تيانشان تورى   ›   جاڭالىقتار   ›   ەل ءىشى حابارى

جەلمەن قايتا كوتەرىلگەن جەلكەن

— شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونى قۇرىلىسىنا كوڭىل بولگەندىگى جونىندە ەستەلىك

شينحۋا اگەنتتىگىنىڭ تىلشىلەرى

  كۇز باسى، ليڭناننىڭ بايتاق دالاسى جاسىل جەلەك جامىلعان، شىنجىن شىعاناعىنىڭ جاعالاۋىندا كۇن شايداي اشىق.

  2021 - جىلى 9 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس باسىپ تاراتقان «چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ جوباسى» جاريالانىپ، چيانحاي سىندى ”ەرەكشە رايوننىڭ ىشىندەگى ەرەكشە رايوننىڭ“ تىڭ ساتىعا كوتەرىلۋىنە شىت جاڭا كەلەشەك كەستەلەدى.

  چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىن اشۋ، قۇرۋ شياڭگاڭنىڭ ەكونوميكالىق، قوعامدىق دامۋىن قولداۋداعى، گۋاڭدۇڭنىڭ، شياڭگاڭنىڭ، اۋمىننىڭ سەلبەستىك دەڭگەيىن جوعارىلاتۋداعى، سىرتقا ەسىك اشۋ جاڭا ارناسىن قالىپتاستىرۋداعى ماڭىزدى شارا، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋدە، شىنجىننىڭ جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋىنا قولداۋ كورسەتۋدە، شياڭگاڭدىق باۋىرلاستاردىڭ وتانعا ۇيىسۋ كۇشىن نىعايتۋدا كەلەلى ماڭىزعا يە.

  سان كەمە كوتەرىپ جەلكەنىن، جەلدەي ەسىپ بارادى، بارادى زىمىراپ بەتكە الىپ كوك جيەك جاعانى.

  جوسپارلاۋدان، ورنىن تۇراقتاندىرۋدان اشۋ، قۇرۋعا دەيىن، جول ىزدەۋدەن ۇلگى قالىپتاستىرۋعا دەيىن... چيانحاي سەلبەستىك رايونىنىڭ ارشىندى باسقان ءار قادامىن باس شۋجي شي جينپيڭنىڭ تىكەلەي ورنالاستىرۋىنان، ىلگەرىلەتۋىنەن بولە قاراۋعا بولمايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولىپ قولداۋىندا، چيانحاي سەلبەستىك رايونىنىڭ قۇرىلىسى قاۋىرت ءجۇرىلىپ، ”ءبىر ەل، ەكى ءتۇزىم“ اياسىنداعى الدىمەن جۇرگىزىپ، الدىمەن سىناۋداعى، تۇزىمدە جاڭالىق اشۋعا جەتەكشىلىك ەتۋدەگى ”وشاققا“ اينالدى.

  جاسىل جەلەك جامىلعان چيانحاي تاس باقشاسىنا كىرىپ، تولقىن ورنەگى تۇسىرىلگەن جولدى بويلاپ ەڭ باسىنا بارساڭىز، ”جەلكەن جايىپ ساپارعا شىعۋ“ بەينەسىندەگى الىپ سارى تاس كوزىڭىزگە شالىنادى، تاستىڭ بەتىنە ”چيانحاي“ دەگەن جازۋ باداناداي ەتىپ بەدەرلەنگەن.

  تاستىڭ جانىندا تۇرىپ، الىسقا كوز جبەرىڭىز.

  ءبىر جاعىڭىزدا تەڭىزدەن ەندەي ءوتىپ جاتقان يانجياڭ جوعارى قارقىندى تاس جولى، ءبىر جاعىڭىزدا قاز - قاتار تىزىلگەن ءزاۋلىم عيماراتتار. مىنە بۇل چيانحاي سەلبەستىك رايونى. ەكونوميكالىق جالپى مولشەرى 100 ميللياردتىق دەڭگەيگە جەتتى ءارى ۇزدىكسىز جوعارىلادى؛ كاسىپورىندى تىركەۋگە الۋدا ”رۇقسات كۋالىگى مەن تيجارات كۋالىگىن ءبولۋدى“، تىركەۋ كاپيتالىن سەنىمدى تاپسىرىممەن تىركەۋ ءتۇزىمىن، يمپورت تاۋارلاردى تەگىن بۇكىل الەم بويىنشا انىقتاپ وتكىزۋدى الدىمەن اتقاردى... ءتۇزىم جاسامپازدىعى جەتىستىگىنەن جيىنى 645 ءتۇرىن شىعاردى، 65 ءتۇرى بۇكىل ەلدە كوشىرىلىپ جالپىلاستىرىلدى.

  قۇي - باتپاق قايراڭنان كوركەيىپ - گۇلدەنگەن قالاعا دەيىنگى چيانحايدىڭ كۇن سايىن جاڭارىپ، اي سايىن تۇلەجىگەن وزگەرىسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ الىستى بولجاۋىنىڭ، جاعدايدى انىقتاپ، بەتالىستى بەلگىلەۋىنىڭ جەمىسى.

  باس شۋجي شي جينپيڭنىڭ چيانحايمەن ”بايلانىسى“ 2010 - جىلدان باستالعان.

