تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

”ءبىز ءومىر بويى ايرىلمايمىز“

□ انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

  2016 - جىلدان باستاپ، جۇڭگو حالىق بانكەسى ءۇرىمجى ورتالىق تارماق بانكەسى اقشا قويماسى باسقارماسىنىڭ باستىعى جياڭ شياۋحۇڭ مەزگىل - مەزگىل سايىن ءار جولى 23 ساعات پويەزعا، 5 جارىم ساعات اۆتوموبيلگە وتىرىپ، نيە اۋدانى روكيا اۋىلى لاۋگۋاڭ قىستاعىندا تۇراتىن وكىل قىزى ايميرا روزىنىڭ ۇيىنە بارادى.

  ”وكىل شەشە، قاراڭىزشى، مىناۋ ءسىز بەرگەن كۇلگىن ءتۇستى ءتۇبىتتى قۋىرشاق، مەن كۇندە ونى قۇشاقتاپ جاتىپ ءتاتتى ۇيقىعا باتامىن“. 8 - ايدىڭ 27 - كۇنى ايميرا مەن شەشەسى زۇلايحان روزى بەينە ەكراندا جياڭ شياۋحۇڭمەن اڭگىمە دۇكەن قۇردى.

  2016 - جىلى اۆتونوميالى رايون ورىستەتكەن ”ۇلتتار ىنتىماعىنىڭ بەرەكەلى شاڭىراعى“ قيمىلىندا جياڭ شياۋحۇڭ مەن زۇلايحان روزى وتباسى جۇپ قۇراپ تۋىس بولادى. العاش رەت جولىققاندا ايميرا مەن ءىنىسى شەشەسىنىڭ قالقاسىنا تىعىلىپ، باستارىن قىلتيتىپ جياڭ شياۋحۇڭعا تاڭ قالا قارايدى، مولدىرەگەن قارا كوزدەر جياڭ شياۋحۇڭنىڭ كوڭىلىن تەربەپ باۋراپ الادى.

  جياڭ شياۋحۇڭ تىزەسىن بۇگە كۇلىمسىرەي بالالارعا قوس قولىن سوزادى، مەيىرگە تولى جىلى بەينە ولاردىڭ اراسىن جاقىنداتىپ، بالالار تارتىنا - تارتىنا شەشەلەرىنىڭ قالقاسىنان شىعىپ، ونىڭ قاسىنا كەلىپ قولىن الادى.

  كەشتە جياڭ شياۋحۇڭ مەن زۇلايحان بىرگە تاماق ىستەپ، اڭگىمە دۇكەن قۇرادى. ۇيىقتار الدىندا جياڭ شياۋحۇڭ بالالاردى قاسىنا الىپ جاتىپ، ولارعا ەرتەگى ايتىپ بەرەدى، وسىلايشا كوڭىلدەرى دە جاقىنداي تۇسەدى.

  سونان باستاپ ولاردىڭ دوستىق سۇيىسپەنشىلىگى بىرتىندەپ تەرەڭدەي بەرەدى.

  ءار رەت باس قوسقاندا جياڭ شياۋحۇڭ تاڭەرتەڭ ەرتە تۇرىپ، بىلەگىن ءتۇرىنىپ تاستاپ زۇلايحانمەن بىرگە ەگىس جۇمىستارىن ىستەيدى، كەشتە بىرگە تاماق جاسايدى. كوپ وتپەي، جياڭ شياۋحۇڭ بۇل ۇيدەگىلەردىڭ تابەتىن ابدەن ءبىلىپ الادى. ”زۇلايحان پالاۋ جەگەندى ۇناتادى ەكەن، ونىڭ كۇيەۋى لاڭماندى ۇناتاتىن بولىپ شىقتى، ۇلى لازىنى اۋزىنا سالمايدى ەكەن دە، قىزى تاماق تالعاماي ءبارىن جەي بەرەتىن كورىنەدى. مەن تاماقتى ولاردىڭ تابەتتەرىنە قاراي ىستەيمىن، ءبارى مەنىڭ تاماق جاساۋ ونەرىم جاقسى ەكەن دەسەدى“، - دەيدى جياڭ شياۋحۇڭ جايدارى بەينەمەن.

  ايميرانىڭ نازارىندا جياڭ شياۋحۇڭ كوكتەم سامالىنداي مەيىرلى، وتباسىنىڭ ەگىس قاربالاستىعى كەزىندە جياڭ شياۋحۇڭ دا كەلىپ جەتەدى.

  ”كوكتەمدە ول بىزبەن بىرگە كوكونىس ەگەدى، ءجۇزىم سورەسىن قۇرادى، اۋلانى جيىستىرادى؛ جازدا بىزبەن بىرگە اتىزعا بارىپ ارام ءشوپ وتاپ، ەگىن ورادى؛ كۇزدە بىزبەن بىرگە جۇگەرى ارشىپ، جاڭعاق ۇزەدى“، − دەدى ايميرا.

  بالالار كۇن سايىن ءوسىپ، وقۋعا ءتۇستى، زۇلايحاننىڭ بوس ۋاقىتى كوبەيدى، ”قازىر مەكتەپتىڭ شارت - جاعدايى جاقسى، بالالار تۇسكى تاماقتى دا مەكتەپتەن ىشەدى، ۇيدە بوس وتىرعانىڭشا مەن ساعان جۇمىس تاۋىپ بەرسەم قالاي“، − دەپ جياڭ شياۋحۇڭ ونان سىر تارتادى. زۇلايحان ءارى - ءسارى بولىپ: ”مەنىڭ وت باسى، وشاق قاسىنان شىقپاعانىما تالاي جىل بولدى، ەشقانداي ونەرىم دە جوق، نە ىستەي الارىمدى دا بىلمەيمىن“، − دەدى.

