ءبىر جاقتا قيىنشىلىق بولعاندا، بارلىق جاق كومەكتەستى

− جەر سىلكىنىسىنە قارسى اتتانىپ، اپاتتان قۇتقارۋ رۋحىنا شولۋ

□ شينحۋا اگەنتتىگىنىڭ تىلشىلەرى چىن في، شيە جياۋ، ليۋ شياسۇن

　　2008 - جىلى 5 - ايدىڭ 12 - كۇنى 8.0 بالدىق ۋىنچۋان ەرەكشە جويقىن جەر سىلكىنىسى كەنەت تۋىلىپ، 100 مىڭعا جۋىق باۋىرلاسىمىز قازاعا ۇشىرادى نەمەسە دەرەكسىز كەتتى...

　　اۋىر اپات الدىندا، جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭحۋا ۇلتى جۇدىرىقتاي جۇمىلىپ، ەل بىرلىگىنەن قامال ورناتۋ، جاپا - ماشاقات پەن حاۋىپ - قاتەردەن قورىقپاي، قاجىماي - تالماۋ، ادامدى نەگىز ەتىپ، عىلىمعا قۇرمەت ەتۋ سىندى جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن ايگىلەپ، ايبىنى اسقاق، ايباتى تەڭدەسسىز وراسان زور كۇش تۋىنداتىپ، جەر سىلكىنىسىنە قارسى اتتانىپ، اپاتتان قۇتقارۋدىڭ ۇلى جەڭىسىنە قول جەتكىزدى.

ادامدى نەگىز ەتكەن ەتەنە باۋىرلاستىق

 − قايىسپاس قايسار كۇش ۇيىستىردى

　　ميانجۋحانۋاڭ الاڭىنداعى مۇنارالى ساعاتتىڭ ءتىلى 2008 - جىلى 5 - ايدىڭ 12 - كۇنگى ساعات 14تەن 28 مينۋدتى كورسەتىپ ماڭگىلىككە توقتادى.

　　جەر سىلكىنىسى تۋىلعاننان كەيىن، پارتيا ورتالىق كوميتەتى ەڭ الدىمەن جەر سىلكىنىسنە قارسى اتتانىپ، اپاتتان قۇتقارۋدى بۇكىل پارتيانىڭ، بۇكىل ەلدىڭ ەڭ ماڭىزدى، ەڭ كوكەي تەستى مىندەتى ەتىپ تۇراقتاندىرىپ، ءار جاقتىڭ قۇتقارۋ - كومەكتەسۋ كۇشىن اپات تۋىلعان وڭىرگە بارۋعا دەرەۋ ۇيىمداستىردى.

　　72 ساعاتتىڭ ىشىندە قۇرلىق، تەڭىز، اۋە جانە قارۋلى ساقشى اسكەري بولىمدەرىنىڭ 146 مىڭ وفيتسەر - جاۋىنگەرىن شوعىرلاندىرىپ، اپات تۋىلعان وڭىرگە كومەككە اتتاندىردى؛ ورتالىقتان جاراتىلىستىق اپات كەزىندەگى تۇرمىستىق جاردەم بويىنشا توتەنشە جاعدايعا توتەپ بەرۋ قاراجاتىنا 200 ميلليون يۋان شۇعىل ءتۇسىرىلىپ، اپات تۋىلعان وڭىردەگى بۇقارانىڭ تۇرمىستىق زاتتىق ماتەريالعا دەگەن شۇعىل قاجەتىن قامتاماسىز ەتتى؛ اپات تۋىلعان وڭىردەگى ءار دارەجەلى پارتكوم مەن ۇكىمەت، قالىڭ كادر، بۇقارا شۇعىل اتتانىسقا كەلىپ، تىزگىن ۇشىمەن ارەكەتتەندى...

　　ۋاقىتپەن جارىستى، ولىممەن الىستى. 84 مىڭنان استام بۇقارا قيراندى اراسىنان قۇتقارىلدى، قامالىپ قالعان ءبىر ميلليون 490 مىڭ بۇقارا قۇتقارىلدى، 4 ميلليون 300 مىڭنان استام جارالى دەر كەزىندە قۇتقارىلىپ - ەمدەلدى، باسقا جەرگە شۇعىل ورنالاستىرىلعان 15 ميلليون 100 مىڭ اپاتقا ۇشىراعان بۇقارانىڭ نەگىزگى تۇرمىسى لايىقتى جايعاستىرىلدى.