  وسى جىلى 1 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىڭ ورىنباسار ءتوراعاسى مىندەتىندەگى شي جينپيڭ جولداس شىنجىن مەن شياڭگاڭنىڭ سەلبەسىپ چيانحاي ءوڭىرىن اشۋ جونىندەگى پىكىرگە بەكىتۋ جازدى. 4 - ايدىڭ 7 - كۇنى گۋاڭدۇڭ ولكەلىك حالىق ۇكىمەتى مەن شياڭگاڭ ەرەكشە اكىمشىلىك رايونى ۇكىمەتى بەيجيڭدە «گۋاڭدۇڭ - شياڭگاڭ سەلبەستىك جۇلگەلىك كەلىسىمىنە» قول قويدى، شي جينپيڭ جولداس قول قويۋ سالتىنا قاتىناستى.

  2010 - جىلى 8 - ايدىڭ 26 - كۇنى مەملەكەتتىك كەڭەس «چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ جالپى تۇلعالىق دامۋ جوباسىن» بەكىتتى. وسىدان باستاپ وسى جاڭا تىندىرىلعان تەڭىز اۋماعى ءوز اتىنا يە بولدى.

  گۋاڭدۇڭنىڭ وڭتۇستىگىن قوڭىر سامال ەسىپ، جۋجياڭدا تولقىن جوڭكىلدى.

  چيانحاي سەلبەستىك رايونى جوقتان بار بولىپ، شارىقتاي دامىعان كەزدەردە باس شۋجي شي جينپيڭ باستان - اياق وسى شىت جاڭا ”رەفورما سىناق اتىزىن“ كوكەيىنەن شىعارمادى.

  2012 - جىلى 12 - ايدىڭ 7 - كۇنى شي جينپيڭ جولداس جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولعاننان كەيىن العاش رەت بەيجيڭنەن شىعىپ قىزمەت تەكسەرگەندەگى ءبىرىنشى بەكەت وسى اراعا كەلدى.

  چيانحاي تاسىنىڭ جانىندا باس شۋجي شي جينپيڭ رەفورما جاساۋعا، ەسىك اشۋعا قايتا اتتانۋ ۇندەۋىن شىعاردى. ول تەرەڭ سۇيىسپەنشىلىكپەن چيانحايدان: ”دەن قويا ەڭبەك ەتىپ، تاپتەشتەي جۇمىس ىستەپ، جىل سايىن جاڭالاپ وتىرۋ، ءبىر پاراق اق قاعازعا نولدەن باستاپ، ەڭ كوركەم، ەڭ تاماشا جوبا سىزىپ شىعۋ كەرەك“ دەپ ءۇمىت ارتتى.

  2018 - جىلى 10 - ايدىڭ 24 - كۇنى جۇڭگو رەفورما جاساۋدىڭ، ەسىك اشۋدىڭ 40 جىلدىعىن قارسى العان ساتتە، باس شۋجي شي جينپيڭ چيانحايعا تاعى كەلدى. كەزىندەگى قايراڭدا اعاشتار ماۋەلەي ءوسىپ، كوكوراي شالعىن تەربەلىپ، ءزاۋلىم عيماراتتار قاز - قاتار ەڭسە كوتەرىپ تۇر.

  چيانحاي تاسىنىڭ الدىندا، باس شۋجي شي جينپيڭ چيانحاي قۇرىلىسشىلارى مەن كۋاگەرلەرىنىڭ ۋاكىلدەرىمەن وراسان زور وزگەرىستەر جايىندا اڭگىمەلەستى. ول تەرەڭ تەبىرەنىسپەن: دامۋىنىڭ وسىنشاما تەز بولۋى چيانحاي ۇلگىسىنىڭ جارامدى ەكەندىگىن بىلدىرەدى، كوشىرىپ جالپىلاستىرۋعا بولاتىن ءبىر توپ تاجىريبەنى زەرتتەپ شىعىپ، بۇكىل ەلدە جالپىلاستىرۋ كەرەك، - دەدى.

  ”جاندى دا جالىندى“ —2018 - جىلى 12 - ايدىڭ 31 - كۇنى باس شۋجي شي جينپيڭ جاڭا جىلدى قۇتتىقتاۋ سوزىندە شىنجىن چيانحايدى ارناۋلى تىلگە الىپ، تاعى ءبىر رەت تۇراقتاندىردى.

  2020 - جىلى 10 - ايدىڭ 14 - كۇنى شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى سالتاناتپەن وتكىزىلدى، ورنى چيانحاي حالىقارالىق ءماجىلىس ورتالىعى بولدى. بۇل باس شۋجي شي جينپيڭنىڭ چيانحايعا 3 - رەت كەلۋى.

  باس شۋجي شي جينپيڭ پارتيا ورتالىق كوميتەتىنىڭ شىنجىننىڭ رەفورما جاساۋىنان، ەسىك اشۋىنان، جاڭالىق اشا دامۋىنان زور ءۇمىت كۇتەتىندىگىن اتاپ كورسەتتى. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن بەلسەندىلىكپەن ىسكەرلىك كورسەتىپ ىشكەرىلەي ىلگەرىلەتۋدى تىلگە العاندا، باس شۋجي شي جينپيڭ: ”چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورماسىن، ەسىك اشۋىن تەرەڭدەتۋ كەرەك“، - دەپ باسا دارىپتەدى.

