تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 16 - كەزەكتى مۇگەدەكتەر وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

  16 - كەزەكتى مۇگەدەكتەر وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە:

  16 - كەزەكتى مۇگەدەكتەر وليمپيادا سپورت جارىسىندا، ۇيىرمەدەگى بارلىق جولداستار ءبىر نيەتپەن ىنتىماقتاسىپ، مۇگەدەك سپورتشىلار قايسارلىقپەن سايىسىپ، 96 التىن مەدال، 60 كۇمىس مەدال، 51 قولا مەدال الۋداي ۇزدىك ناتيجەگە قول جەتكىزىپ، دەنە تاربيە ناتيجەسى مەن رۋحاني وركەنيەتتەن بىردەي مول تابىسقا جەتىپ، وتانعا جانە حالىققا جاڭا داڭق اپەردى. پارتيا ورتالىق كوميتەتى، مەملەكەتتىك كەڭەس سىزدەردى قىزۋ قۇتتىقتايدى جانە سىزدەردەن شىنايى حال سۇرايدى!

  وسى كەزەكتى مۇگەدەكتەر وليمپيادا سپورت جارىسىندا، سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، بورىش ارقالاۋ، ەرلىكپەن كۇرەسۋ رۋحىن اسقاقتاتىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ جارىسقا دايىندالۋعا، جارىسقا قاتىناسۋعا جاساعان قاتاڭ سىن - سايىسىن جەڭىپ، باتىلدىقپەن وزىپ شىعىپ، ەرلىكپەن اتويلاپ الدا ءجۇرىپ، جارىسقا قاتىناسۋ مىندەتىن تابىسپەن ورىنداپ، جاڭا داۋىردەگى ەلىمىزدىڭ مۇگەدەك سپورتشىلارىنىڭ ەڭ جوعارى شەككە سايىس جاريالاۋ، جىگەرلەنە العا ىلگەرىلەۋ، قايسارلىقپەن سايىسۋداي رۋحاني كەلبەتىن تولىق ايگىلەپ، ەلىمىزدىڭ مۇگەدەكتەر سپورتىنىڭ قارىشتاپ دامىعاندىعىن جاندى بەينەلەدىڭىزدەر. سىزدەردىڭ تاماشا بەينەلەرىڭىز قالىڭ مۇگەدەكتەرگە ۇلگى بولىپ، مۇگەدەكتەر وليمپيادا ىستەرىنە سالتانات قوسىپ، وتانعا داڭق اپەردى. سىزدەردىڭ ۇزدىك ناتيجەلەرىڭىز ەل ءىشى - سىرتىنداعى جۇڭحۋا ۇلاندارىنىڭ وتاندى ءسۇيۋ قىزۋ ىنتاسىن ونان ارى تاسقىنداتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ىنتىماقتاسا كۇرەس جۇرگىزۋىنە، زەيىن - زەردەنى، كۇش - قۋاتتى شوعىرلاندىرۋىنا رۋحاني كۇش ۇستەدى. وتان مەن حالىق سىزدەردى ماقتانىش ەتەدى جانە سىزدەردى داڭق سانايدى!

  كەزەكتە پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى تاسقىنداعان قايراتپەن ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدا. سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مۇگەدەكتەر دەنە تاربيەسىنىڭ داڭقتى ءداستۇرىن ۇزدىكسىز اسقاقتاتىپ، داندايسۋدان، ۇشقالاقتىقتان اۋلاق بولىپ، كۇش ۇستىنە كۇش قوسىپ، قالىڭ مۇگەدەكتەردى ءوزىن قۇرمەتتەپ، وزىنە سەنىپ، ءوزىن كۇشەيتىپ، ءوزىن الۋەتتەندىرىپ، سىن - سايىسقا ەرلىكپەن توتەپ بەرىپ، بەلسەندىلىكپەن ساۋىعىپ، دەنە شىنىقتىرىپ، قوعامعا اناعۇرلىم جاقسى ارالاسىپ، تۇرمىستا قايراتتى جانداردان بولىپ، تاماشا ءومىر ورنەكتەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءتىپتى دە زور كۇش قوسۋعا شابىتتاندىرۋلارىڭىزدى جانە ىنتالاندىرۋلارىڭىزدى ءۇمىت ەتەمىز.

  وتان مەن حالىق سىزدەردىڭ امان - ەسەن، ءساتتى ورالۋلارىڭىزدى كۇتەدى!

  جۇڭگو كوممۋنيستىك پارتياسى ورتالىق كوميتەتى

مەملەكەتتىك كەڭەس          

  2021 - جىلى 9 - ايدىڭ 5 - كۇنى

  (شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.