تانىم مەن ارەكەتتى بىرلىككە كەلتىرىپ، ۇيرەنگەندى قولدانا ءبىلدى

بۇراتالا وبلىسى:

تانىم مەن ارەكەتتى بىرلىككە كەلتىرىپ، ۇيرەنگەندى قولدانا ءبىلدى

□ انار بۇلت / شينجياڭ گازەتىنىڭ ءتىلشىسى سۇڭ يا - ۋىن

　　”پارتيامىزدىڭ 100 جىلدىق ساپارىنداعى ءاربىر شۇعىلالى ساتتەردىڭ، ءاربىر ەلەۋلى بۇرىلىستاردىڭ بارلىعى دا مۇرات پەن سەنىم كۇشىنە تولى بولدى!“، - دەدى 9 - ايدىڭ 8 - كۇنى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن شوعىرلى ۇيرەنۋ ماجىلىسىندە بۇراتالا قالالىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ تۇراقتى مۇشەسى، قالالىق پارتكوم شارلاپ تەكسەرۋ كەڭسەسىنىڭ مەڭگەرۋشىسى سۇن بو.

　　7 - ايدان بەرى بۇراتالا موڭعۇل اۆتونوميالى وبلىسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، جەتە ۇيرەنۋ، جەتە يگەرۋ جاعىنا كۇش سالىپ، تەرەڭدەي ءۇڭىلۋدى، ەگجەي - تەگجەيلى زەرتتەۋدى، ىشكەرىلەي ۇيرەنىپ، جەتە ءتۇسىنۋدى شىن مانىندە ورىندادى؛ ءتۇرلى ۇتىمدى، ءونىمدى ۇيرەنۋ ءادىس - تاسىلدەرىن بەلسەنە قاراستىرىپ، ۇيرەنۋ تاربيەسىنىڭ جاندى، جالىندى بولۋىنا مۇمكىندىك جاساپ، پارتيا تاريحىن ۇيرەنۋ تاربيەسىنىڭ ساناعا ءسىڭىپ، جۇرەككە ۇيالاۋىنا، ارەكەتتە ايگىلەنىپ، ناتيجە بەرۋىنە شىنايى كەپىلدىك ەتتى.

　　بۇراتالا وبلىستىق پارتكوم ساياسات زەرتتەۋ كەڭسەسىنىڭ مەڭگەرۋشىسى، بۇراتالا وبلىستىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى جالپىلىق ىستەر گرۋپپاسىنىڭ باستىعى ياڭ ياۋجۇڭ بىلاي دەپ تانىستىردى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن اناعۇرلىم ويداعىداي ۇيرەنۋ ءۇشىن، بۇراتالا وبلىسى ارناۋلى تۇردە ماتەريالدار توپتاماسى، بىلۋگە ءتيىستى مازمۇندار سياقتى ۇيرەنۋ ماتەريالدارىن قۇراستىرىپ، پارتيالى كادرلارعا بىردەن ۇلەستىردى؛ ءار دارەجەلى پارتكومدار (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى، ارناۋلى تاقىرىپتا كىتاپ وقۋ كۋرسىن اشۋ سياقتى تاسىلدەردەن پايدالانىپ، ۇيرەنۋدى تەرەڭدەتتى؛ باسشى كادرلار باستاماشىلدىقپەن ۇگىت لەكسيا جاساپ، باستاماشىلدىقپەن پارتيا ساباعىن سويلەدى؛ ءارقايسى نەگىزگى ساتى پارتيا ۇيىمدارى ارناۋلى تاقىرىپتىق ۇيىمدىق تۇرمىس جيىنىمەن، نەگىزگى تاقىرىپتىق پارتيا كۇنى قيمىلىمەن بىرلەستىرىپ، قالىڭ پارتيا مۇشەلەرىن رۋحاني ءمانىن جەتە تۇسىنۋگە، وزەكتى ءمانىن يگەرۋگە جەتەكتەدى.

