تيانشان تورى   ›   جاڭالىقتار   ›   ساياحات

ٴلالا گۇل القابى موريدىڭ اۋىل - قىستاق ساياحاتىن جانداندىردى

اۆتورى: جاڭ يانفاڭ، شى چيان

  بىرنەشە كۇننەن بەرى، شينجياڭ سانجى حۇيزۋ اۆتونوميالى وبلىسى موري قازاق اۆتونوميالى اۋدانىنىڭ جاۋبيشان اۋىلى شۋاڭۋان قىستاعىنداعى ٴلالا گۇلدەرى بىرىنەن كەيىن ءبىرى شەشەك اتىپ، حوش ٴيىسى اڭقىپ، كوز جاۋىن الار تاماشا كوركىمەن قىرۋار ساياحاتشىلاردى باۋراپ، جاڭا ”گۇلدى القاپ ەكونوميكاسىن“ قالىپتاستىردى.

ساياحاتشى ٴلالا گۇل القابى اراسىندا سۋرەتكە ٴتۇسىپ، ەستەلىك قالدىردى. (سۋرەتتى شى چيان تۇسىرگەن)

  ٴلالا گۇلى ەگىمشىلىك بازاسىن ارالاساڭىز، شوق – شوق اق، كۇلگىن، چەزىرەڭ، قىزعىلت سارى ٴتۇستى ٴلالا گۇلدەرى رەتتى جايعاسىپ، قۇلپىرعان كوركى كوزدىڭ جاۋىن الادى، قىرۋار ساياحاتشىلار جاپا - تارماعاي سۋرەتكە ٴتۇسىپ، گۈل تەردى. ”بۇل اراداعى ٴلالا گۇلى كوركەم بولىپ قانا قالماستان، جەۋگە دە بولاتىنىن كەلگەننەن كەيىن ٴبىلدىم، بىرنەشە كيلوگرام تەرىپ، قايتىپ بارىپ ءدامىن تاتىپ كورەمىن“،- دەدى ساياحاتشى چىن ليحۋا.

  شۋاڭۋان قىستاعى ٴبيداي مەن اس بۇرشاعىن ءداستۇرلى جولمەن ەگىپ كەلگەن، ٴلالا گۇلىن ەگۋمەن سالىستىرعاندا ەكونوميكالىق ونىمدىلىگى تومەن ەدى.

  ”ٴلالا گۇلى كوركەمدىككە يە بولىپ قانا قالماستان، دارىلىك قۇنى دا بار، قۋىرىپ جەۋگە، سورپاعا قوسىپ قايناتىپ جەۋگە،سونداي-اق شاي دامدەپ ىشۋگە دە بولادى“. شۋاڭۋان قىستاعى پارتيا ياچەيكاسىنىڭ شۋجيى گو چاڭميڭ بىلاي دەدى: شۋاڭۋان قىستاعى ون مىڭ مۋلىق ٴشول اتىزدىق پەن نور كورىنىس وڭىرىنە جاقىن، ساياحات كاسىپ سالاسىن دامىتۋ جاعىندا ايرىقشا ابزالدىلىققا يە، 2016 – جىلى لانجوۋدان ٴلالا گۈل تۇقىمىن ەنگىزىپ، سىناق رەتىندە ەگۋ ٴساتتى بولدى، قازىر 16 مۋ جەرگە تاماشالايتىن ٴلالا گۇلى، 50 مۋ جەرگە جەۋگە بولاتىن ٴلالا گۇلى ەگىلدى. شۋاڭۋان قىستاعىنداعى جاڭا ٴلالا گۇلىنىڭ ٴار كيلوگرامىن 30 يۋانعا دەيىن ساتۋعا بولادى، كەپتىرىلگەننەن كەيىنگى ٴلالا گۇلىنىڭ باعاسى ٴار كيلوگرامى 100 يۋاننان 200 يۋانعا دەيىن تۇرلىشە بولادى.

  وسى بىرنەشە جىلدا، شۋاڭۋان قىستاعى ٴلالا گۇلىن ەگۋگە سۇيەنىپ، ”گۇلدى القاپ ەكونوميكاسىن“ دامىتىپ، اۋىل – قىستاق ساياحاتىن جانداندىرىپ، قىستاق تۇرعىندارىنىڭ كىرىسىن ارتتىرىپ، اۋقاتتانۋىن جەبەدى.

  شۋاڭۋان قىستاعىنىڭ تۇرعىنى حى ليشىڭ، 2015 – جىلى قىستاقتا ”فوتو سۋرەت سارايى“ شارۋالار ساياجايىن اشقان. ”العاشىندا ساۋدام ادەتتەگىدەي بولدى، قىستاققا ٴلالا گۇلى ەگىلگەننەن كەيىن، كەلىپ تاماشالاپ، سۋرەتكە تۇسەتىن ساياحاتشىلارسانى بارعان سايىن مولايدى، ساياجايىمنىڭ ساۋداسى دا بارعان سايىن كۇسەتتەنىپ، جىلىنا 2000نان استام ساياحاتشى قابىلداپ، جىلدىق ارتقان كىرىسىم 80 مىڭ يۋاننان استى“، - دەدى حى ليشيڭ قۋانا.

  گو چاڭميڭ بىلاي دەدى: كەلەسى قادامدا ٴبىز ٴلالا گۇلىن تاماشالاۋ مەن تەرۋدى قىستاق كوللەكتيۆ ەكونوميكاسىن دامىتىپ زورايتۋدىڭ ماڭىزدى نىسانى ەتىپ، ەگىمشىلىك كولەمىن كەڭەيتىپ، ونى شۋاڭۋان قىستاعىنىڭ ساياحات ماركاسى ەتىپ تۇلعالاپ، ٴتىپتى دە كوپ قىستاق تۇرعىندارىن ”گۈلدى القاپ ەكونوميكاسىنىڭ“ پايداسىنان يگىلىكتەندىرەمىز.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.