  كەلەلى تاپسىرما، ىقىلاستى ءۇمىت.

  «چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ جوباسىن» جاساۋ قىزمەتىنە شي جينپيڭ جولداستى ۇيتقى ەتكەن پارتيا ورتالىق كوميتەتى ايرىقشا ءمان بەردى.

  جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس باسىپ تاراتقان «گۋاڭدۇڭ - شياڭگاڭ - اۋمىن ۇلكەن شىعاناق رايونىن دامىتۋ جوسپارى باعدارلاماسىندا» بىلاي دەپ ايقىن ورتاعا قويىلدى: ”چيانحايدىڭ سەلبەسىپ دامۋداعى جەتەكشىلىك رولىن كۇشەيتۋ كەرەك. چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ جالپى تۇلعالىق دامۋ جوباسىنا لايىقتى كەزىندە وزگەرىس ەنگىزىپ، چيانحايدىڭ دامۋ كەڭىستىگىن اناعۇرلىم كەڭەيتۋ جونىندە زەرتتەۋ جۇرگىزۋ ءارى جاڭادان ارتقان اۋماقتا چيانحايعا قاتىسى قولداۋ ساياساتىن اتقارۋ كەرەك“.

  2019 - جىلى 8 - ايدا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ شىنجىن جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋعا قولداۋ كورسەتۋ جونىندەگى پىكىر» جاريالانىپ، چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورماسىن، ەسىك اشۋىن ىشكەرىلەي تەرەڭدەتىپ، تۇزىمدە جاڭالىق اشۋدى وزەك ەتىپ، شياڭگاڭعا، اۋمىنعا ەسىك اشۋ دەڭگەيىن ۇزدىكسىز جوعارىلاتۋدى تالاپ ەتتى.

  2021 - جىلى 2 - ايدا باس شۋجي شي جينپيڭ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى باسشىلىق گرۋپپاسىنىڭ قاراعاننان كەيىن مەملەكەتتىك كەڭەسكە تاپسىرعان «چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ جوباسىن» قۇپتادى ءارى 3 - ايدا جوبا ورتالىق رەفورمانى جاپپاي تەرەڭدەتۋ كوميتەتىنىڭ قول قويىپ بەكىتۋىنە جولدانعان كەزدە تاعى دا ماڭىزدى بەكىتۋ جاسادى.

  بيىل 4 - ايدا باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جوبانى قارادى، اقىلداستى. ماجىلىستە باس شۋجي شي جينپيڭ ايقىن تالاپ قويىپ، چيانحايدىڭ دامۋى گۋاڭدۇڭ مەن شياڭگاڭنىڭ، شىنجىن مەن شياڭگاڭنىڭ سەلبەستىگىن جەبەپ، شياڭگاڭنىڭ مەملەكەتتىڭ دامۋ كەلەلى جاعدايىنا اناعۇرلىم ويداعىداي توعىسۋىن ىلگەرىلەتۋگە ءتيىمدى، رەفورما جاساۋدىڭ، ەسىك اشۋدىڭ جاڭا بيىگىن تۇلعالاپ، بۇكىل ەلدىڭ باسقا وڭىرلەرىنە تاجىريبە، ۇلگى ازىرلەۋگە دە ءتيىمدى دەپ باسا دارىپتەدى.

  الىپ تاس، اساۋ تولقىن، جەلمەن كوتەرىلگەن جەلكەن.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىندە، جەتەكشىلىك ەتۋىندە، چيانحاي سەلبەستىك رايونى ەرەكشە رايون ادامدارىنىڭ ”ەلدەن وزىپ شىعۋعا باتىلدىق ەتەتىن“ رۋحىن تولىق ساۋلەلەندىرىپ، ”جىل سايىن جاڭالانىپ وتىرۋداي“ كەرەمەت تۇلەۋدى جۇزەگە اسىردى. بۇل كۇندەرى چيانحاي جاڭا كۇرەس تاراۋىن بار كۇشپەن جازۋدا.

  شياڭگاڭ سىندى الەمدىك فينانس ورتالىعىمەن كورشىلەس بولۋ چيانحايدىڭ رەفورما جاساۋدى، ەسىك اشۋدى تەرەڭدەتۋدەگى تابيعي ارتىقشىلىعى، ول چيانحايدىڭ گۋاڭدۇڭ مەن شياڭگاڭنىڭ، شىنجىن مەن شياڭگاڭنىڭ سايكەسە دامۋى جونىندە ىزدەنىس جاساۋ جانە ونى بايىتۋ جاعىنداعى ءداۋىر بورىشىن ارقالاپ وتىرعاندىعىن بىلدىرەدى.

  2014 - جىلى 3 - ايدا مەملەكەتتىك ەكى ءماجىلىس كەزىندە باس شۋجي شي جينپيڭ گۋاڭدۇڭ ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە چيانحاي شياڭگاڭمەن دامۋدىڭ بايلانىس دەڭگەيىن كۇشەيتىپ، شياڭگاڭنىڭ دامۋ كەڭىستىگىن كەڭەيتۋىنە، شياڭگاڭنىڭ قۇرىلىمدى جاقسارتۋىنا سۇيمەندىك رول اتقارۋ كەرەك دەپ باسا دارىپتەدى.

