اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ
شينجياڭداعى بارشا وقىتۋشىلارعا جولداعان حال سۇراۋ حاتى
ءوز حابارىمىز. 37 - رەتكى وقىتۋشىلار مەرەكەسى كەلۋ قارساڭىندا، اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى شينجياڭداعى بارشا وقىتۋشىلارعا حال سۇراۋ حاتىن جولدادى. تولىق مازمۇنى تومەندەگىدەي:
بۇكىل رايونداعى بارشا وقىتۋشىلارعا، وقۋ - اعارتۋ قىزمەتكەرلەرىنە جانە دەمالىسقا، زەينەتكە شىققان
وقىتۋشى - قىزمەتكەرلەرگە:
كورىكتى كوكتەمنەن ماۋەلى كۇزگە جەتتىك، جەمىس - جيدەكتىڭ حوش ءيىسى اڭقيدى. 37 - رەتكى وقىتۋشىلار مەرەكەسى كەلۋ قارساڭىندا، اۆتونوميالى رايوندىق پارتكوم مەن ۇكىمەت بۇكىل رايونداعى بارشا وقىتۋشىلاردىڭ، وقۋ - اعارتۋ قىزمەتكەرلەرىنىڭ جانە دەمالىسقا، زەينەتكە شىققان وقىتۋشى - قىزمەتكەرلەردىڭ، شينجياڭنىڭ ءىشى - سىرتىنداعى قالىڭ وقىتۋعا كومەككە بارعان قىزمەتكەرلەردىڭ مەرەكەسىن قۇتتىقتايدى، شىن جۇرەكتەن حال سۇرايدى جانە وسكەلەڭ قۇرمەت بىلدىرەدى! شينجياڭنىڭ وقۋ - اعارتۋ ىستەرىنىڭ دامۋىنا كوڭىل بولگەن، قولداۋ كورسەتكەن قوعامنىڭ ءار سالاسىنا شىنايى العىس ايتادى!
وقۋ - اعارتۋ − ۇلتتى گۇلدەندىرۋ مەن قوعامنىڭ العا باسۋىنىڭ ىرگە تاسى، مەملەكەتتى جونگە سالۋدا، ءسوز جوق، الدىمەن وقۋ - اعارتۋدى گۇلدەندىرۋ كەرەك، وقۋ - اعارتۋدى كۇشەيتۋدە، ءسوز جوق، الدىمەن وقىتۋشىلار قوسىنىن كۇشەيتۋ كەرەك. پارتيا 18 - قۇرىلتايىنان بەرى اۆتونوميالى رايوندىق پارتكوم مەن ۇكىمەت شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ وقۋ - اعارتۋ قىزمەتىنە باسشىلىعىن جالپى بەتتىك كۇشەيتىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، وقۋ - اعارتۋدىڭ نەگىزدىك سيپاتتى، جەتەكشىلىك سيپاتتى، جالپى جاعداي سيپاتتى ورنى مەن رولىن كورنەكتىلەندىرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ باعدارىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ءتۇبىرلى سيپاتتى، نەگىزدىك سيپاتتى، ۇزاق ۋاقىتتىق سيپاتتى قىزمەتتى ۇزدىكسىز كۇشەيتىپ، شينجياڭنىڭ وقۋ - اعارتۋ ىستەرىن ىلگەرىلەتۋدە وراسان زور وزگەرىستەر تۋدىرىپ، كورنەكتى ونىمدىلىككە قول جەتكىزدى. بۇكىل رايونداعى بارشا وقىتۋشىلار مەن وقۋ - اعارتۋ قىزمەتكەرلەرى باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، توراڭعى رۋحىمەن ادام تاربيەلەۋگە، شينجياڭدى گۇلدەندىرىپ، شەكارانى بەكەمدەۋگە قىزمەت وتەۋگە تاباندى بولىپ، ساباق مىنبەسىنە تەرەڭ تامىر تارتىپ، زەيىن سالا ادام تاربيەلەپ، قاجىرلىلىقپەن تەر توگىپ، قالتقىسىز ۇلەس قوسىپ، ءبىلىم تاراتۋ، يدەيا تاراتۋ، اقيقات تاراتۋ، رۋحتى سومداۋ، ءومىردى سومداۋ، جاڭا ادام سومداۋ سىندى ءداۋىردىڭ كەلەلى مىندەتىن شىنايى ارقالاپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالايتىن، ۇلەس قوساتىن سوتسياليزم قۇرىلىسشىلارى مەن ءىزباسارلارىن قۇلشىنا باۋلىدى، سىزدەر پارتيا مەن حالىقتىڭ سەنىمى مەن ماڭىزدى تاپسىرماسىنىڭ ۇددەسىنەن شىقتىڭىزدار، حالىق وقىتۋشىسى دەگەن داڭقتى ەسىمنىڭ ۇددەسىنەن شىقتىڭىزدار!
