انار بۇلت / شينجياڭ گازەتىنىڭ ٴتىلشىسى ۋاڭ جيڭجيڭ
شونجى اۋدانى جانبۇلاق كورىنىس رايونى. ماتەريال سۋرەت
9 – ايدىڭ 5 – كۇنى شونجى اۋدانى جانبۇلاق كورىنىس وڭىرىندە كورىنىس ءوڭىرى سىلتەمە كارتا سۋرەتىنىڭ تاعان شۇڭقىرىن قازۋ جۇمىسى جۇرگىزىلدى، 2024 بولەك سىلتەمە كارتا سۋرەتىن 10 كۇن ىشىندە ورناتىپ بولۋعا كۇش سالدى. 2020 – جىلى، جانبۇلاق 5A دارەجەلى كورىنىس وڭىرلەرى كورىنىس ساپاسى ماماندارىنىڭ باعالاۋ – تەكسەرۋىنەن ٴساتتى ٴوتىپ، مەملەكەتتىك 5A دارەجەلى ساياحات كورىنىس ءوڭىرىن قۇرۋدىڭ ”الاڭعا كىرۋ بەلەتىنە“ تابىسپەن قول جەتكىزدى. قازىر وسى كورىنىس ءوڭىرى بار كۇشىن سالىپ، مەملەكەتتىك 5A دارەجەلى ساياحات كورىنىس وڭىرىنە قاراي ”ۇمتىلۋدا“.
جانبۇلاق كورىنىس ءوڭىرى تاۋى مەن سۋى ٴبىر – بىرىنە كورىك قوسقان، قالىڭ ورمان مەن اق باس شوقىلارى توعىسقان، گۈل تەڭىزى بەينە تولقىنداي جوڭكىلگەن، تازا تابيعات كورىنىسى رايونى. وسى كورىنىس ءوڭىرى بۇكىل شينجياڭداعى قازىرگى ساپالىق باعالاۋ - تەكسەرۋدەن وتكەن، ناق مايداندا تەكسەرىپ وتكىزىپ الۋدى كۇتىپ تۇرعان بىردەن – ٴبىر A4 دارەجەلى كورىنىس ءوڭىر.
” A4 “دان ”5A “عا دەيىنگى تاماشا وزگەرىستى قالاي جۇزەگە اسىرۋعا بولادى؟ جانبۇلاق كورىنىس ءوڭىرى نەگىزدىك قۇرىلعى قۇرىلىسى، باسقارۋ دەڭگەيىن جوعارىلاتۋ، قىزمەت وتەۋ دەڭگەيىن جوعارىلاتۋ سياقتى جاقتاردا جۇمسالىم تەبىنىن ارتتىردى. بيىل جىل باسىنان بەرى جيىنى 40 ميلليون يۋان قارجى قوسىپ، كورىنىس رايونىنداعى 40 مىڭ شارشى مەترلىك ەكولوگيالىق اۆتوكولىك توقتاتۋ الاڭىن كەڭەيتىپ سالىپ، زارياتتاۋ باعاناسى سياقتى سايكەستى قىزمەت وتەۋ قۇرىلعىلارىن كەمەلدەندىرۋدى، سونداي – اق كورىنىس ءوڭىرى ىشىندەگى 8 الەۋمەتتىك دارەتحانانى AA دارەجەلى ساياحات الەۋمەتتىك دارەتحاناسىنا وزگەرتۋدى جوسپارلادى. ”بارلىق نىسان بيىل سالىنىپ بولعاننان كەيىن، كورىنىس وڭىرىندەگى ’ٴۇشتىڭ قيىن بولۋى، ٴبىردىڭ ىركىلىسسىز بولماۋى‘ ماسەلەسىن ٴونىمدى شەشىپ، قىزمەت وتەۋ ساپاسىن جوعارىلاتادى“، - دەدى وسى كورىنىس ءوڭىرىنىڭ نىسان قۇرىلىسىن جوبالاۋ باسقارماسىنىڭ جاۋاپتىسى جاۋ جيان.
مەملەكەتتىك 5A دارەجەلى ٴاربىر كورىنىس ءوڭىرى تۇگەلدەي جالت – جۇلت ەتكەن مەملەكەتتىڭ تانىسقىسى، دۇنيە جۇزىنە ەلىمىز كورىنىس وڭىرلەرى قۇرىلىسىنىڭ ەڭ جوعارى ولشەمىن ايگىلەيدى. 2020 – جىلى مەملەكەتتىك 5A دارەجەلى ساياحات كورىنىس وڭىرىنەن 21ى تىڭنان قوسىلعاننان كەيىن، بۇكىل ەلدەگى 5A دارەجەلى ساياحات كورىنىس وڭىرلەرى 300دەن اسىپ، 20 مىڭنان استام A دارەجەلى كورىنىس وڭىرلەرىنىڭ ٪1.4ىن ۇستادى، ٴبىراق بازار ۇلەسى ٪40دى يەلەدى.
