تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ ۇيعۇر اۆتونوميالى رايونىنىڭ حالىقتىق اۋە قورعانىسى سيگنالىن سىناق رەتىندە بەرۋ جونىندەگى حابارلاندىرۋى

  حالىق بۇقاراسىنىڭ مەملەكەت قورعانىسى كوزقاراسىن ۇزدىكسىز كۇشەيتىپ، اۋە شابۋىلىنان قورعانۋ تانىمىن جوعارىلاتۋ، سونىمەن بىرگە اۋە شابۋىلىنان قورعانۋ سيگنالىن بەرۋ قۇرىلعىلارىنىڭ، جابدىقتارىنىڭ يقۋاتىن تەكسەرۋ ءۇشىن، «جۇڭحۋا حالىق رەسپۋبليكاسىنىڭ حالىقتىق اۋە قورعانىسى زاڭىنداعى»، «شينجياڭ ۇيعۇر اۆتونوميالى رايونىنىڭ حالىقتىق اۋە قورعانىسى سيگنالىن سىناق رەتىندە بەرۋ جونىندەگى ۋاقىتشا بەلگىلەمەسىندەگى» قاتىستى بەلگىلەمەلەرگە ساي، اۆتونوميالى رايوندىق حالىق ۇكىمەتى 2021 - جىلى 9 - ايدىڭ 18 - كۇنى ساعات 12دەن 00 مينۋتتا تۇتاس رايون بويىنشا حالىقتىق اۋە قورعانىسىنداعى ءتۇيىندى قالالاردا اۋە قورعانىسى سيگنالىن سىناق رەتىندە ءبىر تۇتاس بەرۋدى ۇيعاردى. قازىر قاتىستى ىستەردى تومەندەگىدەي حابارلاندىرامىز:

ءبىرىنشى، سىناق سيگنالىن بەرۋ ۋاقىتى

  2021 - جىلى 9 - ايدىڭ 18 - كۇنى تۇستەن بۇرىن ساعات 12دەن 00 مينۋتتان ساعات 12دەن 19 مينۋتقا دەيىن.

ەكىنشى، اۋە قورعانىس سيگنالىنىڭ تۇرلەرى

  الدىن الا بەرىلەتىن سيگنال: 36 سەكۋند بەرىلىپ، 24 سەكۋند ءۇزىلىس جاسايدى، 3 رەت قايتالانۋى ءبىر پەريود بولادى (ۋاقىتى 3 مينۋت)؛

  اۋە شابۋىلى سيگنالى: 6 سەكۋند بەرىلىپ، 6 سەكۋند ءۇزىلىس جاسايدى، 15 رەت قايتالانۋى ءبىر پەريود بولادى (ۋاقىتى 3 مينۋت)؛

  كۇشىنەن قالدىرۋ سيگنالى: ءۇرتىس 3 مينۋت سيگنال بەرىلەدى.

  ءاربىر سيگنال ءتۇرىنىڭ ۋاقىت ارالىعى 5 مينۋت.

ءۇشىنشى، سىناق سيگنالىن بەرۋ كولەمى

  ءۇرىمجى قالاسى، سانجى قالاسى، قارامايلى قالاسى، قۇلجا قالاسى، كورلا قالاسى، شاۋەشەك قالاسى، قۇمىل قالاسى، تۇرپان قالاسى، بۇراتالا قالاسى، التاي قالاسى، قاشقار قالاسى، حوتان قالاسى، اقسۋ قالاسى، اتۇش قالاسى، شيحۋ قالاسى، كۇيتۇن قالاسى.

  سىناق سيگنالى بەرىلگەن كەزدە قالىڭ حالىق بۇقاراسى قالىپتى كوڭىل كۇيدى ساقتاپ، الاڭسىز قىزمەت ىستەپ جانە تۇرمىس كەشىرىپ، قالىپتى قوعامدىق ءتارتىپتى قورعاپ، حالىقتىق اۋە قورعانىسى سيگنالىن سىناق رەتىندە بەرۋ قىزمەتىنىڭ ءساتتى ورىستەتىلۋىنە شىنايى كەپىلدىك ەتۋى كەرەك.

  شينجياڭ ۇيعۇر اۆتونوميالى رايوندىق حالىق ۇكىمەتى

  2021 - جىلى 9 - ايدىڭ 13 - كۇنى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.