  2018 - جىلى 10 - ايدا باس شۋجي شي جينپيڭ چيانحايدى كوزدەن كەشىرگەندە بىلاي دەپ نۇسقاۋ بەردى: شىنجىن چيانحاي قۇرىلىسىن تىڭعىلىقتى ىلگەرىلەتىپ، ءتىپتى دە كوپ ناقتى جاسامپاز رەفورما شارالارىن العا قويىپ، ءتىپتى دە كوپ كوشىرىپ جالپىلاستىرۋعا بولاتىن تاجىريبەلەرگە ىزدەنىس جاساۋ كەرەك، شىنجىن مەن شياڭگاڭنىڭ سەلبەستىگىن تەرەڭدەتۋ، ءوزارا دەم بەرۋ، ءبىر - بىرىنە سايكەسۋ، ”ءبىر بەلدەۋ، ءبىر جولدى“ بىرگە قۇرۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ، حالىقارالىق سەلبەستىككە جوعارى دەڭگەيدە ات سالىسۋ جاقتارىندا ءتىپتى دە زور رول اتقارادى.

  ىقىلاستى ءتالىم اسقاق سالتاناتپەن چيانحايدا ۇزاق قالىقتادى.

  شياڭگاڭنىڭ قاجەتىمەن ىشكەرىلەي ۇشتاسۋ ءۇشىن، چيانحاي شياڭگاڭ كاسىپورىندارىنا جەردىڭ ۇشتەن بىرىن وتكەرىپ بەرۋدى ۇيعاردى. قازىرگە دەيىن چيانحاي شياڭگاڭ كاسىپورىندارىنا اۋدانى 39.55 گەكتار كەلەتىن 19 جەردى ساتىپ بەردى، بۇل جاڭادان وتكەرىپ بەرىلگەن تيجاراتتىق جەر اۋدانىنىڭ شامامەن %40ىن يەلەدى.

  چيانحاي ”ەكى %15“ سالىق ءتۇزىلىسى رەفورماسىن الدىمەن سىناق ەتىپ، شياڭگاڭ كاسىپورىندارىنا لايىقتاپ ءبىر توپ قالىپتىق قۇرىلىس شوعىرىن سالدى ءارى زاڭمەن جونگە سالۋدىڭ بىرەگەي وزىق ورتاسىن قالىپتاستىرۋعا تاباندى بولىپ، گۋاڭدۇڭ - شياڭگاڭ - اۋمىن بىرلەسىپ جۇمىس جۇرگىزەتىن ادۆوكاتتار جۇمىس ورنى، گۋاڭدۇڭ - شياڭگاڭ - اۋمىن ۇلكەن شىعاناق رايونى حالىقارالىق تورەلىك ايتۋ ورتالىعى، شىنجىن ءبىلىم مەنشىك ۇقىعى سوتى سياقتىلاردى قۇرىپ، جيىنى 110نان استام زاڭمەن جونگە سالۋ جاسامپازدىق جەتىستىگىن جارىققا شىعاردى.

  قازىرگە دەيىن چيانحاي سەلبەستىك رايونىندا جيىنى 11 مىڭ 500 شياڭگاڭ قارجىلاندىرعان كاسىپورىن تىركەۋگە الدىرعان كاپيتالى حالىق اقشاسىمەن ءبىر تريلليون 280 ميلليارد يۋان بولدى، ناقتى پايدالانىلعان شياڭگاڭ قارجىسى چيانحايدىڭ ناقتى پايدالانعان سىرتقى قارجىسىنىڭ %92.4ىن يەلەدى.

  ساياساتتىڭ تياناقتانۋى ناقتى بولدى ما، جوق پا، شارۋاشىلىق - ساۋدا ورتاسى جاقسى ما، جوق پا، بۇل جونىندە ءدال سونداعى ادامدار عانا ءسوز ايتۋ ۇقىعىنا يە.

  ”80 - جىلداردىڭ تۇلەگى“ شياڭگاڭدىق جاس ياۋ جىنباڭ كەزىندە امەريكادا شارۋاشىلىق قۇرعان، 2015 - جىلى چيانحاي شىنجىن - شياڭگاڭ جاستار ارمانى جۇمىس الاڭىنا كەلىپ شارۋاشىلىق قۇردى. ”العاش كەلگەندە مەترو قاتىناماعان بولاتىن.“ ول بىلاي دەدى: قازىر 4 تارماق مەترو قاتىنادى، جول جانە ءزاۋلىم عيمارات قاۋىرت سالىندى، سەپتەلۋى بارعان سايىن جاقسارىپ، قۇرىلعىلارى بارعان سايىن قولايلى بولدى، ”چيانحاي جىلدامدىعى“ ادامدى تاڭ قالدىرادى.

