تيانشان تورى   ›   جاڭالىقتار   ›   شينجياڭ حابارلارى

شينجياڭ بۇكىل مەملەكەت بويىنشا تۇڭعىش ”تەمىر جول جەدەل قاتىناسى“ جۇڭگو - ەۆروپا كەزەكشى پويەزىن جونەلتتى

  انار بۇلت / شينجياڭ گازەتىنىڭ ءتىلشىسى چىن چياڭۋي 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 10 - كۇنى ءۇرىمجى حالىقارالىق قۇرلىق پورت رايونىندا، ءبىر جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان اتتانىپ، الاتاۋ شەكارا وتكەلىنەن شەكارادان شىعىپ، گەرمانياعا جول الدى. بۇل بۇكىل مەملەكەت بويىنشا تۇڭعىش رەت شەكارادان شىققان ”تەمىر جول جەدەل قاتىناسى“ جۇڭگو - ەۆروپا كەزەكشى پويەزى. وسى ۇلگى بويىنشا جولعا شىققان جۇڭگو - ەۆروپا كەزەكشى پويەزى كەدەننەن ءوتۋ تەكسەرۋ ءراسمياتىن اتتانعان جەرىندە - اق تۇگەلدەي ءبىتىرىپ بولعاندىعىن، شەكارا وتكەلدەن توتە شەكارادان شىعا الاتىندىعىن، كەدەننەن ءوتۋ ونىمدىلىگىنىڭ تاعى ءبىر مارتە جوعارىلاعاندىعىن اڭعارتادى.

  بيىل جىل باسىنان بەرى جۇڭگو - ەۆروپا كەزەكشى پويەزىنىڭ جولعا شىعۋ مولشەرى، زات تاسىمالداۋ مولشەرى زور دارەجەدە جوعارىلاپ، شينجياڭ شەكارا وتكەلدەرى جۇڭگو - ەۆروپا كەزەكشى پويەزىنىڭ شەكارادان كىرىپ - شىعۋداعى نەگىزگى وتكەلىنە اينالدى. باتىسقا اشىلعان حالىقارالىق زات تاسىمالداۋ داڭعىلىن اناعۇرلىم ىركىلىسسىزدەندىرىپ، جۇڭگو - ەۆروپا كەزەكشى پويەزىنىڭ قاتىناۋ ونىمدىلىگىن جوعارىلاتۋ ءۇشىن، كەدەن باس مەكەمەسى تەمىر جول جەدەل قاتىناسىنىڭ ەڭ جاڭا كەدەندىك باقىلاۋ - باسقارۋ ۇلگىسىن اتقارۋدى ورتاعا قويدى. كاسىپورىنداردىڭ ءوز قاجەتىنە نەگىزدەلىپ تەمىر جول جەدەل قاتىناسى كاسىبىن اشۋدى ءوتىنىش ەتۋىنە بولادى ءارى تەمىر جول تاراۋلارى بەلگىلەمە بويىنشا كەدەنگە تەمىر جول جۇك ءتىزىمىنىڭ ەلەكتروندى ساندى مالىمەتىن الدىن الا جىبەرەدى. كەدەن تەمىر جول جۇك ءتىزىمىنىڭ ەلەكتروندى ساندى مالىمەتىن تەكسەرۋ، وتكىزۋ، انىقتاپ ەسەپتەن شىعارۋ ارقىلى تەمىر جول تورابىنداعى پويەزدارعا تيەلگەن يمپورت - ەكسپورت زاتتارىن كەدەن اۋىستىرىپ تاسىمالداۋدى باقىلاپ - باسقارادى، بۇعان كاسىپورىننىڭ قايتالاي مالىمدەۋىنىڭ ءارى كەدەن اۋىستىرۋ راسمياتىن ءبىتىرۋىنىڭ قاجەتى جوق.

  شي - ان شياڭيان قامداۋ تىزبەگىن باسقارۋ شەكتى سەرىكتەستىگى شينجياڭ بولىمشە سەرىكتەستىگى كەدەنگە مالىمدەۋ ءبولىمىنىڭ ديرەكتورى جاڭ جي - ۋي وسى رەفورمانىڭ جەتىستىگىن تۇڭعىش سىناپ كورۋشىگە اينالدى. ”وسى ۇلگى ارقىلى مەن تەك كەدەنگە مالىمدەۋ ءتىزىمىن عانا جازامىن، كەدەن اۋىستىرۋ ءتىزىمىن ەندىگارى جازۋىمنىڭ قاجەتى جوق، ەكسپورت راسمياتى 6 تۇردەن 5 تۇرگە قىسقارىپ، وسى ءبىر بۋىننىڭ وزىندە 2 دە 3 كۇن ۋاقىت ۇنەمدەلەتىن بولدى“، - دەدى جاڭ جي - ۋي.

  ءۇرىمجى حالىقارالىق قۇرلىقتىق پورت رايونىندا ”تەمىر جولدا كەدەننەن جەدەل وتكىزۋ“ بويىنشا شەكارادان شىعۋ كەزەكشى پويەزى رەسمي جونەلتكەن كەزدە، ءبىر حالىقارالىق كەزەكشى پويەز دا ”تەمىر جولدا كەدەننەن جەدەل وتكىزۋ“ ۇلگىسى ارقىلى قورعاس شەكارا وتكەلىنەن ءوتىپ چۇڭچيڭگە جول الدى. وسى كەزەكشى پويەز دا قورعاس كەدەنىندە بارلىق شەكارادان كىرۋ راسمياتىن ۇقساس ۇلگىدە ءبىتىرىپ، توتە چۇڭچيڭگە جونەلتىلەدى، چۇڭچيڭ كەدەنىندە كەدەن اۋىستىرۋ، انىقتاپ ەسەپتەن شىعارۋ راسمياتىن ءبىتىرۋى قاجەتسىز.

  ”ءۇرىمجى بۇكىل ەل بويىنشا جۇڭگو - ەۆروپا كەزەكشى پويەزى شوعىرلاندىرۋ ورتالىعى سىناق تۇيىنىندەگى 5 ۇلكەن قالانىڭ ءبىرى، وسى رەتكى رەفورما ونىڭ زات توپتاۋ ونىمدىلىگى مەن باسەكەلىك قۋاتىن ونان ارى جوعارىلاتادى. كەدەن ەل ىشىندەگى زاتتاردى تەمىر جولدا تاسىمالداۋ فورماسىمەن قۇرلىقتىق پورت رايونىندا شوعىرلاندىرۋ - جونەلتۋدى جۇزەگە اسىرۋعا شابىتتاندىرىپ، ءتىپتى دە كوپ تاۋاردىڭ جۇڭگو - ەۆروپا كەزەكشى پويەزى ارقىلى جونەلتىلۋىنە دەم بەرىپ، شينجياڭنىڭ اشىق ەكونوميكاسىنىڭ ساپاسىن جوعارىلاتىپ، ونىمدىلىگىن ارتتىرۋدى ۇزدىكسىز ىلگەرىلەتەدى“، - دەدى ءۇرىمجى كەدەنىنىڭ ورىنباسار باستىعى ۋ ۋي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.