تيانشان تورى   ›   ۇيرەنۋ   ›   شولۋ

قاعيداعا قاتاڭ بويسۇنىپ، قابىلەتتى كۇشەيتەيىك

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ءمورالدى دا قابىلەتتى بولعاندا عانا، اۋىر مىندەت جۇكتەۋگە بولادى. 2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ جاس كادرلارعا وزىندىك قابىلەتكە توسەلىپ، جەتىلىمدى جوعارىلاتۋ جونىندە ايقىن تالاپ قويدى، مۇندا ”قاعيداعا قاتاڭ بويسۇنىپ، تومەنگى شەكتەن اتتاماۋ“، ”شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتۋ“ ماڭىزدى جاعى بولدى.

  تاريح پەن رەالدىق تۇگەلدەي ءبىر ساياسي پارتيانىڭ، ءبىر مەملەكەتتىڭ ۇزدىك باسشى دارىندىلاردى تاربيەلەپ شىعا الۋ - الماۋى باسىم مولشەردە وسى ساياسي پارتيانىڭ، وسى مەملەكەتتىڭ كوركەيۋىن - قۇلدىراۋىن، ءومىر ءسۇرۋىن - قۇرىپ جوعالۋىن بەلگىلەيتىنىن ايگىلەدى. پارتيامىز ەجەلدەن قابىلەتتىلەردى تاڭداپ، قىزمەتكە تاعايىنداۋعا وسكەلەڭ ءمان بەرىپ، ادام تاڭداۋدى، ادام ىستەتۋدى باستان - اياق پارتيا مەن حالىقتىڭ ىستەرىنە ساياتىن شەشۋشى سيپاتتى، ءتۇبىرلى سيپاتتى ماسەلە رەتىندە مىقتى ۇستاعان. جاڭا داۋىردەگى پارتيانىڭ ۇيىمدىق لۋشيانىندا ءمورالدى دا دارىندى بولۋ، ءمورالدى الدىڭعى ورىنعا قويۋ، جارامدىلاردى قىزمەتكە قويۋعا تاباندى بولۋ باعىتى العا قويىلدى، ياعني كادر تاڭداۋدا، دارىندى ىستەتۋدە احىلاق - ءمورالىنا ءمان بەرۋمەن بىرگە، دارىنىنا دا ەلەۋسىز قاراۋعا بولمايتىندىعى باسا دارىپتەلدى. ەكىنشى 100 جىلدىق كۇرەس نىساناسىنا شەرۋ تارتقان جاڭا ساپاردا تەك جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، ادال، كىرشىكسىز، جاۋاپكەرشىلىكتى ارقالايتىن جوعارى ساپالى كادرلار قوسىنىن قۇلشىنا سومداعاندا عانا، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى ۇيىمدىق كەپىل ازىرلەۋگە بولادى. جاس كادرلار تەك كىرشىكسىزدىك پەن جاۋاپكەرشىلىك ارقالاۋدى، قىزمەتتە تىڭعىلىقتى بولۋ مەن پاك بولۋدى بىرلىككە كەلتىرىپ، قاعيداعا قاتاڭ بويسۇنىپ، تومەنگى شەكتەن اتتاماي، شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتىپ، تۋراشىل، تازا، ىسىلعان بولۋى، ءارى ءىس تىندىرعىسى كەلەتىن، ءىس تىندىرا الاتىن، ءارى ىستەن ناتيجە شىعاراتىن، اعات جىبەرمەۋگە شىنايى كەپىلدىك ەتكەندە عانا، ۇلكەن ىسكە جارامدى، اۋىر مىندەت ارقالاي الاتىن تىرەكتى دارىندى بولىپ شىعىپ، پارتيا مەن حالىقتىڭ ءۇمىتى مەن ماڭىزدى تاپسىرماسىنىڭ ۇددەسىنەن شىعا الاتىن بولادى.

