تيانشان تورى   ›   جاڭالىقتار   ›   شينجياڭ حابارلارى

ايبىندى سەرتىن ىستىق قانىمەن امالياتتا ايگىلەدى

  رىن چاڭجۇي:

  ايبىندى سەرتىن ىستىق قانىمەن امالياتتا ايگىلەدى

  □ انار بۇلت / شينجياڭ گازەتىنىڭ ءتىلشىسى حان چين − يان

  2013 - جىلى 4 - ايدىڭ 23 - كۇنى رىن چاڭجۇي سودىرلارمەن ايانباي ايقاسۋ بارىسىندا باقىتقا قارسى ەرلىكپەن قۇربان بولىپ، 34 جاسىندا ومىرىمەن قوشتاستى.

  سول جىلى قوعام حاۋىپسىزدىگى مينيسترلىگى جاعىنان رىن چاڭجۇيگە مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى اتاعى تولىقتاپ بەرىلدى، اۆتونوميالى رايون جاعىنان توڭكەرىستىك قاھارمان دەپ بەكىتىلدى.

  اتويلاپ الدا جۇرۋگە ۇمتىلىپ، ىستىق قانىمەن ادالدىق رۋحتى سومدادى

  ساقشى بولعانىنا 8 جىل بولعان رىن چاڭجۇي قىمباتتى ءومىرى ارقىلى كوممۋنيستىك پارتيا مۇشەلەرىنىڭ اۋەلگى ماقساتىن امالياتتا ايگىلەپ، حالىق ساقشىلارىنىڭ حالىق ءۇشىن ىستەۋ سىندى ايبىندى سەرتىن امالياتتا ايگىلەدى.

  2013 - جىلى 4 - ايدىڭ 23 - كۇنى ساعات 13تەن 30 مينۋت مولشەرىندە مارالباسى اۋداندىق قوعام حاۋىپسىزدىگى مەكەمەسى سەرىقبۇيا قالاشىعى ساقشى بولىمشەسىنىڭ باستىعى رىن چاڭجۇي يەڭىبازار الەۋمەتتىك اۋماعىنىڭ حالىق ساقشىسى جاڭ ليشاننىڭ: ”ءبىز قاراستى اۋماقتا شارلاۋدا جۇرگەندە 7 بوتەن ادامدى بايقاپ، قالاشىق ساقشى بولىمشەسىنە اپارار جولدا كەدەرگىگە ۇشىرادىق“دەگەن تەلەفونىن قابىلدايدى.

  تالاي جىلدىق قىزمەت تاجىريبەسىنە سۇيەنگەن رىن چاڭجۇي ماسەلە شىققانىن سەزەدى. ول ءبىر جاعىنان، حالىق ساقشىسى ليۋ مۋدى كومەكشى ساقشىلاردى ەرتىپ جاڭ ليشانمەن كەزدەسۋگە ورنالاستىرسا، ەندى ءبىر جاعىنان، جۇمىستا جۇرگەن حالىق ساقشىلارىنا ساقشى كولىگىن ايداپ دەرەۋ ءىس تۋىلعان جەرگە بارۋدى تاپسىرادى.

  قارسى جاقتىڭ ادامى كوپ، سول جەردىڭ وزىندە ءبىر جايلى ەتۋدىڭ قيىن ەكەنىن ويلاعان رىن چاڭجۇي سەرىقبۇيا قالاشىعىنىڭ ساياسي - زاڭ كادرى ءمۇتالىپ مامەت پەن قالاشىق ساقشى بولىمشەسىنىڭ ساياسي تاربيەشىسى ءمامتىمىن وبۇلعا تەلەفون شالىپ، كولىك ورنالاستىرىپ ادامداردى اكەتۋدى وتىنەدى ءارى كومەكشى ساقشىلاردى قالاشىق ۇكىمەتى اۆتوكولىكتەرىنىڭ الدىنان شىعۋعا ورنالاستىرادى.

  ناقتى ورىنعا بارعاننان كەيىن، رىن چاڭجۇي اۋلاعا اتىلىپ كىرىپ باسقا حالىق ساقشىلارىمەن بىرىگىپ كۇدىكتىلەردى شاۋجايلاپ، ادامداردى قالاشىق ساقشى بولىمشەسىنە تاپتەشتەي تەكسەرۋگە اپارماقشى بولادى.

