تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

حوتاننىڭ نان كاسىبى سالاسىنىڭ جاڭا بيىگىن قالىپتاستىرۋىنا دەم بەردى

تيانجين:

حوتاننىڭ نان كاسىبى سالاسىنىڭ جاڭا بيىگىن قالىپتاستىرۋىنا دەم بەردى

□ انار بۇلت / شينجياڭ گازەتىنىڭ ءتىلشىسى ءپاريزات ابدۇل

  8 - ايدىڭ 16 - كۇنى كەريا اۋدانى مۇعاللا قالاشىعىنداعى ”مييۇي ءدامدى نانى“ كەدەيلەردى سۇيەمەلدەۋ بازاسىنا بارساڭىز، ناننىڭ ءيىسى مۇرىن جارادى، وسى قالاشىقتىڭ جىڭىشكە ارىق قىستاعىنىڭ تۇرعىنى ءمامتىمىن ابدۇعاني قىزمەت كيىمىن كيىپ، ۇن يلەپ، نان جاۋىپ قاربالاستىققا ءتۇستى. ”مەن كۇنىنە 500 نەشە نان جابامىن، ءار ايلىق كىرىسىم 4000 يۋان اينالاسىندا، كۇندەرىم وتە ماعىنالى ءوتىپ جاتىر“، - دەدى ءمامتىمىن ماقتانىشپەن.

  نان − شينجياڭداعى ءار ۇلت بۇقاراسىنىڭ ءداستۇرلى ءدامدى تاعامى، ونان دا ماڭىزدىسى، جەدەل تەبىندەپ كەلە جاتقان كاسىپ سالاسىنىڭ ءبىرى.

  حوتان ايماعىنىڭ كەريا اۋدانىن باعىتتامالى سۇيەمەلدەۋ بارىسىندا تيانجين قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابى ناندى ارقاۋ ەتە وتىرىپ، جۇمىسقا كىرىستى. 2019 - جىلى تيانجين قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابى 4 ميلليون يۋان قارجى توپتاپ، حۋاشي حۇيتۇڭ (تيانجين) قامداۋ تىزبەگىن باسقارۋ شەكتى سەرىكتەستىگىن ەنگىزىپ، كەريا اۋدانى مييۇي ءدامدى نانى مادەنيەت جاسامپازدىعى دامىتۋ شەكتى جاۋاپكەرشىلىك سەرىكتەستىگىن قۇرىپ، جەرگىلىكتى ورىننىڭ نان كاسىبى سالاسىن بىتىراندى، شاعىن كولەمدە شارۋاشىلىق جۇرگىزۋدەن بىرتىندەپ شوعىرلى، كولەمدەنگەن دامۋ جولىنا ءتۇسىردى.

  ”نان كاسىبى سالاسىنىڭ دامۋى وسىزاماندانعان ءوندىرىس فورماسى مەن ولشەمدەنگەن ءونىم ساپاسىن قاجەت ەتىپ قانا قويماستان، تاعى عىلمي، ءونىمدى كاسىپ سالاسى ۇلگسىن دە قاجەت ەتەدى“، − دەدى كەريا اۋدانى مييۇي ءدامدى نانى مادەنيەت جاسامپازدىعى دامىتۋ شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى سۇن لياڭ.

  سۇن لياڭ بىلاي دەپ تانىستىردى: ناننىڭ ءدامى ءتىل ءۇيىرىپ قانا قويماي، ونىڭ حيكاياسى دا جەتەرلىك. مۇندا جاڭا ءونىمدى زەرتتەپ اشۋمەن قاتار، كەريا اۋدانى مييۇي ءدامدى نانى مادەنيەت جاسامپازدىعى دامىتۋ شەكتى جاۋاپكەرشىلىك سەرىكتەستىگى جەرگىلىكتى ورىننىڭ ەرەكشە مادەنيەتىن كادەگە جاراتىپ، حيكاياسىندا جاڭالىق اشىپ، ۇلتتار ۇلى ىنتىماعى، شينجياڭعا كومەكتەسۋ حيكاياسى، حوتاننىڭ كوركەم كورىنىستەرى، ءداستۇرلى شەبەرلىك جانە ۋانفاڭ يۇيتيان سىندى جەلىلەس ونىمدەردى قالىپتاستىرىپ، 6 ءىرى جەلىدەگى 50 نەشە ءتۇرلى نان ءونىمىن ىركەس - تىركەس زەرتتەپ اشتى. قازىر ”مييۇي ءدامدى نانى“ شينجياڭ اۋەجاي توبىمەن جانە ءۇرىمجى جوعارى جىلدامدىقتى تەمىر جول ۆوكزالىمەن سەلبەستىك ورناتىپ، بۇكىل شينجياڭداعى 22 اۋەجايدا جانە ءۇرىمجى جوعارى جىلدامدىقتى تەمىر جول ۆوكزالىندا تۇگەلدەي ارناۋلى ساتۋ دۇكەنىن قۇردى.

