تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ باستاۋىش مەكتەپ وقۋشىلارى ”وقۋ باستاۋداعى العاشقى ساباقتى“ زەيىن قويا تىڭدادى

  انار بۇلت / شينجياڭ گازەتىنىڭ تىلشىلەرى رىن حۋا، شىن زۋشياۋ، ەرىكتى ءتىلشى يە سۇي 9 - ايدىڭ 6 - كۇنى ۇرىمجىدەن حابارلايدى. ”جاڭا داۋىردەگى ورەندەر مەن بالالار كىشكەنتايىنان اۆانگاردتاردان ۇيرەنىپ، ەرجەتكەندە اۆانگارد بولىپ، ۇلتتى گۇلدەندىرۋ كەلەلى مىندەتىن ارقالاي الاتىن ءداۋىردىڭ جاڭا ادامدارى بولىپ جەتىلۋگە قۇلشىنۋ كەرەك“. 9 - ايدىڭ 6 - كۇنى جايناعان بەس جۇلدىزدى قىزىل تۋدىڭ تۇبىندە، ءۇرىمجى قالاسى 38 - باستاۋىش مەكتەپتىڭ بارلىق وقىتۋشى - وقۋشىلارى مەكتەپ پارتيا ياچەيكاسىنىڭ شۋجيى دۇڭ ۋي سويلەگەن ”وقۋ باستاۋداعى العاشقى ساباقتى“ زەيىن قويا تىڭدادى. جاڭا وقۋ ماۋسىمى باستالعاننان بەرى رايونىمىزدىڭ جەر - جەرىندەگى باستاۋىش مەكتەپتەر ۇگىت لەكسيا، مەملەكەت تۋىن شىعارۋ سالتى، نەگىزگى تاقىرىپتىق اترەت كۇنى، كلاس جيىنى قيمىلى، يدەيا - ساياسي ساباق سياقتى كوپ ءتۇرلى فورمالارمەن ”وقۋ باستاۋداعى العاشقى ساباقتى“ ورىستەتىپ، قالىڭ وقۋشىلاردى باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن جاقسى ءبىلىم الىپ، دارىندى بولىپ ەرجەتۋگە تاربيەلەدى، جەتەكتەدى.

  وقۋ باستالعان العاشقى كۇنى قۇمىل قالالىق 1 - باستاۋىش مەكتەپ ”پارتيا الاڭسىز بولسىن، مەملەكەتتى قۇدىرەتتەندىرۋگە مەن ات سالىسامىن“ دەگەن نەگىزگى تاقىرىپتا 2021 - جىلعى كۇزگى وقۋ ماۋسىمىنىڭ ”وقۋ باستاۋداعى العاشقى ساباعى“ مەن ”مەملەكەت تۋى استىندا ەسەيۋ“ نەگىزگى تاقىرىبىندا وقۋ باستاۋداعى العاشقى يدەيا - ساياسي ساباقتى ورىستەتتى ءارى مەملەكەت تۋىن شىعارۋ سالتىن وتكىزدى. مەكتەپ پارتيا ياچەيكاسىنىڭ شۋجيى ياڭ تيڭچاۋ بارلىق وقىتۋشى - وقۋشىلارعا بەس جۇلدىزدى قىزىل تۋدىڭ حيكاياسىن اڭگىمەلەپ، بالالارعا پارتيانىڭ 100 جىلدىق كۇرەس بارىسىن ءتۇسىندىرىپ، ۇلى پارتيا قۇرۋ رۋحىن اسقاقتاتتى. پارتيانىڭ قىزىل بارىسى بالالاردى بارىنشا جەلپىندىردى. ”ءبىز وتاننىڭ گۇلىمىز، وتاننىڭ كەلەشەگىمىز، ءبىزدىڭ قابىلەتىمىز كۇشەيسە، وتان اناعۇرلىم قۇدىرەتتەنەدى. مەن باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، جاقسى وقىپ، مەملەكەتكە جارامدى ادام بولۋعا بەل بايلايمىن“، - دەدى وسى مەكتەپتىڭ وقۋشىسى ءمۇناۋار مامەت.

