تيانشان تورى
تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

ۇلتتار ىنتىماعى سۇيىسپەنشىلىگى كۇندەلىكتى تۇرمىسپەن توعىستى

تارباعاتاي ايماعى:

ۇلتتار ىنتىماعى سۇيىسپەنشىلىگى كۇندەلىكتى تۇرمىسپەن توعىستى

  انار بۇلت / شينجياڭ گازەتىنىڭ ءتىلشىسى ءرايدا

  9 - ايدىڭ 1 - كۇنى ”مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى جەكە“ سالىقجان يمىن وتباسىنىڭ شاعىن اۋلاسىنا بارعانىمدا، اۋلادان «تارباعاتايىم كورىكتى مەكەنىم» ءانى اۋەلەپ تۇر ەكەن. ”وسى ءان تەكسىندە ايتىلعانداي، مەنىڭ اۋىلىمدا ءار ۇلت اناردىڭ دانىندەي تىعىز ۇيىسقان، ۇلتتار ىنتىماعى سۇيىسپەنشىلىگى ۇرپاقتان - ۇرپاققا جالعاسا بەرەدى“، - دەدى سالىقجان.

  ”ۇلتتار ىنتىماعىنىڭ قۇنارلى توپىراعى“ اتانعان تارباعاتاي ايماعىندا، 29 ۇلت ءبىر قالادا بىرگە تۇرىپ، ءبىر داستارقاننان ءدام تاتىپ، ءبىر مەكەندى بىرگە كوركەيتىپ، ءبىر وتاندى بىرگە ءسۇيىپ، ۇلتتار ىنتىماعى سۇيىسپەنشىلىگىن ءىس جۇزىندىك ارەكەتتەرىمەن جالعاستىرىپ كەلەدى. بۇگىنگى كۇندە تارباعاتاي ايماعىندا ۇلتتار ىنتىماعى گۇلى بارعان سايىن قۇلپىرا شەشەك اتۋدا.

  دانەكەردە جاڭالىق اشىپ، جۇرت تىلەگىن ۇيىستىردى

  شاۋەشەك قىزىل ءۇي مۇراجايىنا كىرسەڭىز، ءبىر - بىرلەگەن مادەني مۇرالار مەن كورمە بۇيىمدار تارباعاتاي تاريحىندا ءار ۇلت حالقىنىڭ ءبىر - بىرىنە قول ۇشىن بەرىپ، ءبىر وتباسىنىڭ ادامدارىنداي بولىپ كەتكەن اسەرلى اڭگىمەلەرىن ايتىپ تۇرعانداي.

  ”ءار جولى كەلىپ ەكسكۋرسيالاعان سايىن رۋحاني تازارۋدان وتەمىن. بالاممەن بىرگە تارباعاتايداعى ۇلتتار ىنتىماعى، العاباسارلىعى تاربيەسى بازالارىن تۇگەلدەي ارالاپ، ۇلتتار ىنتىماعى تاڭداۋلى ءداستۇرىنىڭ ۇرپاقتان - ۇرپاققا جالعاسۋىنا مۇمكىندىك جاسايمىن“، - دەدى 9 - ايدىڭ 1 - كۇنى تۇستەن كەيىن ۇلىن ەرتىپ شاۋەشەك قىزىل ءۇي مۇراجايىن ەكسكۋرسيالاپ جۇرگەن شاۋەشەك قالاسىنىڭ تۇرعىنى ءدىلارا نۇرمامەت.

  اق تەرەك قاراۋىلحاناسى، شاۋەشەك قىزىل ءۇي مۇراجايى، داعۇر ۇلتى سالت - سانا باقشاسى، سىبە ۇلتى مۇراجايى... تارباعاتاي ەرەكشەلىگىندەگى وسى ۇلتتار ىنتىماعى، العاباسارلىعى تاربيەسى بازالارى ءار ۇلت حالقىنىڭ تاريحتى ءتۇسىنىپ، ۇلتتار ىنتىماعى رۋحىنا مۇراگەرلىك ەتەتىن ماڭىزدى تۇعىر سانالادى.

