قارامايلى قالاسى:
كادرلاردىڭ اۋىرتپالىعى جەڭىلدەدى، بۇقارانىڭ باقىتى ارتتى
انار بۇلت / شينجياڭ گازەتىنىڭ ءتىلشىسى گى يوۋجۇن، قارامايلى تىلشىلەر پۋنكتىنەن گاۋ يۇيفي
8 - ايدىڭ 25 - كۇنى تۇستەن بۇرىن قارامايلى قالاسى قارامايلى رايونى يىنبيڭ ءمالىسى يادياننا الەۋمەتتىك اۋماعىنا ءبىر جاڭا تۇرعىن قونىس تەپتى، الەۋمەتتىك اۋماق قىزمەتكەرى پىڭ يۋە نەبارى 5 مينۋتتا وسى تۇرعىننىڭ بارلىق ينفورماتسياسىن جۇيەگە ءتۇسىرىپ بولدى. ال، بۇل ينفورماتسيالاردى الەۋمەتتىك اۋماقتىڭ باسقا دا قىزمەت ينفورماتسيا تۇعىرلارى ءدال ۋاقىتىندا بولىسە الادى.
”بۇرىن الەۋمەتتىك اۋماقتاعى ۇقساماعان قىزمەتتەرگە جاۋاپتى قىزمەتتەستەر بۇل ينفورماتسيالاردى الەۋمەتتىك اۋماقتىڭ جالپىلىق ينفورماتسيا جيناۋ جۇيەسى، جىلجىمالى جان سانى جۇيەسى جانە جوسپارلى تۋىت جۇيەسى سياقتى، از دەگەندە، 3 تۇعىرعا جەكە - جەكە تۇسىرەتىن دە، ءبىر ساعات اينالاسىندا ۋاقىت كەتەتىن. قازىر تەك ’نەگىزگى ساتى ءبىر كەستە‘ جالپىلىق ينفورماتسيا جيناۋ جۇيەسى ارقىلى ينفورماتسيا تۇسىرىلەدى، بۇل جۇيە اۆتوماتتى تۇردە وسى ساندى مالىمەتتەردى باسقا جۇيەلەرمەن بولىسەدى دە، 5 مينۋتتا ورىندالىپ بولادى، قىزمەت سالماعى كوپ جەڭىلدەدى“، - دەدى پىڭ يۋە.
جۋىق جىلداردان بەرى قارامايلى قالاسى كوپ ءتۇرلى شارالاردى تەڭ قولدانىپ، نىسانالى تۇردە كۇش شىعارىپ، كەستە كوپ بولۋ، حۇجات شىعارۋ كوپ بولۋ، ءماجىلىس كوپ بولۋ، قۋزاۋ - تەكسەرۋ، تەكسەرۋ، باعالاۋ ىستەرى كوپ بولۋ سياقتى فورماشىلدىق ماسەلەلەرىن كۇش سالا رەتتەپ، جونگە سالىپ، ونىمدىلىگى ءۇرتىس كورنەكتى بولدى.
قارامايلى قالالىق حالىق ىستەرى مەكەمەسى نەگىزگى ساتى اكىمشىلىگى جانە الەۋمەتتىك اۋماقتى جونگە سالۋ ءبولىمىنىڭ ورىنباسار باستىعى جۋ يان بىلاي دەپ تانىستىردى: نەگىزگى ساتى كادرلارىن ”كەستەدەن“ ازات ەتۋ ءۇشىن، قارامايلى قالالىق پارتكوم 2017 - جىلدان باستان ارت - ارتىنان كوپ ءتۇرلى جوبا شىعارىپ، نەگىزگى ساتىنىڭ اۋىرتپالىعىن جەڭىلدەتۋدىڭ ءونىمدى جولدارىن قاراستىردى. وتە - موتە، 2019 - جىلى اۆتونوميالى رايوننىڭ نەگىزگى ساتىنىڭ اۋىرتپالىعىن جەڭىلدەتۋ سىناق ءتۇيىنى قالاسى بولعاننان كەيىن، قارامايلى قالاسى ”نەگىزگى ساتى ءبىر كەستە“ ارناۋلى رەفورماسىن جاڭالىق اشا ورىستەتتى. ”ءبىر تۇتاس جوسپارلاۋ، ءبىر تۇتاس ولشەم، ءبىر تۇتاس باسقارۋ“ پرينسيبى بويىنشا، بۇكىل قالادا بىرلىككە كەلگەن نەگىزگى ساتىنىڭ اۋىرتپالىعىن جەڭىلدەتۋ ”ءبىر كەستە“ جالپىلىق ينفورماتسيا جيناۋ جۇيەسىن اشىپ قۇرىپ، نەگىزگى ساتىداعى ساندى مالىمەتتەردى جينايتىن 11 تۇعىردى بىرلىككە كەلگەن ءبىر ينفورماتسيا جيناۋ جۇيەسى ەتىپ بىرىكتىرىپ، ”بايلىق قاينارى سيفرلانعان، قولدانىلۋى توراپتاسقان، بارىسى ولشەمدەنگەن“ نەگىزگى ساتى قىزمەت وتەۋ، باسقارۋ جۇيەسىن قۇرىپ، الەۋمەتتىك اۋماقتاعى ادام، ءىس، زات اراسىنداعى ينفورماتسيالاردى ۇلاستىرۋدى، تۇتاستىرۋدى، اۋىستىرۋدى، ورتاق پايدالانۋدى جانە قىزمەت جاعىندا سايكەسۋدى جۇزەگە اسىردى.