　　اپات تۋىلعاننان كەيىنگى 11 - كۇنى اپاتتان كەيىنگى قايتا قۇرۋ جوسپارىن ازىرلەۋ قىزمەتى باستالدى. 3 جىل ىشىندە ورتالىق ءار ءتۇرلى ۇكىمەتتىك قاراجات پەن الەۋمەتتىك يگىلىك سيپاتتى قاراجاتتان جيىنى 300 ميلليارد يۋاننان استام قارجى ىڭعايلاپ، ورنالاستىرىپ، اپاتتان كەيىنگى قايتا قۇرۋدىڭ ءساتتى ىلگەرىلەۋىنە شىنايى كەپىلدىك ەتتى.

　　قازىرگى ۋىنچۋاندا جاڭا عيماراتتار ءيىن تىرەسىپ تۇر، سۋى تۇنىق، تاۋى مانات، ەڭ ادەمىسى تۇرعىندار تۇراعى، ەڭ بەرىگى مەكتەپ، ەڭ زاماناۋيى شيپاحانا. كەزىندەگى تاس - تالقانى شىققان جەر سىلكىنىسى اپات رايونى قيىن - قىستاۋ ىشىندە قايتا ەڭسە كوتەرىپ، ادامدى قايران قالدىراتىن ”جۇڭگو كەرەمەتىن“ جاراتتى.

　　وسىناۋ توپىراقتا سانسىز كوممۋنيستىك پارتيا مۇشەسى ءولىمدى ەلەڭ قۇرلى كورمەي، اتويلاپ الدا ءجۇرۋ رۋحىمەن حالىقپەن ەتەنە بايلانىستىڭ جان تەبىرەنتەرلىك تاراۋىن جازدى −

　　جەر سىلكىنىسى تۋىلعان ساتتە، دۇڭچي ورتا مەكتەبىنىڭ وقىتۋشىسى، كوممۋنيستىك پارتيا مۇشەسى تان چيانچيۋ قۇشاعىن ايقارا اشىپ وقۋشىلاردى دەنەسىمەن قورعاپ، جاۋاپكەرشىلىك پەن ۇستاز رۋحىن ومىرىمەن ءتۇسىندىردى.

　　جاڭا ءداۋىر كوممۋنيستەرىنىڭ ونەگەسى، كەزىندەگى بەيچۋان چياڭزۋ اۆتونوميالى اۋداندىق ۇكىمەت كەڭسەسىنىڭ مەڭگەرۋشىسى لان حۇي جەر سىلكىنىسىندە 3 جان اشىر - جاقىنىنان ايرىلعان قاسىرەتكە شىداي ءجۇرىپ، ۇيىقتاماي، دەمالماي اپاتتان قۇتقارۋ قىزمەتىنە ات سالىستى. بەيچۋان اۋدانىنىڭ ورىنباسار اكىمى بولىپ تۇرعان كەزىندە ول قاتىناس - تاسىمال، ءوندىرىس حاۋىپسىزدىگى سياقتى اپاتتان كەيىنگى قايتا قۇرۋدىڭ اۋىر، جاپالى قىزمەت مىندەتىن باتىلدىقپەن ارقالاپ، بۇقارانىڭ ”الاڭسىز جولدا“ جۇرۋىنە كەپىلدىك ەتۋ ءۇشىن شاپقىلاپ، اقىرىندا جول ۇستىندە قىزمەت بايلانىسىمەن قازا بولدى.

　　جەر سىلكىنىسى تۋىلعاننان كەيىن، 10 مىڭنان استام ”پارتيا مۇشەلەرى قۇتقارۋ اترەتى“، ”پارتيا مۇشەلەرى اتويشىل اترەتى“، ”پارتيا مۇشەلەرى قىزمەت وتەۋ اترەتى“، ”پارتيا مۇشەلەرى اۆانگارد اترەتى“ اپاتتان قۇتقارۋدىڭ ءبىرىنشى شەبىندە باستان - اياق شايقاس جۇرگىزدى.