  تارباعاتاي ايماقتىق پارتكومنىڭ مۇشەسى، بىرلىكساپ ءبولىمىنىڭ باستىعى جارقىن جاڭبىرباي بىلاي دەپ تانىستىردى: سوڭعى جىلداردان بەرى تارباعاتاي ايماعى دانەكەردى ۇزدىكسىز جاڭالاپ، فورمانى بايىتىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋدى تىنباي ىلگەرىلەتىپ، ۇلتتار ىنتىماعى، العاباسارلىعى جاعىنداعى ونەگەلى اڭگىمەلەردى ىشكەرىلەي اشىپ، جۇڭحۋا ۇلتى ورتاق تۇلعا تانىمىنىڭ جۇرت جۇرەگىنە تەرەڭ ۇيالاۋىن ۇزدىكسىز ىلگەرىلەتتى.

  قازىرگە دەيىن تارباعاتاي ايماعىنان قۇرىلعان ۇلتتار ىنتىماعىنداعى ۇلگى كورسەتۋ ءتۇيىنى 163، ۇلتتار ىنتىماعى تاربيەسى بازاسى 18، ۇلتتار ىنتىماعى بويىنشا شارۋاشىلىق قۇرۋ، جۇمىستاندىرۋ بازاسى 30، ۇلتتار ىنتىماعىنداعى باقىتتى اۋلا 27؛ قۇرىلعان مەملەكەتتىك ۇلتتار ىنتىماعى، العاباسارلىعىنان ۇلگى كورسەتۋ اۋدانى (قالا) 3، مەملەكەتتىك ۇلتتار ىنتىماعى، العاباسارلىعىنان ۇلگى كورسەتۋ ورنى 2، ايماق دارەجەلى ۇلتتار ىنتىماعى، العاباسارلىعىنان ۇلگى كورسەتۋ ورنى 2288.

  ۇلگىلەر جەتەكشىلىك ەتىپ، دوستىق سۇيىسپەنشىلىكتى جالعاستىردى

  ”جانىمىزدا جۇرگەن ءاربىر ادامنىڭ، ءاربىر وتباسىنىڭ ىنتىماققا قاتىستى ايتىپ تاۋىسقىسىز اڭگىمەسى بار، وسى اڭگىمەلەردەن ءار ۇلت حالقى اراسىنداعى تەرەڭ سۇيىسپەنشىلىكتى اڭعارۋعا بولادى“، - دەدى ءدوربىلجىن اۋدانى ءدوربىلجىن قالاشىعى چياۋدۇڭ الەۋمەتتىك اۋماعىنىڭ تۇرعىنى ما شينحۋا.

  ءار ۇلت شەكارا حالقىمەن تىعىز ىنتىماقتاسىپ شەكارا ءوڭىردى بىرگە قورعاپ، 57 جىلدى ءبىر كۇنگىدەي وتكىزگەن بيڭتۋاننىڭ جۇمىسشى - قىزمەتكەرى ۋي دىيۋ مەن ونىڭ جۇبايى، ءوز شاعىن اۋلاسىندا تاباندىلىقپەن 12 جىل مەملەكەت تۋىن شىعارعان سالىقجان يمىن، 43 جىل شيپاگەر مەيىرىمدىلىگىمەن مال شارۋاشىلىق وڭىرىندە ۇلى سۇيىسپەنشىلىك جىرىن جازعان شيپاگەر وقاس سۇلەيمەن... وسى ۇلتتار ىنتىماعى اڭگىمەلەرى ءار ۇلت حالقىنىڭ جۇرەگىن تەرەڭنەن تەبىرەنتىپ كەلەدى.

