تيانشان تورى   ›   جاڭالىقتار   ›   سۋرەتتى حابار

جاڭا دامۋ ۇستانىمىن دايەكتىلەندىرىپ، جاسىل، تومەن كومىر قىشقىل گازدى جاڭا قوزعاۋشى قۋاتتاردى جەتىلدىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جوعارى ساپالى دامۋدى ىلگەرىلەتۋ كەرەك

چىن چۋانگو ىلەدە، قارامايلىدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

جاڭا دامۋ ۇستانىمىن دايەكتىلەندىرىپ، جاسىل، تومەن كومىر قىشقىل گازدى جاڭا قوزعاۋشى قۋاتتاردى جەتىلدىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جوعارى ساپالى دامۋدى ىلگەرىلەتۋ كەرەك

  9 - ايدىڭ 11 -، 12 - كۇندەرى اۆتونوميالى رايوندىق پارتكومنىڭ شۋجيى چىن چۋانگو ىلە قازاق اۆتونوميالى وبلىسىنىڭ كۇنەس اۋدانىندا، قارامايلى قالاسىنىڭ مايتاۋ رايونىندا تەكسەرۋ - زەرتتەۋ جۇرگىزدى. سۋرەتتە: 9 - ايدىڭ 11 - كۇنى چىن چۋانگو كۇنەس اۋدانى نارات قالاشىعىنا كەلىپ، كەستە كاسىپ سالاسى ارقىلى جۇمىستانۋعا جەتەكتەپ كىرىستى ارتتىرۋ سياقتى جاعدايلاردى باسى - قاسىندا ۇعىسۋدا.□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ ءتىلشىسى ياۋ تۇڭ 9 - ايدىڭ 12 - كۇنى مايتاۋدان حابارلايدى. 9 - ايدىڭ 11 -، 12 - كۇندەرى اۆتونوميالى رايوندىق پارتكومنىڭ شۋجيى چىن چۋانگو ىلە قازاق اۆتونوميالى وبلىسىنىڭ كۇنەس اۋدانىندا، قارامايلى قالاسىنىڭ مايتاۋ رايونىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، جاڭا دامۋ ۇستانىمىن بۇلجىماي دايەكتىلەندىرىپ، جاسىل، تومەن كومىر قىشقىل گازدى جاڭا قوزعاۋشى قۋاتتاردى جەتىلدىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جوعارى ساپالى دامۋدى ىلگەرىلەتۋ كەرەك.

  التىن كۇزدە ىلە اڭعارىندا جەمىس - جيدەكتىڭ حوش ءيىسى اڭقىپ، قوي - سيىرلار سەمىرىپ، بارلىق جەردەن مول ءونىمنىڭ شاتتىعى ەسەدى. چىن چۋانگو كۇنەس اۋدانىنىڭ نارات قالاشىعىنا بارىپ، ەگىنجايلاردى ارالاپ، ەگىس داقىلدارىنىڭ ءوسۋى مەن كۇزگى جيىن - تەرىن جاعدايىن ناقتى تەكسەردى. ول بىلاي دەپ باسا دارىپتەدى: قولىڭدا استىق بولسا، كوڭىلىڭ الاڭ بولمايدى. كۇز ماۋسىمىندا ەگىن شارۋاشىلىق ءوندىرىسىن تيتتەي دە بوساڭسىتپاي مىقتى ۇستاپ، استىق حاۋىپسىزدىگى اۋىر مىندەتىن مىقتاپ ارقالاپ، اۋىر دەرت - دەربەزدەر مەن زياندى جاندىكتەر زيانىنىڭ جانە حايۋاناتتار ىندەتىنىڭ الدىن الۋ - تىزگىندەۋدى ويداعىداي ىستەپ، تۇتاس جىلدا ەگىن شارۋاشىلىعىنان مول ءونىم الۋدىڭ نىسانا - مىندەتتەرىن قۇلشىنا ورىنداۋ كەرەك.