  ياۋ جىنباڭ قۇرعان تيانكۇڭشى عىلىم - تەحنيكا (شىنجىن) شەكتى سەرىكتەستىگى كومىر كەن، ەلەكتر قۋاتى سياقتى كاسىپتەرمەن شۇعىلدانۋشىلاردى عۇمىر سالاماتتىعىن باقىلاۋ - ولشەۋ، سونداي - اق قىزمەت باسقارۋدىڭ زات ينتەرنەتى شەشۋ جوباسىمەن قامدادى. ”ءبىز شىنجىنداعى ءبىر تەڭىز استى تۋنەلى نىسانىن قابىلدادىق، بۇل تاپسىرىستى الۋ توتەنشە ماڭىزدى“. ياۋ جىنباڭ: جۇمىس جاقسى جۇرىلگەندىكتەن، سەرىكتەستىك ەكى كەزەكتى قارجى قۇراۋعا قول جەتكىزدى، - دەدى.

  چيانحايعا بارايىق! كوپتەگەن شياڭگاڭدىقتار، شياڭگاڭ كاسىپورىندارى ياۋ جىنباڭمەن ۇقساس تالعام جاسادى. ادام كۇشى بايلىعى قىزمەتىمەن اينالىساتىن شياڭگاڭدىق جاس سۇن شۋپيڭ بيىل 5 - ايدا شىنجىن چيانحاي فينانس باسقارۋ شۋەيۋانى شەكتى سەرىكتەستىگىنە قىزمەتكە تۇرىپ، العاشقى ايدىڭ وزىندە 10 نەشە شياڭگاڭدىق جاستىڭ جۇمىستانۋ ءوتىنىشىن تاپسىرىپ الدى.

  قازىرگە دەيىن چيانحاي كاسىپورنى جالپى 3652 شياڭگاڭدىق دارىندىنى باۋرادى، چيانحاي شىنجىن - شياڭگاڭ جاستار ارمانى جۇمىس الاڭى جالپى شارۋاشىلىق قۇرۋ بويىنشا 524 ۇجىم جەتىلدىردى، مۇنىڭ 245ى شياڭگاڭ ۇجىمى.

  ”چيانحاي كوپتەگەن شياڭگاڭدىق جاستىڭ ىشكى ءوڭىر جونىندە العاشقى قادامدا تانىم مەن تۇسىنىك قالىپتاستىرۋىنا مۇمكىندىك جاساپ، ولارعا ۇلكەن شىعاناق رايونىنا بارىپ جۇمىستانۋ جانە شارۋاشىلىق قۇرۋ العاشقى قادامىن تاستاۋىنا مۇمكىندىك بەردى“، - دەدى چيانحاي باسقارۋ مەكەمەسى شياڭگاڭ ىستەرى باس بايلانىسشىسى حۇڭ ۋيمين.

  شىنجىن مەن شياڭگاڭنىڭ سەلبەستىگىنەن دۇنيەگە كەلىپ، شىنجىن مەن شياڭگاڭنىڭ تىزە قوسۋى ارقىلى گۇلدەندى.

  — شياڭگاڭعا تيىمدىلىك جاساۋدىڭ ءار دارەجەلى ساياساتتارىنىڭ ۇزدىكسىز تياناقتانۋى رەفورمانىڭ سەرپىندى قوزعاۋشى كۇشىن الا كەلدى.

  مەملەكەتتىڭ مينيسترلىك، كوميتەتتەرى پىكىر العا قويىپ، چيانحايدىڭ جاڭالىق اشا دامۋىن قولدادى، گۋاڭدۇڭ ولكەسى ءىشىنارا ولكە دارەجەلى باسقارۋ ۇقىق شەگىن تومەنگە بەردى، شىنجىن جاڭالىق اشۋدى تۇيىندە سىناق ەتۋدى جەدەلدەتتى...

  2018 - جىلى 3 - ايدا چيانحاي شياڭگاڭدىق، اۋمىندىق تۇرعىنداردىڭ رايون ىشىندە قىزمەت ىستەگەندەرىنىڭ «تايۋاندىق، شياڭگاڭدىق، اۋمىندىق ادامداردىڭ جۇمىستانۋ كۋالىگىن» ءبىتىرۋىن كۇشىنەن قالدىرۋدى الدىمەن تياناقتاندىرىپ، تۇرعىن ءۇي الەۋمەتتىك قورىن تاپسىرۋ جانە شىعارىپ الۋ جاقتارىندا قالا تۇرعىندارى مامىلەسىنەن يگىلىكتەندىردى. سول جىلى مەملەكەتتىك كەڭەس بۇكىل ەل كولەمىندە تايۋاندىق، شياڭگاڭدىق، اۋمىندىق تۇرعىنداردىڭ ىشكى وڭىردە جۇمىستانۋعا رۇقسات الۋ ىستەرىن كۇشىنەن قالدىرۋدى ۇيعاردى.

  ”بۇل شياڭگاڭدىق، اۋمىندىق قايراتكەرلەردىڭ چيانحايعا بارىپ جاڭالىق اشۋداعى، شارۋاشىلىق قۇرۋداعى قولايلى جىلجىمالى ارناسىن كەڭەيتىپ، ءتىپتى، كوپ شياڭگاڭدىقتاردى، شياڭگاڭ كاسىپورىندارىن چيانحايدا ىرگە تەبۋگە باۋراپ، چيانحاي بازارىنىڭ ەكونوميكالىق ومىرشەڭدىگىن قاۋلاتتى“، - دەدى جاساندى زەردە شياڭگاڭ كاسىپورنى سىموۋ عىلىم - تەحنيكاسىنىڭ بىرلەسىپ قۇرۋشىسى ءارى CEOى شىن شياۋيۇڭ.