قازىر بۇكىل رايون جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، ءبىر نيەتپەن ىنتىماقتاسىپ، شىنايى يگەرىپ، ناقتى ىستەپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋدا. بارشا وقىتۋشىلار مەن وقۋ - اعارتۋ قىزمەتكەرلەرىنىڭ مۇرات - سەنىمدى بەكەمدەپ، ونەگە كورسەتىپ ادام تاربيەلەۋ اۋەلگى ماقساتىن ۇمىتپاي، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىن ەستە بەرىك ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق پارتيا مەن حالىق جاقتا تۇرىپ، سانالىلىقپەن جۇڭگوشا سوتسياليزمنىڭ بەرىك سەنۋشىسى جانە ادال امالياتتا ايگىلەۋشىسى بولىپ، پارتيا مەن حالىقتىڭ وقۋ - اعارتۋ ىستەرىنە ادال بولىپ، سانالىلىقپەن پارتيانىڭ وقۋ - اعارتۋ باعىتىن وقىتۋدى باسقارۋ قىزمەتىنىڭ تۇتاس بارىسىندا دايەكتىلەندىرۋىن؛ وقىتۋ مەن ادام تاربيەلەۋدىڭ بىرلىگىنە، سوزىمەن تاربيەلەۋ مەن ىسىمەن تاربيەلەۋدىڭ بىرلىگىنە، دەن قويا سۇراۋ مەن قوعامعا نازار اۋدارۋدىڭ بىرلىگىنە، عىلىم ەركىندىگى مەن عىلىمدى جۇيەلىلەندىرۋدىڭ بىرلىگىنە باستان - اياق تاباندى بولىپ، مۇرات - سەنىمى بار، ءمورال - قۇلقى بار، تىڭعىلىقتى ءبىلىمى بار، مەيىرىمدى جاقسى مۇعالىم بولۋعا ۇمتىلىپ، وزىق يدەيا - مادەنيەتتىڭ تاراتۋشىسى، پارتيانىڭ بيلىك جۇرگىزۋىنىڭ تاباندى قولداۋشىسى، وقۋشىلاردىڭ اقاۋسىز ءوسىپ - جەتىلۋىنىڭ جەتەكشىسى جانە جول باستاۋشىسى بولۋعا قۇلشىنىپ، جاڭا داۋىردەگى قالىڭ جاستار مەن ورەندەردىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز بورىشى ەتۋىنە كومەكتەسىپ، جۇڭگولىق بولۋ جىگەرىن، جالىنىن، سەنىمىن كۇشەيتىپ، ءداۋىردىڭ، جاستىق ورالدىڭ، پارتيا مەن حالىقتىڭ شىنايى ءۇمىتىن اقتاۋىن؛ توراڭعى رۋحىمەن ادام تاربيەلەۋگە، شينجياڭدى گۇلدەندىرىپ، شەكارانى بەكەمدەۋگە قىزمەت وتەۋگە باستان - اياق تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، وقۋ - وقىتۋ نەگىزگى شەبىنەن تاپجىلماي، ونى ويداعىداي قورعاپ، احىلاق، اقىل - وي، دەنە، ەستەتيكا، ەڭبەك جاقتارىندا جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن قۇلشىنا باۋلىپ، ءبىلىم بەرىپ ادام تاربيەلەۋ قىزمەت ورنىندا پارتيا مەن حالىق ىستەرى ءۇشىن تىڭ، اناعۇرلىم زور ۇلەستەر قوسۋىن ءۇمىت ەتەمىز!