”ٴدال مەملەكەتتىك 5A دارەجەلى ساياحات كورىنىس وڭىرلەرىنىڭ شەكتى سانى مەن وراسان زور بازار ۇلەسى سەبەبىنەن، ٴاربىر تاڭدالۋشى تاڭداۋلىلاردىڭ ىشىنەن تاڭدالادى“. اۆتونوميالى رايوندىق مادەنيەت جانە ساياحات مەڭگەرمەسى بايلىق قاينارىن اشۋ باسقارماسىنىڭ قىزمەتكەرى بىلاي دەپ تانىستىردى: مەملەكەتتىك 5A دارەجەلى ساياحات كورىنىس وڭىرلەرىنىڭ قاتارىنان ورىن الۋ — كورىنىس وڭىرلەرىنىڭ قىزمەت وتەۋ ساپاسى مەن ىقپال كۇشىن مەملەكەت تۇرعىسىنان تولىق مويىنداعاندىعىن اڭعارتادى.
5A دارەجەلى كورىنىس ءوڭىرى نىساناسىنا قاراي قادام تاستاپ، كورىنىس ءوڭىرىنىڭ بايلىق قاينارىن تولىق ىسكە قوسىپ، كورىنىس ءوڭىرىنىڭ باۋراۋ قۋاتى مەن باسەكەلىك قۋاتىن ارتتىرۋ ٴۇشىن، تيانشان تەمىر كورىنىس ءوڭىرى، 1949 . اسكەري تىڭ يگەرۋ مادەنيەت جانە ساياحات كورىنىس ءوڭىرى سياقتى كوپتەگەن 4A دارەجەلى كورىنىس وڭىرلەرى ارت – ارتىنان الدىمەن قاتتى بولشەك قۇرىلىسىنان باستاپ ىسكە كىرىسىپ، ”وتكەلدەن ٴوتۋ“ ۇلگىسىن باستادى.
جالپى 375 ميلليون يۋان قارجى قوسىلعان تيانشان تەمىر كورىنىس ءوڭىرىنىڭ نەگىزدىك قۇرىلعى نىسانى بيىل 6 – ايدىڭ سوڭىندا قۇرىلىس باستاعان، قازىرگە دەيىن 64 ميلليون 770 مىڭ يۋان قارجى قوسىلدى. قۇرىلىس مازمۇنى، باستىسى، ساياحاتشىلاردى قابىلداۋ ورتالىعى، عىلىم جالپىلاستىرۋ تاربيەلەۋ بازاسى، ەرەكشە وسىمدىك عىلىمىن جالپىلاستىرۋ باقشاسى، اۆتوكولىك لاگەرى بازاسى، شولۋ مۇناراسى، ۇلتتىق سالت – سانانى سەزىنۋ رايونى سياقتى قۇرىلعىلاردىڭ قامتيدى. نىسان سالىنىپ بولعاننان كەيىن، كورىنىس ءوڭىرىنىڭ ماڭىنداعى اۋىل – قىستاق ساياحاتىن جەبەپ، ەگىنشى – مالشىلاردىڭ ٴۇيىنىڭ ماڭىندا جۇمىسقا ورنالاسۋىنا، شارۋاشىلىق قۇرۋىنا مۇمكىندىك جاسالادى.
بيڭتۋان اسكەري تىڭ يگەرۋ مۇراجايىن نەگىز ەتكەن، اي چيڭ ولەڭ سارايى، سەيىل – سەرۋەن الاڭى، اسكەري تىڭ يگەرۋ تۇڭعىش سوقا ٴمۇسىنى، حالىق تەاترحاناسى سياقتىلار ٴبىر تۇلعالانعان ”1949 . اسكەري تىڭ يگەرۋ مادەنيەت جانە ساياحات ءوڭىرى“ – شىحىزى قالاسى كۇش سالا قۇرىپ جاتقان مەملەكەتتىك 5A دارەجەلى ساياحات كورىنىس ءوڭىرىنىڭ وزەكتى رايونى. ” جاڭالانىپ دەڭگەيى جوعارىلاعاننان كەيىنگى بيڭتۋان اسكەري تىڭ يگەرۋ مۇراجايى جۇرتشىلىققا اشىق ۇستالادى، كەلەسى قادامدا ٴبىز بۇرىنعى مادەنيەت سارايىن جاڭالاپ، 12 مىڭ شارشى مەترلىك ساياحاتشى قابىلداۋ زالىن سالامىز“، - دەدى شىحىزى قالالىق مادەنيەت، دەنە تاربيە، راديو – تەلەۆيزيا جانە ساياحات مەكەمەسى مادەنيەت جانە ساياحات ٴبولىمىنىڭ باستىعى جاۋ يىڭيىڭ.
”تەك قاتتى بولشەكتەردىڭ دارەجەسىن ٴوسىرۋ الدەقايدا جەتكىلىكسىز، كورىنىس رايونىنىڭ دارەجەسىن ءوسىرۋدىڭ تەتىگى —’جۇمساق كۇشتە‘“. جاۋ يىڭيىڭ بىلاي دەدى: ”ٴبىز دامۋ وي جەلىسىندە ونان ارى جاڭالىق اشىپ، كورىنىس رايونىنىڭ جۇيەلى ىسكە قوسىلۋىن جەدەل جۇزەگە اسىرىپ، ىڭعايلى، دەن قويا باسقارۋ قىزمەت وتەۋىن جۇزەگە اسىرىپ، شينجياڭنىڭ مادەنيەت جانە ساياحاتىنىڭ كوركەم تانىسقىسىنا اينالدىرۋعا قۇلشىنامىز“.
اۋدارعان: قادىر ماقان