  — سەلبەسۋ مەحانيزمى كۇن سايىن كوپ نەگىزدەنىپ، ”ۇلكەن شىعاناق رايونىنىڭ بىرىككەن كۇشىن“ قاۋلاتتى.

  شىنجىن چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونى قۇرىلىسى بولىمدەر ارالىق بىرىككەن ءماجىلىس ءتۇزىمى، گۋاڭدۇڭ - شياڭگاڭ سەلبەستىك بىرىككەن ءماجىلىسى، شىنجىن - شياڭگاڭ سەلبەستىك ءماجىلىسى، چيانحاي شىنجىن - شياڭگاڭ بىرىككەن قىزمەت گرۋپپاسى... ءبىر قىدىرۋ سەلبەستىك مەحانيزمى ءارقايسى تاراۋلاردىڭ بايلىعىن بەلسەنە جۇمىلدىرىپ، اشۋ، قۇرۋ قىزمەتتەرىنىڭ ءتارتىپتى، پارمەندى ىلگەرىلەتىلۋىنە شىنايى كەپىلدىك ەتتى.

  ”چيانحاي −گۋاڭدۇڭ - شياڭگاڭ - اۋمىن ۇلكەن شىعاناق رايونى ىشىندەگى ماڭىزدى سەلبەستىك دامۋ تۇعىرى، ەرەكشە اكىمشىلىك رايون ۇكىمەتى چيانحايمەن سەلبەسۋگە ەجەلدەن ايرىقشا ءمان بەرىپ كەلەدى“، - دەدى شياڭگاڭ ەرەكشە اكىمشىلىك رايونى ۇكىمەتى اكىمشىلىك ىستەرى مەكەمەسىنىڭ باستىعى لي جياچاۋ.

  شياڭگاڭ ”ءبىر ەل، ەكى ءتۇزىم“ زەرتتەۋ ورتالىعىنىڭ زەرتتەۋ باس باقىلاۋشىسى فاڭ جوۋ مىسال كەلتىرە بىلاي دەدى: چيانحاي شياڭگاڭمەن سەلبەستىك جاساۋدا ۇلكەن جاقتاردا كوز جىبەرىپ، نازىك بۋىنداردى تياناقتاندىرۋدى يگەرىپ، ”شياڭگاڭدىقتاردى بەينە ءوز ۇيىنە قايتىپ، ناعىز يۇنتۇن كوجەسىن ىشكەندەي سەزىمگە كەنەلدىردى“.

  چيانحايدى وركەندەتۋدى، اشىق ۇستاۋدى ىلگەرىلەتۋ −باس شۋجي شي جينپيڭ تىكە جوبالاعان، تىكە ورنالاستىرعان، تىكە ىلگەرىلەتكەن مەملەكەتتىڭ رەفورما جاساۋداعى، ەسىك اشۋدى كەلەلى شاراسى.

  ”چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن تەرەڭدەتۋ كەرەك“، باس شۋجي شي جينپيڭنىڭ ىقىلاستى تاپسىرماسى وسى ”ەرەكشە رايونىنىڭ ىشىندەگى ەرەكشە رايوندى“ ۇزىكسىز ءورىس اشۋعا، ەرلىكپەن العا ۇمتىلۋعا شابىتتاندىردى.

  جاڭا باستامادا تۇرىپ، ءورىسىن اناعۇرلىم كەڭەيتتى.

  «چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ جوباسىنىڭ» العا قويىلۋى چيانحايعا اناعۇرلىم سەرپىندى قوزعاۋشى كۇش بەرىپ، قۇلاشىن كەڭ جايعان شىت جاڭا بولاشاق اشتى.

  جوباعا ساي، چيانحاي سەلبەستىك رايونى 14.92 شارشى كيلومەتردەن 120.56 شارشى كيلومەترگە كەڭەيەدى.”’رايوندى كەڭەيتۋ‘ جەر اۋماعىن جاي عانا كەڭەيتۋ ەمەس، قايتا رەفورما ابزالدىلىعىنىڭ، دامۋ ابزالدىلىعىنىڭ، كاسىپ سالاسى ابزالدىلىعىنىڭ قاباتتاستىرۋ، ساپالىلاندىرۋ جانە دارەجەسىن جوعارىلاتۋ بولىپ تابىلادى“، - دەدى گۋاڭدۇڭ ولكەسىنىڭ باستىعى ما شيڭرۇي.

