تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ حالىقارالىق استىق شىعىنىن ازايتۋ جينالىسىنا قۇتتىقتاۋ حات جولدادى

  شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى. 9 - ايدىڭ 10 - كۇنى مەملەكەت ءتوراعاسى شي جينپيڭ حالىقارالىق استىق شىعىنىن ازايتۋ جينالىسىنا قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: استىق حاۋىپسىزدىگى ادامزاتتىڭ ءومىر سۇرۋىنە ساياتىن ءتۇبىرلى ماسەلە، استىق شىعىنىن ازايتۋ استىق حاۋىپسىزدىگىن قامتاماسىز ەتۋدىڭ ماڭىزدى جولى. كەزەكتە جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە تارالىپ، استىق حاۋىپسىزدىگى سىن - سايىسقا ءدوپ كەلدى، دۇنيە جۇزىندەگى ەلدەر جەدەل ارەكەتتەنىپ، دۇنيە ءجۇزىنىڭ استىق شىعىنىن شىنايى ازايتۋ كەرەك.

  شي جينپيڭ بىلاي دەپ باسا دارىپتەدى: حالىقارالىق استىق شىعىنىن ازايتۋ جينالىسىن اشۋ جۇڭگو جاقتىڭ وتكەن جىلى 20 ەل توبى باسشىلارىنىڭ 15 - رەتكى باسشىلار ماجىلىسىندە ورتاعا قويعان دارىپتەمەسى. ءارقايسى جاقتىڭ وسى رەتكى جينالىستى وراي ەتىپ، قول ۇستاسا سەلبەسىپ، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرىپ، اشارشىلىق بولماۋ، كەدەيشىلىك بولماۋ نىساناسىن جۇزەگە اسىرۋعا كۇش - قۋاتىن ارناپ، دۇنيە ءجۇزىنىڭ استىق جاۋىپسىزدىگىن قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋلارىن ءۇمىت ەتەمىن.

  حالىقارالىق استىق شىعىنىن ازايتۋ جينالىسى سول كۇنى شاندۇڭ ولكەسىنىڭ جينان قالاسىندا اشىلدى، نەگىزگى تاقىرىبى: ”استىق شىعىنىن، ىسىراپشىلدىعىن ازايتىپ، دۇنيە ءجۇزىنىڭ استىق حاۋىپسىزدىگىن جەبەۋ“، اۋىل شارۋاشىلىعى، اۋىل - قىستاق مينيسترلىگى، مەملەكەتتىك دامۋ جانە رەفورما كوميتەتى، مەملەكەتتىك استىق جانە زاتتىق ماتەريالداردى زاپاس ساقتاۋ مەكەمەسى، شاندۇڭ ولكەلىك حالىق ۇكىمەتى بىرگە وتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.