  باس شۋجي شي جينپيڭ بىلاي دەپ اتاپ كورسەتتى: ”ءبىز كوممۋنيستەر كوپشىلدىكپەن ىستەيمىز، ادىلەتتى ساقتايمىز، ەل قامى ءۇشىن تالپىنامىز، كوڭىلگە تۋراشىلدىق ۇيالاتىپ، ىزگىلىك ۇستانىپ، احىلاقتى، بايىپتى بولىپ، قاي - قاشان دا پارتيا مەن حالىقتى كوڭىلدىڭ ەڭ بيىك تورىنە قويىپ، بۇكىل ىنتا - پەيىلىمەن جالپى ءۇشىن ىستەيتىن، تۋراشىلدىقتى ساقتايتىن، مونتازداي كىرشىكسىز ادام بولۋىمىز كەرەك“. بيلىك جۇرگىزۋدىڭ جولى ءوزىن تاربيەلەۋدى نەگىز ەتۋدە. ءوزىن قاتاڭ تاربيەلەگەندە عانا، ءوزىن قاتاڭ تارتىپكە شاقىرا الادى. ءاربىر كادر دۇنيە كوزقاراسىنىڭ، ءومىر كوزقاراسىنىڭ، قۇن كوزقاراسىنىڭ باس تيەگىن مىقتاپ قاتايتىپ، يدەيالىق ويانۋىن، رۋحاني دەڭگەيىن جوعارىلاتقاندا عانا، شىرىكتەسۋگە باتىلدىق ەتە الماۋدان شىرىكتەسۋدى ويىنا الماۋعا وتەدى. پارتياعا ادال بولۋداي ۇلكەن ءمورالدى قاستەرلەپ، باستان - اياق پارتياعا ادال بولۋدى، پارتيانىڭ ىستەرىنە ادال بولۋدى ورىنداپ، بەلدى بەكەم بايلاپ پارتياعا ىلەسۋ، قاي - قاشان دا العان بەتىنەن قايتپاۋ؛ حالىقتى باقىتقا كەنەلدىرۋ سىندى الەۋمەتتىكءمورالدى قاستەرلەپ، حالىق تۇرعىسىندا بەرىك تۇرىپ، باستان - اياق حالىقپەن قيىن - قىستاۋ كۇندەردى بىرگە وتكەرىپ، بەينەتتە دە، زەينەتتە دە بىرگە بولىپ، باتىلدىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، شىن مانىندە حالىقتى باقىتقا كەنەلتۋدى ەڭ ءتۇبىرلى مىندەت جاۋاپكەرشىلىگى ەتۋ؛ ءوزىن قاتاڭ تارتىپكە سالۋ ءمورالىن قاستەرلەپ، بولماشى ىسكە دەيىن ساق بولۋ، جەكە قالعاندا دا تەجەمدى بولۋ، كىرشىكسىز ادام بولىپ، ءىستى كىرشىكسىزدىكپەن ىستەپ، ارداقتى ادام بولۋعا، ناعىز ادام بولۋعا، ءمورالدى ادام بولۋعا، پاسىق نيەتتەن اۋلاق ادام بولۋعا، حالىققا پايدالى ادام بولۋعا قۇلشىنۋ كەرەك. قاعيدانى دارىپتەۋدە، تومەنگى شەكتى ساقتاۋدا، ەڭ اۋەلى، يمەنەتىن كوڭىل كۇي بولۋ كەرەك. كوڭىلىڭ بىردەڭەدەن يمەنەتىن بولسا عانا، سوزىڭدە تەجەم، ارەكەتىڭدە تيىم بولادى. كادرلار، ءسوز جوق، يمەنۋدى ءبىلىپ، جاسقانۋدى ءبىلىپ، تومەنگى شەكتى ساقتاپ، پارتيادان يمەنۋى، حالىقتان يمەنۋى، زاڭ مەن تارتىپتەن يمەنۋى، قاي - قاشان دا يمەنۋدى كوكەيدە ساقتاپ، سىزعىشتى قولىمىزدا ۇستاپ، قاي - قاشان دا بەتالدى بولماۋ، جولدان تايماۋ، قاعيدادان اسپاۋ كەرەك.

