تيانشان تورى
تيانشان تورى   ›   جاڭالىقتار   ›   شينجياڭ حابارلارى

شەكارا رايوندا ارمان قۋعان بەيجيڭ داشۋەسىنىڭ دوكتورى

  يۇي يۇي:

  شەكارا رايوندا ارمان قۋعان بەيجيڭ داشۋەسىنىڭ دوكتورى

  انار بۇلت / شينجياڭ گازەتىنىڭ تىلشىلەرى فان چيۇڭيان، يان شياۋتيان

  ”شياۋني (جاناما اتى) جاقىننان بەرى ەرەكشە قۇلشىندى، قازىر ساباق پىسىقتاپ وتىر، اۋەلى كەيىن داشۋە بىتىرگەن سوڭ اۋىلعا قايتىپ، اۋىلىمدى گۇلدەندىرەمىن“، - دەيدى. 9 - ايدىڭ 2 - كۇنى اتۇش قالاسى ازاق اۋىلدىق پارتكومنىڭ ورىنباسار شۋجيى يۇي يۇي قىستاق تۇرعىنىنان ءوزى كوڭىل ءبولىپ جۇرگەن شاۋنيدىڭ جاقىنان بەرگى جاعدايىنان حابار تاپقان سوڭ، كوڭىلى جايلانىپ قالدى.

  يۇي يۇي بەيجيڭ داشۋەسى حالىقارالىق قارىم - قاتىناس شۋەيۋانىنىڭ دوكتورلىعىن بىتىرگەن، سونداي - اق تۇڭعىش رەت بەيجيڭ داشۋەسىنەن وڭتۇستىك شينجياڭعا بارىپ قىزمەت ىستەۋگە تاڭداپ جىبەرىلگەن دوكتور. باستاپتا يۇي يۇيدىڭ تاڭداپ جىبەرىلەتىن وقۋشى رەتىندە شينجياڭعا باراتىنىن ەستىگەندە كەيبىر ساباقتاستارى مەن جاقىن دوستارى ول وتە ءبىر مويىندىق ىستەدى دەپ ويلادى. ءاسىلى 2019 - جىلى مەكتەپ ءبىتىرۋ قارساڭىندا يۇي يۇي ءمالىم ءبىر كاسىپورىننىڭ جىلدىق ەڭبەكاقىڭا 2 ميلليون يۋان بەرەمىز دەگەن شىن پەيىلدى ۇسىنىسىن تويتارىپ، وڭتۇستىك جاقتاعى بەلگىلى ولكەلىك پارتكوم ۇيىمداستىرۋ ءبولىمىنىڭ مەملەكەت قىزمەتكەرى ورنىن تاستاپ، وڭتۇستىك شينجياڭعا كەلىپ ەڭ نەگىزگى ساتىداعى قىزمەت ورنىندا ءوزىن شىڭداۋدى تاڭداعان ەكەن.

  ”شەكارا وڭىرگە بارىپ نەگىزگى ساتىعا تامىر تارتىپ، ءوزىمدى ۇزدىكسىز شىڭداپ، ۇساق ىستەردى ۇلكەن ءىس رەتىندە ىستەپ، نىق قاداممەن العا قاراي تارتىپ، جاڭا ءداۋىردىڭ كۇرەسكەرى، باستاماشىسى جانە ۇلەس قوسۋشىسى بولۋ مەنىڭ تاڭداعان ءومىر جولىم، سونداي - اق بورىشىم“، - دەدى يۇي يۇي، شينجياڭعا كەلىپ قىزمەت ىستەۋدى تاڭداۋ استە البىرتتىق ەمەس، قايتا ونىڭ كەڭىنەن ويلانىپ جاساعان شەشىمى.

  يۇي يۇيدىڭ كىشكەنتاي كەزىنەن شەكارا بەكىنىستەرىنە دەگەن سۇيىسپەنشىلىگى وزگەشە بولىپ، ”وزەن بەينە باتقان كۇن، ءشول - جازيرا كوسىلەر تۇتىنىندەي كەرەمەتتىڭ“ دەيتىن كەڭ - بايتاق جەردى ارمانداسا، ”يەن دالادا ازىناپ سولتۇستىك جەلى سوعۋدا، اق سەلەۋ شوپتەر كۇيرەۋىك سىتىرلاپ سىنىپ توزۋدا، عۇن جەرىندە سارشا تامىز ەندى عانا كىرگەن كۇز، قاپالاقتاپ جاۋىپ تۇرعان قارعا قاراپ وتىرمىز“ دەيتىن حيكىمەتتى قيالداپ، لي بايدىڭ ”بەلگە اسىنعان وتكىر قىلىشپەن كروراندى الىپ ەڭبەك سىڭىرسەم“ دەگەن جاۋىنگەرلىك لەبىزىنەن اسەرلەنىپ، لي حىنىڭ ”ەر جىگىت نەگە قارۋ اسىنىپ، گۋانشاننىڭ ەلۋ دۋانىن قايتارىپ المايدى“ دەيتىن قايرات - جىگەرىنە تابىناتىن، بان چاۋ، زو زۇڭتاڭنىڭ شينجياڭمەن قاتىستى اڭىز حيكاياسىنا ءتىپتى دە قىزىعاتىن، ولاردىڭ وسى جەر ءۇشىن تۋىنداعان باتىرلىعىن قاتتى كوكسەيتىن.