ءبىر جاقتا قيىنشىلىق بولعاندا، بارلىق جاق كومەكتەستى

− ەل بىرلىگىنەن قامال ورناتىپ، مەكەندى قۇردى

　　ءبىر جاقتا قيىنشىلىق بولعاندا، بارلىق جاق كومەكتەستى.

　　وسى رەتكى بۇكىل ەلدىڭ كۇشىمەن جەر سىلكىنىسىنە قارسى اتتانىپ، اپاتتان قۇتقارۋ اپاتقا ۇشىراعان حالىقتىڭ اپات قيىنشىلىعىن جەڭۋىنە، مەكەندى قايتا قۇرۋىنا قۇدىرەتتى رۋحاني قوزعاۋشى كۇش ۇستەدى.

　　جەر سىلكىنىسى تۋىلعاننان كەيىن، زوۋ ليڭ تيانجيننەن يىڭشيۋ اپات وڭىرىنە باردى. قاتەردەن اراشالاپ كومەكتەسۋدەن اپاتتان كەيىنگى قايتا قۇرۋعا دەيىن، ونان كەدەيلىكتەن ارىلتۋدان قامال الۋعا دەيىن ول ءۇرتىس يىڭشيۋدا بولدى. قازىر ول يىڭشيۋ قالاشىعى يۇيزىشي قىستاق پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى. زوۋ ليڭ ءوز قالتاسىنان جىلۋ اتاپ يۇيزىشي اۋلاسى، مينەرال سۋ زاۆودى سياقتى كوللەكتيۆ مەنشىگىندەگى كاسىپورىنداردى قۇرىپ، كاسىپورىننىڭ پايداسىن بۇكىل قىستاقتاعى بۇقاراعا تەگىن سيلاپ، قىستاق تۇرعىندارىن جارناگەرگە اينالدىردى. قىستاق تۇرعىندارىنىڭ جۇزىندەگى شاتتىق لەبىن كورگەندە زوۋ ليڭ قاتتى قۋاندى.

　　بىرگە - ءبىر بويىنشا كومەكتەستى. ۋىنچۋان جەر سىلكىنىسى تۋىلعاننان كەيىن، ورتالىق شىعارعان باعىتتامالى كومەكتەسۋ شەشىمى بويىنشا، باعىتتامالى كومەكتەسەتىن 19 ولكە، قالا 70 ميلليارد يۋاننان استام كومەكتەسىپ قۇرۋ قارجىسىمەن، ايبىندى بورىش ارقالاپ، اپاتتان كەيىنگى قايتا قۇرۋ شايقاس مايدانىنا جەدەل اتتاندى.

　　كەزىندە ۋيفاڭ قالاسى جەر سىلكىنىسىنە قارسى اتتانىپ، اپاتتان قۇتقارۋ بويىنشا سىچۋانعا كومەكتەسۋ الدىڭعى شەبىنىڭ قولباسشىسى بولعان سۇي شۋەشۋان قالدىق سىلكىنىستەن تۋىلعان بەتكەيدىڭ سىرعۋى مەن ۇشپا تاستىڭ قاتەرىنە قاراماي، كومەكتەسىپ قۇرۋ قىزمەتكەرلەرىن باستاپ بەيچۋان اۋدانى گۇيشي اۋىلىنىڭ بارلىق جەرىن ارالادى. 2009 - جىلى 7 - ايدىڭ 13 - كۇنى كوتەرىمدىلىكتەن تىس ۇزدىكسىز قىزمەت ىستەگەندىكتەن، ول قايتا قۇرۋ جولىندا جىعىلىپ ءتۇستى...

　　كومەكتەسىپ قۇرۋشىلار جاپا - ماشاقاتتان قورىقپاي، قالتقىسىزدىقپەن قىزمەت ىستەپ، قازا بولعانداردىڭ رۋحىن جۇباتىپ، تىرىلەر ءۇشىن ءۇمىت وتىن جاقتى. اپات تۋىلعان وڭىردەگى بۇقارا كوز جاستارىن ءسۇرتىپ، بىلەكتەرىن ءتۇرىپ، ءوز كۇشىنە سۇيەنىپ ءومىر ءسۇرۋ، ءوزارا كومەكتەسۋ رۋحىن اسقاقتاتىپ، قيراندىنىڭ ۇستىنەن مەكەندەرىن قايتا قۇردى.

