تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ينتەرنەت وركەنيەتى قۇرىلىسىن كۇشەيتۋ جونىندەگى پىكىردى» باسىپ تاراتتى

  شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «ينتەرنەت وركەنيەتى قۇرىلىسىن كۇشەيتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى، سونداي - اق حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىكپەن ۇشتاستىرا وتىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.

  «پىكىردە» مىنالار اتاپ كورسەتىلدى: ينتەرنەت وركەنيەتى قۇرىلىسىن كۇشەيتۋ − سوتسياليستىك رۋحاني وركەنيەت قۇرىلىسىن ىلگەرىلەتۋدىڭ، قوعامنىڭ وركەنيەت دەڭگەيىن جوعارىلاتۋدىڭ قاجەتتى تالابى، قوعامداعى باستى قايشىلىقتىڭ وزگەرىسىنە ۇيلەسۋدىڭ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدىڭ كوكەي تەستى قاجەتى، ينتەرنەتتە قۋاتتى ەل قۇرۋدى جەدەلدەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى مىندەتى. «پىكىردە» جالپى تالاپ، ينتەرنەت كەڭىستىگىنە يدەيالىق جەتەكشىلىكتى كۇشەيتۋ، ينتەرنەت كەڭىستىگى مادەنيەتىن جەتىلدىرۋدى كۇشەيتۋ، ينتەرنەت كەڭىستىگىندەگى ءمورال قۇرىلىسىن كۇشەيتۋ، ينتەرنەت كەڭىستىگىنىڭ ءىس - ارەكەت ولشەمىن كۇشەيتۋ، ينتەرنەت كەڭىستىگى ەكولوگياسىن جونگە سالۋدى كۇشەيتۋ، ينتەرنەت كەڭىستىگى وركەنيەتىندە وزات ورىن قۇرۋدى كۇشەيتۋ، ۇيىمداستىرۋ جانە اتقارۋ سىندى 8 ءبولىمدى قامتىدى.

  «پىكىردە» مىنالار باسا دارىپتەلدى: ينتەرنەت وركەنيەتى قۇرىلىسىن كۇشەيتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ينتەرنەتتە قۋاتتى ەل بولۋ جونىندەگى ماڭىزدى يدەياسى مەن رۋحاني وركەنيەت قۇرىلىسى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، سوتسياليستىك وزەكتى قۇن كوزقاراسىن بارىنشا اسقاقتاتىپ، ينتەرنەتتى وركەنيەتتى باسقارۋدى، ينتەرنەتتەن وركەنيەتتى پايدالانۋدى، ينتەرنەتكە وركەنيەتتى شىعۋدى، ينتەرنەتتى وركەنيەتتى تۇردە كوركەيتۋدى جاپپاي ىلگەرىلەتىپ، جاڭا داۋىردەگى ينتەرنەت وركەنيەتى قۇرىلىسىنىڭ تالابىنا ۇيلەسەتىن يدەيالىق كوزقاراستى، مادەنيەت سالتىن، ءمورالدىق تالپىنىس، ءىس - ارەكەت ولشەمىن، زاڭمەن جونگە سالۋ ورتاسىن، وزات بولۋ مەحانيزمىن قالىپتاستىرۋدى ىلگەرىلەتىپ، ينتەرنەت جەلىسىندەگى جانە ينتەرنەت جەلىسىنەن تىسقارى وركەنيەت قۇرىلىسىمەن جاندى توعىسۋدى، ءبىرىن - ءبىرى جەبەۋدى جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا مىعىم يدەيالىق كەپىلدىك، قۋاتتى رۋحاني قوزعاۋشى كۇش، پارمەندى قوعامدىق پىكىر قولداۋىن، تاماشا مادەنيەت شارت - جاعدايىن ازىرلەۋ كەرەك.

