تيانشان تورى   ›   جاڭالىقتار   ›   عىلىم جالپىلاستىرۋ

مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭىنىڭ قيمىلى باستالدى

  انار بۇلت / شينجياڭ گازەتىنىڭ ءتىلشىسى شيە حۇيبيان 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 13 - كۇنى، 2021 - جىلعى مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭىنىڭ قيمىلى شينجياڭ عىلىم - تەحنيكا سارايىندا جانە ءۇرىمجى قالاسى سايباق رايونى حۇڭمياۋزى اۋماعى شينجۇي الەۋمەتتىك اۋماعى ەكى جينالىس الاڭىندا ءبىر ۋاقىتتا باستالدى. بيىلعى قيمىلدىڭ نەگىزگى تاقىرىبى ”100 جىلدا قايتا اتتانىپ، جوعارى دەڭگەيدەگى عىلىم - تەحنيكادا ءوزىن ەڭسەلەندىرۋگە، ءوزىن قۇدىرەتتەندىرۋگە قادام تاستاۋ“. قيمىل 9 - ايدىڭ 17 - كۇنىنە دەيىن جالعاسادى.

  بيىلعى عىلىم جالپىلاستىرۋ كۇنى قيمىلى پارتيا قۇرىلعاندىعىنىڭ 100 جىلدىعىن ارقاۋ ەتە وتىرىپ، جاڭالىق اشا دامۋعا كوز جىبەرۋ؛ عىلىم رۋحىن اسقاقتاتىپ، عىلىم ارمانىن تاسقىنداتۋ؛ جاسىل دامۋدى دارىپتەپ، ەكولوگيالىق قۇرىلىسقا قىزمەت ەتۋ؛ جاپپاي دوڭگەلەك داۋلەتتىلىكتى تياناق ەتىپ، اۋىل - قىستاقتى گۇلدەندىرۋگە دەم بەرۋ؛ ەرىكتىلەر قىزمەت وتەۋىن ورىستەتىپ، وركەنيەتتى امالياتتا ايگىلەۋدى تەرەڭدەتۋ؛ عىلمي ساپا باعدارلاماسىن ۇگىتتەپ، دايەكتىلەندىرۋدى، اتقارۋدى ىلگەرىلەتۋ سىندى 6 جاقتان ورىستەتىلەدى.

  اۆتونوميالى رايوندىق عىلىم - تەحنيكا قوعامى عىلىم جالپىلاستىرۋ ءبولىمىنىڭ باستىعى پاتيما ابليكىم بىلاي دەدى: قيمىلدىڭ نەگىزگى تاقىرىبىن ارقاۋ ەتە وتىرىپ، تۇتاس شينجياڭنىڭ جەر - جەرى ”ءبىر جەردە ءبىر ەرەكشەلىك بولۋ“ پرينسيبى بويىنشا، ينتەرنەت جەلىسىندە جانە ينتەرنەت جەلىسىنەن تىسقارىنى ءوزارا ۇشتاستىرۋ ءتاسىلى ارقىلى نەگىزگى الاڭ قيمىلى مەن ءتۇيىندى قيمىلدى ءتۇيىندى ۇيىمداستىرىپ ورىستەتەدى. بۇدان تىس، پارتيا تاريحىن ۇيرەنۋ تاربيەسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنا ۇشتاستىرا وتىرىپ، كوپ دارەجە بىرلەسىپ قيمىلدايتىن، كەڭىنەن ات سالىساتىن، ماڭگى اياقتالمايتىن جەلىلەس عىلىم جالپىلاستىرۋ قيمىلدارىن دايىندايدى.

  قيمىل مەزگىلىندە اۆتونوميالى رايوندىق عىلىم - تەحنيكا قوعامى تۇتاس قوعامداعى ءار سالانىڭ كۇشىن عىلىم جالپىلاستىرۋعا، تاراتۋعا ات سالىسۋعا بەلسەنە جۇمىلدىرىپ، 13 مەڭگەرمە، مەكەمە - ورىنمەن بىرلەسىپ، بۇكىل شينجياڭ كولەمىندە ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر تەگىن بەيتاراپتاندىرۋ“ عىلىم جالپىلاستىرۋ بىرىككەن ارەكەتى، جاستار مەن ورەندەردىڭ عىلىم - تەحنيكا تاربيەسى بىرىككەن ارەكەتى، عىلىم - تەحنيكا بايلىق قاينارى بويىنشا عىلىم جالپىلاستىرۋ بىرىككەن ارەكەتى، عىلىم جالپىلاستىرۋ شەبى بىرىككەن ارەكەتى سىندى جەلىلەس عىلىم جالپىلاستىرۋ قيمىلدارىن ورىستەتەدى.