  وسى ساتتە كەنەتتەن قولىنا پىشاق، بالتا ۇستاعان 5 سودىر قاقپادان باسا − كوكتەي كىرەدى. سودىرلار قۇتىرعان حايۋانداي رىن چاڭجۇيگە ۇمتىلادى، ول سودىرلارعا ەڭ سوڭعى وقتى اتقان سوڭ، ءوزى ەرەكشە سۇيەتىن قوعام حاۋىپسىزدىگى قىزمەتىمەن ماڭگى قوشتاسادى.

  رىن چاڭجۇي قۇربان بولعاننان كەيىن، قوعام حاۋىپسىزدىگى حالىق ساقشىلارى تەز ارادا وسى رەتكى اۋىر زورلىقتى كۇش لاڭكەستىك دەلوسىن اشكەرەلەپ، زورلىقتى كۇش لاڭكەستىك توبىنىڭ 25 مۇشەسىن تولىعىمەن قولعا تۇسىرەدى.

  قيىن - قىستاۋ ساتتە جاۋاپكەرشىلىگىن ايگىلەپ، ءبىرىنشى شەپتەن تاپجىلمادى

  رىن چاڭجۇيدىڭ كوزى ءتىرى كەزىندەگى قىزمەتتەسى، مارالباسى اۋداندىق قوعام حاۋىپسىزدىگى مەكەمەسى كەسكىندىك بارلاۋ - تىزگىندەۋ ۇلكەن اترەتىنىڭ باستىعى ليۋ چىڭ بىلاي دەدى: ”بۇرىن قىزمەت ارەدىگىندە رىن چاڭجۇي ەكەۋىمىز كوبىرەك سويلەسۋشى ەدىك. مەن، ءسوزسىز، باتىلدىقپەن الدا ءجۇرىپ، ونىڭ اياقتاۋعا ۇلگىرمەگەن ىستەرىن ويداعىداي تىندىرامىن“.

  1979 - جىلى 4 - ايدا رىن چاڭجۇي حىناننىڭ جىچىڭ اۋدانىندا ءومىر ەسىگىن اشقان. 1999 - جىلى 12 - ايدا ارمياعا قاتىناسقان، 2004 - جىلى شينجياڭ ساقشى - وفيتسەرلەر جوعارى دارەجەلى تەحنيكۋم مەكتەبىنە ەمتيحانمەن ءوتىپ، 2005 - جىلى 12 - ايدا وقۋ تاۋىسقان سوڭ مارالباسى اۋداندىق قوعام حاۋىپسىزدىگى مەكەمەسىنە قىزمەتكە بولىنگەن.

  ”ساقشى بولعان 8 جىلدا رىن چاڭجۇي بار پەيىلىمەن ىستەپ، ءۇنسىز ۇلەس قوسىپ، مارالباسىنىڭ ورنىقتىلىعىنا اشتى تەرىن توكتى“، - دەدى مارالباسى اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى يان ميڭجيڭ.

  قاراستى اۋماقتىڭ قوعام اماندىعىنا، ورنىقتىلىعىنا كەپىلدىك ەتۋ ءۇشىن، رىن چاڭجۇي تىنىش ورىن قۇرۋ جانە شارلاۋ، ساقتانۋ − تىزگىندەۋ قىزمەتىن مۇقيات ورىستەتتى. كۇندىز ول قاراستى اۋماقتىڭ بۇلىڭ - پۇشپاقتارىن تەگىس ارالاپ، باسقارۋ − تىزگىندەۋ قىزمەتتەرىمەن قاربالاس بولسا؛ تۇندە ول اترەت باستاپ تۇنگى شارلاۋعا شىعىپ، بۇقارانىڭ ءومىرى مەن مال - مۇلكىنىڭ حاۋىپسىزدىگىن قورعادى...

  2011 - جىلى 4 - ايدا رىن چاڭجۇي اي XXكە ەلەكترلى موتوتسيكل ۇرلادى دەپ كۇمان تاعىلعانىنان حابار تاپقان سوڭ، دەرەۋ جان - جاقتىلى شارلاۋ ورىستەتەدى. 10 نەشە كۇندىك قاۋىرت قىزمەتتەن سوڭ، ەلەكترلى موتوتسيكل ۇرلاۋ جەلىلەس دەلوسىن ءساتتى اشكەرەلەپ، دەلوعا ساياتىن جالپى قۇنى 10 مىڭ يۋاننان اساتىن 3 ەلەكترلى موتوتسيكلدى قايتارىپ اكەلەدى. سودان كەيىن ول تاعى جوعالعان زاتتاردى قايتارۋ جينالىسىن اشىپ، قايتارىلعان 3 ەلەكترلى موتوتسيكلدى تۇگەلدەي جوعالتۋشىلارعا قايتارىپ بەرەدى.

