شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى. 9 - ايدىڭ 10 - كۇنى مەملەكەت ءتوراعاسى شي جينپيڭ 18 - كەزەكتى جۇڭگو − شىعىس وڭتۇستىك ازيا ەلدەرى وداعى كورمەسىنە جانە جۇڭگو − شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار ماجىلىسىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جۇڭگو مەن شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقان 30 جىلدان بەرى ەكى جاق جان - جاقتىلى سەلبەستىكتى ۇزدىكسىز تەرەڭدەتىپ، ءوزارا ەڭ ۇلكەن ساۋدا سەرىگى بولىپ، ازيا - تىنىق مۇحيت وڭىرىندەگى ەڭ ومىرشەڭدىككە يە سەلبەسۋشىلەرگە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ەكى جاق ىندەتكە قول ۇستاسا قارسى اتتانىپ، ۋاقىتتىق قيىندىقتى بىرگە جەڭىپ، ءىس جۇزىندىك ارەكەتتەرى ارقىلى ءوزارا قارايلاساتىن، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا رۋحىن ۇعىندىردى.
شي جينپيڭ بىلاي دەپ باسا دارىپتەدى: وتكەن جىلى 11 - ايدا 17 - كەزەكتى جۇڭگو − شىعىس وڭتۇستىك ازيا ەلدەرى وداعى كورمەسىنىڭ جانە جۇڭگو − شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار ءماجىلىسىنىڭ اشىلۋ سالتىندا اناعۇرلىم تىعىز جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋ جونىندە مەن العا قويعان 4 دارىپتەمە شىعىس وڭتۇستىك ازيا ەلدەرىنىڭ بەلسەندى ءۇن قوسۋىنا يە بولدى، قاتىستى سالاداعى سەلبەستىك ۇزدىكسىز ىلگەرىلەۋدە. بولاشاققا بەت العاندا، جۇڭگو جاق شىعىس وڭتۇستىك ازيا ەلدەرى وداعىمەن ستراتەگيالىق ءوزارا سەنىمدىلىكتى نىعايتىپ، ىندەتكە قارسى اتتانۋ، ەكونوميكا - ساۋدا سياقتى سالالارداعى سەلبەستىكتى تەرەڭدەتىپ، وڭىرلىك جان - جاقتىلى ەكونوميكالىق سەرىكتەستىك قارىم - قاتىناس كەلىسىمىنىڭ ەرتەرەك كۇشكە يە بولىپ اتقارىلۋىن ىلگەرىلەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، اناعۇرلىم جوعارى دەڭگەيدەگى ستراتەگيالىق سەرىك قارىم - قاتىناسىن تۇلعالاپ، وسى ءوڭىردىڭ گۇلدەنگەن، دامىعان تاماشا جاعدايىن بىرگە قورعاۋدى قالايدى.
18 - كەزەكتى جۇڭگو − شىعىس وڭتۇستىك ازيا ەلدەرى وداعى كورمەسى جانە جۇڭگو − شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار ءماجىلىسى سول كۇنى گۋاڭشيدىڭ ناننيڭ قالاسىندا اشىلدى، نەگىزگى تاقىرىبى: ”قۇرلىق - تەڭىز جاڭا ارناسىنىڭ جاڭا ورايىنان بىرگە يگىلىكتەنىپ، جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن بىرگە قۇرۋ“، جۇڭگو ساۋدا مينيسترلىگى مەن شىعىس وڭتۇستىك ازيا ەلدەرى وداعىنداعى 10 ەل ۇكىمەتىنىڭ ەكونوميكا - ساۋدا نەگىزگى باسقارۋ تاراۋلارى، سونداي - اق شىعىس وڭتۇستىك ازيا ەلدەرى وداعى حاتشىلار باسقارماسى بىرگە وتكىزدى.