  ”بۇلتتا عىلىم جالپىلاستىرۋ كۇنى“ بيلىعى عىلىم جالپىلاستىرۋ كۇنىنىڭ شينجياڭ نەگىزگى الاڭى قيمىلىنداعى ۇلكەن ءبىر جارقىن ءتۇيىن. الداعى ءبىر اپتادا ءارقايسى ايماق، وبلىس، قالالاردىڭ عىلىم - تەحنيكا قوعامدارى سول جەردىڭ وزىندە تىكە تاراتۋ، تاقىرىپتاردا ءوزارا ىقپالداسۋ، قىسقا بەينەكەسكىن جيۋ، الاڭ - سارايلاردى بۇلتتا ارالاۋ، عىلىم - تەحنيكا ەرىكتىلەرىنە القاۋ ايتۋ سىندى ءتۇرلى فورمالارمەن ءتۇرلى عىلىم جالپىلاستىرۋ بايلىق قاينارىنان ستەرەولدى بىرگە يگىلىكتەنىپ، جۇرتشىلىقتىڭ عىلىم جالپىلاستىرۋدان سەزىنگەندەرىن بايىتىپ، ينتەرنەتتە عىلىم جالپىلاستىرۋ، تاراتۋ قىزۋ ورلەۋىن قالىپتاستىرادى. قازىرگە دەيىن مەملەكەتتىك عىلىم جالپىلاستىرۋ كۇنى سايتى ارقىلى بۇكىل شينجياڭنىڭ جەر - جەرىنەن عىلىم جالپىلاستىرۋ كۇنىنە قاتىناسۋعا ءوتىنىش ەتكەن قيمىل 393 تۇرگە جەتتى، مۇندا بىرىككەن ارەكەتكە قاتىناساتىن قيمىل جيىنى 215 ءتۇرلى، قاتىناساتىن ادام سانى 5 ميلليون 500 مىڭ ادام - رەتكە جەتتى، قيمىلدىڭ كورىلىمى 2 ميلليون 70 مىڭ رەتتەن استى.

  پاتيما بىلاي دەدى: بيىلعى عىلىم جالپىلاستىرۋ كۇنى قيمىلى عىلىم رۋحىن، عالىم رۋحىن، ەرىكتىلەر رۋحىن اسقاقتاتۋدى اناعۇرلىم كورنەكتىلەندىرىپ، عىلىم ارمانىن تاسقىنداتىپ، جاڭالىق اشۋ رايىن قالىپتاستىرىپ، ازاماتتاردىڭ عىلىم ساپاسىن جوعارىلاتۋ، جوعارى دەڭگەيدەگى عىلىم - تەحنيكادا ءوزىن ەڭسەلەندىرۋ، ءوزىن قۇدىرەتتەندىرۋ ءۇشىن كۇش ۇيىستىرادى. سونىمەن ءبىر ۋاقىتتا، تۇعىردى بەلسەنە قۇرىپ، ءارقايسى عىلمي زەرتتەۋ اكادەميا، ورىنداردىڭ، جوعارى مەكتەپتەردىڭ، كاسىپورىنداردىڭ، قوعامدىق ۇيىمداردىڭ بىرىككەن كۇشىن ۇيىستىرىپ، عىلىم رۋحى مەن عىلىم - تەحنيكا جەتىستىكتەرىنەن بۇكىل حالىقتىڭ ورتاق يگىلىكتەنۋىن جەبەپ، تۇتاس قوعامدا ”بارلىق ادام عىلىم جالپىلاستىرۋعا ات سالىسۋ، بارلىق ورىندى عىلىم جالپىلاستىرۋ ورنىنا اينالدىرۋداي“ قويۋ راي قالىپتاستىرادى.

  قيمىل ۇستىندە شينجياڭنىڭ ءبىرىنشى توپتاعى ەكى مەملەكەتتىك عىلىم جالپىلاستىرۋداعى ۇلگى كورسەتەتىن اۋدانعا (قالا، رايون) ماڭدايشالىق بەرىلدى، سونىمەن قاتار 2021 - جىلعى شينجياڭداعى ”ەڭ ارداقتى عىلىم - تەحنيكا قىزمەتكەرى“ ۋاكىلدەرىنە كۋالىك تاراتىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.