قازىر بۇل جۇيە تۇتاس قالاداعى 26 تاراۋ پايدالانىپ وتىرعان جۇيە ساندى مالىمەتتەرىن توپتاپ، تۇتاس قالاداعى 112 الەۋمەتتىك اۋماقتا (قىستاق) رەسمي اينالىسقا ءتۇستى. ءارقايسى الەۋمەتتىك اۋماق (قىستاق) جيناۋعا، تولتىرۋعا ءتيستى ساندى مالىمەتتەر 108گە ازايدى، قالعان ساندى مالىمەتتەردى ”نەگىزگى ساتى ءبىر كەستە“ ساندى مالىمەت قاينارىنان الۋعا بولادى، الەۋمەتتىك اۋماق (قىستاق) تۇرعىندارىنىڭ ينفورماتسياسىن جيناۋ مولشەرى زور مولشەردە تومەندەدى.
حۇجات باستىلىقتىڭ، ءماجىلىس باستىلىقتىڭ ”قايتادان ءورشۋىنىڭ“ الدىن الۋ نەگىزگى ساتىنىڭ اۋىرتپالىعىن جەڭىلدەتۋدەگى تاعى ءبىر ءتۇيىندى قىزمەت. الدىڭعى مەرزىمدەگى جونگە سالۋ نەگىزىندە، قارامايلى قالالىق پارتكوم ءبىر قىدىرۋ ساياساتتىق شارالاردى جاساپ، كەمەلدەندىرىپ، قالا دارەجەلى حۇجاتتاردى، ماجىلىستەردى ىقشامداۋ شارالارى مەن ناقتى تالاپتارىن ايقىنداپ، ءار جىلدىڭ باسىندا تۇتاس قالاداعى ءارقايسى تاراۋلاردىڭ، ءارقايسى مەكەمە - ورىنداردىڭ حۇجات شىعارۋ، ءماجىلىس اشۋ كورسەتكىش مولشەرىن تەكسەرىپ بەكىتتى ءارى ”بەيرەسمي“ حۇجاتتاردى نەمەسە قىزمەت حابارلاماسىن قىزىل باستى حۇجاتتىڭ ورنىنا قويۋ سياقتى جاسىرىن، وزگەرگەن ماسەلەلەردى باتىل تەجەدى. بيىل الدىڭعى جارتى جىلدا تۇتاس قالادا ىقشامدالىپ شىعارىلعان حۇجات جيىنى 256 بولىپ، بىلتىرعى ۇقساس مەزگىلمەن سالىستىرعاندا ％14.95 ازايدى. اشىلعان ىقشامدالعان تۇردەگى ءماجىلىس 48 مايدان بولىپ، بىلتىرعى ۇقساس مەزگىلمەن سالىستىرعاندا ％34.25 ازايدى.
”ءار دارەجەلى تاراۋلار باسىپ تاراتقان حۇجات كوپ ازايدى، كولەمى دە ەرەكشە قىسقاردى، تياناقتاندىرۋ تالابى دا ەرەكشە ايقىن ءارى ناقتى بولدى؛ مازمۇنى ۇقساس ءماجىلىس تۇگەلدەي بىرىكتىرىلدى نەمەسە سايكەستىرىلە اشىلدى، ونىڭ ۇستىنە كوبى تەلەۆيزور، تەلەفون ءماجىلىسى فورماسىندا اشىلدى، كەي ۋاقىتتا تىكەلەي مالىدە (اۋىل، قالاشىق) نەمەسە الەۋمەتتىك اۋماقتا (قىستاق) اشىلدى“، - دەدى قارامايلى قالاسى قارامايلى رايوندىق پارتكوم باقىلاۋ - تەكسەرۋ كەڭسەسىنىڭ جاۋاپتىسى پەي نياندىڭ.