  2012 - جىلدىڭ سوڭىندا قىزمەتتە يگەرگەن دەرەكتەرگە نەگىزدەلگەن رىن چاڭجۇي سەرىقبۇيا قالاشىعىنداعى بەلگىلى قوناق ۇيدەن ەسىرتكى ساتۋعا شاتىلعان كۇدىكتى قىلمىس كۇماندىسى ماي XXتى تۇتقىنداپ، ونىڭ ۇيىنەن ءبىر كيلوگرام ناشانى قولعا تۇسىرەدى.

  حالىق ءۇشىن مىندەتىن ءمىنسىز اتقارىپ، اق پەيىلمەن جۇرت جۇرەگىن جىلىتتى

  ”الەۋمەت ءۇشىن ساقشىلىق مىندەت وتەۋدى، حالىق ءۇشىن زاڭ اتقارۋدى“ ناقتاپ تياناقتاندىرۋ ءۇشىن، رىن چاڭجۇي كۇندەلىكتى قىزمەتتە بۇقارانىڭ ءۇنىن ءبىرىنشى سيگنال، بۇقارانىڭ قاجەتىن ءبىرىنشى تالعام، بۇقارانىڭ ۇقىق - مۇددەسىن ءبىرىنشى تولعانىس، بۇقارانىڭ رازىلىعىن ءبىرىنشى ولشەم ەتۋگە تاباندى بولدى.

  رىن چاڭجۇي قالاشىق ساقشى بولىمشەسىنىڭ كىشكەنە اۆتوبۋزىن ”جىلجىمالى ساقشى ىستەرى كەڭسەسى“ ەتىپ وزگەرتىپ، ونىڭ يكەمدى دە بەيىمدى، جىلدام دا ءونىمدى ەرەكشەلىگىن تولىق ساۋلەلەندىرىپ، بەلسەندى تۇردە بۇقاراعا ورتتەن ساقتانۋ، ۇرىدان ساقتانۋ، ەسىرتكىدەن ساقتانۋ سياقتى حاۋىپسىزدىك، ساقتانۋ بىلىمدەرىن ۇگىتتەدى ءارى زاڭ، زاڭ ەرەجە بويىنشا كەڭەس بەرۋ قىزمەتىن ازىرلەپ، ونى قاراستى اۋماقتاعى بۇقارانىڭ ەسىگىنىڭ الدىنداعى ”ساقشى بولىمشەسىنە“ اينالدىردى. سونىمەن بىرگە، ول تاعى «حاۋىپسىزدىك ساقتانۋ بىلىمدەرى» سياقتى ۇگىت كىتاپشاسىن قۇراستىرىپ، دەر كەزىندە بۇقارانىڭ قولىنا تيگىزدى. رىن چاڭجۇيدىڭ ەڭ الدىمەن ونەگە بولۋ ارەكەتى بۇكىل ساقشى بولىمشەسىندەگى حالىق ساقشىلارىنىڭ قىزمەت بەلسەندىلىگىن قاۋلاتىپ، قاراستى اۋماقتىڭ جاراسىمدىلىعىن، ورنىقتىلىعىن جەبەدى.

  ”رىن چاڭجۇي جولداستىڭ حالىقتى كوكەيىندە ساقتايتىن، بارلىعىن حالىق ءۇشىن ىستەيتىن قىزمەت ۇستانىمى قاشاندا ءبىزدى جىگەرلەندىرىپ كەلەدى. جالعاستىرۋ ەڭ تاماشا ەسكە الۋ، كەزەكتە ورىستەتىلىپ جاتقان قوعام حاۋىپسىزدىگى قوسىندارىن تاربيەلەۋ، رەتكە سالۋمەن ۇشتاستىرىپ، ءىس جۇزىندىك ارەكەتىمىز ارقىلى پارتياعا ادال بولۋ، حالىققا قىزمەت ەتۋ، ءادىل زاڭ اتقارۋ، تارتىپتە قاتاڭ بولۋ سىندى باس تالاپتى امالياتتا ايگىلەپ، وسى ارقىلى رىن چاڭجۇي جولداستى ەسكە الامىز“، - دەدى يان ميڭجيڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.