  ”قازىر جاتىن ورىن، ىشەر اس، كيەر كيىم دەگەننىڭ ءبارى جاقسى، ناۋقاس كورسەتۋ، بالالاردىڭ وقۋى دەگەننەن الاڭدامايمىز، العىس ايتۋدى ءبىلىپ، وڭاي - وسپاق قولعا كەلمەگەن وسىنداي باقىتتى تۇرمىستى ءىس جۇزىندىك ارەكەتىمىزبەن قورعاپ، جۇڭحۋا ۇلتى ورتاق تۇلعا تانىمىن بەرىك ورناتۋىمىز كەرەك“، - دەدى سالىقجان جاقىنداعى ءبىر جولعى ۇگىت لەكسياسىندا.

  اۆتونوميالى رايوندىق ءمورال ۇلگىسى ما ليانحۋانىڭ وتباسى حانزۋ، حۇيزۋ، قازاق، ورىس، ۇيعۇر، تاتار جانە داعۇر سىندى 7 ۇلتتان قۇرالعان. ”ءبىز ءبىر وتباسىنىڭ ادامدارىمىز، ءبىز جۇڭحۋا ۇلتى ۇلى شاڭىراعىنىڭ ءبىر مۇشەسىمىز“، - دەدى ما ليانحۋا.

  جارقىن بىلاي دەدى: تارباعاتايدا ۋي دىيۋ، سالىقجان، وقاس، ما ليانحۋا سياقتى ۇلتتار ىنتىماعىنداعى، العاباسارلىعىنداعى ۇلگىلەر ساناپ تاۋىسقىسىز.

  قازىر تارباعاتاي ايماعىنان مەملەكەت جانە اۆتونوميالى رايون جاعىنان سيلانعان ۇلتتار ىنتىماعىنداعى، العاباسارلىعىنداعى ۇلگىلى كوللەكتيۆتەن 59ى، ۇلگىلى جەكەدەن 111ى (رەت) بار، وسى ۇلگىلى كوللەكتيۆتەر مەن جەكەلەر وزات ورىن قۇرۋ قيمىلىندا باستاماشىلدىق، جەتەكشىلىك رولدارىن تولىق ساۋلەلەندىردى.

  ءبىر - بىرىنە قول ۇشىن بەرىپ، تۋىسقاندىق سۇيىسپەنشىلىكتى تەرەڭدەتتى

  ساۋان قالالىق حالىق شيپاحاناسىندا ءاربىر جۇمىس ستولىنىڭ ۇستىنە توتەنشە ادەمى رامكامەن رامكالانعان ءۇي ىشىمەن تۇسكەن سۋرەتتەر قويىلعان. سۋرەت جالپى 387 پارشا، ءاربىر سۋرەتتە شيپاحاناداعى ەمدەۋ قىزمەتكەرىنىڭ جۇپ قۇراعان ءار ۇلت تۋىستارىمەن بىرگە بولعان باقىتتى ساتتەرى ەستەلىككە الىنعان.

  شيحۋ قالاسى جيۋجيانلوۋ اۋىلىندا ءبىر بەسىك بار، ”اسىل زات“ سانالعان وسى بەسىكتىڭ اۋىلداعى كورشى - قولاڭدار ارا بىرىنەن ءبىرى الا تۇرىپ پايدالانىپ جۇرگەنىنە 40 نەشە جىل بولدى، وسى بەسىككە حانزۋ، قازاق، ۇيعۇر، حۇيزۋ ۇلتىن قامتىعان 30 ادام جاتقان، كىپ - كىشكەنتاي بەسىكتە كورشى - قولاڭداردىڭ تۋىستىق سۇيىسپەنشىلىگىنە قاتىستى اڭگىمەلەر كوپ.

  قازىر ۇلتتار ىنتىماعى تارباعاتاي حالقىنىڭ تۇرمىسىنىڭ، ءوندىرىسىنىڭ بارلىق جاعىمەن توعىسىپ، ءار ۇلت حالقىنىڭ قان تامىرىمەن بىتە قايناسىپ، ءار ۇلت ءبىر - بىرىمەن بىتە قايناسقان، ءبىر - بىرىنەن ايرىلا المايتىن، بىرگە كوركەيىپ، جەتىستىكتەن بىرگە يگىلىكتەنەتىن جالىندى جاعداي قالىپتاستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.