وتكەندە نەگىزگى ساتى كادرلارى باعالاۋ، تەكسەرۋگە ازىرلەنۋمەن، ماتەريال جازۋمەن قاربالاس بولاتىن، زور مولشەردەگى ۋاقىت پەن زەيىن - زەردەنى باعالاۋ يەلەپ الاتىن. نەگىزگى ساتى كادرلارىنىڭ قولىن بوساتىپ، اۋىرتپالىعىن شىن مانىندە جەڭىلدەتۋ ءۇشىن، قارامايلى قالاسى قالا دارەجەلى قۋزاۋ - تەكسەرۋدىڭ، تەكسەرۋدىڭ، باعالاۋدىڭ جالپى مولشەرىن ۇزدىكسىز ازايتتى. ”جىل باسىندا تاراۋلار مالىمدەپ جولداۋ، بىرلەسىپ ارەكەتتەنىپ تەكسەرۋدى بىرىكتىرۋ، ءبىر رەتتە جوسپار جاساۋ“ ءتارتىبى بويىنشا، قالا دارەجەلى تاراۋلار مەن ءارقايسى رايوندار جولداعان قۋزاۋ - تەكسەرۋ، تەكسەرۋ، باعالاۋ ىستەرىن قاتاڭ يگەرىپ، سيپاتى ۇقساس، مازمۇنى جاقىن، وبيەكتسى بىردەي ىستەردى باتىل تۇردە كۇشىنەن قالدىرىپ، بىرىكتىرىپ نەمەسە رەتتەپ، مولشەرىن ازايتۋدى، ساپاسىن جوعارىلاتۋدى، ونىمدىلىگىن ارتتىرۋدى، ستيلدە بۇرىلىس جاساۋدى شىن مانىندە ورىندادى. 2020 - جىلى قالا دارەجەلى تاراۋلار جولداعان قۋزاۋ - تەكسەرۋ، تەكسەرۋ، باعالاۋ ىستەرى سايكەس مەزگىلدەگىدەن ％18.8 ازايىپ، ءارقايسى رايوندار ەستەلىككە العان قۋزاۋ - تەكسەرۋ، تەكسەرۋ، باعالاۋ ىستەرى سايكەس مەزگىلدەگىدەن ％18.5 ازايدى.
”اۋىرتپالىق جەڭىلدەگەننەن“ كەيىن قۋزاۋ - تەكسەرۋدى، تەكسەرۋدى، باعالاۋدى قايتكەندە ءونىمدى جۇزەگە اسىرۋعا بولادى؟ ”ءبىز قۋزاۋ - تەكسەرۋ، تەكسەرۋ، باعالاۋ ىستەرىندە ىستەردى الدىن الا ەستەلىككە الۋ، ءىس بىتكەننەن كەيىن مالىمدەۋ جانە اۋقىمدىق رەتتەۋ ءتۇزىمىن ورناتىپ، بارىسىن باقىلاۋ جانە قاداعالاپ ونىمدىلىگىن سۇراستىرۋدى كۇشەيتىپ، جاعدايدى زورايتىپ جىبەرۋ، زور كولەمدە ماتەريال تەكسەرىپ، جۇمىس ورنى ەسەبىن كورۋ سياقتى ىستەردى باتىل تۇزەتىپ، جۇمىس باسىن كوبىرەك ارالاپ، ناتيجەگە كوبىرەك قاراپ، ونىمدىلىگىنە كوبىرەك ءمان بەرىپ، ناقتى ىستەردى كوبىرەك كورىپ، بۇقارانىڭ ءسوزىن كوبىرەك ەستىپ، نەگىزگى ساتىنىڭ ماسەلەنى بايقاۋىنا، ماسەلەنى شەشۋىنە شىنايى كومەكتەستىك“، - دەدى قارامايلى قالالىق پارتكوم قۋزاۋ - تەكسەرۋ كەڭسەسىنىڭ ورىنباسار مەڭگەرۋشىسى حۋاڭ شۇيدۇڭ.
”2019 - جىلدان بۇرىن نانلين الەۋمەتتىك اۋماعىنىڭ ’ەكى كوميتەتى‘ مەن پارتيالى كادرلار ءار جىلى بۇقارا ءۇشىن 100دىڭ اينالاسىندا ناقتى ءىس ىستەپ بەرگەن ەدى، بيىل الدىڭعى 8 ايدا 175 جۇمىس ىستەپ بەردى، بۇقارانىڭ رازى بولۋ مولشەرى دە 2019 - جىلدان بۇرىنعى ％96.5تەن قازىرگى ％99.5كە جوعارىلادى“. قارامايلى قالاسى قارامايلى رايونى كۇنلۇن جولى ءمالىسى نانلين الەۋمەتتىك اۋماعى تۇرعىندار كوميتەتىنىڭ ورىنباسار مەڭگەرۋشىسى جاۋ لي: ”نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ ورىستەتىلۋى ءبىز نەگىزگى ساتى كادرلارىنىڭ ءتىپتى دە كوپ ۋاقىت پەن زەيىن - زەردەمىزدى بۇقارامەن بايلانىس جاساۋعا جانە قىزمەت وتەۋگە جۇمساۋىمىزعا وراي جاراتتى“، - دەدى.
