انار بۇلت / شينجياڭ گازەتىنىڭ ءتىلشىسى جاۋ شييا 9 - ايدىڭ 13 - كۇنى ۇرىمجىدەن حابارلايدى. تاياۋدا 24 - كەزەكتى مەملەكەتتىك پۋتۇڭحۋانى جالپىلاستىرۋ ۇگىت اپتالىعى قيمىلى رايونىمىزدىڭ جەر - جەرىندە، ءارقايسى مەكتەپتەردە ىركەس - تىركەس ورىستەتىلدى. بيىلعى نەگىزگى تاقىرىپ ”پۋتۇڭحۋامەن 100 جىلدىق ۇلى ءىستى جىرلاپ، ولشەمدى ارىپپەن ءداۋىردىڭ تاراۋىن جازۋ“.
9 - ايدىڭ 13 - كۇنى ءۇرىمجى قالالىق 36 - ورتا مەكتەپتە وقۋشىلار ولەڭ - جىرمەن جۇڭحۋانىڭ تاڭداۋلى ءداستۇرلى مادەنيەتىنە بولعان قۇشتارلىعىن جەتكىزدى. جۋىق جىلداردان بەرى وسى مەكتەپ تەاتر، حاتكەرلىك سياقتىلاردى مەكتەپ اۋلاسىنا ەنگىزۋدى ىلگەرىلەتىپ، جۇڭحۋانىڭ كلاسسيكالىق شىعارمالارىن وقۋ ينجەنەرياسىن اتقارىپ، وقىتۋشى - وقۋشىلاردى پۋتۇڭحۋانى جالپىلاستىرۋدىڭ امالياتىنا بەلسەندى تۇردە ات سالىسۋعا جەتەكتەدى. ”ءبىز پۋتۇڭحۋانى جاقسى سويلەپ، كۇندەلىكتى ۇيرەنۋ، تۇرمىس بارىسىندا ولشەمدى ءارىپتى جاقسى جازىپ، ودان جاقسى پايدالانىپ، پۋتۇڭحۋانى جالپىلاستىرۋشى بولامىز“، - دەدى مەكتەپتىڭ بەيجيڭ تەاترى كۋرجەگىنىڭ وقۋشىسى شاكۋرا ابدىراسۇل. سول كۇنى ول ساباقتاستارىمەن بىرگە بەيجيڭ تەاترى «مۋ گۇييىڭنىڭ قولباسشىلىق ىستەۋىن» ورىنداپ، كورەرمەندەردىڭ القاۋىنا بولەندى.
قاشقار داشۋەسى بۇكىل مەكتەپتەگى وقىتۋشى - وقۋشىلارعا ”پۋتۇڭحۋا سويلەپ، ولشەمدى ءارىپتى جازايىق“ دەگەن دارىپتەمە حاتىن جاريالاپ، وقىتۋشى - وقۋشىلاردىڭ وقىتۋ قىزمەتى، ۇيرەنۋ جانە تۇرمىس بارىسىندا مەملەكەتتە ءبىر تۇتاس قولدانىلاتىن ءتىل - جازۋدى بەلسەندىلىكپەن جالپىلاستىرىپ، پۋتۇڭحۋا سويلەۋ مەن ولشەمدى ءارىپتى جازۋ دەڭگەيىن ۇزدىكسىز جوعارىلاتۋىن دارىپتەدى.
بيىلعى قيمىل اپتالىعىنداعى ورنالاستىرۋ بويىنشا تۇتاس رايوننىڭ وقۋ - اعارتۋ جۇيەسى ورتا، باستاۋىش مەكتەپ وقىتۋشىلارىنىڭ ”ءۇش جازۋ، ءبىر ءتىل“ جارىسى، ”كىشىلەر ۇلكەندەردى جەتەكتەپ“ بىرگە پۋتۇڭحۋا سويلەۋ، پۋتۇڭحۋا ەلىكتەمەلى سىناعى جانە دىبىستىق جەتەكشىلىك ەتۋ سياقتى ينتەرنەت جەلىسىندە جانە جەلىدەن تىس كوپ ءتۇرلى قيمىلداردى وتكىزۋ ارقىلى اناعۇرلىم مول وقۋشىلار مەن بۇقارانى ات سالىسۋعا ءارى ءتىل - جازۋدىڭ حيكىمەتىن سەزىنۋگە باۋراپ، ۇگىتتىڭ ۇيىستىرۋ اسەرىن جوعارىلاتتى. مۇنان تىس، ءارقايسى جوعارى مەكتەپتەر وقىتۋشى - وقۋشىلاردى «مەملەكەتتە ءبىر تۇتاس قولدانىلاتىن ءتىل - جازۋ زاڭىن» ۇيرەنىپ، مەملەكەتتىڭ ءتىل - جازۋ ساياساتىن تۇسىنۋگە ۇيىمداستىرادى، ءتىل - جازۋدى ارناعا ءتۇسىرۋ تاربيەسىن ورىستەتىپ، لەكسيا جاساۋ، ءسوز جارىس، تەاتر، كومەديا سياقتى كوپ ءتۇرلى فورمالار ارقىلى وقۋشىلاردى پۋتۇڭحۋانى ولشەمدى تۇردە قولدانۋعا تاربيەلەپ، جەتەكشىلىك ەتەدى.
اۆتونوميالى رايون جەر - جەردەن، تاراۋلاردان جانە اسكەري بولىمدەگى قاتىستى ورىنداردان پۋتۇڭحۋانى جالپىلاستىرۋ اپتالىعى ۇگىت قىزمەتى مەن اۆتونوميالى رايوننىڭ ءتىل - جازۋ كۇندەلىكتى قىزمەتىن ورگانيكالى بىرلەستىرىپ، پۋتۇڭحۋانى جالپىلاستىرۋ اپتالىعىن وراي ەتىپ، مەملەكەتتە ءبىر تۇتاس قولدانىلاتىن ءتىل - جازۋدان ۇلگى كورسەتىپ باۋلۋ، كلاسسيك شىعارمالاردى وقۋ، جازۋ، اڭگىمەلەۋ قيمىلى، پۋتۇڭحۋانى اۋىل - قىستاقتا جالپىلاستىرۋ ارەكەتى سياقتىلاردى بەلسەندى تۇردە ورىستەتىپ، پۋتۇڭحۋانى جالپىلاستىرۋدىڭ دالدىگى مەن ناقتى ونىمدىلىگىن جوعارىلاتىپ، پۋتۇڭحۋانى جالپىلاستىرۋ قيمىلىن ۇدايىلاندىرۋدى تالاپ ەتتى.