  نارات كورىنىس ءوڭىرىن باسقارۋ كوميتەتى قىزمەت وتەۋ ورتالىعى نىسان قۇرىلىسىنىڭ جۇمىس باسى سياقتى جەرلەردە چىن چۋانگو ەكولوگيالىق ورتانى قورعاۋ، ساياحاتتاعى ساۋداگەر شاقىرىپ، قارجى ەنگىزۋ، كورىنىس اۋماعى مەن قالاشىقتىڭ ءبىر تۇلعالانۋ قۇرىلىسى، نەگىزدىك قۇرىلعىلاردى جاڭالاۋ، دارەجەسىن كوتەرۋ، جۇمىستانۋعا جەتەكتەپ كىرىستى ارتتىرۋ سياقتى جاعدايلاردى ۇعىستى. ول بىلاي دەدى: تۇتاس وڭىرلىك ساياحات ۇستانىمىن بەرىك ورناتىپ، جوبا ارقىلى جەتەكتەۋگە تاباندى بولىپ، كورىنىس ءوڭىرى مەن قالاشىقتىڭ ورگانيكالى تۇتاسۋىن، يقۋاتتارىنىڭ ءبىرىن - ءبىرى تولىقتاۋىن جەبەپ، ەكولوگيانى قورعاۋ مەن ەكولوگيالىق ساياحاتتى دامىتۋدىڭ ءبىر - بىرىنە سايما - ساي كەلۋىن ىلگەرىلەتۋ؛ قاتىناس جانە ساياحات نەگىزدىك قۇرىلعى قۇرىلىستارى تەبىنىن ارتتىرىپ، الەۋمەتتىك قىزمەت وتەۋدى اناعۇرلىم جاقسارتىپ، ساياحات كاسىپ سالاسىنىڭ دامۋىنا قامتاماسىزدىق ازىرلەۋ كەرەك. چىن چۋانگو تاعى سالت - سانا ساياحاتى، از ۇلتتاردىڭ تاڭداۋلى ءداستۇرلى مادەنيەتىنىڭ قورعالۋى جانە جالعاستىرىلۋى سياقتى جاعدايلاردى ۇعىسىپ، ساياحات كاسىپ سالاسىن دامىتۋ مەن بۇقارانىڭ كىرىسىن ارتتىرۋدى ۇشتاستىرىپ، سالت - سانا ساياحاتى مەن كورىكتى اۋىل - قىستاق قۇرىلىسىن ۇشتاستىرىپ، مادەنيەت پەن ساياحاتتىڭ توعىسا دامۋىن جەدەل ىلگەرىلەتىپ، تاسىلدە جاڭالىق اشىپ، ونىمدەردىڭ ساپاسىن جوعارىلاتىپ، جۇمىستانۋعا جەتەكتەپ، ءار ۇلت بۇقاراسىنىڭ ۇزدىكسىز ورنىقتى تۇردە كىرىستەرىن ارتتىرىپ، بايۋىن جەبەۋدى باسا دارىپتەدى.

  چىن چۋانگو تاعى قارامايلى قالاسىنداعى شينجياڭ تيانلي مۇناي - حيميا شەكتى جارنا سەرىكتەستىگى مەن جۇڭگو مۇناي مايتاۋ مۇناي - حيميا سەرىكتەستىگىنە بارىپ، نىسان جوبا قۇرىلىسى، ءوندىرىس اينالىمى، تەحنولوگيا جاڭالاۋ، ەنەرگيا ۇنەمدەۋ، لاس زاتتاردىڭ شىعارىلۋىن ازايتۋ سياقتى جاعدايلاردى ىشكەرىلەي ۇعىستى. ول بىلاي دەپ باسا دارىپتەدى: عىلمي، كەمەلدى جوبا جاساپ، ەنەرگيا ۇنەمدەۋ بويىنشا جاڭالاۋدى كۇشەيتىپ، بايلىق قاينارىنان ۇنەمدى، جوعارى ءونىمدى پايدالانۋدى ىلگەرىلەتىپ، لاس زاتتاردىڭ شىعارىلۋىن ازايتۋ مەن كومىر قىشقىل گازىنىڭ شىعارىلۋىن تومەندەتۋدىڭ ونىمدىلىگىن سايكەستى ارتتىرىپ، ەكونوميكالىق، قوعامدىق دامۋدىڭ جاپپاي جاسىل تيپكە ويىسۋىن جەبەۋ كەرەك.