ءار دارەجەلى پارتكومدار مەن ۇكىمەتتەر باستان - اياق وقۋ - اعارتۋدى الدىمەن دامىتىلاتىن ستراتەگيالىق ورىنعا قويىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، پارتيا ورتالىق كوميتەتىنىڭ وقۋ - اعارتۋ جونىندەگى كەلەلى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، جوعارى ساپالى وقۋ - اعارتۋ جۇيەسىن كۇش سالا قالىپتاستىرىپ، حالىق رازى بولاتىن وقۋ - اعارتۋدى قۇلشىنا ويداعىداي جۇرگىزۋ كەرەك. ستراتەگيالىق بيىكتىكتەن وقىتۋشىلار قىزمەتىنىڭ ەرەسەن ماڭىزدىلىعىن تولىق تانىپ، وقىتۋشىلار قوسىنى قۇرىلىسىن كۇشەيتۋدى نەگىزدىك قىزمەت رەتىندە يگەرىپ، جاڭا داۋىردەگى وقىتۋشىلار قوسىنى قۇرىلىسى رەفورماسىن ۇزدىكسىز تەرەڭدەتىپ، وقىتۋشى ءمورالى، وقىتۋشى ستيلى قۇرىلىسىن كۇشەيتىپ، وقىتۋشىلاردىڭ جالپىلىق ساپاسىن جوعارىلاتىپ، وقىتۋشىلاردىڭ زاڭدى ۇقىق - مۇددەسىن قامتاماسىز ەتىپ، وقىتۋشىلاردىڭ ورنىن، مامىلەسىن جوعارىلاتىپ، وقىتۋشىلاردىڭ دەنساۋلىعىنا كوڭىل ءبولىپ، وقىتۋشىلاردىڭ قىزمەت ورنىندا باقىت سەزىمىندە بولۋىنا، كاسىپتە تابىس سەزىمىندە بولۋىنا، قوعامدا داڭق سەزىمىندە بولۋىنا شىن مانىندە مۇمكىندىك جاساپ، وقىتۋشىلىقتىڭ قوعامنىڭ قۇرمەتىنە ەڭ بولەنەتىن جانە كىسى قىزىعاتىن كاسىپكە اينالۋىنا مۇمكىندىك جاساپ، تاڭداۋلى دارىندىلار وقىتۋشىلىقپەن تالاسا شۇعىلداناتىن، وقىتۋشىلاردىڭ ءبارى ءوز دارىنىن بارىنشا ايگىلەيتىن، ايگىلى ۇستاز، ايگىلى ماماندار ۇزدىكسىز جارىققا شىعاتىن تاماشا جاعدايدى قۇلشىنا قالىپتاستىرۋ كەرەك.
بۇكىل رايونداعى بارشا وقىتۋشىلاردىڭ، وقۋ - اعارتۋ قىزمەتكەرلەرىنىڭ جانە دەمالىسقا، زەينەتكە شىققان وقىتۋشى - قىزمەتكەرلەردىڭ، سونداي - اق وقىتۋعا كومەككە بارعان قىزمەتكەرلەردىڭ مەرەكەسىنىڭ كوڭىلدى، دەندەرىنىڭ ساۋ، قىزمەتتەرىنىڭ ءساتتى، وتباسىلارىنىڭ باقىتتى بولۋىن تىلەيمىز!
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى
شينجياڭ ۇيعۇر اۆتونوميالى رايوندىق حالىق ۇكىمەتى
2021 - جىلى 9 - ايدىڭ 9 - كۇنى
