− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
جۇڭحۋا ۇلتىنىڭ ۇلى گۇلدەنۋىن جۇزەگە اسىرىپ، جۇڭگوشا سوتسياليزمگە تاباندى بولۋ مەن ونى دامىتۋدىڭ تەتىگى پارتيادا، تەتىگى حالىقتا، تۇپتەپ كەلگەندە، تالاي ۇرپاق سەنىمدى ءىزباسارلاردى جەتىلدىرىپ شىعارۋدا.
2021 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا، باس شۋجي شي جينپيڭ جاس كادرلارعا ”سەنىمى بەرىك، پارتياعا ادال بولۋ، ءىس جۇزىندىككە باسا ءمان بەرۋ، شىندىقتى ءىس جۇزىنەن ىزدەۋ، باتىلدىقپەن جاۋاپكەرشىلىك ارقالاۋ، ىسكەرلىك كورسەتۋگە شەبەر بولۋ، پرينسيپكە تاباندى بولۋ، باتىلدىقپەن كۇرەس جۇرگىزۋ، قاعيداعا قاتاڭ بويسۇنۋ، تومەنگى شەكتەن اتتاماۋ، شوگەلدىكپەن ۇيرەنىپ، قاجىرلىلىقپەن جاتتىعۋ، قابىلەتتى كۇشەيتۋ“ ايقىن تالابىن ورتاعا قويىپ، جاس كادرلاردى ءىرى ىسكە جارامدى، اۋىر مىندەت ارقالاي الاتىن تىرەكتى دارىندى بولۋعا قۇلشىنىپ، پارتيا مەن حالىقتىڭ ءۇمىتى مەن كەلەلى تاپسىرماسىنىڭ ۇددەسىنەن شىعۋعا ىنتالاندىردى. باس شۋجي شي جينپيڭنىڭ ىقىلاستى تاپسىرماسى قالىڭ جاس كادرلاردى يدەيا مەن قىزمەتتىڭ ءىس جۇزىندىگىمەن تىعىز بايلانىستىرىپ، نازاريا ۇيرەنۋدى كۇشەيتىپ، پارتيالىلىق جەتىلىمدى جوعارىلاتىپ، ساياسي قاسيەتتى شىڭداپ، ەرەن قابىلەت شىڭداپ، ادال، كىرشىكسىز، جاۋاپكەرشىلىك ارقالايتىن ءىس جۇزىندىك ارەكەتتەرى ارقىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن العا ۇمتىلۋعا، ەڭبەك ءسىڭىرىپ، ۇلەس قوسۋعا شابىتتاندىرۋدا جانە ىنتالاندىرۋدا.
100 جىلدان بەرى، پارتيامىز اۋەلگى ماقساتتى، بورىشتى امالياتتا ايگىلەۋدى مۇرات ەتىپ، حالىقتى ىنتىماقتاستىرىپ، باستاپ ۇلى جول اشىپ، ۇلى ىستەردى جاراتىپ، ۇلى تابىستارعا قول جەتكىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى. 100 جىلدان بەرى سان ۇرپاق جۇڭگو كوممۋنيستەرى ۇلتتىڭ تاۋەلسىزدىگى مەن حالىقتىڭ ازاتتىعىن قولعا كەلتىرۋ، مەملەكەتتىڭ بايۋىن، قۇدىرەتتەنۋىن جانە حالىقتىڭ باقىتىن جۇزەگە اسىرۋ ءۇشىن، الدىڭعىلاردىڭ ءىزىن كەيىنگىلەر باسىپ، قان كەشە شايقاس جۇرگىزىپ، قاجىرلىلىقپەن كۇرەسىپ، قالتقىسىز ءوزىن ارناپ، ايبىنى اسقاق قاھارماندىق جىرىن جازدى. پارتيامىزدىڭ باستان - اياق قۇدىرەتتى جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ساقتاپ، توڭكەرىس، قۇرىلىس، رەفورما ىستەرىن دامىتۋدا بەرىك تىرەك بولىپ، حالىقتى ىنتىماقتاستىرىپ، باستاپ ءتۇرلى ماشاقاتتاردى، قيىندىقتاردى، قاتەرلەردى، كەدەرگىلەردى جەڭىپ، جەڭىستەن سوڭ جەڭىسكە قول جەتكىزە الۋىنداعى ءبىر ايرىقشا ماڭىزدى سەبەپ، اۋىر مىندەت ارقالاي الاتىن كادرلار قوسىنىن جەتىلدىرىپ شىعارۋعا ەرەكشە ءمان بەرگەندىگىندە.
