتاڭ سىن - سايىستارعا ءدوپ كەلۋمەن بىرگە، ماڭىزدى ورايعا دا ءدوپ كەلىپ وتىر. ءارقايسى جاقتار ءوڭىردى تياناق ەتىپ، دۇنيە جۇزىنە كوز جىبەرىپ، ۋاقىتتىق قيىندىقتى بىرگە جەڭىپ، دامۋدى بىرگە قاراستىرۋى ءتيىس.

  ءبىز ىندەتتىڭ سىن - سايىستارىنا توتەپ بەرۋ جاعىندا ءوزارا دەم بەرىپ، ۆاكسينا زەرتتەپ اشۋدى، ءوندىرىس سەلبەستىگىن كۇشەيتىپ، حالىقارالىق قوعام ءۇشىن اناعۇرلىم كوپ الەۋمەتتىك ءونىم ازىرلەپ، ۆاكسينانى جانە ۆيرۋستىڭ تەگىن انىقتاۋ ماسەلەسىن ساياسيلاندىرۋعا باتىل قارسى تۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە كۇش سالۋىمىز كەرەك.

  ءبىز ءوزارا پايدا جەتكىزۋ سەلبەستىگىن ىلگەرىلەتۋ جاعىندا ۇزدىكسىز كۇش سالىپ، ”ءبىر بەلدەۋ، ءبىر جولدى“ بىرگە قۇرۋدى ەۆروپا - ازيا ەكونوميكالىق وداعىمەن ءتۇيىلىستىرۋ سەلبەستىگىن تەرەڭدەتىپ، سيفرلى ەكونوميكانىڭ جاڭالىق اشىپ دامۋىن قولداپ، الەمدىك كليمات وزگەرىسىنە بىرگە توتەپ بەرىپ، ءوڭىردىڭ ەكونوميكالىق، قوعامدىق دامۋىن ىلگەرىلەتۋىمىز كەرەك.

  ءبىز ءوڭىردىڭ بەيبىتشىلىگىن، ورنىقتىلىعىن قورعاۋ جاعىندا بىرىككەن كۇش قالىپتاستىرىپ، تىلدەسۋ، بايلانىس جاساۋ ارقىلى الاۋىزدىقتاردى جويىپ، ورتاق تانىم ۇيىستىرىپ، ورتاق، جالپىلىق، سەلبەستىك، باياندى بولعان حاۋىپسىزدىك كوزقاراسىن ورناتىپ، جاراسىمدى دا تىنىش ورتاق مەكەندى قول ۇستاسا قۇرۋىمىز كەرەك.

  شي جينپيڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىق مەرەيتويى، جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. جۇڭگو جاق ءارقايسى جاقتارمەن بىرگە قۇلشىنىپ، شىن مانىندەگى كوپ جاقتىلىقتان جازباي، سەنىمدىلىكتى دارىپتەپ، جاراسىمدىلىققا ۇمتىلىپ، سەلبەستىك جاساسىپ، تەڭ يگىلىككە كەنەلىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ نىساناسىنا قاراي ورنىقتى قاداممەن ارشىنداي العا باسۋدى قالايدى.

  6 - كەزەكتى شىعىس ەكونوميكا تالقى مىنبەرى 9 - ايدىڭ 2 - كۇنىنەن 4 - كۇنىنە دەيىن رەسەيدىڭ ۆلاديۆوستوك قالاسىندا وتكىزىلەدى، تالقى مىنبەرىنىڭ نەگىزگى تاقىرىبى ”دۇنيە ءجۇزى جاعدايىنىڭ وزگەرىسى استارىنداعى قيىر شىعىس جاڭا ورايى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.