　　سونىمەن بىرگە، بۇراتالا وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ۇزدىكسىز تەرەڭدەتتى، ءار دارەجەلى پارتكوم (پارتيا باسشىلىق گرۋپپالارى) القالارىنان 8000نان استام ادام - رەت نەگىزگى ساتىعا بارىپ، 4000نان استام ماسەلە مەن قيىنشىلىقتى سارالاپ شىعىپ، ونىڭ 3600دەن استامىن شەشتى. ”كەلەسى قادامدا، ءبىز ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىنىڭ ۇدايىلانۋىن، ۇزاق ونىمدىلىككە يە بولۋىن ۇزدىكسىز ىلگەرىلەتىپ، ۇيرەنۋ تاربيەسىنىڭ جەتىستىكتەرىن جاڭا ساپاردا ۇدەرە العا تارتۋدىڭ، جاڭا داۋىردە ەڭبەك ءسىڭىرۋدىڭ امالياتتىق ارەكەتىنە شىن مانىندە اينالدىرامىز“، - دەدى ياڭ ياۋجۇڭ.

　　”شۇلەن شۇعىلا تيانشانعا توگىلىپ، جەڭىس جىرى دۇيىم جۇرتتى قۋانىشقا بولەدى، جۇڭحۋا ۇلتى اسقاق ارىنمەن العا تارتتى، دارقان دالادان شات حابار تارالدى...“. جۋىقتا بۇراتالا قالاسى ۇتىبۇلاق قالاشىعى گىندىن جاڭا قىستاعى قىستاق كوميتەتىندە ساڭقىلداعان تاقپاق ءۇنى ەستىلىپ جاتتى، بۇراتالا قالاسى جاڭا ءداۋىر وركەنيەت امالياتىنىڭ ”كەرۋەن“ ۇگىت لەكسيا اترەتى وسى جەردە وزدەرى دايىنداعان «شۇلەن شۇعىلا تيانشاندى نۇرلاندىردى» دەگەن تاقپاقتى ايتىپ، كورەرمەندەردىڭ اۋىق - اۋىق شاپالاق سوعىپ القاۋىنا يە بولدى.

　　ۇگىت لەكسيا كەزىندە ۇگىت لەكسياشىلاردىڭ ءىس جۇزىندىككە جاناستىرىپ، تەرەڭنەن تولعاپ، ۇعىنىقتى جەتكىزگەن تۇسىندىرمەلەرى تىڭدارماندارعا مول ءنار بەرىپ، ايرىقشا جەلپىندىردى. سونىمەن بىرگە، ۇگىت لەكسيا قيمىلىنىڭ قىزىقتىلىعىن ارتتىرىپ، بۇقارانىڭ قۇمارتا تىڭداۋىنا، ەستە بەرىك ساقتاۋىنا مۇمكىندىك جاساۋ ءۇشىن، قيمىل ادەبيەت - كوركەمونەر قويىلىمى مەن ۇگىت لەكسيانى بىرلەستىرۋ تاسىلىمەن جۇرگىزىلدى.

　　”’شاعىن تاقپاقپەن‘’ۇلكەن قيسىن‘ ءتۇسىندىرىلدى، بۇل ۇگىت لەكسيا ءتاسىلى بۇقارانىڭ قىزۋ قارسى الۋىنا بولەندى“، - دەدى بۇراتالا قالاسى جاڭا ءداۋىر وركەنيەت امالياتى ”كەرۋەن“ ۇگىت لەكسيا اترەتىنىڭ ۇگىتشىسى ءپىلحان اسەنجان.

　　ۇگىت لەكسيانىڭ ونىمدىلىگىن جوعارىلاتۋ ءۇشىن، بۇراتالا وبلىسى تاعى ”ءبىر، ون، ءجۇز، مىڭ“ قاۋىرت ۇگىت لەكسيا جاساۋ مەحانيزمىن ورناتىپ، ءبىر ۇلگىلى ۇگىت لەكسيا ۇيىرمەسىن، 10 ارناۋلى ۇگىت لەكسيا اترەتىن، ەرەكشەلىككە يە 100 ۇگىت لەكسيا اترەتىن، 1000 نەگىزگى ساتى ۇگىتشىسىن ۇيىمداستىرىپ، ۇگىت لەكسيا كۇشىن ۇزدىكسىز مولايتىپ، ۇگىت لەكسيا فورماسىندا جاڭالىق اشىپ، ماڭايىنداعى ىستەر ارقىلى ۇلكەن ساياساتتاردى ءتۇسىندىرىپ، شاعىن اڭگىمەلەرمەن ۇلكەن قيسىنداردى ۇعىندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە جەتۋىن، ناقتىلانۋىن ىلگەرىلەتتى.