　　قيىن - قىستاۋدى بىرگە وتكەرىپ، ءوزارا قارايلاستى. دۇنيە جۇزىندە سيرەك كەزدەسەتىن ءدال وسىنداي جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىنگى قايتا قۇرۋ بارىسىندا جۇڭحۋا ۇلتى جۇدىرىقتاي جۇمىلىپ، ەل بىرلىگىنەن قامال ورناتۋ، جاپا - ماشاقات پەن حاۋىپ - قاتەردەن قورىقپاي، قاجىماي - تالماۋ، ادامدى نەگىز ەتىپ، عىلىمعا قۇرمەت ەتۋ سىندى جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن ايگىلەدى.

جاپا - ماشاقات پەن حاۋىپ - قاتەردەن قورىقپاي، قاجىماي - تالماۋ

− رۋحتى اسقاقتاتىپ العا ىلگەرىلەدى

　　ۇلت رۋحىنىڭ ءمانى قاشاندا تاريحتىڭ العا باسۋى بارىسىندا ۇزدىكسىز بايىپ، تالاي رەتكى ەلەۋلى سىناق بارىسىندا ۇزدىكسىز جوعارىلايدى.

　　2013 - جىلى 4 - ايدىڭ 20 - كۇنى ۋىنچۋان جەر سىلكىنىسى اپات رايونىنىڭ كونە جاراقاتى ەندى ساقايىپ كەلە جاتقاندا سىچۋان يا - ان قالاسى لۋشان اۋدانىندا تاعى دا 0.7 بالدىق جويقىن جەر سىلكىنىسى تۋىلدى. ۋىنچۋان جەر سىلكىنىسىندە ۇيىسقان جەر سىلكىنىسىنە قارسى اتتانىپ، اپاتتان قۇتقارۋ رۋحى لۋشان اپاتتان قۇتقارۋ قىزمەتىندە تاعى دا ايگىلەندى.

　　”جاعداي قانشا قيىن بولعان سايىن، بۇكىل پارتيانىڭ، بۇكىل ەلدەگى ءار ۇلت حالقىنىڭ تار جول، تايعاق كەشۋدەن بىلەك بىرىكتىرە وتەتىن ۇيىسۋ كۇشىن سونشا كۇشەيتۋ، جاپالى بولعان سايىن سونشا الدىعا تالپىناتىن رۋح - جىگەردى سونشا قاۋلاتۋ كەرەك“. جەر سىلكىنىسىنە قارسى اتتانىپ، اپاتتان قۇتقارۋدىڭ شەشۋشى ساتىندە، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، سىچۋان لۋشانداعى جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە ىشكەرىلەي جالپى بەتتىك ورنالاستىرۋ جاسادى.

　　قانشا جاپالى بولعان سايىن سونشا الدىعا تالپىنۋ − ۋىنچۋاننان، يۇيشۋدان لۋشانعا، لۋديانعا دەيىن، تالاي رەتكى جەر سىلكىنىسى اپاتىندا جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحى ۇزدىكسىز جوعارىلاپ، جۇڭحۋا ۇلتى قۇدىرەتتى ۇيىسۋ كۇشىن، سەنترگە تارتۋ كۇشىن ايگىلەدى. مۇنداي رۋحاني كۇش تەك اپات تۋىلعان ءوڭىردى قايتا قۇرۋداعى قىمباتتى بايلىق قانا ەمەس، ونان دا ماڭىزدىسى، ءبىزدىڭ حاۋىپ - قاتەرگە، سىن - سايىسقا توتەپ بەرۋدە، بولاشاقتى بەتكە الۋدا جەڭىسكە جەتۋىمىزدىڭ كەپىلى.

