تيانشان تورى   ›   جاڭالىقتار   ›   سپورت الەمى

توكيو مۇگەدەكتەر وليمپيادا سپورت جارىسى جابىلدى

جۇڭگو ۋاكىلدەر ۇيىرمەسى التىن مەدال تاقتاسىنىڭ، مەدال تاقتاسىنىڭ ەكەۋىندە دە بىردەي ءبىرىنشى بولدى

  شينحۋا اگەنتتىگىنىڭ 9 - ايدىڭ 5 - كۇنى توكيودان بەرگەن حابارى (تىلشىلەر حۋ جيالي، جاۋ جيانتۇڭ). الۋان رەڭدى تورسىلداق ءتۇن اسپانىن نۇرلاندىرىپ، توكيو جاڭا مەملەكەتتىك اتلەتيكا الاڭىنىڭ ىشىندە شام نۇرى شۇعىلا شاشتى، 16 - كەزەكتى جازعى مۇگەدەكتەر وليمپيادا سپورت جارىسى 9 - ايدىڭ 5 - كۇنى كەشتە وسى ارادا جابىلدى، حالىقارالىق مۇگەدەكتەر وليمپيادا كوميتەتىنىڭ ءتوراعاسى اندرەۋ پارسونس، توكيو وليمپيادا سپورت جارىسى ۇيىمداستىرۋ كوميسسياسىنىڭ ءتوراعاسى چياۋبىن شىڭزى جەكە - جەكە ءسوز سويلەدى.

  وسى رەتكى توكيو مۇگەدەكتەر وليمپيادا سپورت جارىسىندا جۇڭگو ۋاكىلدەر ۇيىرمەسى 96 التىن، 60 كۇمىس، 51 قولا مەدال، جيىنى 207 مەدال الۋداي ناتيجەمەن التىن مەدال تاقتاسىنىڭ، مەدال تاقتاسىنىڭ ەكەۋىندە دە بىردەي ءبىرىنشى بولدى.

  مۇگەدەكتەر وليمپيادا سپورت جارىسى جابىلۋ سالتىنىڭ ۇستانىمى ”جاراسىمدىلىق ءۇنى“ بولدى. سول كۇنى كەشتەگى جابىلۋ سالتىنىڭ باستالىمىندا بەينە ەكراندا ءبىر جاپوندىق ۇل بالانىڭ توكيو مۇگەدەكتەر وليمپيادا سپورت جارىسىندا ءومىرىن وزگەرتكەن سانسىز ساتتەرى مەن مۇگەدەكتەر وليمپيادا سپورت جارىسىنداعى سپورتشىلاردىڭ شەكسىز ومىرشەڭدىگىنە كۋا بولعاندىعى بايىمدالدى، ەرەكشە اسەر العان ونىڭ سونان باستاپ مۇگەدەكتەرگە دەگەن تانىمى وزگەرۋمەن بىرگە، ءوزىنىڭ ءومىر كوزقاراسى مەن دۇنيە كوزقاراسى دا وزگەرگەن. سوڭىنان ۇل بالا مۋزيكا ورىنداپ، مۇگەدەكتەر وليمپيادا سپورت جارىسىنىڭ ”حيكىمەتىن“ ءتىپتى دە كوپ ادامعا جەتكىزدى. سونىمەن جابىلۋ سالتى قۋانىشقا تولى ءان - ءبي سالتاناتىنا اينالدى.

  ءارقايسى ۋاكىلدەر ۇيىرمەسىنىڭ تۋ ۇستاۋشىلارى ويناقى مۋزيكا ىشىندە الاڭعا كىردى، توكيودا سەرىكتەرىمەن بىرگە تاريح جاراتىپ كۇمىس مەدال العان ايەلدەر دوڭگەلەكتى ورىندىق باسكەتبول سپورتشىسى جاڭ شۋەمي جۇڭگو دەنە تاربيە ۋاكىلدەر ۇيىرمەسىنىڭ تۋ ۇستاۋشىسى بولدى. 

      جاڭادان تاعايىندالعان حالىقارالىق مۇگەدەكتەر وليمپيادا كوميتەتى سپورتشىلار كوميتەتىنىڭ مۇشەسى جالپى سپورتشىلار اتىنان مۇگەدەكتەر وليمپيادا سپورت جارىسىنداعى ەرىكتىلەردىڭ 6 ۋاكىلىنە ەستەلىك سي بۇيىمىن ۇسىندى.

  ساعات 21دەن 31 مينۋت وتكەندە توكيو قالاسىنىڭ اكىمى شياۋچى بايحىزى مۇگەدەكتەر وليمپيادا سپورت جارىسىنىڭ تۋىن پارسونسقا، ونان پارسونس كەلەر كەزەكتى جازعى مۇگەدەكتەر وليمپيادا سپورت جارىسىن وتكىزەتىن داياشى ەلدىڭ ۋاكىلى، پاريج قالاسىنىڭ باستىعى يدالگوعا تابىستادى.

     ”وسى رەتكى دەنە تاربيە سالتاناتى كەزىندە ءبىز پارىقتارعا قۇرمەت ەتىپ، ادامدىق قاسيەتتىڭ ىزگىلىگىن جەتكىزىپ، الۋان تۇرلىلىكتىڭ بىرلىگىن ايگىلەدىك“، - دەدى پارسونس سوزىندە، - ”وسى رەتكى مۇگەدەكتەر وليمپيادا سپورت جارىسى ارقىلى ساڭلاقتار ارماندارىن جۇزەگە اسىردى، ولاردىڭ سپورت رۋحى تەلەۆيزوردان جارىس كورىپ وتىرعان ادامداردى دا شابىتتاندىردى“.

  ” مۇگەدەكتەر وليمپيادا سپورت جارىسىن وتكىزۋ ارقىلى ءبىز كوپ نەگىزدى، سيىسىمدى بولاشاق قۇرىپ، ادامداردىڭ ءوزارا پارىقتارىن تانۋىنا جانە قولداۋىنا مۇمكىندىك جاساۋعا بەكىندىك“، - دەدى چياۋ بىن شىڭزى، - ”پاريج مۇگەدەكتەر وليمپيادا سپورت جارىسىنىڭ تابىستى بولۋىن شىن جۇرەكتەن تىلەيمىز، دۇنيە ءجۇزىنىڭ جەر - جەرىنەن كەلگەن دەنە تاربيە اۋەسكەرلەرىنىڭ تاعى دا باس قوسۋىن كۇتەمىز“.

  بۇكىل الاڭداعىلار امەريكانىڭ جاز مۋزيكا شەبەرى لوۋيس ارمستروڭنىڭ «نەتكەن تاماشا دۇنيە» اتتى ايگىلى ءانىن بىرگە ورىنداپ، مۇگەدەكتەر وليمپيادا سپورت جارىسىنىڭ نەگىزگى الاۋى باياۋ جابىلىپ، مۇگەدەكتەر وليمپيادا سپورت جارىسىنىڭ قاسيەتتى الاۋى ءسوندى.

  6 ايدان كەيىن مۇگەدەكتەر وليمپيادا سپورت جارىسىنىڭ قاسيەتتى الاۋى بەيجيڭدە تاعى دا تۇتانىپ، وسى ”قوس وليمپيادا قالاسى“ بۇكىل دۇنيە جۇزىندەگى قىسقى مۇگەدەكتەر وليمپيادا جارىسى ساڭلاقتارىنىڭ بەيجيڭدە باس قوسۋىن قارسى الىپ، تاعى دا شۇعىلالى ناتيجەلەر جاراتاتىن بولادى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.