رايونىمىز لاستانۋدان ساقتانۋ - جونگە سالۋدان قامال الۋ شايقاسىندا شەشۋشى ىلگەرىلەۋشىلىككە قول جەتكىزدى
الدىڭعى جارتى جىلدا 14 قالانىڭ اۋا ساپاسى جاقسى بولعان ورتاشا كۇن سالىستىرماسى ％72.1 بولدى
انار بۇلت / شينجياڭ گازەتىنىڭ ءتىلشىسى ساۋ حۋا 9 - ايدىڭ 9 - كۇنى ۇرىمجىدەن حابارلايدى. اۆتونوميالى رايوننىڭ لاستانۋدان ساقتانۋ - جونگە سالۋدان قامال الۋ شايقاسىن ىشكەرىلەي ويداعىداي جۇرگىزىپ، شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، بيىل 1 - ايدان 6 - ايعا دەيىن اۆتونوميالى رايونداعى 14 ايماقتىق، وبلىستىق، قالالىق ۇكىمەتتەر (اكىمشىلىك مەكەمەسى) تۇرعان قالالاردىڭ اۋا ساپاسى جاقسى بولعان ورتاشا كۇن سالىستىرماسى ％72.1 بولىپ، بىلتىر ۇقساس مەزگىلدەگىمەن سالىستىرعاندا 2.9 پايىز ارتقان. بۇكىل رايوندا نەگىزگى لاستاۋشى زاتتاردىڭ شىعارىلۋ جالپى مولشەرى، كومىر قىشقىل گازىنىڭ شىعارىلۋ كۇشەمەلىلىگى ءۇرتىس تومەندەپ، لاستانۋدان ساقتانۋ - جونگە سالۋدان قامال الۋ شايقاسىندا شەشۋشى ىلگەرىلەۋشلىككە قول جەتكەن.
”13 - بەسجىلدىق“ مەزگىلىندە رايونىمىز ەكولوگيانى قورعاۋدىڭ قىزىل سىزىق شەگى، قورشاعان ورتا ساپاسىنىڭ تومەنگى شەگى، بايلىقتان پايدالانۋدىڭ جوعارعى شەگى جانە ەكولوگيالىق ورتا رۇقسات ءتىزىمى سىندى ”ءۇش شەك، ءبىر ءتىزىم“ سىندى ەكولوگيالىق ورتانى وڭىرگە ءبولىپ باسقارۋ - تىزگىندەۋ جۇيەسىن ورناتۋدى جەدەلدەتىپ، تۇتاس رايوننىڭ ەكولوگيالىق ورتا ساپاسىن ءۇرتىس جاقسارتتى.
اتموسفەرا جاعىندا، 2020 - جىلى تۇتاس رايوندا كۇكىرت قوس توتىعىنىڭ، ازوتتى وتتەگى قوسىلىستارىنىڭ شىعارىلۋ مولشەرى 2015 - جىلداعىمەن سالىستىرعاندا جالپى ％8.12، ％8.88 ازايىپ، مەملەكەت بەلگىلەگەن ەكەۋىن ％3تىك ازايتۋ سىندى باعالاۋ نىساناسىنان استى؛ 14 ايماقتىق، وبلىستىق، قالالىق ۇكىمەتتەر (اكىمشىلىك مەكەمەسى) تۇرعان قالالاردا اۋا ساپاسى جاقسى بولعان ورتاشا كۇن سالىستىرماسى ％75.6 بولىپ، 2015 - جىلداعىدان 2.8 پايىز ارتتى. سۋ جاعىندا، باقىلانىپ - ولشەنگەن وزەن اعىسى، كول قويماسى، قالا - قالاشىقتاردىڭ شوعىرلى اۋىز سۋ قاينارى سۋ ساپاسىنىڭ جاقسى بولۋ سالىستىرماسى جەكە - جەكە ％98.8، ％74.2، ％92.4 بولىپ، 2015 - جىلداعىدان جەكە - جەكە 5.9، 10.9 جانە 0.3 پايىز جوعارىلاپ، تۇگەلدەي مەملەكەتتىڭ باعالاۋ كورسەتكىشى تالابىنا جەتتى؛ حيميالىق وتتەگىن قاجەت ەتۋ مولشەرى، ازوتتى امياك ％4.71، ％6.35ازايىپ، مەملەكەت بەلگىلەگەن ％1.6 جانە ％2.8 ازايتۋ سىندى باعالاۋ نىساناسىنان استى. توپىراق جاعىندا، تۇتاس رايوننىڭ اۋىر مەتالدىڭ شىعارىلۋىن ازايتۋ نىساناسى كۇنى بۇرىن ورىندالدى، توپىراق ورتاسىنىڭ ساپاسى جالپى جاقتان تۇراقتىلىقتى ساقتادى.
