تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

”اعا - باۋىرلار“ قول ۇستاسىپ، شينجياڭ حيكاياسىن جاقسى اڭگىمەلەدى

□ انار بۇلت / شينجياڭ گازەتىنىڭ ءتىلشىسى جىڭ جو

  8 - ايدىڭ سوڭىندا شينجياڭدا جەمىس - جيدەكتەردىڭ حوش ءيىسى اڭقىدى، ءدامدى تاعامداردى تانىستىراتىن جۇرگىزۋشى ءماۋلانجان تۇرسۇن تۇرپاندا ەڭ جاڭا بەينە كەسكىنىن جاساۋدا، سۇڭ كاي قاسىندا تۇرىپ كەسكىن تۇسىرۋگە جانە جوبالاۋعا جاۋاپتى بولۋدا.

  27 جاستاعى ءماۋلانجان قاشقاردىڭ ءتول تۋماسى. قازىر ول فوتوشى سۇڭ كايمەن بىرگە ارناۋلى بەينە كەسكىن ءتۇسىرىپ، شينجياڭنىڭ ءدامدى تاعامدارىن، كوركەم كورىنىستەرىن كوپپەن ورتاقتاسۋدا. قازىر ءماۋلانجاننىڭ ينتەرنەت جەلىسىندەگى جانكۇيەرى 700 مىڭنان استى. ءماۋلانجان بارىنەن دە سۇڭ كاي سياقتى جاقسى اعايىنمەن تانىسقاندىعىنا ءتىپتى دە قۋاناتىندىعىن ۇنەمى ايتادى.

  ءماۋلانجان مەن سۇڭ كاي ”90 - جىلداردىڭ تۇلەكتەرى“. ەكەۋى دە فوتو ءتۇسىرۋدى جانە ءدامدى تاعامداردى ۇناتادى. 4 جىلدىڭ الدىنداعى ءبىر باس قوسۋدا سۇڭ كاي ماۋلانجانمەن تانىسادى، ەكەۋى ءبىر كورگەننەن كونە تانىستاي بولىپ كەتەدى، سۇڭ كاي بۇرىنعى قىزمەتىنەن قول ءۇزىپ، ءماۋلانجاننىڭ سەرىكتەستىگىنە كەلەدى.

  العاش كاسىپ اشقاندا تۋىندىلارىنىڭ دەڭگەيىن قالاي تۇراقتاندىرۋ جونىندە كوپ كەڭەسكەن ەكەۋى سوڭىندا شينجياڭ ەرەكشەلىگىنە ۋاكىلدىك ەتەتىن ءارى تارالىمى كەڭ ”ءدامدى تاعامداردى“ تۇسىرۋدەن باستاپ كىرىسۋدى تاڭدايدى. ”اپپارات كوزى ارقىلى شينجياڭنىڭ وڭ ەنەرگياسىن تاراتۋ ءبىزدىڭ ورتاق مۇراتىمىز جانە نىسانامىز. كەيبىر حيكايالاردى كەسكىنگە ءتۇسىرۋ ارقىلى شينجياڭنىڭ سالت - ساناسىن جانە حالىقتىق عۇرىپ − ادەت مادەنيەتىن ەستەلىككە الامىز جانە كادەگە جاراتامىز“. ءماۋلانجان ءدامدى تاعامدار ارقىلى ءبىر - ءبىرىنىڭ تۇرمىسىن ءتۇسىنۋدىڭ ءوزى ءبىر ءتۇرلى توعىسۋ دەپ قارايدى.

  سۇڭ كاي ءماۋلانجاننان ءبىر جاس ۇلكەن، مىنەزى نەداۋىر سالماقتى، ءوزى كەي نازىك تۇستاردى قالت جىبەرمەي يگەرۋگە شەبەر جان، سوڭىنان ماۋلانجانمەن كەڭەسىپ، پىكىر اۋىستىرىپ، بىرلەسىپ، كوڭىل تولارلىقتاي تۋىندىلاردى جاساپ شىعادى.

  ”مەنىڭ قازىرگىدەي ناتيجە جاراتۋىمدا سۇڭ كايدىڭ كوپ ەڭبەگى بار، ول قىزمەت بارىسىندا وي ءتۇيۋ، العاشقى نۇسقانى قۇراستىرۋ، جاساۋ سياقتىلارعا وتە كوپ وي جۇگىرتەدى. قارقىندى تەزدەتۋ ءۇشىن، ۇنەمى ءتۇن ورتاسىنا دەيىن جالعاستى قىزمەت ىستەسە دە، ەشقاشان كەيىمەيدى“. ءماۋلانجان تىلشىگە قىزمەت بارىسىندا ولاردىڭ ىشتەي ۇعىنىپ قاتتى سايكەسەتىندىگىن، ءبىر كوزقاراسىنان، ءبىر ارەكەتىنەن - اق ءبىر - ءبىرىنىڭ نە ىستەمەكشى بولعاندىعىن ۇعىنىپ تۇراتىندىعىن ايتتى.

  ”ءماۋلانجاننىڭ ىقىلاسى ماڭايىنداعى ادامداردى بىردەن باۋراپ الا قويادى. مەن مۇنى تەرەڭ سەزىنگەنمىن“. سۇڭ كاي بىلاي دەدى: مەن بۇرىن قۇرت جەمەيتىنمىن، قۇرت سىندى ءدامدى تاعامنان ماعان اۋىز تيگىزۋ ءۇشىن، ءماۋلانجان ونىڭ جاسالۋ تەحنيكاسىن مەنىڭ الدىمدا قۇرت جەي وتىرىپ بايانداپ، كەرەمەت ءدامىن تىلمەن سۋرەتتەپ، ءسۇت ءونىمىنىڭ ازىقتىق قۋاتىن تانىستىردى. ءماۋلانجاننىڭ قۇنىعىپ جەپ وتىرعانىن كورگەندە، مەن دە ەرىكسىزدەن قۇرتتى اۋزىما سالىپ جىبەردىم، كەيىن كەلە قۇرتتى جاقسى كورىپ كەتتىم.

  ءوزارا ءتۇسىنۋ، ءوزارا كومەكتەسۋ، ءوزارا سەلبەسۋ بارىسىندا ءماۋلانجان مەن سۇڭ كاي ءبىر تۋعان اعا - باۋىرداي بولىپ كەتتى. كەيدە ولار ىشكى وڭىرلەردەگى وزگە قالالارعا بارىپ كەسكىن تۇسىرەدى، تەڭىز ونىمدەرىن، حوگو جەپ، كورىنىس وڭىرلەرىن ارالايدى. كۇندەر وتە كەلە ارالارىندا ءبىر - بىرىنەن ايرىلماستاي تەرەڭ سۇيىسپەنشىلىك ورنادى.

  قازىر ءدامدى تاعامداردى سۇراستىرۋ، كەسكىنگە ءتۇسىرۋ ءماۋلانجان مەن سۇڭ كايدىڭ تۇرمىسىنىڭ ماڭىزدى ءبىر بولىگىنە اينالدى. ولار وسىنداي فورمامەن شينجياڭ حيكاياسىن ويداعىداي اڭگىمەلەپ، ۇلتتار اراسىنداعى دوستىقتى كەڭ تاراتا بەرمەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.