تيانشان تورى   ›   جاڭالىقتار   ›   وقۋ-اعارتۋ

ٴۇرىمجى قالالىق وقۋ – اعارتۋ مەكەمەسى: مىندەتتى وقۋ – اعارتۋ ساتىسىنداعى مەكتەپتەردىڭ ەمتيحان ناتيجەسى A ،B ، C، D دارەجەسى بويىنشا شىعارىلادى

  انار بۇلت / شينجياڭ گازەتىنىڭ حابارى (ٴتىلشى شىن زۋشياۋ حابارلايدى). وقىتۋدى داعدىلى باسقارۋدى جۇيەگە ٴتۇسىرىپ، وقىتۋ ساپاسىن جوعارىلاتۋ ٴۇشىن، تاياۋدا ٴۇرىمجى قالالىق وقۋ – اعارتۋ مەكەمەسى «ٴۇرىمجى قالاسىنداعى ورتا، باستاۋىش مەكتەپتەردىڭ وقىتۋدى داعدىلى باسقارۋ نەگىزگى تالابىن» جاريالاپ، كۇزگى جاڭا وقۋ ماۋسىمىندا ٴارقايسى ورتا، باستاۋىش مەكتەپتەردىڭ كۇندەلىكتى وقىتۋدى ورىستەتۋى جونىندە اناعۇرلىم جوعارى تالاپتاردى العا قويدى.

  ”جاڭا وقۋ ماۋسىمى باستالدى، ساباق دايىنداۋ، ساباق ٴوتۋ، تاپسىرما، تاجىريبە، وقىتۋدى زەرتتەۋ، باعالاۋ، تەكسەرۋ سياقتىلاردىڭ بارلىعى ورتا، باستاۋىش مەكتەپ وقىتۋىنداعى داعدىلى باسقارۋ قىزمەتىنىڭ نەگىزگى ۇلگىسى، مەكتەپتەردىڭ وقىتۋ دەڭگەيىن باعالاۋدىڭ، وقىتۋشىلاردىڭ وقىتۋ قىزمەتىن باعالاۋدىڭ ماڭىزدى نەگىزى“. ٴۇرىمجى قالالىق وقۋ – اعارتۋ مەكەمەسى نەگىزدىك وقۋ – اعارتۋ ٴبولىمىنىڭ باستىعى ۋاڭ يۇڭ بىلاي دەدى: مىسالى، ساباق دايىنداۋ جاعىندا، ورتا، باستاۋىش مەكتەپتەردەن ٴبىر اپتا بۇرىن ساباقتى دايىنداپ بولۋ تالاپ ەتىلدى. بارلىق ساباققا، سايكەستى ساباق تۇرلەرىنە تۇگەلدەي ساباق دايىنداپ، وقىتۋ جوباسىنسىز ساباق ٴوتۋ قۇبىلىسىن مۇلدە تيۋ كەرەك، ٴارقايسى مەكتەپتەردىڭ ٴار وقۋ ماۋسىمىنداعى توپتىق ساباق دايىنداۋ رەت - سانى 14 رەتتەن كەم بولماۋ، پرينسيپتىك جاقتان ٴاربىر وقىتۋشى توپتىق ساباق دايىنداۋعا تۇگەل قاتىناسۋ ٴارى ٴار وقۋ ماۋسىمىنداعى نەگىزگى دايىندىق 2 رەتتەن كەم بولماۋ كەرەك.

  ساباق ٴوتۋ جاعىندا، وقىتۋشىلاردان وزىق ٴداستۇرلى وقىتۋ ٴتاسىلىن قولدانۋمەن بىرگە، كوپ مەديالى، ينتەرنەت سياقتىلاردان ۇيلەسىمدى پايدالانۋ ارقىلى وقىتۋدى جەبەپ، ەلەكتروندى ونىمدەردەن پايدالانىپ وقىتۋ ورىستەتىپ، ۋاقىتىن پرينسيپتىك جاقتان وقىتۋ جالپى ۋاقىتىنىڭ %30تىنەن اسىرماۋ؛ وقۋشىلاردى نەگىزگى تۇلعا، وقىتۋشىلاردى جەتەكشى ەتىپ، شابىتتاندىرۋ، تالقىلاۋ، سەلبەسۋ، زەرتتەۋ سياقتى كوپ ٴتۇرلى وقىتۋ ٴتاسىلىن قولدانىپ، وقۋشىلاردىڭ ساباقحانا ۇيرەنۋىنە قاتىناسۋ ىرىقتىلىعى مەن بەلسەندىلىگىن جوعارىلاتۋ تالاپ ەتىلدى.