  2019 - جىلى 7 - ايدا يۇي يۇي پويەزبەن 3 كۇن، 2 ءتۇن ءجۇرىپ قىزىلسۋ قىرعىز اۆتونوميالى وبلىسى اتۇش قالاسىنا كەلەدى، ازاق اۋىلىنا جەتكەن كۇننىڭ ەرتەسىندە ول ازاق اۋىلى تىجەن قىستاعى پارتيا ياچەيكاسىنىڭ ورىنباسار شۋجيى مىندەتىنە تاعايىندالادى.

  جاپاعا شىداۋدىڭ دايىندىعىمەن كەلگەنىمەن، الايدا رەال مەن بولجام مۇلدەم ۇقسامايدى، وعان سىناق ەندى عانا باستالعان - دى: قىستاق تۇرعىندار كوميتەتىنىڭ قىزمەت شارت - جاعدايى قاراپايىم، قىستا اۋا رايى ءارى سۋىق، ءارى قۇرعاق بولىپ، اس - سۋ ءتۇرى از، كوكونىس كەمشىل، قىستاق تۇرعىندارىمەن ءتىل جاعىنداعى قارىم - قاتىناستا كەدەرگى بار بولاتىن، وسى قيىن ماسەلەلەر يۇي يۇيدىڭ الدىنان بىرىنەن كەيىن ءبىرى كەزدەستى.

  يۇي يۇي تاباندىلىق كورسەتىپ، ۇيلەسە باستادى، بارلىق قايراتىن قىزمەتكە جۇمساپ، بۇقاراعا كوڭىل ءبولىپ، بۇقارانى كىرىستى ارتتىرىپ بايۋعا باستادى. قىستاقتا شياۋني دەگەن ورتا تەحنيكۋم بىتىرگەن وقۋشى بار بولاتىن، وتباسى شارت - جاعدايى ونشا جاقسى ەمەس ەدى. يۇي يۇي ونى جالعاستى وقۋعا جىگەرلەندىرىپ، وعان كومەكتەسىپ وقۋ جوسپارىن جاساپ بەرەدى، ونىڭ ىقپالىندا شياۋني داشۋەگە ەمتيحان بەرۋگە بەكىپ، بولاشاقتا اسپيرانت وقۋدى ويلايدى. ”قاراماققا بولماشى عانا شاراۋ سياقتانعانىمەن، باسقالاردىڭ تاعدىرىنا ىقپال ەتىپ وتىر، بۇل مەنى وتە تابىس سەزىمىنە بولەدى“، - دەدى يۇي يۇي.

  2020 - جىلى 4 - ايدا يۇي يۇي الماسىپ ازاق اۋىلدىق پارتكومنىڭ ورىنباسار شۋجيى بولادى. تىجەن قىستاعىنان كەتكەن كەزدە قىستاق الدەقاشان ”گۇلدەنىپ“ كەتكەن ەدى. كاسىپ سالاسى كوشەسى تۇلعالانا باستاپ، ىلگەرىندى - كەيىندى 22 كاسىپورىن قونىستانىپ، مىڭداعان قىستاق تۇرعىندارىنىڭ جاقىن ماڭدا جۇمىستانۋىن شەشتى؛ قىستاق جەمىس ورمانى كاسىبىنىڭ ءوندىرىس، قامبادا ساقتاۋ، مانەرلەۋ، ساتۋ كاسىپ سالاسى تىزبەگىن اشىپ، موناقي ءجۇزىمنىڭ كاسىپ سالالانۋ، بازارلانۋ دەڭگەيىن زور مولشەردە جوعارىلاتتى. قىستاق تۇرعىندارىنىڭ جايدارى كۇندەرى كوبەيىپ، يۇي يۇيدى جىبەرۋگە قيمادى.

