يگىلىگىن كورگەن بۇقارا 3 ميلليون 474 مىڭ 900 ادامعا جەتتى
انار بۇلت / شينجياڭ گازەتىنىڭ ءتىلشىسى ميھىرگۇل ناسىر 9 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، الدىڭعى 8 ايدا اۆتونوميالى رايوننىڭ قازىنا تاراۋلارى 28 ءتۇرلى حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات سوماسىنان جيىنى 22 ميلليارد 144 ميلليون يۋان تاراتقان، يگىلىگىن كورگەن بۇقارا 3 ميلليون 474 مىڭ 900 ادامعا جەتكەن.
تاراتىلعان قوسىمشا قاراجاتتىڭ سوماسىنان الىپ قاراعاندا، الدىڭعى 5 ورىنداعى نىسان جەكە - جەكە مىنالار بولعان: قيىنشىلىعى بار بۇقاراعا بەرىلگەن قۇتقارۋ - كومەكتەسۋ جاردەماقى قاراجاتى 4 ميلليارد 462 ميلليون يۋان بولىپ، تاراتىلعان جالپى سومانىڭ ％20.15ىن يەلەگەن؛ ەگىستىك جەردىڭ قۇنارلىلىعىن قورعاۋعا بەرىلگەن قوسىمشا قاراجات 2 ميلليارد 315 ميلليون يۋان بولىپ، تاراتىلعان جالپى سومانىڭ ％10.45ىن يەلەگەن؛ اۋىل شارۋاشىلىق ماشينالارىن ساتىپ الۋعا بەرىلگەن قوسىمشا قاراجات 891 ميلليون يۋان بولىپ، تاراتىلعان جالپى سومانىڭ ％4.02ىن يەلەگەن؛ جاڭا كەزەكتى ەگىستىكتەن ورماندى، جايلىمدى قالپىنا كەلتىرۋگە بەرىلگەن جاردەماقى قاراجاتى 447 ميلليون يۋان بولىپ، تاراتىلعان جالپى سومانىڭ ％2.02ىن يەلەگەن؛ اۋىل - قىستاق بەيقۇت ءۇي ينجەنەرياسىنا بەرىلگەن جاردەماقى قاراجاتى (اۋىل - قىستاقتىڭ تۇرعىن ءۇي قۇرىلىسىنا بەرىلەتىن قاتىستى جاردەماقى قاراجاتى) 301 ميلليون يۋان بولىپ، تاراتىلعان جالپى سومانىڭ ％1.36ىن يەلەگەن.
اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بيىل اۆتونوميالى رايوندىق قازىنا مەڭگەرمەسى پارتيا تاريحىن ۇيرەنۋ تاربيەسىن وراي ەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، كوپ ءتۇرلى شارالاردى قاتار قولدانىپ، حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن دەر كەزىندە، دالمە - ءدال، جەتكىلىكتى تۇردە بۇقارانىڭ قولىنا تاراتىپ بەردى. اۆتونوميالى رايوندىق قازىنا مەڭگەرمەسى اۆتونوميالى رايون، ايماق - وبلىس - قالا، اۋدان - قالا - رايون 3 دارەجە بىرلەسىپ قيمىلداۋ قىزمەت ارناۋلى القاسى مەحانيزمىن ورناتىپ، كۇندەلىكتى باسقارۋ مەن باقىلاۋ - تەكسەرۋدى ۇزدىكسىز كۇشەيتىپ، ءتۇرلى حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات ساياساتىنىڭ ناقتى تياناقتانۋىنا شىنايى كەپىلدىك ەتتى.
