تيانشان تورى   ›   ۇيرەنۋ   ›   شولۋ

پرينسيپكە تاباندى بولىپ، باتىلدىقپەن كۇرەس جۇرگىزەيىك

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ”كوممۋنيستەر پارتيالىلىقتى دارىپتەگەندە، پرينسيپتى دارىپتەگەندە، كۇرەستى دارىپتەۋ كەرەك“. 2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ جاس كادرلار پرينسيپكە تاباندى بولىپ، باتىلدىقپەن كۇرەس جۇرگىزۋ كەرەك دەپ ايقىن تالاپ قويدى، ”پرينسيپ ماسەلەسىندە استە ءدۇدامال بولۋعا، استە جول بەرۋگە بولمايدى، ويتپەگەندە پارتيا مەن حالىققا جاۋاپكەرسىزدىك ىستەگەن، ءتىپتى، قىلمىس وتكىزگەن بولادى“، - دەپ اتاپ كورسەتتى، ”كوممۋنيستەردە ءارقانداي ۋاقىتتا دا بۇرىستىققا يلانبايتىن، جىن - شايتاننان قورىقپايتىن، بوركەمىك بولمايتىن قايسارلىق، جىگەر، جۇرەكتىلىك بولۋ كەرەك“، - دەپ باسا دارىپتەدى.

  باتىلدىقپەن كۇرەس جۇرگىزۋ − پارتيامىزدىڭ ايقىن قاسيەتى. پارتيامىز مەملەكەت ىشكى دۇربەلەڭ مەن سىرتقى شاپقىنشىلىققا ۇشىراعان، ۇلت حاۋىپ - قاتەر مەن قيىنشىلىقتا قالعان ساتتە دۇنيەگە كەلگەن، دۇنيەگە كەلە سالىسىمەن كۇرەس جۇرگىزۋ تاڭباسى باسىلدى، باسپ وتكەن جولىندا كۇرەس جۇرگىزۋ بارىسىندا ءومىر سۇرۋگە تالپىندى، دامۋعا قول جەتكىزدى، جەڭىسكە قول جەتكىزدى. جۇڭگو كوممۋنيستىك پارتياسىنىڭ قۇرىلۋى، جۇڭحۋا حالىق رەسپۋبليكاسىنىڭ قۇرىلۋى، رەفورما جاساۋ، ەسىك اشۋدى جولعا قويۋ، جاڭا داۋىردەگى جۇڭگوشا سوتسياليزم ءىسىن ىلگەرىلەتۋدىڭ بارلىعى كۇرەس بارىسىندا دۇنيەگە كەلدى، كۇرەس بارىسىندا دامىدى، كۇرەس بارىسىندا زورايدى. 100 جىلدان بەرى، ءتۇرلى قيىنشىلىق پەن سىن - سايىسقا توتەپ بەرۋ بارىسىندا پارتيامىز ازۋلى جاۋدان تايسالمايتىن، حاۋىپ - قاتەردەن قورىقپايتىن، باتىلدىقپەن كۇرەسەتىن، جۇرەكتىلىكپەن جەڭىسكە جەتەتىن جىگەر مەن قاسيەتتى شىڭدادى، بۇل − پارتيامىزدىڭ ەڭ ايقىن قاسيەتى جانە ەرەكشەلىگى. پارتيامىز كۇرەسكە سۇيەنىپ بۇگىنگە جەتتى ءارى تابيعي تۇردە كۇرەسكە سۇيەنىپ بولاشاققا قول جەتكىزەدى.

  باس شۋجي شي جينپيڭ بىلاي دەپ باسا دارىپتەدى: ”قازىر دۇنيە جۇزىندە 100 جىلدا بولماعان زور وزگەرىس جىلدام دامۋدا، جۇڭحۋا ۇلتىنىڭ ۇلى گۇلدەنۋى شەشۋشى مەزگىلگە ءوتتى، ءبىز ءدوپ كەلگەن حاۋىپ - قاتەرلەر مەن سىن - سايىستار كورنەكتى مولايدى، قاشاندا تىنىش كۇن كورۋدى ويلاپ، كۇرەس جۇرگىزۋگە زاۋقى سوقپاۋ ءىس جۇزىندىككە ۇيلەسپەيدى“. مىنانى تەرەڭ تانىپ جەتۋىمىز كەرەك: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە جەڭىل - جەلپى، قۇر ايعاي - سۇرەنمەن جۇزەگە اساتىن شارۋا ەمەس. ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەستەر جۇرگىزۋ كەرەك. العا باسۋ جولىندا ءبىز ءدوپ كەلەتىن حاۋىپ - قاتەر، سىناقتار تەك بارعان سايىن كۇردەلىلەسە تۇسەدى، ءتىپتى، ويعا دا كەلمەيتىن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل، كەم دەگەندە، ءبىزدىڭ ەكىنشى 100 جىلدىق كۇرەس نىسانانى جۇزەگە اسىرۋىمىزدىڭ جالپى بارىسىمەن بايلانىسىپ جاتادى. وسى ۇلى كۇرەستىڭ ۇزاق ۋاقىتتىلىعىن، كۇردەلىلىگىن، جاپالىلىعىن جىعا تانىپ، كۇرەس جاساۋ جىگەرىن بەكەمدەپ، كۇرەس جاساۋ رۋحىن ساۋلەلەندىرىپ، كۇرەس جاساۋ قابىلەتىن جوعارىلاتىپ، جىگەردى مۇقالتپاي، باتىلدىقپەن اتويلاپ، ەرلىكپەن شايقاسىپ، جەڭىسكە جەتۋ كەرەك. بەينە باس شۋجي شي جينپيڭ تەرەڭ اتاپ كورسەتكەندەي:” بوس قيالدى تاستاپ، كۇرەس جۇرگىزۋگە باتىل بولىپ، پرينسيپ ماسەلەسىندە تيتتەي دە جول بەرمەۋ، سۇيەمدەي جەردى بەرمەۋ، بۇرىن بولىپ كورمەگەن ەرىك - جىگەرمەن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ كەرەك“.