  ”ەكىنى جەڭىلدەتۋ“ تالابى بويىنشا، جاڭا وقۋ ماۋسىمى باستالعاندا باستاۋىش 1 -، 2 - جىلدىقتارىنا جازباشا تاپسىرما ورنالاستىرىلمايدى، 3 – جىلدىقتان 6 – جىلدىققا دەيىن ٴار كۇنگى جازباشا تاپسىرما ورىنداۋ ۋاقىتى ورتا ەسەپپەن ٴبىر ساعاتتان اسپايدى، ورتالاۋ ساتىسىنداعىلاردىڭ ٴار كۇنگى جازباشا تاپسىرما ورىنداۋ ۋاقىتى ورتا ەسەپپەن ٴبىر جارىم ساعاتتان اسپايدى، ادەتتەگى ورتا مەكتەپتەر دە تاپسىرمانىڭ جالپى مولشەرىن لايىقتى تىزگىندەۋى كەرەك.

  ۋاڭ يۇڭ بىلاي دەدى: وقىتۋشىلار تاپسىرما ورنالاستىرعاندا، قيىندىق دارەجەسىن ساباق ولشەمى تالابىنان اسىرۋعا، قايتالامالى جانە جازالاۋ سيپاتىندىق تاپسىرما ورنالاستىرۋعا، اتا – انالارعا تاپسىرما ورنالاستىرۋعا نەمەسە ٴتۇسىن وزگەرتىپ تاپسىرما ورنالاستىرۋعا بولمايدى. وقۋشىلاردىڭ ٴىس جۇزىندىگىنە ۇيلەسپەيتىن دايىن جاتتىعۋ ماتەريالدارىن كوزسىزدىكپەن، تالعامسىز كوشىرىپ اكەلۋگە بولمايدى، ەرىكتى تاپسىرما جانە جوبادان، مولشەردەن اسقان تاپسىرما ورنالاستىرۋدان ساقتانۋ كەرەك. QQ، ٴۇنحات سياقتى تۇعىرلاردان پايدالانىپ، وتباسى تاپسىرماسىن ورنالاستىرۋعا بولمايدى.

  سونىمەن بىرگە، ساتىعا ٴبولىپ تاپسىرما ورنالاستىرۋعا، يكەمدى، وزگەشە تاپسىرما ورنالاستىرۋعا شابىتتاندىرىپ، جوبالاۋ، زەرتتەۋ سيپاتىنداعى تاپسىرماعا، امالياتتىق تاپسىرماعا باسا ٴمان بەرىپ، ٴپان اتتاعان ۋنيۆەرسال تاپسىرما جونىندە ىزدەنىس جاسالادى.

  مەكتەپتەر وقىتۋشىلاردىڭ تاپسىرما ورنالاستىرۋ جانە تەكسەرۋ جاعدايىن كەمىندە ٴار ايدا ٴبىر رەت تەكسەرۋ، ٴارقايسى جىلدىقتاردىڭ ٴتۇرلى ۇزدىك تاپسىرمالارىن كورسەتۋ-باعالاۋ قيمىلىن ماۋسىمىنا ٴبىر رەت ۇيىمداستىرۋ كەرەك.

  بۇدان بىلاي مىندەتتى وقۋ – اعارتۋ مەكتەپتەرى ەمتيحان سانىن قاتاڭ تىزگىندەپ، ەمتيحان ناتيجەسى A ،B ، C، D دارەجە بويىنشا كورسەتىلەدى، مەكتەپتەردىڭ ٴوز الدىنا A+ نەمەسە A- سىندى پارىقتى دارەجە ورنالاستىرۋىنا تيىم سالىنادى، سونىمەن بىرگە، ٴارقانداي فورمامەن، تاسىلمەن وقۋشىلاردىڭ ەمتيحان ناتيجەسىن جانە قاتارعا تۇرعىزۋدى جاريالاۋعا قاتاڭ تيىم سالىنادى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە