شي جينپيڭ جاۋاپ حات جازىپ، ”ۇستىرتتە شەكارا كۇزەتكەن ۇلگىلى يىڭداعى“ بارلىق وفيتسەر - جاۋىنگەردى
وتاندى قورعاۋ، شەكارانى كۇزەتۋ مىندەت جاۋاپكەرشىلىگىن ادالدىقپەن جاقسى اتقارىپ، پارتيا مەن حالىق ءۇشىن تاعى دا تىڭ ەڭبەك سىڭىرۋگە قۇلشىنۋعا شابىتتاندىردى
شينحۋا اگەنتتىگىنىڭ 9 - ايدىڭ 13 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا ”ۇستىرتتە شەكارا كۇزەتكەن ۇلگىلى يىڭداعى“ بارلىق وفيتسەر - جاۋىنگەرگە جاۋاپ حات جازىپ، ولارعا ىستىق ىقىلاستى سالەم جولدادى.
شي جينپيڭ جاۋاپ حاتىندا مىنالاردى ءبىلدىردى: 5 جىلدان بەرى سىزدەر پارتيا مەن حالىق جۇكتەگەن بورىشتى ەستە بەرىك ساقتاپ، تىرشىلىكسىز ءوڭىردى بەرىك كۇزەتىپ، جاستىق كوكتەمدەرىڭىزبەن جانە ىستىق قاندارىڭىزبەن وتاننىڭ قاسيەتتى تەرريتورياسىن قورعاپ، ارقالاعان مىندەتتەرىڭىزدى ايتارلىقتاي ورىندادىڭىزدار. كوپشىلىك جارايسىزدار!
شي جينپيڭ بىلاي دەپ باسا دارىپتەدى: شەكارا قورعانىس اسكەري ءبولىمى شەكارانى كۇشەيتىپ، قورعانىستى بەكەمدەۋدىڭ ءبىرىنشى شەبىندە شايقاسادى، مىندەت جاپالى، جاۋاپكەرشىلىك اۋىر. جولداستاردىڭ بورىش ارقالاۋدى كۇشەيتىپ، تاڭداۋلى ءداستۇردى ساۋلەلەندىرىپ، اسكەر جاتتىقتىرىپ، سوعىسقا دايىندالۋدى كۇشەيتىپ، وتاندى قورعاۋ، شەكارانى كۇزەتۋ مىندەت جاۋاپكەرشىلىگىن ادالدىقپەن اتقارىپ، پارتيا مەن حالىق ءۇشىن تاعى دا تىڭ ەڭبەك سىڭىرۋگە قۇلشىنۋىن ءۇمىت ەتەمىن.
”ۇستىرتتە شەكارا كۇزەتكەن ۇلگىلى يىڭ“ تاڭداۋلى داستۇرگە يە قاھارمان اسكەري ءبولىم. بۇل يىڭ تۇرعان جەردىڭ تەڭىز دەڭگەيىنەن ورتاشا بيىكتىگى 4800 نەشە مەتر، ەڭ تومەن اۋا تەمپەراتۋراسى نولدەن تومەن ℃40، ءار جىلى 200 نەشە كۇن 8 بالدان جوعارى بوران سوعادى. ۇزاق ۋاقىتتان بەرى اسكەري بولىمدەگى وفيتسەر - جاۋىنگەرلەر قارلى ۇستىرتكە تامىر تارتىپ، ادالدىقپەن مىندەت اتقارىپ، جاۋاپكەرشىلىكتى ادا ەتىپ، ىلگەرىندى - كەيىندى 9 رەت بۇكىل ەلدە، بۇكىل ارميادا ماداقتالىپ - سيلاندى، 5 رەت داڭق اتاعىنا يە بولدى، 5 ءبىرىنشى دارەجەلى ەڭبەك، 44 ەكىنشى دارەجەلى ەڭبەك جازىلعان زور توپتاعى وزات كوللەكتيۆتەر مەن جەكەلەر جارىققا شىقتى. 2016 - جىلى 8 - ايدا شي جينپيڭ ورتالىق اسكەري ىستەر كوميتەتىنىڭ بۇيرىعىنا قول قويىپ، وسى يىڭعا ”ۇستىرتتە شەكارا كۇزەتكەن ۇلگىلى يىڭ“ داڭق اتاعىن بەردى. جاقىندا بۇكىل يىڭداعى وفيتسەر - جاۋىنگەرلەر ءتوراعا شي جينپيڭگە حات جازىپ، 5 جىلدان بەرگى قىزمەت جاعدايىن مالىمدەپ، ءتوراعا شي جينپيڭنىڭ ءۇمىتىن، كەلەلى تاپسىرماسىن ەستە بەرىك ساقتاۋ، ادالدىقپەن وتاندى قورعاپ، شەكارانى كۇزەتۋ بەرىك سەنىمدەرى مەن بەكىمدەرىن بىلدىرگەن بولاتىن.