  باس شۋجي شي جينپيڭ بىلاي دەپ باسا دارىپتەدى: ”ءبىز بۇرىن بولىپ كورمەگەن وزگەرىس داۋىرىندە تۇرمىز، بۇرىنعىلار ىستەپ كورمەگەن ۇلى ءىستى ىستەۋدەمىز، ءبىلىم جەتكىلىكتى بولماسا، كوز ايا كەڭ بولماسا، قابىلەت كۇشتى بولماسا، ىسكە نۇقسان جەتەدى“. يىعىڭ بولبىر بولسا، اۋىر جۇك كوتەرە المايسىڭ. مەيلى ءىس تىندىرىپ، ناتيجە شىعارۋدا بولسىن، الدە قامال الىپ، قيىندىقتى جەڭۋدە بولسىن، كەڭ يىقتى قاجەت ەتىپ قانا قالماستان، قۇرىش يىقتى دا قاجەت ەتەدى؛ ساياسيدا ىسىلعان بولۋدى قاجەت ەتۋمەن بىرگە، جوعارى قابىلەتتى دە قاجەت ەتەدى. جاس كادرلاردىڭ جىگەر - قايراتى مىعىم، ويى ورامدى، قابىلداۋ قۋاتى كۇشتى، شەبەرلىكتى جەتىلدىرەتىن، دارىنىن وسىرەتىن تاماشا داۋىردە تۇر، ءسوز جوق، ۋاقىتتى قادىرلەپ، ەسىل شاقتى بوس جىبەرمەي، قۇشتارلانا ۇيرەنۋ، ءبىر ءسات تە توقتاماي دەڭگەيدى جوعارىلاتۋ كەرەك. ”ۋاقىت شىعارۋ“ مەن ”ىزدەنۋ“ رۋحىن اسقاقتاتىپ، كىتاپتى كوپ وقىپ، جاقسى كىتاپ وقىپ، كىتاپتان اقىل - پاراسات پەن ءنار قابىلداۋ كەرەك. قىزمەتتىڭ قاجەتىمەن ۇشتاستىرىپ ۇيرەنۋ، نەنى ىستەسە سونى ۇيرەنۋ، نە كەم بولسا سونى تولىقتاۋ كەرەك. ماركسيزم نازارياسىن، اسىرەسە، جاڭا داۋىردەگى پارتيانىڭ جاسامپاز نازارياسىن ۇيرەنىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنىپ، ەكونوميكا، ساياسي، زاڭ، مادەنيەت، قوعام، باسقارۋ، ەكولوگيا، حالىقارا سياقتى ءار جاقتاعى نەگىزدىك بىلىمدەردى ۇيرەنىپ، ءوز قىزمەتىن جاقسى ىستەۋگە قاتىستى جاڭا بىلىمدەردى، جاڭا شەبەرلىكتەردى ۇيرەنىپ، مىندەت اتقارىپ، جاۋاپكەرشىلىكتى ادا ەتۋدە، ءسوز جوق، دايىنداۋعا ءتيىستى ءبىلىم جۇيەسىن ۇزدىكسىز كەمەلدەندىرۋ كەرەك. شىن ءبىلىم امالياتتان كەلەدى، ناعىز دارىن اماليات بارىسىندا جەتىلەدى. ىستەۋ بارىسىندا ۇيرەنۋگە، ۇيرەنۋ بارىسىندا ىستەۋگە تاباندى بولۋ باسشى كادرلاردىڭ ەسەيۋىندەگى، دارىندى بولۋىنداعى، ءسوزسىز، باسىپ وتەتىن جول. جاس كادرلار ناقتى قيمىلعا كوشىپ، اۋىر جۇكتى باتىلدىقپەن ارقالاپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسىپ، بوران - شاشىندى باستان وتكەرىپ، ءومىردى تانىپ، الپارىسا ۇمتىلا ءجۇرىپ قابىلەت - دارىندى ءوسىرىپ، قات - قابات شىنىعۋ بارىسىندا تاجىريبە توپتاپ، شىنداپ كىرىسىپ قابىلەتتى شىڭداپ، ىسىلعان قابىلەت ارقىلى ىسكەرلىكتى ايگىلەۋ، بورىشتى ادا ەتۋ كەرەك.

  جاس كادرلار − پارتيا مەن مەملەكەت ىستەرىنىڭ ءىزباسارى، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتۋ كەرەك. قاعيداعا قاتاڭ بويسۇنىپ، تومەنگى شەكتەن اتتاماي، شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتىپ، ەرىك - جىگەرىن، قايسارلىعىن، ۇستامدىلىعىن ۇزدىكسىز كۇشەيتىپ، ۇزدىكسىز جاڭا ءبىلىم يگەرىپ، جاڭا سالالارمەن تانىسىپ، جاڭا كوز ايانى كەڭەيتكەندە، قالىڭ جاس كادرلار، ءسوز جوق، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن العا ۇمتىلىپ، ەڭبەك ءسىڭىرىپ، ۇلەس قوسىپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن ناتيجەلەردى قۇلشىنا جاراتا الاتىن بولادى.

  (شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.