— 14 - كەزەكتى مەملەكەتتىك سپورت جارىسىنىڭ اشىلعاندىعىن قىزۋ قۇتتىقتايمىز
شانشيدىڭ بايتاق دالاسىندا ومىرشەڭدىك جالىن اتىپ، سپورت ساڭلاقتارىنىڭ ارىنى تاسقىندادى. بۇگىن 14 - كەزەكتى مەملەكەتتىك سپورت جارىسى شانشيدىڭ شي - ان قالاسىندا سالتاناتپەن باستالادى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىقتىڭ“ باستالعان جىلى تارتىمدى دا تابىستى بولعان ءبىر كەزەكتى مەملەكەتتىك سپورت سالتاناتتى جارىسىنىڭ وتكىزىلۋى الداعى جەردە ەلىمىزدىڭ باسەكەلىك سپورتىنىڭ جالپىلىق قۋاتىن ونان ارى كوتەرىپ، بۇقارالىق سپورتتىڭ دامۋىن جەتەكتەپ، حالىقتىڭ دەنە ساپاسىن كۇشەيتۋدى جەبەۋ، دەنە تاربيەدە قۋاتتى ەل قۇرۋدى ىلگەرىلەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن اناعۇرلىم زور كۇش قوساتىندىعى ءشۇباسىز.
دەنە تاربيە كۇشەيسە، مەملەكەت قۇدىرەتتەنەدى، مەملەكەت قۇدىرەتتەنسە، دەنە تاربيە كۇشەيەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز بۇقارالىق دەنە تاربيە، باسەكەلىك دەنە تاربيە، دەنە تاربيە كاسىپ سالاسى سياقتى جاقتاردىڭ دامۋىن جاپپاي ىلگەرىلەتىپ، جالپى حالىقتىق دەنە شىنىقتىرۋ مەملەكەت ستراتەگياسىن ىشكەرىلەي اتقارىپ، دەنە تاربيەنىڭ الەۋمەتتىك قىزمەت وتەۋ دەڭگەيىن جوعارىلاتىپ، قار - مۇز سپورتىن كۇش سالا دامىتىپ، دەنە تاربيە ىستەرىندە باياندى دامۋعا قول جەتكىزدىك. 32 - كەزەكتى وليمپيادا سپورت جارىسى مەن 16 - كەزەكتى مۇگەدەكتەر وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسىنىڭ بەينەسى وتە كورنەكتى بولىپ، ۇزدىك ناتيجەگە قول جەتكىزىپ، سپورت ناتيجەسىندە دە، رۋحاني وركەنيەتتە دە مول تابىسقا قول جەتكىزىپ، وتان مەن حالىققا داڭق اپەردى. مەملەكەتتىك سپورت جارىسى −− ەل ىشىندەگى ەڭ جوعارى دەڭگەيدەگى جالپىلىق سپورت جارىسى، ەلىمىزدىڭ دەنە تاربيە ىستەرىنىڭ دامۋىن جان - جاقتى ايگىلەيتىن جانە ىلگەرىلەتەتىن ماڭىزدى تەرەزە. وليمپيادا سپورتىنىڭ داڭقىن جالعاستىرىپ، ءداۋىر رۋحىن اسقاقتاتاتىن وسى كەزەكتى مەملەكەتتىك سپورت جارىسى ەلىمىزدىڭ دەنە تاربيە ىستەرىنىڭ قول جەتكىزگەن وراسان زور تابىستارىن اناعۇرلىم ويداعىداي ايگىلەپ،
جاڭا داۋىردەگى دەنە تاربيە ىستەرىنىڭ جوعارى ساپالى دامۋىنىڭ شىت جاڭا تاراۋىن، ءسوزسىز، جازاتىن بولادى.