  ”شياڭگاڭ مەن شىنجىننىڭ سەلبەستىگى مەملەكەتتىڭ 40 نەشە جىلدىق رەفورما جاساۋ، ەسىك اشۋ بارىسىندا بىردەن - ءبىر قوس قالا حيكاياسىن جارىققا شىعارىپ، شياڭگاڭنىڭ ارتىقشىلىعى ارقىلى مەملەكەتتىڭ قاجەتىنە ۇلەس قوسۋ سىندى ءوزارا تيىمدىلىك جاساپ، بىرگە يگىلىككە كەنەلۋ قارىم - قاتىناسىن تولىق ايگىلەدى“. شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى: چيانحاي جوباسىنىڭ العا قويىلۋى اناعۇرلىم جوعارى دەڭگەيدەگى شياڭگاڭ - شىنجىن سەلبەستىگىن ىلگەرىلەتۋگە ءتيىمدى، - دەدى.

  تاپسىرمانى ورىنداپ، بار كۇشپەن كىرىستى.

  — جالپى تۇلعالىق دامۋ جانە مەملەكەت جەرى كەڭىستىگىن جوسپارلاۋدى ويداعىداي ىستەۋ.

  ”رايوندى كەڭەيتۋدەن“ كەيىن چيانحاي اۋەجاي - پورت تورابى، تەڭىز پورتى تورابى، كورمە ساۋدا ىستەرى، وسى زامانعى قىزمەت وتەۋ سياقتى حالىقارالىق شىعاناق رايونىنىڭ وزەكتى دامۋ فاكتورلارىن ازىرلەدى. چيانحاي باسقارۋ مەكەمەسىنىڭ قاتىستى جاۋاپتىسى مىنالاردى ءبىلدىردى: چيانحاي شىنجىن قالالىق دامۋ - رەفورما كوميتەتىمەن، جوبالاۋ جانە جاراتىلىستىق بايلىق مەكەمەسىمەن بىرگە چيانحايدىڭ جاڭا كەزەكتى جالپى تۇلعالىق دامۋ جوباسىن جانە مەملەكەت جەرى كەڭىستىگى جوباسىن جەدەل جاساپ، اناعۇرلىم كەڭ ايادا شىنجىن - شياڭگاڭ سەلبەستىگىنىڭ تەرەڭگە قادام تاستاۋىن ىلگەرىلەتىپ، رەفورمانى جاپپاي تەرەڭدەتۋدەگى جاڭا سەرپىلىستەردى قۇلشىنا ىلگەرىلەتىپ، جاپپاي ايقارا ەسىك اشۋدىڭ جاڭا ارناسىن كۇش سالا قالىپتاستىرىپ، شياڭگاڭمەن، اۋمىنمەن بىرگە ساپالى تۇرمىس شەڭبەرىن قۇرىپ، جاڭا چيانحايدىڭ كوپ فاكتورلار قاباتتاسۋ ونىمدىلىگىن مۇمكىندىكتىڭ بارىنشا ساۋلەلەندىردى.

  — عىلىم - تەحنيكالىق دامۋدىڭ ءتۇزىلىس - مەحانيزم رەفورماسىندا جاڭالىق اشۋدى جەدەلدەتۋ.

  چيانحاي باسقارۋ مەكەمەسىنىڭ قاتىستى جاۋاپتىسى مىنالاردى ءبىلدىردى: جوباداعى تالاپقا ساي، چيانحاي نازاردى جاساندى زەردە، سالاماتتىق - ەمدەۋ، فينانس عىلىم - تەحنيكاسى، زەردەلىك قالا، زات ينتەرنەتى، ەنەرگيا - جاڭا ماتەريالدار سياقتى شياڭگاڭنىڭ، اۋمىننىڭ ابزال سالاسىنا شوعىرلاندىرىپ، گۋاڭدۇڭ - شياڭگاڭ - اۋمىن سەلبەستىگىنىڭ جاڭاشا زەرتتەۋ قۇرىلىمدارىن كۇش سالا دامىتىپ، عىلىم - تەحنيكا سەلبەستىگىن باسقارۋ تۇزىلىسىندە جاڭالىق اشىپ، شياڭگاڭنىڭ، اۋمىننىڭ جانە ىشكى وڭىرلەردىڭ جاڭالىق اشۋ تىزبەگىن ۇشتاستىرۋدى، تۇتاستىرۋدى جەبەپ، عىلىم - تەحنيكا جەتىستىكتەرىن تەحنيكالىق ولشەمدەندىرۋدى ىلگەرىلەتەدى.

  — اناعۇرلىم كوپ ەلەۋلى رەفورما شارالارىن جوبالاپ العا قويۋ.

  قاتىناس، حابارلاسۋ، ينفورماتسيا، تولەۋ سياقتى سالالاردا شياڭگاڭ، اۋمىن ولشەمىمەن جانە ەرەجەسىمەن ۇشتاستىرۋدى زەرتتەپ، كۇشەيتىپ، ءىس كەڭەسۋ سايكەستىرۋ قۇرىلىمى سيپاتىنداعى ءادىل باسەكە كوميتەتىن قۇرۋ جونىندە ىزدەنىس جاساپ، الەم دارىندىلارىن باۋراۋدىڭ جانە باسقارۋدىڭ اناعۇرلىم اشىق ءتۇزىمىن اتقارۋ...

  جوبا چيانحايدىڭ رەفورما جاساۋدى، جاڭالىق اشۋدى جاپپاي تەرەڭدەتۋ سىناق تۇعىرىن ورناتۋىنا جوسپار جاساپ بەردى.

  — اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتۋ.