بيىل”14 - بەسجىلدىقتىڭ“ باستاما جىلى، رايونىمىز تابيعي گازدان پايدالانۋدى جوعارىلاتۋ، كومىر قىشقىل گازىنىڭ شىعارىلۋىن ازايتۋ، ەكولوگيالىق ورتانى قورعاۋدى باقىلاپ - باسقارۋدى كۇشەيتۋ، سۋ قاينارىن ءبىر تۇتاس جوسپارلاۋدى كۇشەيتۋ، توپىراقتىڭ لاستانۋىن قاتاڭ مەڭگەرۋدى بەكەمدەۋ، حاۋىپ - قاتەردىڭ الدىن الۋ سىندى ءتۇيىندى قىزمەتتەردى مۇقيات ويداعىداي ىستەپ، ەكولوگيالىق ورتا ساپاسىنىڭ ءۇرتىس جاقسارۋىن ىلگەرىلەتتى.
بيىل 1 - ايدان 6 - ايعا دەيىن اۆتونوميالى رايونداعى 14 ايماقتىق، وبلىستىق، قالالىق ۇكىمەتتەر (اكىمشىلىك مەكەمەسى) تۇرعان قالالاردىڭ اۋا ساپاسى جاقسى بولعان ورتاشا كۇن سالىستىرماسى ％72.1 بولىپ، سايكەس مەزگىلدەگىدەن 2.9 پايىز ارتتى؛ PM10نىڭ ورتاشا قويۋلىعى ءار تەكشەمەتردە 131 ميكروگرام بولىپ، سايكەس مەزگىلدەگىدەن ％13.8 ازايدى؛ 5.PM2تىڭ ورتاشا قويۋلىعى ءار تەكشەمەتردە 46 ميكروگرام بولىپ، سايكەس مەزگىلدەگىدەن ％16.4 ازايدى. بۇكىل رايوننىڭ جەر بەتى سۋ ساپاسى تۇراقتىلىقتى ساقتاپ، باقىلانىپ - ولشەنگەن 170 وزەن اعارىنىڭ قيما بەتى، 32 كول قويماسى، 120 سۋ قاينارىندا سۋ ساپاسىنىڭ جاقسى بولۋ سالىستىرماسى جەكە - جەكە ％98.2، ％81.25، ％93.3 بولدى. تۇتاس رايوننىڭ توپىراق ورتاسى ساپاسى، يادرو جانە رادياتسيا ورتا ساپاسى جالپى تۇلعالىق جاقتان تۇراقتىلىقتى ساقتادى.
”14 - بەسجىلدىق“ مەزگىلىندە، رايونىمىز جاسىل، تومەن كومىر قىشقىل گازدى دامۋ، كليمات وزگەرىسىنە توتەپ بەرۋ، پارنيك گازىنىڭ شىعارىلۋىن تىزگىندەۋ، اتموسفەرا ورتاسىن جاقسارتۋ، اۋىل - قىستاقتىڭ ەكولوگيالىق ورتاسىن جاقسارتۋ سياقتى 10 جاقتاعى ءتۇيىندى قىزمەتتى ارقاۋ ەتىپ، نەگىزگى تۇلعالىق جاۋاپكەرشىلىكتى تياناقتاندىرىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، پارتكوم باسشىلىق ەتەتىن، ۇكىمەت جەتەكشىلىك ەتەتىن، كاسىپورىن نەگىزگى تۇلعا بولعان، قوعامدىق ۇيىمدار مەن بۇقارا ات سالىساتىن قورشاعان ورتانى جونگە سالۋدىڭ وسى زامانعى جۇيەسىن جەدەل قۇرىپ، قورشاعان ورتانى جونگە سالۋ قابىلەتىن وسىزاماندىرۋدى ىلگەرىلەتەدى.