  «پىكىردە» مىنالار ايقىندالدى: ينتەرنەت وركەنيەتى قۇرىلىسىن كۇشەيتۋدىڭ قىزمەت نىساناسى: نازاريامەن قارۋلانىپ جاڭا شەپتى يەلەۋ، ماركسيزمنىڭ ينتەرنەت يدەولوگيا سالاسىنداعى جەتەكشىلىك ورنىن ونان ارى بەكەمدەۋ، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن ونان ارى بەكەمدەۋ؛ مادەنيەتتى جەتىلدىرۋدە تىڭ تابىستارعا قول جەتكىزۋ، سوتسياليستىك وزەكتى قۇن كوزقاراسىن جۇرت جۇرەگىنە تەرەڭ ۇيالاتۋ، حالىق بۇقاراسىنىڭ ينتەرنەتتەگى رۋحاني - مادەني تۇرمىسىن كۇن سايىن اقاۋسىزداندىرۋ، بايىتۋ؛ ءمورال قۇرىلىسىندا تىڭ قادام تاستاپ، ينتەرنەت قولدانۋشىلاردىڭ يدەيا - ءمورال ساپاسىن كورنەكتى جوعارىلاتۋ، العا ۇمتىلاتىن، ىزگىلىككە تالپىناتىن، ادال، ءوزارا كومەكتەسەتىن ينتەرنەت سالتىن اناعۇرلىم نىعايتۋ؛ وركەنيەت ساپاسىن تىڭ دەڭگەيگە كوتەرىپ، ينتەرنەت قولدانۋشى جاستار مەن ورەندەردىڭ ينتەرنەتتىك ساپاسىن ۇزدىكسىز جوعارىلاتۋ، ينتەرنەت تۇعىرلارىنىڭ تۇلعالىق جاۋاپكەرشىلىگى مەن سالانىڭ ءوزىن تارتىپكە سالۋىن ءونىمدى تياناقتاندىرۋ؛ جونگە سالۋ ونىمدىلىگىن تىڭ دەڭگەيگە كوتەرۋدى جۇزەگە اسىرىپ، ينتەرنەت ەكولوگياسىن كۇن سايىن جاقسارتىپ، ينتەرنەت كەڭىستىگىن زاڭمەن جونگە سالۋدى ىشكەرىلەي ىلگەرىلەتۋ، ينتەرنەتتەگى زاڭعا قايشى قىلمىستارعا سوققى بەرۋ، ودان ساقتانۋ، ونى جونگە سالۋ قابىلەتىن ۇزدىكسىز جوعارىلاتۋ؛ وزات بولۋ قيمىلىندا جاڭا جاعداي اشىپ، بۇقارالىق رۋحاني وركەنيەتتە وزات ورىن قۇرۋ قيمىلىن ينتەرنەتتە ءونىمدى كەڭەيتۋ، ينتەرنەت وركەنيەتى ايگىلى ماركا قيمىلىن بەكەمدەۋ جانە جوعارىلاتۋ، ينتەرنەت كەڭىستىگىن اناعۇرلىم تازارتۋ.

  «پىكىردە» مىنالار باسا دارىپتەلدى: ينتەرنەت كەڭىستىگىنە يدەيالىق جەتەكشىلىكتى كۇشەيتىپ، ءتۇيىندى نازاريالىق سايتتار، الەۋمەتتىك اككاۋنتتار، كليەنتتەر قۇرىلىسىن كۇشەيتىپ، ينتەرنەتتەگى كەلەلى تاقىرىپتىق ۇگىتتى دەن قويا جاقسى ىستەپ، ”قۇبىلىستىق“ تاراتۋ ونىمدەرىن قالىپتاستىرىپ، ورتالىق پەن جەرگىلىكتى نەگىزگى اقپارات ورىندارى، ءتۇيىندى اقپارات سايتتارى سياقتى نەگىزگى اعىم اقپارات قۇرالدارىنىڭ جىلجىمالى تەرمينال قۇرىلىسىن جالپىلاستىرۋ تەبىنىن ارتتىرۋ كەرەك. ينتەرنەت كەڭىستىگى مادەنيەتىن جەتىلدىرۋدى كۇشەيتىپ، اقپارات سايتتارى، ساۋدالىق تۇعىرلار سياقتىلاردىڭ تاراتۋ بىرىككەن كۇشىن كەڭ كولەمدە ۇيىستىرۋ كەرەك. ينتەرنەت كەڭىستىگىندەگى ءمورال قۇرىلىسىن كۇشەيتىپ، ينتەرنەتتەگى ءمورالدان ۇلگى كورسەتۋ ارقىلى جەتەكشىلىك ەتۋدى كۇشەيتۋ كەرەك. ينتەرنەت كەڭىستىگىنىڭ ءىس - ارەكەت ولشەمىن كۇشەيتىپ، سوتسياليستىك وزەكتى قۇن كوزقاراسىنا ۇيلەسەتىن ينتەرنەت ەتيكاسى مەن ارەكەت ەرەجەسىن جەتىلدىرۋ كەرەك. ينتەرنەت كەڭىستىگى ەكولوگياسىن جونگە سالۋدى كۇشەيتىپ، ”اشىق“، ”ينتەرنەتتى تازارتۋ“ جەلىلەس ارناۋلى ارەكەتتەرىن ىشكەرىلەي ىلگەرىلەتىپ، ينتەرنەتتەگى زاڭعا قايشى قىلمىستىق ارەكەتتەرگە سوققى بەرۋدى تەرەڭدەتىپ، الەۋمەتتىك اككاۋنتتار، تىكە تاراتۋ ارقىلى زات ساتۋ، بىلىمنەن سۇراۋ - جاۋاپ سياقتى سالالارداعى مادەنيەتسىزدىك ماسەلەلەرىن جونگە سالۋدى تەرەڭدەتىپ، ينتەرنەت سالاسىنداعى جالعان ينفورماتسيالاردى جونگە سالۋدى ورىستەتۋ كەرەك. ينتەرنەت كەڭىستىگىندەگى وركەنيەتتە وزات ورىن قۇرۋدى كۇشەيتىپ، قالىڭ ينتەرنەت قولدانۋشىلاردى ءمورالعا قۇرمەت ەتۋگە، زاڭعا بويسۇنۋعا، مادەنيەتتى تۇردە ءوزارا ءىس - قيمىل جۇرگىزۋگە، بايىپتى بەينەلەۋگە جەتەكتەپ، تۇتاس قوعامدى ينتەرنەت وركەنيەتى ساپاسىن جوعارىلاتۋعا جەتەكتەپ، ينتەرنەت ورتاسىن تازارتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.