تيانشان تورى   ›   جاڭالىقتار   ›   وقۋ-اعارتۋ

«وقۋ باستاۋدىڭ 1 - ساباعى − توراڭعى رۋحىن» ءبىر ميلليون 500 مىڭ ادام - رەت كوردى

  انار بۇلت / شينجياڭ گازەتىنىڭ ءتىلشىسى ياۋ تۇڭ 9 - ايدىڭ 5 - كۇنى ۇرىمجىدەن حابارلايدى. «وقۋ باستاۋدىڭ 1 - ساباعى − توراڭعى رۋحى» 9 - ايدىڭ 5 - كۇنى ساعات 18دە تىكە تاراتىلىپ، جالپى ءبىر ميلليون 500 مىڭ ادام - رەت كوردى.

  ءبىر ساعاتتان استام تىكە تاراتىلىمدا وقىتۋشىلار، بوتانيكا ماماندارى دالادا عىلمي زەرتتەۋ جۇرگىزۋ، تىكە جالعانىمعا شىعۋ، اقپارات قۇرالدارىمەن ءوزارا اۋىس - كۇيىس جاساۋ تەحنيكاسى سياقتى تاسىلدەرمەن توراڭعى رۋحىن انىق، وبرازدى تۇردە ەل - ءىشى سىرتىنداعى توراپكەرلەرگە، كورەرمەندەرگە كورسەتتى.

  ”مەن لاچين بايەكە اعاي سياقتى وتاندى جان - تانىممەن قىزۋ سۇيەمىن“، ”بۇرماحان مولدو شەشەي بۇرىن مەن اسكەرلىك مىندەت وتەگەن قوسىنمەن ءبىر وتباسىنىڭ ادامدارىنداي بولاتىن“، ”ۋاڭ ۋيدى حوتاندىقتار ’سۋ ءپىرى‘ دەپ ماداقتاسادى“... «وقۋ باستاۋدىڭ 1 - ساباعى − توراڭعى رۋحى» توراپكەرلەردى، كورەرمەندەردى اسەرلەندىردى، توراپكەرلەردىڭ لەبىزى دە اناعۇرلىم كوپ ادامدى اسەرلەندىردى. ءبىر ءتۇپ - ءبىر ءتۇپ توراڭعىنىڭ قايسارلىعى، ءار ۇرپاق شينجياڭدىقتاردىڭ تاپجىلماي قورعاۋى كوپشىلىكتىڭ ”قاجىرلىلىقپەن كۇرەس جاساۋ، ءوزىن تىنباي الۋەتتەندىرۋ، شەكاراعا تامىر تارتۋ، ۇلەس قوسۋعا پەيىل بولۋ“ سىندى توراڭعى رۋحىن شىنايى سەزىنۋىنە مۇمكىندىك تۋدىردى.

  «وقۋ باستاۋدىڭ 1 - ساباعى − توراڭعى رۋحى» نازاردى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىنا شوعىرلاندىرىپ، جۇڭگو كوممۋنيستەرىنىڭ رۋحاني شەجىرەسىنىڭ قۇرامداس ماڭىزدى ءبولىمى بولعان ”توراڭعى رۋحىن“ نەگىزگى تاقىرىپ ەتىپ، سىرتقا قاراتا شينجياڭداعى ءار ۇلت حالقىنىڭ ۇزاق ۋاقىتتان بەرى قالىپتاستىرعان تاماشا رۋحاني بەينەسىن ۇگىتتەپ، ىشكە قاراتا كوپشىلىكتىڭ اناعۇرلىم شەكاراعا تامىر تارتۋ، شەكاراعا ۇلەس قوسۋ سەنىمىن، بەكىمىن قاۋلاتتى.

  بۇل رەتكى تىكە تاراتىلىم قيمىلى ءداستۇرلى ماندەگى ساباقحانادان شىعىپ، توراڭعى وسەتىن قۇمدى ءشول - جازيرانى، تاشقورعان تاجىك اۆتونوميالى اۋدانىنداعى قاھارماننىڭ اتىمەن اتالعان لاچين باستاۋىش مەكتەبىن، 70 جىلدان استام تاريحى ءوردىسى بار شينجياڭ گازەتىنىڭ تاريح سارايىن ”ساباقحانا“ ەتىپ، سەزىنۋ، تەرەڭ شومۋ فورماسى ارقىلى توراڭعى رۋحىنىڭ ءمانىن سەزىندىرەدى. ”بارلىق زاتتى ۇستاز ەتۋگە بولادى، توراڭعى شينجياڭدىقتار رۋحىنىڭ ىقشام كورىنىسى، ءتىپتى، داۋىرلەر بويى شينجياڭدىقتاردىڭ ۇستازى بولىپ كەلەدى“. وسى رەتكى تىكە تاراتىلىمدى بىرلەسىپ تاراتقان شاڭحاي جينشاڭشۋ مادەنيەت دامىتۋ ورتالىعىنىڭ باس ديرەكتورى حۋاڭ نا مىنالاردى ءبىلدىردى: اۆتونوميالى رايون دارەجەلى توعىسپالى اقپارات قۇرالدارى تەحنيكا تۇعىرى ”انار بۇلتتىڭ“ قۋاتتى تەحنيكالىق تىرەكپەن قامداعانىنا العىس ايتامىز، شينجياڭ گازەتى، انار بۇلت كليەنتى سىندى كەڭ ىقپالعا يە جاڭا اقپارات قۇرالدارى تۇعىرىنىڭ مازمۇندى اناعۇرلىم جاقسى ايگىلەۋگە مۇمكىندىك جاساعانىنا العىس ايتامىز.

  ۇعىسۋعا قاراعاندا، بۇل انار بۇلت / شينجياڭ گازەتىنىڭ «وقۋ باستاۋدىڭ 1 - ساباعىن» تۇڭعىش رەت ۇزاق تىكە تاراتۋى ەكەن. ورتالىق بەينە ەكران، دوۋيىن، ميكروبلوك، ءۇنحات بەينە ەكران ءنومىرى، جينرى توۋتياۋ، ايكان شينۋىن، جىبەك جولى قول تەلەفون تۇعىرى، چۋديان، سوۋيۋە سياقتى 20دان استام جاڭا اقپارات قۇرالدارى تۇعىرلارى دەر كەزىندە جالعاپ تاراتىپ، بىردەمدە ينتەرنەتتە قىزۋ اڭىس قالىپتاستىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.