انار بۇلت / شينجياڭ گازەتىنىڭ ءتىلشىسى سۇڭ ۋيگو
”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا، ونسۋ اۋدانىنداعى 28 ورىن نازاردى كوكيار قالاشىعى پاقىلىق قىستاعىنا شوعىرلاندىرىپ، قىستاق تۇرعىندارىنا بايۋدىڭ تىڭ جولىن اشىپ بەرىپ، قىستاقتاعى پارتيا مۇشەلەرىن باستاپ ”مەن بۇقارا ءۇشىن ناقتى ءىس ىستەيمىن“ قيمىلىنا بەلسەنە قاتىناستى، ءبىر - بىرلەگەن جاقسى ىستەردى، ناقتى ىستەردى ىستەپ قىستاق تۇرعىندارىنىڭ قالاۋىنان شىقتى.
پوچتا جەدەل جەتكىزۋ ءتۇيىنى، ەرەن بازار، سوقماق دۇكەنى، تۇزبەن ەمدەۋ ءۇيى ... 9 - ايدىڭ 8 - كۇنى ءتىلشى پاقىلىق قىستاعىنان ءبىر - بىرلەگەن ستيلى وزگەشە ەرەكشە شاعىن دۇكەندەردىڭ قىستاق تۇرعىندارىنىڭ ۇيلەرىنەن اشىلعاندىعىن كوردى.
پاقىلىق قىستاعى − مالشىلاردى وتىرىقتاندىرۋ ءتۇيىنى، 2012 - جىلى قۇرىلعان. كوكيار قالاشىعى پارتكومنىڭ مۇشەسى گۇلزار امۋدۇن تىلشىگە بىلاي دەدى: پارتيا تاريحىن ۇيرەنۋ تاربيەسى ورىستەتىلگەننەن بەرى تۇتاس اۋدانداعى 28 ورىن قىستاققا تىكەلەي كومەكتەسىپ، سۇيەمەلدەپ، ارتىقشىلىقتاردى ساۋلەلەندىرىپ 30 قىستاق تۇرعىنىنىڭ ۇيلەرىنەن شاعىن دۇكەن اشۋىنا كومەكتەستى. بۇل 30 شاعىن دۇكەن قىستاقتا ”كاسىپ سالاسى كوشەسىن“ قالىپتاستىرىپ، بيىل جالپى 3000 ادام - رەت ساياحاتشى قابىلداپ، 300 مىڭ يۋاننان استام تيجارات كىرىسىن كىرگىزدى.
65 جاستاعى حيلىل ءالي ونسۋ اۋداندىق ءادىليا مەكەمەسىنىڭ كومەكتەسۋىندە سوقماق دۇكەنىن اشتى، قىستا سوقماق ساتادى، جازدا دوعاپ ساتادى. ”ايەلىم ەكەۋىمىزدىڭ جاسىمىز ۇلعايدى، سىرتقا شىعىپ جۇمىس ىستەۋگە شاراسىزبىز، وسى شاعىن دۇكەنىمىز بولعاندىقتان، ۇيدەن شىقپاي - اق كىرىسىمىزدى ارتتىردىق، شىنىندا، ەرەكشە جاقسى بولدى!“، - دەدى حيلىل.
حيلىلدىڭ سوقماق دۇكەنى بيىل 5 - ايدا رەسمي تيجارات باستادى. تيجارات باستاۋدان بۇرىن ونسۋ اۋداندىق ءادىليا مەكەمەسى ارناۋلى ادام جىبەرىپ حيلىلمەن تالاي رەت اقىلداسىپ، تيجارات نىسانىن تۇراقتاندىردى. ەرلى - زايىپتى ەكەۋىنىڭ جاستارىنىڭ ەگدەلەپ قالعاندىعىن ەسكەرىپ، ونسۋ اۋداندىق ءادىليا مەكەمەسى ولاردى تاعى دايىن سوقماقپەن قامداۋ جوباسىن ورتاعا قويدى، ال حيلىل دۇكەندە سوقماق ساتسا عانا بولدى.
سوقماق دۇكەنى تيجارات باستاعاننان كەيىن، ساۋداسىنىڭ كۇن سايىن كۇسەتتەنە ءتۇسۋى حيلىلدى ەرەكشە اسەرلەندىردى: ”پارتيا مەن ۇكىمەتتىڭ قامقورلىعى مەن قولداۋىندا تۇرمىسىمىز بارعان سايىن جاقساردى. مەن دە ءبىر پارتيا مۇشەسىمىن، جاسىم ەگدەلەپ قالسا دا شامامنىڭ جەتىسىنشە قىستاقتاعى قيىنشىلىعى بار بۇقاراعا از بولسادا ناقتى، جاقسى ءىس ىستەپ بەرۋىم كەرەك“، - دەيدى. بيىل 6 - ايدا حيلىل ىرىقتىلىقپەن قىستاقتاعى قيىنشىلىعى بار بۇقاراعا وتىن جارىپ جەتكىزىپ بەردى، تاعى ءوزىنىڭ ءۇش دوڭگەلەكتى ارباسىمەن تاسىمال قۇرالى جوق قىستاق تۇرعىندارىنىڭ تىڭايتقىشىن تاسىستى.
پاقىلىق قىستاعىندا حيلىل سياقتى قىستاق تۇرعىندارى وتە كوپ. ەرەن بازار قوجايىنى ءقامبارحان ابدۋايىت دۇكەنىندەگى تاۋارلاردىڭ باعاسىن اۋدان قالاشىعىنداعى ەرەن بازارلارداعىمەن بىردەي قويىپ، قىستاق تۇرعىندارىن ارزان باعادان يگىلىكتەندىردى؛ پوچتا جەدەل جەتكىزۋ ءتۇيىنىنىڭ جاۋاپتىسى اۋانار مامەت قىستاق تۇرعىندارىنىڭ جەدەل جولدامالارىن تاپسىرىپ الۋ - جونەلتۋىنە كومەكتەسۋمەن بىرگە، تاعى تاسىمالمەن شۇعىلداناتىن كۇيەۋىنە قىستاق تۇرعىندارىنىڭ دۇنيەلەرىن الا كەلۋدى ۇنەمى تاپسىرىپ وتىرادى....
”پارتيا تاريحىن ۇيرەنۋ تاربيەسى ورىستەتىلگەننەن بەرى ءبىز’ مەن بۇقارا ءۇشىن ناقتى ءىس ىستەيمىن‘ امالياتتىق قيمىلىنىڭ نىساناسىن، تالابىن توڭىرەكتەي وتىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەر كەزىندە شەشىپ بەردىك. قيمىل بارىسىندا پارتيالى كادرلار شىن ىقىلاسىمەن نەگىزگى ساتىداعى بۇقارانىڭ قيىن ىستەرىن، ۋايىمداعان ىستەرىن شەشۋىنە كومەكتەسىپ، بۇقارانىڭ تولىق مويىنداۋىنا يە بولدى“، - دەدى ونسۋ اۋداندىق پارتكوم ۇگىت ءبولىمىنىڭ ورىنباسار باستىعى جيڭ ۋىنشيڭ.