قازىر دۇنيە جۇزىندە 100 جىلدا بولماعان زور وزگەرىس جىلدام قۇبىلۋدا، جۇڭحۋا ۇلتىنىڭ ۇلى گۇلدەنۋى شەشۋشى مەزگىلگە ءوتتى. العا ىلگەرىلەۋ جولىندا، ءبىز ءدوپ كەلەتىن ءتۇرلى كۇرەستەر قىسقا مەزگىلدىك ەمەس، ۇزاق مەزگىلدىك، از دەگەندە بىزبەن ەكىنشى 100 جىلدىق كۇرەس نىساناسىن جۇزەگە اسىرۋىمىزدىڭ تۇتاس بارىسىندا بىرگە بولادى. ۇلى كۇرەستەردى جۇرگىزىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرۋدا، ءسوز جوق، ۇلى ينجەنەريا جۇرگىزىپ، بولاتتاي بەرىك سەنىمگە، بولاتتاي بەرىك نانىمعا، بولاتتاي بەرىك تارتىپكە يە، بولاتتاي بەرىك جاۋاپكەرشىلىك ارقالايتىن كادرلار قوسىنىن جەتىلدىرىپ شىعۋ كەرەك. جاس كادرلار جونىنەن ايتقاندا، تەك سەنىم بەرىك، پارتياعا ادال بولىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيا رولىن مىقتى ۇستاعاندا عانا، ءتۇرلى سىناقتاردان سۇرىنبەي ءوتىپ، نىق قاداممەن الىسقا جەتىپ، اسقاق مۇرات ءۇشىن كۇرەسۋدىڭ امالياتىن ۇزدىكسىز العا ىلگەرىلەتەتىن بولادى؛ تەك ءىس جۇزىندىككە باسا ءمان بەرىپ، شىندىقتى ءىس جۇزىنەن ىزدەپ، بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، شىندىقتى ءىس جۇزىنەن ىزدەۋدى قىزمەتتەرمەن ساباقتاستىرعاندا عانا، زاتتىڭ ءمانى مەن زاڭدىلىعىن تابا الاتىن، ماسەلەنى شەشۋدىڭ ءادىسىن تابا الاتىن بولادى؛ تەك باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، ءىستىڭ قيىنىنان قاشقالاقتاماي، ادىلەت جولىندا جاۋاپكەرشىلىكتەن تايساقتاماي، جۇرەكتىلىكپەن ىستەگەندە، باتىلدىقپەن ىستەگەندە عانا، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن ناتيجەلەردى جاراتا الادى؛ تەك پرينسيپكە تاباندى بولىپ، باتىلدىقپەن كۇرەسىپ، ”كوشپەلى بۇلت كوزىمىزدى كولەگەيلەيدى دەپ قورىقپاي“، ”تۇيدەك بۇلتتار كوشسە دە قايىسپاي تۇرعاندا“ عانا، كوممۋنيستەردىڭ بۇرىستىققا يلانبايتىن، ”جىن - شايتاننان“ قورىقپايتىن، بوركەمىك بولمايتىن قايسارلىعىن، جىگەرىن، جۇرەكتىلىگىن ايگىلەي الادى؛ تەك قاعيداعا قاتاڭ بويسۇنىپ، تومەنگى شەكتەن اتتاماي، كوڭىلگە تۋراشىلدىق ۇيالاتىپ، ىزگىلىك ۇستانىپ، احىلاقتى، بايىپتى بولىپ، ءوزى تۋراشىل، ءوزى كىرشىكسىز، ءوزى ىسىلعان بولعاندا عانا، كوپشىلدىكپەن ىستەيتىن، ادىلەتتى ساقتايتىن، ەل قامى ءۇشىن ىستەيتىن بولادى؛ تەك شوگەلدىكپەن ۇيرەنىپ، قاجىرلىلىقپەن جاتتىعىپ، قابىلەتتى كۇشەيتىپ، مىندەت اتقارىپ، جاۋاپكەرشىلىك ادا ەتۋدە ءسوزسىز قاجەتتى ءبىلىم جۇيەسىن ۇزدىكسىز كەمەلدەندىرىپ، ساياسيدا ىسىلعاندا جانە ەرەك قابىلەتتى بولعاندا عانا، پارتيا مەن حالىق جۇكتەگەن كەلەلى مىندەتتى ارقالاي الاتىن بولادى.