  كۇشار قالاسى ۇزىن قالاشىق سەنترلى باستاۋىش مەكتەبى وتانشىلدىق تاربيەنى كۇشەيتۋ ارقىلى ”وقۋ باستاۋداعى العاشقى ساباقتى“ اسا تارتىمدى باستادى. مەكتەپ ”وتانعا قۇرمەت“ نەگىزگى تاقىرىبىندا وتانشىلدىق تاربيەسىن ”وقۋ باستاۋداعى العاشقى ساباقتىڭ“ ماڭىزدى مازمۇنى ەتىپ، بالالاردى دۇرىس ءومىر كوزقاراسى مەن قۇن كوزقاراسىن ورناتۋعا جەتەكتەدى. ”’وقۋ باستاۋداعى العاشقى ساباق‘ قيمىلى ارقىلى مەن بۇگىنگى باقىتتى تۇرمىسىمىزدىڭ وڭاي - وسپاق قولعا كەلمەگەندىگىن بارىنشا سەزىندىم، ءسوز جوق، جاقسى وقىپ، ەسەيگەندە وتاننىڭ ءۇمىتىن اقتايمىن“، - دەدى وسى مەكتەپتىڭ 5 - جىلدىق (2) كلاسىنىڭ وقۋشىسى ابدۇعاني زىبايدوللا.

  فۋكاڭ قالالىق 1 - باستاۋىش مەكتەپ ”ساۋات اشۋ، زەردەنى وياتۋ، ءمورالدى بولۋ“ كۇزگى وقۋ ماۋسىمى ”وقۋ باستاۋداعى العاشقى ساباعىن“ ورىستەتتى، جەلبىرەگەن بەس جۇلدىزدى قىزىل تۋ بالالاردىڭ كوڭىلىن تاسقىنداتتى، ”پارتيا الاڭسىز بولسىن، مەملەكەتتى قۇدىرەتتەندىرۋگە مەن ات سالىسامىن“ كلاس جيىنىنا قاتىناسقاننان كەيىن، وسى مەكتەپتىڭ وقۋشىسى يان زىيۇي بىلاي دەدى: ”كىشكەنتايىمىزدان تاريحتى ءبىلىپ، پارتيانى ءسۇيىپ، تاريحتى ءبىلىپ، وتاندى ءسۇيىپ، جاقسى وقىپ، كۇن سايىن تالپىنىپ، ەسەيگەندە وتان قۇرىلىسىنىڭ تىرەكتى دارىندىلارى بولامىز“.

  موڭعۇلكۇرە اۋداندىق 3 - ورتا مەكتەپتىڭ باستاۋىش بولىمىندە، يدەيا - ساياسي ساباق وقىتۋشىسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، وقۋشىلاردى جۇڭگو كوممۋنيستىك پارتياسىنىڭ ءارقايسى تاريحي مەزگىلدەردە قول جەتكىزگەن ۇلى تابىستارى مەن توپتاعان قىمباتتى تاجىريبەلەرىن قايتالاي ەسكە الۋعا جەتەكتەدى. وسى مەكتەپتىڭ 6 - جىلدىق (5) كلاسىنىڭ وقۋشىسى ايالا بىلاي دەدى: ”’وقۋ باستاۋداعى العاشقى ساباق‘ ارقىلى ءبىز مىنانى ءتىپتى دە تەرەڭ سەزىندىك، اعا بۋىندارىمىز قاجىماي - تالماي كۇرەس جۇرگىزگەندىكتەن دە وتان گۇلدەنىپ، كوركەيدى، قۇدىرەتتەندى. ءبىز اعا بۋىندار رۋحىنا ۇزدىكسىز مۇراگەرلىك ەتىپ جانە جالعاستىرىپ، ءداۋىر جۇكتەگەن بورىشتى ارقالاپ، قۇلشىنا ۇيرەنىپ، ەسەيگەندە وتان قۇرىلىسىنا كۇشىمىزدى قوسۋىمىز كەرەك“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.