□ انار بۇلت / شينجياڭ گازەتىنىڭ ءتىلشىسى گو ليڭ
9 - ايدىڭ 11 - كۇنى قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىنىڭ حالىق ساقشىسى جاڭالاپ بولعان نوپوس داپتەردى قىستاق تۇرعىنىنىڭ ۇيىنە جەتكىزىپ بەردى. □ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن
”مىنا وتباسىنداعىلار وتاۋىن بولەك شىعارماقشى ەكەن، ءىستىڭ ىڭعايىن بىلمەي تۇر“. ”مىنا وتباسى 20 نەشە جىلدىڭ الدىندا ساتىپ العان ءۇيىن ءالى يەلىگىنە وتكىزىپ الماپتى“، ”مىنا وتباسى قارىزعا بەرگەن 20 مىڭ يۋان اقشاسىن قايتارىپ الا الماي ءجۇر ەكەن“... 9 - ايدىڭ 10 - كۇنى تاڭەرتەڭ قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىنىڭ ساياسي جەتەكشىسى تاۋ يۇڭشىڭ نازارباق قالاشىعىنىڭ العا قىستاعىنا تاعى ءبىر بارىپ كەلدى، ساقشى بولىمشەسىنە قايتىپ كەلگەندە قاس قارايىپ كەتكەن بولاتىن. ول جۇمىس ۇستەلىنە وتىرىپ، وتباسىلاردى ارالاعاندا ەستەلىككە العان ماسەلەلەردى ءبىر - بىردەن تۇرگە ايىرىپ، شەشۋ جوباسىن ويلانا باستادى.
نازارباق قالاشىعى قاشقار قالاسىنىڭ قالا، اۋىل تۇيىلىسىندە ساۋدا دۇكەندەرى قاز - قاتار ءتىزىلىپ، ادامدار قايشالىسىپ، كولىكتەر اعىلىپ جاتادى. مۇنداي دۋماندى كورىنىستى قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىندەگى ساقشىلاردىڭ مىندەتىن وتەپ، جاۋاپكەرشىلىگىن ادا ەتىپ قورعاپ وتىرعاندىعىنان بولە قاراۋعا بولمايدى.
2014 - جىلى 4 - ايدىڭ 28 - كۇنى باس شۋجي شي جينپيڭ قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىنە كەلىپ، جابدىقتاۋدى جانە جاتتىعۋدى كوزدەن كەشىرىپ، حالىق ساقشىلارىنىڭ قىزمەت، تۇرمىس جاعدايىن ۇعىسقان كورىنىستى ەسكە العاندا، تاۋ يۇڭشىڭنىڭ كوڭىلى ءالى دە كولدەي تولقيدى. ”7 جىلدان بەرى باس شۋجيدىڭ تاپسىرماسى ءبىزدى بارىنشا كۇش سالىپ ورنىقتىلىقتى، جاراسىمدىلىقتى قورعاپ، ءار ۇلت بۇقاراسىنا قىزمەت وتەۋگە باستان - اياق شابىتتاندىرىپ كەلەدى“، - دەدى تاۋ يۇڭشىڭ.
”بولىمشەمىزدەگى حالىق ساقشىلارى مەن كومەكشى ساقشىلار ۇنەمى وتباسىلاردى ارالاپ، قاراستى وڭىردەگى تۇرعىندارعا قىزمەت وتەيدى، بيىل جيىنى بۇقاراعا 970تەن استام ناقتى ءىس ىستەپ بەردىك“. تاۋ يۇڭشىڭ بىلاي دەدى: بىرنەشە جىلدان بەرى، قاراستى وڭىرىمىزدە اماندىق دەلوسىنىڭ تۋىلۋى ازايىپ، بىردە - ءبىر اۋىر قىلمىستىق ىستەر دەلوسى تۋىلماي، قايشىلىقتاردى، داۋ - شارلاردى ءبىر - بىرلەپ شەشتىك... قوعام اماندىعىنىڭ ”باسقارۋدان“ ”قىزمەت وتەۋگە“ دەيىنگى ماندىك وزگەرىسىن جۇزەگە اسىردىق.
اسىرەسە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، ءبىر جىلدان بەرى نازارباق ساقشى بولىمشەسى ”فىڭچياۋ ۇلگىسىندەگى قوعام حاۋىپسىزدىگى بولىمشەسىن“ بەلسەنە قۇرىپ، بۇقاراعا قىزمەت وتەۋ قىزمەت ادىسىن ۇزدىكسىز جاڭالادى. ولار كوپتەگەن تۇرعىننىڭ ساقشى بولىمشەسىنىڭ بۇقاراعا قىزمەت وتەۋ قىزمەتىن ورىستەتۋىنە بەلسەنە سەلبەسكەندىگىن بايقاپ، ”ساقا بانجاڭ قىزمەت وتەۋ اترەتى“، ”تاكسي شوفەرى ەرىكتى ساقشىلارى“ جانە ”ورتا تازالىعى جۇمىسشىلارى قىزمەت وتەۋ اترەتى“ سىندى 5 تارماق ەرىكتى ساقشى قوسىنىن ۇيىمداستىرىپ قۇرۋدى ۇسىنىس ەتتى.
