تيانشان تورى
تيانشان تورى   ›   جاڭالىقتار   ›   شينجياڭ حابارلارى

”جەمىس - جيدەكتىڭ اتاعىن شار تاراپقا تاراتىپ باعۋانداردىڭ قالتاسىن قامپايتتى“

□ انار بۇلت / شينجياڭ گازەتىنىڭ ءتىلشىسى تۇيا

  9 - ايدىڭ 7 - كۇنى ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) سولتۇستىك اۋماق ونەركاسىپ باقشاسىنداعى شينجياڭ جەمىس شارۋاشىلىعى توبى ەلەكتروندى ساۋدا تيجارات ورتالىعىنىڭ قامباسىندا قىزمەتكەرلەر جەمىس ونىمدەرىن قوراپتاۋدا. □ سۋرەتتى انار بۇلت / شينجياڭ گازەتىنىڭ ءتىلشىسى زوۋ ي تۇسىرگەن

  9 - ايدىڭ 9 - كۇنى شينجياڭ جەمىس شارۋاشىلىعى توبىنىڭ قاراستىلىعىنداعى شينجياڭ جەمىس شارۋاشىلىعى داتاڭ سىلۋ ەلەكتروندى ساۋدا شەكتى سەرىكتەستىگىنىڭ اتقارۋشى القاسى ياڭ يۇڭشياڭ تىلشىگە بىلاي دەدى: ”جاڭا عانا اياقتاعان جۇڭگو حالىقارالىق قىزمەت وتەۋ ساۋدا جارمەڭكەسىندە شينجياڭ جەمىس شارۋاشىلىعى توبى شەكتى سەرىكتەستىگى قاراماعىنداعى ەرەكشە اۋىل شارۋاشىلىق ونىمدەرى كوپتەگەن كەلىسىمدەر مەن تاپسىرىستارعا قول جەتكىزدى، وتە - موتە، تۇڭعىش رەت كورمەگە قويىلعان ورگانيكالى جاڭعاق مايى، ماقسارى مايى سياقتى جىنتىكتەي مانەرلەنگەن ونىمدەر جۇرت نازارىن اۋداردى“.

  شينجياڭ جەمىس شارۋاشىلىعى توبى − مەملەكەتتىڭ اۋىل شارۋاشىلىعىن كاسىپ سالالاندىرۋداعى ءتۇيىندى باستاماشى كاسىپورىن، ول تۇتاس شينجياڭداعى جەمىس ورمان بايلىق ابزالدىلىعىن سۇيەنىش ەتە وتىرىپ قازىرگى كەزدە جەمىس ورمانى ۇلگى كورسەتۋ ەگىمشىلىگى، ءوندىرۋ - مانەرلەۋ، تەرمينالدىق ساتۋ جانە بازار باسقارۋ ءبىر تۇلعالانا دامىعان كولەمدى تۇتاس كاسىپ سالاسى تىزبەگىندىك كاسىپورىنعا اينالدى.

  2020 - جىلى 9 - ايدا باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. شينجياڭنىڭ ەرەكشەلىككە يە باسىمدىعى بار كاسىپ سالاسىن جەتىلدىرىپ، زورايتىپ، جەرگىلىكتى بۇقارانىڭ كىرىستەرىن ارتتىرىپ بايۋىنا باستاماشىلدىق ەتۋ كەرەك.

  ”باس شۋجي شينجياڭنىڭ جەمىس ورمانى كاسىبىنىڭ ەگىنشى - مالشىلاردىڭ كىرىسىن ارتتىرۋداعى باستاماشىلدىق اسەرىنە باستان - اياق نازار اۋدارىپ كەلەدى، 2014 - جىلى جەمىس شارۋاشىلىعى توبىنا كەلىپ قىزمەت تەكسەرگەندە، ءبىزدى ’شينجياڭنىڭ ەرەكشەلىككە يە بايلىقتارىن ونان ارى ويداعىداي اشىپ، ەكونوميكالىق دامۋدى جەبەۋ جانە شارۋالاردىڭ كىرىسىن ارتتىرۋ ءۇشىن كوپتەپ ۇلەس قوسىڭىزدار‘ دەپ جىگەرلەندىردى، وسى سوزدەرى مەنىڭ سانامنان وشپەستەي ورىن الدى“، - دەدى ياڭ يۇڭشياڭ.

  وتكەن ءبىر جىلدا، شينجياڭ جەمىس شارۋاشىلىعى توبى ماركا قۇرىلىسى، اۋىل شارۋاشىلىعى ونىمدەرى ساۋدا بازارىن قۇرۋ، اۋىل شارۋاشىلىق ونىمدەرىن جىنتىكتەي مانەرلەۋ سياقتى جاقتاردا ۇزدىكسىز كۇش سالىپ، قىزمەتتى بايىپتىلىقپەن ىستەپ، قارىشتاپ دامۋدى جۇزەگە اسىردى.

  ساپالى، ەرەكشە اۋىل شارۋاشىلىعى ونىمدەرىن جوعارى باعاعا يە ەتۋ ءۇشىن، بۇل توپ الي بابا سياقتى ەل ىشىندەگى ءىرى ەلەكتروندى ساۋدا تۇعىرلارىمەن سەلبەستىك جاساپ، جاراتىلىستىق بايلىق جانە جاعراپيالىق شارت - جاعداي ابزالدىلىعىنا يە جەر اتى ۇعىمىن نەگىز ەتۋ ارقىلى ”شينجياڭ ءدامىن ىزدەۋ“، ”كورىكتى شينجياڭ“ سياقتى جەلىلەس جالپىلاستىرۋ قيمىلدارىن ورىستەتىپ، ىلگەرىندى - كەيىندى تۇرپاننىڭ ءدانسىز اق ءجۇزىمى، يىڭسار اۋداننىڭ سامەت ورىگى، اقسۋدىڭ ”18 گرادۋستىق ءتاتتى“ الماسى سياقتىلار بويىنشا ساتۋ قيمىلدارىن جۇرگىزىپ، ءتۇرلى ەرەكشە اۋىل شارۋاشىلىعى ونىمدەرىنىڭ تانىمالدىلىعىن ۇزدىكسىز جوعارىلاتتى.

