تيانشان تورى   ›   جاڭالىقتار   ›   ەل ءىشى حابارى

«مەملەكەتتىڭ ادامدىق ۇقىق ارەكەت جوسپارى (2021 − 2025 - جىل)» جاريالاندى

  شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 9 - ايدىڭ 9 - كۇنى «مەملەكەتتىڭ ادامدىق ۇقىق ارەكەت جوسپارىن (2021 − 2025 - جىل)» جاريالادى.

  ارەكەت جوسپارى كىرىسپە، ەكونوميكالىق، قوعامدىق جانە مادەنيەت ۇقىعى، ازاماتتىق ۇقىق جانە ساياسي ۇقىق، قورشاعان ورتا ۇقىعى، ەرەكشە قاۋىمداردىڭ ۇقىق - مۇددەسىن قامتاماسىز ەتۋ، ادامدىق ۇقىق تاربيەسى جانە زەرتتەۋلەر، الەمدىك ادامدىق ۇقىقتى جونگە سالۋعا ات سالىسۋ، اتقارۋ، باقىلاۋ جانە ساراپتاۋ سىندى 8 بولىمنەن قۇرالدى.

  ارەكەت جوسپارىندا مىنالار اتاپ كورسەتىلدى: 2009 - جىلدان بەرى ەلىمىز ىركەس - تىركەس 3 كەزەك مەملەكەتتىڭ ادامدىق ۇقىق ارەكەت جوسپارىن جاساپ، اتقاردى، حالىقتىڭ تۇرمىس دەڭگەيى ۇزدىكسىز جوعارىلادى، ءتۇرلى ۇقىقتار اناعۇرلىم شىنايى قامتاماسىز ەتىلدى، ەرەكشە قاۋىمنىڭ ۇقىق - مۇددەسىن قورعايتىن ساياساتتار مەن زاڭدىق شارالار اناعۇرلىم كەمەلدەندى، ادامدىق ۇقىقتى زاڭمەن جونگە سالۋ جاعىنان قامتاماسىز ەتۋ ونان ارى كۇشەيدى، الەمدىك ادامدىق ۇقىقتى جونگە سالۋعا جاپپاي ات سالىسىپ، دۇنيە جۇزىلىك ادامدىق ۇقىق ىستەرىنىڭ دامۋىنا ماڭىزدى ۇلەس قوستى.

  ارەكەت جوسپارىندا مىنالار ايتىلدى: 2021 − 2025 - جىلدار ەلىمىزدىڭ جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى ساتتەن ۇتىمدى پايدالانا وتىرىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتاتىن ءبىرىنشى بەسجىلدىق سانالادى. ارەكەت جوسپارىن جاساۋدىڭ جانە اتقارۋدىڭ نىسانالارى مىنالار:

  − جالپى حالىقتىڭ ەركىن، جاپپاي، بىرگە دامۋىن جەبەۋدى ادامدىق ۇقىق ىستەرى دامۋىنىڭ باس نىساناسى ەتۋ. حالىقتى وزەك ەتۋگە تاباندى بولىپ، حالىقتىڭ ادامدىق ۇقىقتى قامتاماسىز ەتۋ جونىندەگى جاڭا قاجەتتىلىكتەرىن قاناعاتتاندىرۋدى كۇرەس جاساۋ بەتالىسى ەتۋ. حالىقتىڭ تۇلعالىق ورنىنا تاباندى بولىپ، دامۋدىڭ حالىق ءۇشىن بولۋىنا تاباندى بولىپ، دامۋدا حالىققا سۇيەنىپ، دامۋ تابىستارىنان حالىقتى تەڭ يگىلىكتەندىرىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ارتتىرۋ.

  − حالىقتىڭ ەكونوميكالىق، قوعامدىق، مادەنيەت ۇقىعىن تولىق قامتاماسىز ەتىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرىپ، ادامنىڭ جان - جاقتى دامۋىنا اناعۇرلىم ءتيىمدى ەكونوميكالىق، قوعامدىق، مادەنيەت شارت - جاعدايىن ازىرلەۋ.

  − ازاماتتىق ۇقىق پەن ساياسي ۇقىقتى شىنايى قامتاماسىز ەتىپ، حالىقتىڭ قوعامدىق ىستەرگە ۇتىمدى ات سالىسۋىن جەبەپ، ادامنىڭ جان - جاقتى دامۋىن جۇزەگە اسىرۋعا اناعۇرلىم بەرىك دەموكراتيالىق، زاڭمەن جونگە سالۋ نەگىزىن ازىرلەۋ.

  − تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، تابيعاتقا قۇرمەت ەتۋگە، تابيعاتقا ۇيلەسۋگە، تابيعاتتى قورعاۋعا تاباندى بولىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەپ، ەكولوگيالىق وركەنيەت قۇرىلىسىن ىلگەرىلەتىپ، كورىكتى جۇڭگو قۇرىپ، بۇكىل ادامزاتتىڭ جانە كەيىنگى ۇرپاقتاردىڭ بىرگە يگىلىككە كەنەلەتىن دامۋى ءۇشىن باياندى شارت - جاعداي جاساۋ.

  − ەرەكشە قاۋىمنىڭ ۇقىق - مۇددەسىن تەڭ تۇرعىدا قورعاۋدى جانە ەرەكشە كومەكتەسۋ، سۇيەمەلدەۋدى كۇشەيتىپ، بارلىق ادامنىڭ دامۋ تابىستارىنان تەڭ يگىلىكتەنۋىن جەبەپ، بارلىق ادامنىڭ جان - جاقتى دامۋىن جۇزەگە اسىرۋعا ساياساتتىق قولداۋ كورسەتۋ.

  − ادامدىق ۇقىق جونىندەگى تاربيەنى، زەرتتەۋدى، باۋلۋدى جانە ءبىلىم جالپىلاستىرۋدى كەڭىنەن ورىستەتىپ، بۇكىل قوعام ادامدىق ۇقىققا قۇرمەت ەتەتىن جانە ونى قامتاماسىز ەتەتىن مادەنيەتتىك اۋقىم قالىپتاستىرۋ.

  − الەمدىك ادامدىق ۇقىقتى جونگە سالۋعا بەلسەنە ات سالىسىپ، بىرلەسكەن مەملەكەتتەر ۇيىمىنىڭ ادامدىق ۇقىق مەحانيزمى قىزمەتىنە تەرەڭدەي ات سالىسىپ، اناعۇرلىم ءادىل، تۋراشىل، ۇيلەسىمدى، سيىسىمدى الەمدىك ادامدىق ۇقىقتى جونگە سالۋ جۇيەسىن قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.