  كوممۋنيستەردىڭ كۇرەسىندە بەتالىس، تۇرعى، پرينسيپ بولادى. باس شۋجي شي جينپيڭ بىلاي دەپ باسا دارىپتەدى: ”پرينسيپكە تاباندى بولۋ كوممۋنيستەردىڭ ماڭىزدى قاسيەتى، ءبىر كادردىڭ تولىمدى - تولىمسىزدىعىن ولشەيتىن ماڭىزدى ولشەم“. كوممۋنيستەر جونىنەن العاندا، ”جاقسى اتتانۋشى مىرزا“ ناعىز جاقسى ادام ەمەس. جاقسى اتتانۋشىلىققا بوي ۇرعان ادامدا كوپشىلدىك بولمايدى، قايتا جەكەشىلدىك بولادى، تۋراشىلدىق بولمايدى، تەك تۇرپايىلىق بولادى، وزىنە جاقسى بولعانىمەن، سالتتى، ءىستى بۇلدىرەدى. پرينسيپكە تاباندى بولۋداعى ۇلكەن بەتالىس − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە مىزعىماي تاباندى بولۋ. العا باسۋ جولىندا جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ وزەكتى مۇددەسى مەن كەلەلى پرينسيبىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىز حالقىنىڭ ءتۇبىرلى مۇددەسىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا زيان جەتكىزەتىن ءار ءتۇرلى حاۋىپ - قاتەر، سىن - سايىستار اتاۋلى بولادى ەكەن، ءبىز، ءسوز جوق، باتىل كۇرەسۋىمىز، جەڭىسكە جەتپەيىنشە تيتتەي دە اۋىتقىماۋىمىز، تيتتەي دە شەگىنبەۋىمىز كەرەك. ۇلكەن دۇرىس پەن ۇلكەن بۇرىس الدىندا پرينسيپتى دارىپتەۋ كەرەك، كىشكەنە ءىس پەن ەلەۋسىز ىستە دە پرينسيپتى دارىپتەۋ ماسەلەسى بار. پارتيانىڭ كادرلارىندا ادىلدىكپەن ءىس ىستەيتىن، قارا قىلدى قاق جاراتىن قالتقىسىز رۋح بولۋ كەرەك، پرينسيپتى دارىپتەۋ، بەتكە قاراماۋ، پارتيالىلىقتى دارىپتەۋ، كوڭىلگە قاراماۋ ءتيىس. ءبىز وي - سانانى ەرەكشە سەرگەك ۇستاپ، تۇرعىدا ەرەكشە بەرىك بولىپ، دۇرىس كۇرەس بەتالىسىن مىقتاپ يگەرىپ، ءار ءتۇرلى كەلەلى كۇرەس سىنىنىڭ الدىندا ”كوشپەلى بۇلت كوزىمىزدى كولەگەيلەيدى دەپ قورىقپاۋىمىز“، ”تۇيدەك بۇلتتار كوشسە دە قايىسپاي تۇرۋىمىز“ كەرەك.

  جۇڭگو كوممۋنيستىك پارتياسى 100 جىلدىق شىڭدالۋدان وتكەن، ۇزاق ۋاقىتتىق، مول كۇرەس اماليات تاجىريبەسى بار ءىرى پارتيا، باتىلدىقپەن كۇرەس جۇرگىزۋ، باتىلدىقپەن جەڭىسكە جەتۋ − جۇڭگو كوممۋنيستىك پارتياسىنىڭ جەڭىمپاز قۇدىرەتتى رۋحاني كۇشى. العا باسۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، تاۋ كەزىكسە جول اشىپ، سۋ جولىقسا كوپىر سالساق بولعانى، پارتيامىز، ءسوز جوق، حالىقتى ىنتىماقتاستىرىپ، باستاپ، ەلەۋلى سىن - سايىستارعا ءونىمدى توتەپ بەرىپ، ەلەۋلى حاۋىپ - قاتەرلەردەن ساقتانىپ، ەلەۋلى كەدەرگىلەردى جەڭىپ، ەلەۋلى قايشىلىقتاردى شەشىپ، ۇلى كۇرەستىڭ جاڭا جەڭىسىنە ۇزدىكسىز قول جەتكىزە بەرەدى!

  (شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.