  ” اياۋلى ءسىڭلىم، بىلمەسەڭ ۇيرەنبەيسىڭ بە. قىستاقتا شەبەرلىككە تاربيەلەۋ كۋرسى بار، زاۆودتارعا كىرمەك بولساڭ جۇمىس ورنىنا باراردىڭ الدىندا شەبەرلىككە تاربيەلەيدى. ايتا بەرسەڭ، مەن دە بارمىن، نەسىنە الاڭدايسىڭ“ دەگەن جياڭ شياۋحۇڭنىڭ ءسوزى زۇلايحاندى الاڭنان ارىلتادى.

     كوپ وتپەي جياڭ شياۋحۇڭ زۇلايحانعا جاردەمدەسىپ ءبىر اياق كيىم زاۆودىمەن حابارلاسادى، ونىڭ، ءسوز جوق، ونەردى جاقسى ۇيرەنىپ، قاجىرلىلىقپەن جۇمىس ىستەۋىن قاداعالايدى. اياق كيىم زاۆودىنا كىرگەننەن كەيىن كوپ وتپەي زۇلايحان شەبەر جۇمىسشىعا اينالىپ، اي سايىن تۇراقتى كىرىس تابادى. جياڭ شياۋحۇڭنىڭ شابىتتاندىرۋىمەن زۇلايحاننىڭ كۇيەۋى ەگىس جۇمىستارىنىڭ ارەدىگىندە اعاششىلىق ىستەپ، وتباسىنداعىلاردىڭ تۇرمىسى بارعان سايىن جاقسارا تۇسەدى.

  ”بۇرىن تەك تاماق ىستەۋدى، ءۇي جيىستىرۋدى عانا ءبىلۋشى ەدىم، كۇندەردىڭ بىرىندە ءوزىمنىڭ دە اقشا تابا الاتىنىمدى ويلاماپپىن، وسى ءۇشىن اپەكەمە العىس ايتامىن“، − دەدى زۇلايحان شىن كوڭىلىمەن.

  زۇلايحان جۇمىستانىپ قانا قويعان جوق، ول كيىنىپ، جاسانىپ زامان ۇلگىسىنە ساي بولا ءتۇستى. ”ءار جولى اپەكەم ماعان ەڭلىك بۇيىمدارىن الا كەلىپ، ماعان جاسانۋدى ۇيرەتتى، كۇيەۋىمە دە ەلەكترلى ساقال العىش اكەلىپ بەردى. قازىر ءبىز ءار جولى ۇيدەن شىعاردا اجەپتاۋىر ساندەنىپ الامىز، ادامنىڭ وزىنە سەنىمى بولسا، نەنى ىستەسە دە جىگەرلى كەلەدى ەكەن“، − دەدى زۇلايحان قولىمەن اۋزىن باسا كۇلىپ.

  ەرلى - زايىپتى ەكەۋىنىڭ تۇرمىسى قاربالاس ءارى ءماندى بولا ءتۇستى، جياڭ شياۋحۇڭ ءار رەت كەلگەن سايىن ولارعا رۇقسات سۇراتقىزباي، ولاردىڭ الاڭسىز جۇمىس ىستەۋىنە مۇمكىندىك تۋدىرادى. ول ۇيگە كەلىپ ءۇي جيناستىرىپ، تاماق ىستەپ، ولاردىڭ جۇمىستان قايتىپ كەلۋىن توسىپ وتىراتىن.

  كەيدە جياڭ شياۋحۇڭ كەلگەندە ەرلى - زايىپتىلاردىڭ دەمالىس مەزگىلىنە تۋرا كەلىپ قالعاندا، زۇلايحان تاماعىن ەرتە باستان دايىنداپ قويىپ، الدىن الا جولعا شىعىپ ونى كۇتىپ الادى. ”ءبىز تۋىسپىز، بىرەر مەزگىل جۇزدەسپەسەك ساعىنىسىپ قالامىز،ءبىز ءومىر بويى ايرىلمايمىز“، − دەدى زۇلايحان.

  كەزىندەگى جاسقانشاق، ۇيالشاق ايميرا بۇل كۇندەرى 15 جاسقا كەلدى، كۇن ارالاتىپ جياڭ شياۋحۇڭمەن بەينە ەكراندا سويلەسىپ، وعان ۇيرەنۋ جاعدايىنان مالىمەت بەرىپ تۇرادى.

  ”وكىل شەشەم ماعان جاقسى ۇيرەنىپ، ەسەيگەندە قوعامعا جارامدى ادال بول دەگەن ءسوزدى ەڭ كوپ ايتادى. مەن، ءسوزسىز، قۇلشىنامىن، بۇل مەنىڭ كۇرەس نىسانام. ءبىز ءومىر بويى شەشەلى - بالالى بولۋعا، ءومىر بويى تۋىس بولۋعا ۋادەلەسكەنبىز، مەن ول سياقتى ۇزدىك ادام بولۋعا قۇلشىنامىن“، − دەدى ايميرا.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.