　　پارتيا 18 - قۇرىلتايىنان بەرى ەلىمىزدىڭ جەر سىلكىنىسىنەن ساقتانۋ، اپاتتىڭ زيانىن ازايتۋ، جەر سىلكىنىسىنە قارسى اتتانىپ، اپاتتان قۇتقارۋ قىزمەتى كورنەكتى ونىمدىلىكتەرگە قول جەتكىزىپ، توتەنشە جاعدايعا توتەپ بەرۋ قابىلەتى كورنەكتى كۇشەيدى.

　　بيىل 5 - ايدىڭ 14 - كۇنى مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى كەڭسەسى، توتەنشە جاعدايلارعا توتەپ بەرۋ باسقارۋ مينيسترلىگى، سىچۋان ولكەلىك ۇكىمەت سىچۋان ولكەسىنىڭ يا - ان قالاسى سياقتى جەرلەرىمەن بىرلەسىپ ”توتەنشە جاعدايلارعا توتەپ بەرۋ بورىشى ● 2021“ جەر سىلكىنىسىنە قارسى اتتانىپ، اپاتتان قۇتقارۋ وقۋ - جاتتىعۋىن وتكىزدى. وقۋ - جاتتىعۋ اياقتالىپ ءبىر اپتادان كەيىن، يۇننان ياڭبي 4.6 بالدىق جەر سىلكىنىسى، چيڭحاي مادو 4.7 بالدىق جەر سىلكىنىسى ىركەس - تىركەس تۋىلدى، توتەنشە جاعدايلارعا توتەپ بەرۋ - باسقارۋ مينيسترلىگى قاتىستى وڭىرلەرمەن سايكەسىپ قاتەردەن اراشالاۋ، كومەكتەسۋ، اپاتتان قۇتقارۋ قىزمەتىن دەرەۋ ورنالاستىردى، وقۋ - جاتتىعۋ ناتيجەسىنىڭ قولدانىلۋى جەر سىلكىنىسى اپاتىنا دەر كەزىندە پارمەندى توتەپ بەرۋ، ءولىم - ءجىتىمدى جانە مال - مۇلىك شىعىنىن ازايتۋ سياقتىلاردا بەلسەندى رول اتقاردى.

　　پارتيانىڭ باسشىلىعىنا تاباندى بولعان ءار دارەجەلى پارتكوم مەن ۇكىمەت اپاتتان ساقتانۋ، اپاتتىڭ زيانىن ازايتۋ، اپاتتان قۇتقارۋ قىزمەتىندە ۇيىمدىق باسشىلىق ەتۋ، ءبىر تۇتاس جوسپارلاپ سايكەستىرۋ، قامتاماسىزدىق ازىرلەۋ سياقتى رولدارىن ساۋلەلەندىرىپ، قاراستى جەر باسقارۋعا، دارەجەگە ءبولىپ جاۋاپتى بولۋعا تاباندى بولىپ، ءار جاق تەڭ يگەرىپ، بىرگە باسقاراتىن، سايكەسىپ سەلبەسەتىن قىزمەت جاعدايىن قالىپتاستىردى؛ حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىق بۇقاراسىنىڭ ءومىرىنىڭ حاۋىپسىزدىگىنە شىنايى كەپىلدىك ەتۋدى ماڭداي الدى نىسانا ەتتى؛ ساقتانۋدى نەگىز ەتۋگە، اپاتتىڭ زيانىن جالپى بەتتىك تومەندەتۋگە تاباندى بولىپ، اپاتتان ساقتانۋدى، اپاتتىڭ زيانىن ازايتۋدى ەكونوميكالىق، قوعامدىق دامۋ جالپى جاعدايىنا سىڭىرۋگە ءمان بەرىپ، قاينارىنان ساقتانۋدى كۇشەيتتى.

　　جەر سىلكىنىسىنە قارسى اتتانىپ، اپاتتان قۇتقارۋدىڭ ۇلى رۋحى قاۋلاتقان قۇدىرەتتى رۋحاني قوزعاۋشى كۇش، ءسوز جوق، ءبىزدى ءتۇرلى سىن - سايىستار بارىسىندا تىڭ جەڭىستەرگە ۇزدىكسىز قول جەتكىزۋگە جىگەرلەندىرە بەرەدى.

　　(شينحۋا اگەنتتىگىنىڭ 9 - ايدىڭ 13 - كۇنى بەيجيڭنەن بەرگەن حابارى)