تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

【ۇلتتار ىنتىماعىنىڭ بەرەكەلى شاڭىراعى】 گۇلنۇر مۇقامەت: سۇيىسپەنشىلىك ارقىلى مەيىرباندىق جىرىن جازدى

  التاي ايماعى قابا اۋدانى اقشي قالاشىعىندا ٴبىر ”ەرەكشە انا“ بار. كوپ جىلدىڭ الدىندا ”شەشە“ دەپ شاقىرۋدان ونىڭ ٴبىر قىزى كوبەيدى، بۇل”ەرەكشە انانىڭ“ اتى گۇلنۇر مۇقامەت، ول ٴوزىنىڭ شىنايى سۇيىسپەنشىلىگى ارقىلى ”ۇلتتار ىنتىماعىنىڭ بەرەكەلى شاڭىراعىن“ امالياتتا ايگىلەپ، مەيىرباندىق ماداق جىرىن جازدى.

  9 – ايدىڭ 2 – كۇنى جاڭا وقۋ ماۋسىمى باستالعاننان كەيىن، گۇلنۇر مۇقامەتتىڭ قىزى مالينا باستاۋىش مەكتەپتىڭ 6 – جىلدىعىنا وقۋعا ٴتۇستى. ۋاقىت زىمىراپ ٴوتىپ، ەرلى – زايىپتى ەكەۋىنىڭ دەن قويا قارايلاسۋىندا مالينا 12 جاسقا كەلدى. سول جىلى مالينانى باۋىرىنا باسقان ىستەردى تىلگە العاندا، گۇلنۇر مۇقامەتتىڭ ەسىندە بارلىعى ٴالى انىق ساقتاۋلى.

  2011 – جىلى 5 – ايدىڭ 11 – كۇنى قالاشىق ساقشى بولىمشەسىندە مىندەت وتەپ جاتقان گۇلنۇر مۇقامەت ٴبىر كىشكەنتاي قىز بالانىڭ ٴۇيىن تابا الماعاندىعى جونىندەگى ساقشىعا مالىمدەۋ تەلەفونىن تاپسىرىپ الادى. ناق مايدانعا بارعاننان كەيىن، ول تەلەفون شالعان بالانىڭ 2 جاستان اسقان قىز بالا ەكەنىن، تۇلا بويى جاڭبىر سۋىنا مالشىنىپ، دىرىلدەپ - قالشىلداپ تۇرعانىن كورەدى. گۇلنۇر مۇقامەت ونى ساقشى بولىمشەسىنە ەرتىپ كەلىپ، كيىمىن الماستىرادى. وسىدان كەيىن گۇلنۇر مۇقامەت بالانىڭ قامقورشىسىن تاۋىپ، بالانىڭ اتىنىڭ مالينا ەكەنىن، اكە – شەشەسى ول تۋعان 3 اي كەزىندە اجىراسىپ كەتىپ، قازىر جاسى ەگدەلەگەن اتا – اپاسىنىڭ قولىندا ەكەنىن بىلەدى. گۇلنۇر مۇقامەت كەتپەكشى بولعاندا مالينا ونىڭ قولىن ۇستاپ جىبەرمەي: ”شەشە، كەتپەڭىزشى، مەنى تاستاپ كەتپەڭىز“، - دەيدى. مالينا گۇلنۇر مۇقامەتتى ٴوزىنىڭ شەشەسى دەپ تانيدى، بالانىڭ ”شەشە“ دەپ قايتا – قايتا شاقىرعان بالاۋسا ءۇنى گۇلنۇر مۇقامەتتىڭ جۇرەگىن ەرىتىپ، مالينانى قىزىم دەپ تانۋعا بەكيدى.

  ”نانا، مەن كەتپەيمىن، تەك سەن ماقۇل بولساڭ بولدى، مەن ساعان شەشە بولايىن“. وسىنداي ۋادەنى ايتقاننان كەيىن، گۇلنۇر مۇقامەت شەشە بولۋ جاۋاپكەرشىلىگىن ارقالادى. اتاسى قايتىس بولعاننان كەيىن، مالينانىڭ اكەسى سىرتتا جۇمىس ىستەپ، 80 جاستان اسقان اجەسى جىل بويى توسەك تارتىپ جاتىپ قالادى، گۇلنۇر مۇقامەت قىزمەت قاربالاس بولسا دا ۋاقىت شىعارىپ، ۇنەمى ماليناعا قارايلاسىپ، كيىم - كەشەك، ۇيرەنۋ بۇيىمدارىن ساتىپ الىپ بەرىپ، ساباعىنا جەتەكشىلىك ىستەدى، تاعى ۇنەمى مالينانىڭ ۇيىنە بارىپ ٴۇي شارۋاسىن ىستەپ، ٴۇي تازالاۋ، قارياعا قارايلاسۋ، تاماق جاساۋ، كىر جۋۋ سياقتىلارعا كومەكتەستى.

  گۇلنۇر مۇقامەت بىلاي دەدى: ”ناناعا قارايلاسقان كەزىمدە ٴوزىمدى دە باقىتتى سەزىندىم. ۇيگە قايتىپ كەلگەننەن كەيىن، ونىڭ مەنى ’شەشە‘ دەپ شاقىرعانى، مەكتەپتەگى قىزىق ىستەردى ماعان ايتقانى، ٴبىزدى باقىت سەزىمىنە بولەدى“.

  تالاي جىلدان بەرى، گۇلنۇر مۇقامەت ىلگەرىندى – كەيىندى قابا اۋداندىق ”ەڭ سۇيىكتى كەدەيلەردى سۇيەمەلدەۋشى ايەل “، قابا اۋداندىق ۇلتتار ىنتىماعى، العاباسارلىعىنداعى وزات جەكە، قابا اۋداندىق 7 – كەزەكتى ۇلتتار ىنتىماعى، العاباسارلىعىنداعى وزات جەكە، التاي ايماقتىق ۇلتتار ىنتىماعى، العاباسارلىعىنداعى وزات جەكە، التاي ايماقتىق ”ەڭ تاڭداۋلى وتباسى“، التاي ايماقتىق 6 – كەزەكتى ٴمورال ۇلگىسى، التاي ايماقتىق 1 – كەزەكتى وركەنيەتتى وتباسى داڭقتى اتاعىن الدى، 2018 – ، 2019 – جىلدارى ٴۇرتىس 2 جىل اۆتونوميالى رايوندىق وزات جەكە بولىپ باعالاندى.

ەرىكتى تىلشىلەر: بىرلىك جۇمار، جيا لۋشين

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.