  جۋىق جىلداردان بەرى جەمىس ورمانى بايلىق ابزالدىلىعىن ماركا ابزالدىلىعىنا، باسەكە ابزالدىلىعىنا جەدەل اينالدىرۋ ءۇشىن، رايونىمىز ەرەكشە اۋىل شارۋاشىلىعى ونىمدەرىن شينجياڭ ىشىندە ساتىپ الۋ جانە شينجياڭ سىرتىنا ساتۋ سىندى ”ەكى تور“ قۇرىلىسىن ىسكە قوستى. قازىر شينجياڭ جەمىس شارۋاشىلىعى توبى تۇتاس رايونداعى جەمىس ورمانى نەگىزگى وندىرىلەتىن جەردەن شىلان، جاڭعاق سياقتى 11 قامبادا ساقتاۋ، مانەرلەۋ، ساۋدالاۋ، شوعىرلاندىرۋ - جەتكىزۋ ورتالىعىن قۇرىپ، بازا، مانەرلەۋ، ساۋدالاۋ، سۋىق تىزبەكتى قامبادا ساقتاۋ، زات اينالىمى جەتكىزۋ، تاسىمالداۋدان تەرمينالدى ساتۋعا دەيىنگى تۇتاس كاسىپ سالاسى تىزبەگىن شوعىرلاندىرا دامىتۋ تۇعىرىن ورناتتى. 2020 - جىلى توپتىڭ ساتىپ العان - ساتقان، ساۋدالاعان اۋىل شارۋاشىلىعى ونىمدەرىنىڭ كولەمى 2 ميلليون توننا بولىپ، قاتىستى بازارلار باستاماشى بولعان ماۋسىمدىق ىستەتكەن جۇمىسشى سانى 10 مىڭ ادامنان استى.

  بيىل شينجياڭ جەمىس شارۋاشىلىعى توبى قاتىستى مەڭگەرمە - مەكەمەلەرمەن، سونداي - اق جەرگىلىكتى ورىنمەن سەلبەسىپ، ىلگەرىندى - كەيىندى شاعانتوعاي تاۋ گۇلى مەرەكەسى ”مادەنيەت + ساياحات + ەلەكتروندى ساۋدا“ توعىستىرا دامىتۋ قيمىلى، ”باقىتتى يىڭسار، شيڭحاۋ يۋني“ دەگەن سياقتى نەگىزگى تاقىرىپتىق قيمىلدار ورىستەتتى. ”جەرگىلىكتى ورىننىڭ گۋمانيتارلىق ەرەكشەلىگىن، جاعراپياسىن، عۇرىپ - ادەتىن، سونداي - اق ساپالى ەرەكشە ونىمدەرىن ينتەرنەت تۇعىرى ارقىلى جەلىدە جانە جەلىدەن تىس جان - جاقتى كورمەلەپ، جەرگىلىكتى ورىن اۋىل شارۋاشىلىعى ونىمدەرى ماركاسىن جاراتىپ، قاتىستى كاسىپ سالاسىنىڭ ۇزدىكسىز دامىپ، دارەجەسىن جوعارىلاتۋىن جەبەدىك“، - دەدى ياڭ يۇڭشياڭ، - ”ءبىز تاعى جەر - جەردەگى ۇكىمەتتەرمەن سەلبەستىكتى كۇشەيتىپ، اۋىل شارۋاشىلىعى ونىمدەرىن جىنتىكتەي مانەرلەۋ جاعىندا ارشىندى قادام تاستاپ، ماقسارى مايى، جاڭعاق مايى، شىرعاناق توڭازىتىلعان قۇرعاق ۇنتاعى، قىزاناقتى جىنتىكتەي مانەرلەۋدەن جاسالعان ونىمدەر سياقتىلاردى ىركەس - تىركەس بازارعا سالدىق“.

  ”ءبىز جەمىس شارۋاشىلىعىمەن شۇعىلدانۋشىلار باس شۋجي شي جينپيڭنىڭ تاپسىرماسىن باستان - اياق ەسىمىزگە بەرىك ساقتاپ، شينجياڭ اۋىل شارۋاشىلىعى ونىمدەرى ’ەكى تور‘ قۇرىلىسىن ارقاۋ ەتە وتىرىپ، ەرەكشە جەمىس ورمانى كاسىپ سالاسى تىزبەگىن ۇزدىكسىز كەمەلدەندىرىپ، كاسىپورىندى ۇزدىكسىز دامىتۋدى، زورايتۋدى ىلگەرىلەتۋمەن بىرگە، ءتىپتى دە كوپ جەمىس شارۋالارىن كىرىستەرىن ارتتىرىپ، بايۋعا ۇزدىكسىز جەتەلەپ، جەمىس - جيدەكتىڭ اتاعىن اسپانداتىپ، جەمىس شارۋالارىنىڭ قالتاسىن قامپايتامىز“، - دەدى شينجياڭ جەمىس شارۋاشىلىعى توبى پارتكومىنىڭ شۋجيى جاۋ جۋان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.