  تيانجين قالاسى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كەدەيلىكتەن ارىلتۋدىڭ جەتىستىكتەرىن بەكەمدەۋدى، كەڭەيتۋدى، جەرگىلىكتى ورىننىڭ ءوزىن دامىتۋ قابىلەتىن كۇشەيتۋدى مىقتاپ ارقاۋ ەتىپ، باستاماشى كاسىپورىندارعا سۇيەنىپ، حوتان ايماعىنىڭ بايلىق قاينارى قابىلەتىمەن جانە بازار قاجەتىمەن ۇشتاستىرا وتىرىپ، نان كاسىبى سالاسىنىڭ دامۋىن بار كۇشپەن ىلگەرىلەتىپ، بۇقارانىڭ كىرىستى ارتتىرىپ بايۋىن جەبەپ، نان كاسىبى سالاسىنىڭ جاڭا بيىگىن قالىپتاستىرۋعا دەم بەردى.

  بۇگىنگى كۇندە ”مييۇي ءدامدى نانى“ بۇكىل ەلدە ءوتىمدى بولىپ قانا قويماي، حوتان ايماعىنىڭ تانىسقىسىنا اينالدى، تاعى جەرگىلىكتى ورىنداعى 700 كەدەي وتباسىن يگىلىكتەنۋگە باستادى.

  كەريا اۋدانى مۇعاللا قالاشىعى گوزا قىستاعىنىڭ تۇرعىنى ءالي ابدۇعانيدىڭ ناۋايشىلىق ونەرى اتا - باباسىنان جالعاسقان، بازاردا ءوز ۇيىندە جاپقان ناندى ساتۋدان نان دۇكەنىن اشقانعا دەيىن كىرىسى تۇراقتى بولماي كەلگەن، كەيدە ءبىر كۇن جاپقان نانىن ىلعي 3 تە 4 كۇندە ارەڭ ساتىپ بولاتىن.

  ”مييۇي ءدامدى نانى“ كەدەيلەردى سۇيەمەلدەۋ بازاسى قۇرىلعاننان كەيىن، ناۋايشىلىق ونەرى بار ءالي تىزىمدەلىپ كىردى. ”بۇل اراعا كەلگەننەن كەيىن، مەنىڭ نان جابۋ شەبەرلىگىم نەداۋىر جوعارىلادى. قازىر ورنىقتى كىرىسىم بار، ۇيىمە جاڭا جيھازداردى ساتىپ الدىم، تۇرمىسىمدا ۇلكەن وزگەرىس تۋىلدى“، - دەگەندە ءاليدىڭ جۇزىنەن باقىت كۇلكىسى ەستى.

  ”مييۇي ءدامدى نانى“ كەدەيلەردى سۇيەمەلدەۋ بازاسىندا كۇنىنە 80 مىڭ نان جابىلادى، تۇرلىشە دامدەگى ناندارعا تاعى راۋشان گۇلى توسابى، قىزىل بۇرىش توسابى، جاڭعاق ءدانى، ءپيننا توسابى قاتارلىلاردى پايدالانۋ قاجەت ەتىلەدى. كۇنىنە جۇمسالاتىن ماتەريال 3000 كيلوگرامعا جەتىپ، جەرگىلىكتى ورىنداعى ءبيداي، راۋشان گۇلى، جاڭعاق سىندى داقىلداردىڭ ساتىلىمىنا تۇرتكى بولىپ، ەگىمشىلىككە ات سالىسقان شارۋالار وتباسىنىڭ جان باسىندىق ورتاشا كىرىسى 800 يۋان ارتتى.

  ”’مييۇي ءدامدى نانى‘ كەدەيلەردى سۇيەمەلدەۋ بازاسى قالىڭ ساياحاتشىلاردىڭ مىندەتتى تۇردە باراتىن جەرىنە اينالدى، كەلەسى قادامدا ءبىز كەڭەيتىپ سالاتىن 2 - مەرزىمدىك زاۆودتا قولونەردى سەزىنۋ اۋماعى قوسىلىپ، ساياحاتشىلاردىڭ نان جاساۋ بارىسىن تىكەلەي سەزىنۋىنە مۇمكىندىك جاساپ، نان مادەنيەتىنىڭ كەرەمەتىن جاقىننان سەزىندىرەتىن بولامىز“، - دەدى سۇن لياڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.