  چىن چۋانگو تەكسەرىپ - زەرتتەۋ جۇرگىزگەندە بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسىنىڭ ناتيجەلەرىن ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەۋدىڭ قۋاتتى قوزعاۋشى كۇشىنە جانە ءىس جۇزىندىك ارەكەتىنە شىن مانىندە اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋدى ىلگەرىلەتىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن قۇلشىنا ورىنداۋ كەرەك. ەكونوميكالىق دامۋدىڭ جاڭا قوزعاۋشى قۋاتتارىن جەتىلدىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ دامۋ تاسىلىندە جەدەل بۇرىلىس جاساپ، كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى تەزدەتىپ، ەرەكشە، ابزال كاسىپ سالالارىن زورايتىپ، 1 -، 2 -، 3 - كاسىپ سالالارىنىڭ توعىسا دامۋىن ىلگەرىلەتىپ، ەكونوميكانىڭ جوعارى ساپالى دامۋىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك. ساياحات كاسىبىنىڭ جوعارى ساپالى دامۋىن ىلگەرىلەتىپ، تابيعي ەكولوگيا مەن ەرەكشە مادەنيەتتى توڭىرەكتەي وتىرىپ، ساياحاتتىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، كاسىپ تىزبەگىن ۇزارتىپ، جاڭا كاسىپ كۇيىن كەڭەيتىپ، ”ۇلكەن“، ”كوركەم“ بولۋ سىندى ەرەكشەلىكتەردى كورنەكتىلەندىرىپ، كۇشتى شوعىرلاندىرا وتىرىپ ”شينجياڭ جاقسى جەر“ ەرەكشە ايگىلى ماركاسىن تۇلعالاۋ كەرەك. جاسىل، تومەن كومىر قىشقىل گازدى دامۋعا تاباندى بولىپ، تۇنىق سۋ، جاسىل تاۋ −باعالى بايلىق ۇستانىمىن بەرىك ورناتىپ، ەكولوگيانى قورعاۋدىڭ قىزىل سىزىعىن باتىل ساقتاپ، تاۋ، سۋ، ورمان، ەگىنجاي، كول، جايلىم، ءشولدى ءبىر تۇلعالاندىرا قورعاۋ مەن جۇيەلى جونگە سالۋعا تاباندى بولىپ، ەكولوگيانى الدىڭعى ورىنعا قويۋ، جاسىل، تومەن كومىر قىشقىل گازدى دامۋ جولىمەن بۇلجىماي ءجۇرۋ كەرەك. حالىق تۇرمىسىن زور كۇشپەن قامتاماسىز ەتىپ جانە جاقسارتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرىپ، حالىققا تيىمدىلىك جاساۋ ينجەنەريالارىن ىشكەرىلەي اتقارىپ، حالىق تۇرمىسىنا قاتىستى ناقتى ىستەردى ويداعىداي ىستەپ، ءار ۇلت بۇقاراسىنىڭ تابىس سەزىمىنىڭ اناعۇرلىم شىنايى، باقىت سەزىمىنىڭ اناعۇرلىم باياندى بولۋىنا، حاۋىپسىزدىك سەزىمىنىڭ اناعۇرلىم قامتاماسىز ەتىلۋىنە مۇمكىندىك جاساۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، دامۋ مەن حاۋىپسىزدىكتى اناعۇرلىم ويداعىداي جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى مەن ەكونوميكانىڭ جوعارى ساپالى دامۋى سىندى قىزمەتتەردى تىڭعىلىقتى، ويداعىداي ىستەۋ كەرەك.

  اۆتونوميالى رايون باسشىلارىنان چيۋ شۋحۋا قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.