جاڭبىردان كەيىن جاياۋلار جولىندا ىركىلىپ قالعان سۋدى تازالادى، جالعىز باستى قارتتارعا امانداسا باردى، زاڭ، ساياسات ۇگىتتەدى... ساقشى بولىمشەسىنىڭ قىزمەت وتەۋدى تىزىمدەۋ داپتەرىندە جالپى 230 مەيىرگە تولى ءىس ىستەلگەنى ەستەلىككە الىنعان. باستاپتاعى 50 نەشە ادامدىق ەرىكتى ساقشى قوسىنى قازىر كەڭەيىپ 600 نەشە ادامعا جەتكەن. ”بۇل تەك ەستەلىككە الىنعاندارى عانا، ءىس جۇزىندە، ىستەلگەن ىستەر مۇنان الدەقايدا كوپ“، - دەدى تاۋ يۇڭشىڭ.
ساقشى بولىمشەسىندەگى ءبىر كەڭسەدە سيلىق جالاۋشالارىن حالىق ساقشىلارى رەتتى كۇيدە ىشكاپقا ساقتاپتى، ونىڭ بىرەۋىنە بەيجيڭدىق ساياحاتشىنىڭ اتى - ءجونى قالدىرىلعان ەكەن. ”ءبىر جولى، ءبىز شارلاپ جۇرگەندە ءبىر ساياحاتشىنىڭ قاتتى ابىرجىپ تۇرعاندىعىن بايقادىق، ۇعىسا كەلە ونىڭ ازاماتتىق كۋالىگىن جوعالتىپ العاندىعىن بىلدىك، ەندى ول قوناق ۇيگە جاتا المايدى، ۇشاق بەلەتىن دە ساتىپ الا الماي قالاتىن بولدى، سونىمەن وعان وسى جەردەن كۋالىك ءبىتىرىپ بەردىك“. نازارباق ساقشى بولىمشەسىنىڭ حالىق ساقشىسى گۇلنار تۇرسۇن بىلاي دەدى: بۇل كىشكەنە ءىستى ءبىز ەسكەرمەگەن ەكەنبىز، جارتى ايدان كەيىن ويلاماعان جەردەن وسى سيلىق جالاۋشاسىن تاپسىرىپ الدىق.
”مەن وتكەندە قۇنى 20 مىڭ يۋاننان اساتىن القا - مونشاقتارىمدى جوعالتىپ الىپ، قاتتى ابىرجىدىم، سودان ساقشى بولىمشەسىنە بارعاننان كەيىن، حالىق ساقشىلارى كوپ وتپەي تاۋىپ اكەلىپ بەردى“. نازارباق قالاشىعىنىڭ تۇرعىنى تۇرسۇنجان تۇرعۇن ءماز - مايرام بولىپ: ”تۇرعىندار ’قيىنشىلىققا جولىقساڭ، ساقشى بولىمشەسىنە بارىپ حالىق ساقشىلارىن ىزدە، ويتكەنى حالىق ساقشىلارى ءبىزدىڭ شارۋامىزعا ەرەكشە دەن قويادى. ولار بار بولسا، ءبىزدىڭ جانىمىز مەيىرىمگە بولەنەدى‘ دەگەن ءسوزدى اۋىزدارىنان تاستامايدى“، - دەدى.
تىنباي قۇلشىنۋ ارقىلى 2020 - جىلى نازارباق ساقشى بولىمشەسى قوعام حاۋىپسىزدىگى مينيسترلىگى جاعىنان ”مەملەكەتتىك قوعام حاۋىپسىزدىگى ورگانىنداعى بۇكىل ساقشىلاردىڭ ناقتى سوعىستىق قاۋىرت اسكەر جاتتىقتىرۋىنداعى ۇلگىلى كوللەكتيۆ“ بولىپ باعالاندى؛ 2021 - جىلى 1 - ايدا اۆتونوميالى رايون دارەجەلى ”فىڭچياۋ ۇلگىسىندەگى قوعام حاۋىپسىزدىگى بولىمشەسى“ اتاعى بەرىلدى.
2020 - جىلى تاۋ يۇڭشىڭ داڭقپەن ”بۇكىل مەملەكەت بويىنشا ەڭ ارداقتى نەگىزگى ساتى حالىق ساقشىسى“ اتاعىنا يە بولدى؛ 2021 - جىلى قوعام حاۋىپسىزدىگى مينيسترلىگى جاعىنان ”مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى“ اتاعى بەرىلدى. تاۋ يۇڭشىڭ بىلاي دەدى: ناتيجە وتكەنگە ءتان، جاڭا داۋىردە جاڭا بورىش، جاڭا جاۋاپكەرشىلىك بولادى، ءبىز ”پارتياعا ادال بولۋ، حالىققا قىزمەت وتەۋ، زاڭدى ءادىل اتقارۋ، ءتارتىپتى قاتايتۋ“ باس تالابىن قاي - قاشان دا ەستە بەرىك ساقتاپ، پارتيا مەن حالىقتىڭ ادال قورعاۋشىسى بولۋدان اينىماي، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا اناعۇرلىم زور ۇلەس قوسامىز.