دەنە تاربيە حالىقتىڭ سالاماتتىق دەڭگەيىن جوعارىلاتۋ، حالىقتىڭ تاماشا تۇرمىسقا تالپىنىسىن قاناعاتتاندىرۋ، ادامداردىڭ جان - جاقتى جەتىلۋىن جەبەۋ جونىنەن ماڭىزدى ءمان الادى، ”دەنە تاربيە سپورتىن دامىتىپ، حالىقتىڭ دەنە ساپاسىن كۇشەيتۋ“ ەلىمىزدىڭ دەنە تاربيە قىزمەتىنىڭ ءتۇبىرلى مىندەتى. بۇقارالىق دەنە تاربيەنى مەملەكەتتىك سپورت جارىسىنا ەنگىزىپ، حالىق بۇقاراسىن كەڭ كولەمدە ات سالىسۋعا ۇيىمداستىرۋ مەملەكەتتىك سپورت جارىسىن وتكىزۋ رولىن اناعۇرلىم ويداعىداي ساۋلەلەندىرۋگە پايدالى. وسى كەزەكتى مەملەكەتتىك سپورت جارىسى ”جالپى حالىق مەملەكەتتىك سپورتقا ات سالىسۋ، ءبىر ماقساتپەن العا باسۋ “ دەگەندى نەگىزگى تاقىرىپ ەتىپ، سپورت ساڭلاقتارىنىڭ ايانباي سايىسۋ كەلبەتىن ايگىلەۋمەن بىرگە، جالپى حالىقتىق دەنە شىنىقتىرۋ قيمىلىن بەلسەنە كەڭەيتىپ، عىلمي دەنە شىنىقتىرۋ مەن سالاماتتىق تۇرمىس بىلىمدەرىن جالپىلاستىرىپ، اناعۇرلىم كوپ ادامدى دەنە شىنىقتىرۋعا ات سالىسۋعا جەتەلەدى. تۇڭعىش رەت ورناتىلعان بۇقارالىق جارىس قيمىلى كورمەلىك قويىلىم نىسانى بۇكىل ەلدىڭ جەر - جەرىندەگى بۇقارانى ات سالىسۋعا باۋراپ، ساۋ - سالامات، شات - شادىمان بولعان، ۇمىتكەرلىكپەن العا ۇمتىلعان تاماشا تۇرمىس بەينەسىن جاندى ايگىلەدى. ”مەن مەملەكەتتىك سپورتقا قاتىناسامىن“ جەلىلەس جارىس قيمىلىنان 1000 مايداننان استام ۇيىمداستىرىپ ورىستەتىپ، بۇقارانى مەملەكەتتىك سپورت جارىسىنا ات سالىسۋعا، مەملەكەتتىك سپورت جارىسىمەن توعىسۋعا، مەملەكەتتىك سپورتتان تەڭ يگىلىكتەنۋگە جەتەلەپ، جالپى حالىق دەنە شىنىقتىراتىن قوعامدىق رايدى ونان ارى قالىپتاستىرىپ، سالاماتتى جۇڭگو قۇرىلىسىن جەبەدى.
باس شۋجي شي جينپيڭ بىلاي دەپ باسا دارىپتەدى: ”جاپپاي سوتسياليستىك وسىزاماندانعان قۋاتتى ەل قۇرۋ ءار جاقتىڭ تۇگەلدەي قۋاتتانۋىن قاجەت ەتەدى“. جاڭا ساپاردا ءورىس اشا ەكپىندەي ىلگەرىلەپ، دەنە تاربيەدە قۋاتتى ەل بولۋ نىساناسىن جۇزەگە اسىرۋدا حالىقتى وزەك ەتكەن دامۋ يدەياسىنا تاباندى بولىپ، حالىقتى دەنە تاربيە ىستەرىن دامىتۋدىڭ نەگىزگى تۇلعاسى ەتىپ، سپورتتىق دەنە شىنىقتىرۋدى حالىقتىڭ سالاماتتىعىمەن ۇشتاستىرىپ، جۇڭحۋانىڭ دەنە تاربيە رۋحىن اسقاقتاتۋدى مادەنيەت سەنىمىن بەكەمدەۋمەن ۇشتاستىرىپ، بۇكىل ەلدىك ءتۇزىلىس پەن بازار مەحانيزمىن ۇشتاستىرۋعا تاباندى بولىپ، بۇقارالىق سپورتتىڭ، باسەكەلىك سپورتتىڭ، دەنە تاربيە كاسىپ سالاسىنىڭ سايكەستى دامۋىن ىلگەرىلەتىپ، جاڭا داۋىردەگى ەلىمىزدىڭ دەنە تاربيە ىستەرىنىڭ جاڭا جاعدايىن قۇلشىنا اشۋ كەرەك. جالپى حالىقتىق دەنە شىنىقتىرۋ جالپى حالىقتىڭ دەنە قۋاتىن كۇشەيتىپ، اقاۋسىز تۇرمىس كەشىرۋدىڭ نەگىزى جانە قامتاماسىزدىعى. مەملەكەتتىك سپورت جارىسىن وتكىزۋدى وراي