  ”قىستاق تۇرعىندارىنىڭ شىنايى قۋانعانىن كورگەن كەزدە ەڭبەگىمنىڭ بوسقا كەتپەگەنىن، ءوز قالاۋىمنىڭ دۇرىس ەكەنىن سەزىندىم“، - دەدى يۇي يۇي.

  اتۇش قالاسى ”جۇڭگو موناقي ءجۇزىم مەكەنى“، ازاق اۋىلىندا 20 مىڭ مۋدان ارتىق ءجۇزىمدىك بار. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراپ، قاقاعان قىس كىرۋگە تاياپ قالسادا، ءجۇزىم ساباعىن جەرگە كومۋ جۇمىسى ىستەلمەيدى، ءجۇزىم ساباعى ۇسىككە ۇشىرايتىن بولسا، كەلەر جىلى قايتا ەگۋگە ۋاقىت تا، قارجى دا سارىپ بولادى، ەگىنشىلەر قاتتى زيانعا ۇشىرايدى. وسىلاردى ويلاپ، اۋىل شارۋاشىلىعىن باسقارۋعا جاۋاپتى بولعان يۇي يۇي ابىرجىپ مازاسىزدانادى. ول ءتۇرلى امال قاراستىرىپ، ەرىكتىلەر قىزمەت وتەۋ اتىرەتىن سايكەستىرىپ، ۇيىمداستىرىپ، العاشقى قار جاۋاردان بۇرىن ەگىنشىلەردىڭ قىسقى كومۋىن ورىنداۋىنا كومەكتەسىپ، ەگىنشىلەردىڭ كۇن كورىسىن ساقتاپ قالادى. قىسقى كومۋدى ورىنداپ بولعان كۇنى يۇي يۇي كەڭ دالاعا بارىپ، كومىلگەن ءجۇزىم ساباعىنا قاراپ، بارلىق تارتقان جاپاسىنىڭ بوسقا كەتپەگەنىن سەزىندى.

  ازاق اۋىلىنىڭ ورىنباسار باستىعى فىڭ جىدۇڭنىڭ نازارىندا يۇي يۇي قاراپايىم قىزمەت ورنىندا تىڭعىلىقتى ىستەۋگە رازى ادام، باسقاراتىن سالاسىنداعى كاسىپتەردە، اسىرەسە، نەگىزگى ساتى پارتيا قۇرىلىسى، مادەنيەت، ۇگىت، اۋىل شارۋاشىلىعى، ساۋداگەر شاقىرىپ، قارجى ەنگىزۋ جانە كاسىپ سالاسىن دامىتۋ سياقتى جاقتاردا ىستەگەن ىستەرى وتە تابىستى بولدى.

  اۋىلدىڭ وسى 2 جىلداعى وزگەرىسى جايلى ءسوز بولسا، يۇي يۇي قاباعات قۋانادى. ول بىلاي دەدى: ازاق اۋىلدىق ۇكىمەتتىڭ الدىنا تۇڭعىش كەلگەن كەزدە جاقىن ماڭدا شاعىن ساۋدا دۇكەنى دە جوق ەدى. قازىر ەرەن بازار، كەشكى بازار، اسحانا جاڭبىردان كەيىنگى جاۋقازىنداي كوبەيدى. قۇبا تۇزدەگى ءشول دالادان جىلدىق ءونىم قۇنى 120 ميلليون يۋاندىق كاسىپ سالاسى كوشەسى بوي كوتەرىپ، زاۆود ىشىندە ماشينالار گۇرىلدەپ، جۇك ماشينالارى ارى - بەرى قايشالىسىپ، قاربالاس كورىنىس جارىققا شىقتى.

  اۋىلداعى وزگەرىس يۇي يۇيدىڭ جالعاستى كۇرەس جاساۋ سەنىمىن ەسەلەپ ارتتىردى. ”ءبىر ادامنىڭ كۇش - قۋاتى وتە ماردىمسىز، الايدا جيا بەرسەڭ قۇمنان دا مۇنارا سالىنادى، وسىنشاما كوپ ادام شەكارا ءوڭىردى قۇلشىنا قۇرۋدا، شينجياڭ، ءسوز جوق، بارعان سايىن جاقسى بولادى“. ول باس شۋجي شي جينپيڭ ايتقانداي، جاستاردىڭ ۇلى مۇراتى بولعاندا، قايراتتانا ىلگەرىلەۋدىڭ كومەسكى كۇشىن قاۋلاتىپ، جاستىق ورالى رولسىز كەمەدەي قالىقتامايتىنىنا كامىل سەنەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.