تيانشان تورى
تيانشان تورى   ›   جاڭالىقتار   ›   ەل ءىشى حابارى

پۋتين: ۆيرۋستىڭ تەگىن انىقتاۋدى ساياسيلاندىرماۋ كەرەك

  رەسەي زۇڭتۇڭى پۋتين 9 - ايدىڭ 3 - كۇنى ۆلاديۋستوكتە ”دۇنيە ءجۇزى وزگەرىسى جاعدايىنداعى قيىر شىعىستىڭ جاڭا ورايى“ نەگىزگى تاقىرىبىنداعى 6 - كەزەكتى شىعىس ەكونوميكا تالقى مىنبەرىنە قاتىناسقاندا جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرماۋ، قايتا ىندەتكە تىزە قوسا قارسى اتتانۋعا قۇلشىنۋ كەرەك ەكەندىگىن ءبىلدىردى.

  رەسەي زۇڭتۇڭ رەسمي سايتى ”كرەمل سارايى“ بىلاي دەدى: پۋتين سول كۇنى تالقى مىنبەرىنىڭ جالپى ماجىلىسىندە جۇرگىزۋشىنىڭ ”امەريكانىڭ مالىمەت توپتاۋ تاراۋى الدىڭعى اپتادا جاريالاعان جاڭا تيپتى ايدارشا ۆيرۋستىڭ تەگىن انىقتاۋ مالىمەتىنە قالاي قارايتىندىعى“ جونىندەگى سۇراۋىنا جاۋاپ بەرگەندە ”انانداي نەمەسە مىنانداي قۇبىلىستىڭ سەبەبىن، تەگىن ءتۇسىنۋ دۇرىس، ءبىراق كەيبىر مەملەكەتتەردىڭ ىندەتتە ساياسي سايقالدىق ىستەۋى وراسان زور قاتەلىك، بارلىق زەرتتەۋ تۇگەلدەي وبيەكتيۆ ماتەريالدى نەگىز ەتۋى كەرەك، ساياسي سايقالدىق ىستەۋ تەك قانا ادامدى شىندىقتان الىستاتادى“ دەدى.

  پۋتين بىلاي دەدى: كەزەكتەگى جاعدايدا ساياسيلاندىرۋدى تاستاپ، ىندەتكە جانە ونىڭ زاردابىنا تىزە قوسا قارسى اتتانۋ كەرەك، ”بۇل بۇكىل ادامزات ءۇشىن توتەنشە ماڭىزدى. ساياسي سايقالدىق ىستەپ وتىرعان ادامداردىڭ وزدەرى ىندەتكە قارسى اتتانۋ كۇرەسىندە وراسان زور اپات سيپاتتى قاتەلىك وتكىزدى“.

  پۋتين ىشكەرىلەي بىلاي دەپ باسا دارىپتەدى: ەكونوميكاسى جوعارى دەڭگەيدە دامىعان، زور مولشەردە ۆاكسينا وندىرگەن مەملەكەت ءتىپتى دە كوپ ۆاكسينا ەگۋ ورايىنا يە بولادى، ونىڭ ماقساتى ءوز ەلىنىڭ ادامدارىن قورعاۋ. كەڭ ماعىنادان العاندا، ولاردىڭ بۇكىل ادامزاتتى قورعاۋ جاعىندا وتە از جۇمىس ىستەۋىنىڭ زاردابى جاڭا تيپتى ايدارشا ۆيرۋس سوقپا سەرە سياقتى اينالىپ قايتا كەلەدى، وسىلايشا جەر شارىن ۇزدىكسىز اينالىپ جۇرەدى، مۇنداي قۇبىلىس ۆاكسينا ەكتىرۋ سالىستىرماسى تومەن، قورعالۋ دارەجەسى جەتكىلىكسىز افريكادان بەينەلەندى. سونىمەن بىرگە، گۋمانيتارلىق ماسەلە دە ءومىر سۇرۋدە. باتىس ەلدەرى ءتىپتى جاڭا تيپتى ايدارشا ۆيرۋستىڭ زور كولەمدە تارالۋىنا قارسى اتتانۋعا كەدەرگى بولىپ وتىرعان شەكتەمەلىك شارالاردى، مىسالى، يران، ۆەنەسۋەلا قاتارلى ەلدەرگە قاراتقان جازالاۋ شارالارىن كۇشىنەن قالدىرۋدان باس تارتىپ وتىر، ”ەندەشە گۋمانيتارلىق قايدا؟“.

  (ساۋلە گازەتىنىڭ ءتىلشىسى حان شيان - ياڭ)

  ( 9 - ايدىڭ 5 - كۇنگى <<ساۋلە گازەتىندە>> باسىلعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.