ەتىپ، حالىقتىڭ دەنە شىنىقتىرۋ قاجەتىن قاناعاتتاندىرۋدى، ادامداردىڭ جان - جاقتى جەتىلۋىن جەبەۋدى دەنە تاربيە قىزمەتىنىڭ شىعار ءتۇيىنى جانە تابان تىرەر تياناعى ەتىپ، جالپى حالىقتىق دەنە شىنىقتىرۋ قيمىلىن كەڭ كولەمدە ورىستەتىپ، حالىقتىڭ سالاماتتىق دەڭگەيىن ۇزدىكسىز جوعارىلاتۋ كەرەك. مەملەكەتتىك سپورت جارىسىن شايقاسقا دايىندالۋ جاتتىعۋىنىڭ ونىمدىلىگىن ايگىلەيتىن، ناتيجە شىعارىپ، دارىندى دايىندايتىن ماڭىزدى تۇعىرعا اينالدىرىپ، مەملەكەتتىك سپورت جارىسىن وتكىزۋ ارقىلى بەيجيڭ 2022 - جىلعى قىسقى وليمپيادا سپورت جارىسىن، قىسقى مۇگەدەكتەر سپورت جارىسىن ءساتتى وتكىزۋگە قۇندى تاجىريبە توپتاپ، دۇنيە جۇزىنە ءبىر كەزەك قاراپايىم دا ۇنەمدى، حاۋىپسىز، تارتىمدى، سالتاناتتى وليمپيادا سپورت جارىسىن تارتۋ ەتۋگە شىنايى كەپىلدىك ەتۋ كەرەك.
14 - كەزەكتى مەملەكەتتىك سپورت جارىسى مەملەكەتتىك سپورت جارىسىنىڭ ەلىمىزدىڭ ورتا، باتىس بولىك وڭىرىندە تۇڭعىش رەت وتكىزىلۋى. شانشي ولكەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتى تۋدىرعان ءتيىمسىز ىقپالدى جەڭىپ، ءتۇرلى دايىندىق قىزمەتىن ەگجەي − تەگجەيلى تىڭعىلىقتى ىستەدى. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ سىندى جاڭا دامۋ ۇستانىمىنان جازباي، مەملەكەتتىك سپورت جارىسىن وتكىزۋ تاريحي ورايىنان پايدالانىپ، حالىققا تيىمدىلىك جەتكىزۋ ينجەنەريالارىن بار كۇشپەن اتقارىپ، مەملەكەتتىك سپورت جارىسىنىڭ جالپىلىق ونىمدىلىگىن تولىق جارىققا شىعاراتىن بولسا، 14 - كەزەكتى مەملەكەتتىك سپورت جارىسى شانشي حالقىنىڭ ەكپىندەي ىلگەرىلەۋ رۋحاني كەلبەتىن، ءسوز جوق، جاندى ايگىلەپ، شانشيدىڭ ەكونوميكاسىنىڭ، قوعامىنىڭ جوعارى ساپالى دامۋىن پارمەندى تۇردە ىلگەرىلەتەتىن بولادى.
كەزەكتە بۇكىل پارتيا، بۇكىل ەلدەگى ءار ۇلت حالقى تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدا. دەنە تاربيە ىستەرىن دامىتۋ جۇڭگو ارمانىن جۇزەگە اسىرۋدىڭ ماڭىزدى مازمۇنى بولىپ قانا قويماي، جۇڭحۋا ۇلتىنىڭ ۇلى گۇلدەنۋىنە قۋاتتى رۋحاني كۇش ۇيىستىرادى. ءاربىر ۋاكىلدەر ۇيىرمەسىندەگى سپورت ساڭلاقتارىنىڭ جۇڭگو دەنە تاربيەسىنىڭ داڭقتى ءداستۇرىن ساۋلەلەندىرىپ، دەنە تاربيە ءمورالىن، سالتىن اسقاقتاتىپ، ”بورىش ارقالايتىن، ەرلىكپەن كۇرەسەتىن“ جاۋاپكەرشىلىكپەن جانە ”ومىردە قانشا سايىس بولماق“ دەيتىن ايانباي سايىسۋ رۋحىمەن جاڭا باستامادا ەلىمىزدىڭ دەنە تاربيە ىستەرىنىڭ ۇزدىكسىز تىڭنان العا باسۋىن ىلگەرىلەتىپ، دەنە تاربيەدە قۋاتتى ەل قۇرۋ بارىسىندا تاعى دا جاڭا ەڭبەك ءسىڭىرۋىن ءۇمىت ەتەمىز.14 - كەزەكتى مەملەكەتتىك سپورت جارىسىنىڭ تولىق تابىستى بولۋىن تىلەيمىز!
(شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى)