  جوبادا بىلاي دەپ اتاپ كورسەتىلدى: قامداۋ تىزبەگىنىڭ سالا اتتاپ توعىسا جاڭالىق اشۋىن ىلگەرىلەتىپ، حالىقارامەن ۇشتاسقان قامداۋ تىزبەگى ولشەمىن ورناتۋ كەرەك. ”چيانحاي رەفورما جاساۋدىڭ، ەسىك اشۋدىڭ الدىڭعى لەگىندە تۇر، ونىڭ ەسىك اشۋ ساياساتتارى، سونداي - اق تۇزىمدە جاڭالىق اشۋ ورتاسى كاسىپورىنداردىڭ ۇزاق ۋاقىتتىق دامۋىنا قاجەتتى“، - دەدى شىنجىن قالاسى دۇڭفاڭ جياشىڭ قامداۋ تىزبەگى جارنا شەكتى سەرىكتەستىگى القالار كەڭەسىنىڭ حاتىشسى لي شۇيياڭ.

  — حالىق تۇرمىسى سالاسىنداعى تەرەڭدەي توعىسۋدى ىلگەرىلەتۋ.

  جوبادا شياڭگاڭ، اۋمىن جاستارىن تاربيەلەۋ - باۋلۋ بازاسىن قۇرىپ، شياڭگاڭ، اۋمىن ەمدەۋ قۇرىلىمدارىنىڭ شوعىرلى دامۋىن قولداۋ سياقتى شارالار العا قويىلدى. شىنجىن قالالىق دامۋ - رەفورما كوميتەتىنىڭ ورىنباسار مەڭگەرۋشىسى گو يۋەحۋا مىنالاردى ءبىلدىردى: نەگىزدىك قۇرىلعىلار، الەۋمەتتىك سايكەستى قىزمەت وتەۋ قۇرىلىسى جاقتارىندا چيانحاي تاعى ”شياڭگاڭدىقتار، شياڭگاڭ ءدامى، شياڭگاڭ تۇرمىسى“ سىندى قىزمەت، تۇرمىس ورتاسىن ونان ارى قالىپتاستىرىپ، ساۋدا، اس - سۋ، ەمدەۋ، وقۋ - اعارتۋ سياقتى جاقتاردا شياڭگاڭنىڭ ساپالى بايلىعىن سەلبەسە ەنگىزىپ، اكىمشىلىك قىزمەت وتەۋ، الەۋمەتتىك قىزمەت وتەۋ سياقتى جاقتاردا شياڭگاڭدىقتاردىڭ داعدىسىنا قۇرمەت ەتە وتىرىپ قىزمەت وتەۋ ارناۋلى اۋماعىمەن جانە ارناۋلى سىلتەمەسىمەن قامدايدى.

  ”جوبا باس شۋجيدىڭ چيانحاي جونىندە العا قويعان شياڭگاڭعا سۇيەنۋ، ىشكى وڭىرلەرگە قىزمەت وتەۋ، دۇنيە ءجۇزىن بەتكە الۋ تالابىن باستان - اياق دايەكتىلەندىردى. وسى ءبىر ورىن تۇراقتاندىرۋدى ءداپ باسىپ يگەرىپ، ’رايون كەڭەيتۋ‘ جانە ’رەفورما جاساۋ، ەسىك اشۋ‘ سىندى ەكى ماڭىزدى ءتۇيىندى مىقتى ۇستاساق، شياڭگاڭ قىزمەتىنىڭ كەلەلى جاعدايىنا، بۇكىل مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت وتەۋگە بولادى“، - دەدى شياڭگاڭ جۇڭگو ادەبيەتى داشۋەسى (شىنجىن) الەم جانە زامانىمىزداعى جۇڭگو جوعارى دارەجەلى زەرتتەۋ ورنىنىڭ باستىعى جىڭ يۇڭنيان.

  شالقار تەڭىز ۇلان - قايىر، جەلكەن جايىپ كەمەمىز، نىسانانى بەتكە الىپ، تولقىن جارىپ كەلەمىز.

  چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى ”ءبىر ەل، ەكى ءتۇزىم“ امالياتىن بايىتۋدى كوزدەي وتىرىپ جاساعان كەلەلى ورنالاستىرۋى.

  ”شارۋاشىلىق قۇرعان 10 جىلدان“ ”التىن 10 جىلعا“ قاسقايا قادام تاستاعان چيانحاي سەلبەستىك رايونى ساقاداي سايلانىپ قايتا اتتانىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى رەفورما جاساۋدى، جاڭالىق اشۋدى جاپپاي تەرەڭدەتۋ جاڭا سىناق تۇعىرىن قۇلشىنا تۇلعالاپ، جوعارى دەڭگەيدە سىرتقا ەسىك اشقان جالپىلىق توراپتى جەدەل قۇرىپ، جاڭا داۋىردەگى رەفورما جاساۋدىڭ، ەسىك اشۋدىڭ تارتىمدى كارتيناسىن كەسكىندەمەك!

  (تىلشىلەر شۇي جينپىڭ، جاۋ بو، يۇي جياشين، نيۋ چي، ۋاڭ پان، سۇن فەي، سۋ شياۋ، جاۋ رۇيشي)

  (شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.