باس شۋجي شي جينپيڭ بىلاي دەپ باسا دارىپتەدى: ”پىشاق قايراقپەن قايرالادى، ادام ىسپەن شىنىعادى، بوران - شاشىندى باستان وتكىزبەسە، ىستىق - سۋىقتى باستان وتكىزبەسە جارامدى بولىپ شىعۋ قيىن“. جاس كادرلاردىڭ ەسەيۋىندە توتە جول جوق، تەك قاتاڭ يدەيالىق شىڭدالۋدان، ساياسي شىنىعۋدان، امالياتتىق شىنىعۋدان، ماماندىق جاتتىعۋدان ءوتىپ، كۇردەلى دە قاتاڭ كۇرەس بارىسىندا بوران - شاشىندى باستان وتكىزىپ، ىستىق - سۋىقتى باستان وتكىزىپ، قايسارلىقتى شىڭداعاندا عانا، شىن مانىندە مازداعان وتتىڭ سىنىنان وتكەن ساپ التىنعا اينالۋعا بولادى. اماليات مىنانى دالەلدەدى: قيىنشىلىق سونشاما زور، قايشىلىق سونشاما كوپ جەرلەردە، جاعداي سونشاما قاتاڭ، احۋال سونشاما كۇردەلى كەزدەردە جۇرەكتىلىك، ەرىك - جىگەر سونشا جەتىلەدى، دارىن سونشا ۇشتالادى، كۇرەسكە تولى جاڭا داۋىردە، قايراتتانا العا ىلگەرىلەگەن جاڭا ساپاردا، جاس كادرلار قاسقايىپ ساپار شەگىپ، اۋىر مىندەتتى جۇرەكتىلىكپەن ارقالاپ، جانتالاس بارىسىندا دارىندى جەتىلدىرىپ، قات - قابات شىنىعۋ بارىسىندا تاجىريبە جيناقتاپ، قابىلەتتى شىنداپ كىرىسىپ جەتىلدىرىپ، ىسىلعان قابىلەتپەن ىسكەرلىك كورسەتۋ، بورىشتى ادا ەتۋ كەرەك.
جۇڭگو كوممۋنيستىك پارتياسى جۇڭحۋا ۇلتىنىڭ ۇلى گۇلدەنۋ ماڭگىلىك ءىسىن مۇرات ەتىپ، 100 جىلدىق دەر شاعىنا تۋرا كەلدى. وتكەن 100 جىلدا، پارتيا حالىققا، تاريحقا ۇزدىك جاۋاپناما تاپسىردى. قازىر پارتيا حالىقتى ىنتىماقتاستىرىپ، باستاپ جاڭا ەمتيحان بەرۋ جولىنا شىقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى، بورىشتى ەستە بەرىك ساقتاپ، مۇرات، سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، قامال الىپ، قيىنشىلىقتاردى جەڭىپ، قاجىرلىلىقپەن ىستەپ، ناقتى ىستەپ، قاجىماي - تالماي كۇرەس جۇرگىزسەك، ءبىز، ءسوز جوق، ۇزدىكسىز جاقسى ناتيجەلەرگە قول جەتكىزىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەستەر قوسا الاتىن بولامىز.
(شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى)
