تيانشان تورى   ›   جاڭالىقتار   ›   سپورت الەمى

دەنە تاربيەدە قۋاتتى مەملەكەت بولۋ ارمانىنا تالپىنىپ، قايراتتانا العا باسۋدىڭ جاڭا تاراۋىن جازدى

— شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەنە تاربيە ىستەرىنىڭ دامۋىنا كوڭىل بولگەندىگى تۋرالى ەستەلىك

□ شينحۋا اگەنتتىگىنىڭ تىلشىلەرى جۋ گوچياڭ، جىڭ شين، ۋاڭ حىڭجى

  9 سەكۋند 83 تاقىل، سۋ بيڭتيان توكيو وليمپيادا سپورت جارىسىندا ەرلەردىڭ 100 مەترگە جۇگىرۋ جارىسىندا ءدۇيىم جۇرتتى تاڭ قالدىرىپ، جۇڭگونىڭ، ءتىپتى، ازيانىڭ قىسقا ارالىقتا جۇگىرۋىندە جاڭا بەلەس ورناتتى. ءبىر ايدىڭ الدىنداعى كوڭىل تەربەتەرلىك سول ءساتتى قايتا ەسكە العان 32 جاستاعى سۋ بيڭتيان: ”ءالى دە (ءوسۋ) مۇمكىندىگىم بار دەپ باتىل سەنىممەن ايتا الامىن. ازيالىقتاردىڭ سوڭعى شەگى بار دەسەدى، مەنىڭشە، ەشقانداي سوڭعى شەك دەگەن نارسە جوق“، - دەدى.

  سۋ بيڭتياننىڭ ناتيجەسى مەن وزىنە سەنىمى وعان دەمەۋشى بولىپ وتىرعان قۇدىرەتتى وتاننان كەلەدى. توكيو وليمپيادا سپورت جارىسىندا جۇڭگو دەنە تاربيە ساڭلاقتارى بورىش ارقالايمىن، كۇرەسكە اتتانامىن دەيتىن رۋحپەن قايسارلىقپەن سايىساتىن، باتىلدىقپەن وزىپ شىعاتىن تاڭداۋلى ءداستۇردى ساۋلەلەندىرىپ، وتانعا داڭق اپەرىپ، وليمپيادانىڭ سالتاناتىن اسىرىپ، تاماشا ناتيجە جاراتتى.

  باسەكەلىك سپورت الاڭىنداعى ۇزدىك ناتيجە جۇڭگو دەنە تاربيەسىنىڭ جان - جاقتى دامۋىنىڭ شاعىن كورىنىسى سانالادى. پارتيا 18 - قۇرىلتايىنان بەرى باس شۋجي شي جينپيڭ تىكەلەي جوبالاپ، تىكەلەي ىلگەرىلەتىپ، جۇڭگونىڭ دەنە تاربيە ىستەرىنىڭ دامۋىنا ايقىن بەتالىس كورسەتىپ، تاماشا جوبا كەسكىندەدى.

  ”دەنە تاربيە حالىقتىڭ سالاماتتىق دەڭگەيىن جوعارىلاتۋدىڭ ماڭىزدى جولى، حالىق بۇقاراسىنىڭ تاماشا تۇرمىسقا تالپىنىسىن قاناعاتتاندىرۋدىڭ، ادامنىڭ جان - جاقتى دامۋىن جەبەۋدىڭ ماڭىزدى ءتاسىلى، ەكونوميكالىق، قوعامدىق دامۋدى جەبەۋدىڭ ماڭىزدى قوزعاۋشى كۇشى، مەملەكەتتىڭ مادەنيەت جۇمساق كۇشىن ايگىلەۋدىڭ ماڭىزدى تۇعىرى“.

  1917 - جىلى ماۋ زىدۇڭ جولداس ”رۋحاني جاقتان وركەنيەتتى بولامىن دەسەڭ، دەنە تۇلعاڭ شىمىر بولسىن“ دەپ ۇندەۋ شىعارعاننان قازىرگە دەيىن دەنە تاربيەنىڭ ىشكى ءمانى مەن سىرتقى ءورىسى بۇرىنعىدان ارى بايىدى ءارى ايقىندالا ءتۇستى. دەنە تاربيە مەملەكەتتى قۇدىرەتتەندىرىپ، گۇلدەندىرۋدىڭ، ۇلتتى كوركەيتۋدىڭ ارمانىن ارقالاپ وتىر. ”قوس 100 جىلدىق“ كۇرەس نىساناسى توعىسقان تاريحي دەڭگەيدە تۇرعان، دەنە تاربيەدە قۋاتتى مەملەكەت قۇرۋ نىساناسى دەنە تاربيەنىڭ جاڭا داۋىردەگى شىت جاڭا ورنىن كورسەتىپ بەرىپ، ارمانعا تالپىنىپ قايراتتانا العا باسۋدىڭ جاڭا تاراۋىن جازۋدا.

بورىش ارقالاپ، كۇرەسكە مەن دە اتتانامىن

  توكيو وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى 38 التىن مەدال، 32 كۇمىس مەدال، 18 قولا مەدال جالپى 88 مەدال الىپ، التىن مەدال سانى، مەدال سانى تۇگەلدەي 2 - ورىندى يەلەپ، التىن مەدال سانى لوندون وليمپيادا سپورت جارىسىندا قول جەتكىزگەن، شەتەلدە وتكەن جارىستاعى ەڭ جاقسى ناتيجەمەن تەڭەستى.

  ءارقانداي ءىس دايىندىق بولسا وڭىنا باسادى. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراۋ سەبەبىنەن توكيو وليمپيادا سپورت جارىسىنىڭ وتكىزىلۋ پەريودى 5 جىلعا سوزىلىپ، بەلگىسىزدىك پەن سىن - سايىسقا تولى بولدى. باس شۋجي شي جينپيڭ 2020 - جىلى 9 - ايدىڭ 22 - كۇنى وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ءماجىلىسىن باسقارىپ اشقان كەزدە: ”جاڭا تيپتى ايدارشا ۆيرۋس وكپە قابىنۋ ىندەتى اكەلگەن ىقپالعا لايىقتى توتەپ بەرىپ، توكيو وليمپيادا سپورت جارىسى مەن بەيجيڭ قىسقى وليمپيادا سپورت جارىسىنىڭ قىزمەتتەرىن ءبىر تۇتاس جوسپارلاپ ويداعىداي ىستەپ، ەلىمىزدىڭ باسەكەلىك دەنە تاربيەدەگى مەملەكەتتىك ءتۇزىلىس باسىمدىعىن ساۋلەلەندىرىپ، بۇكىل مەملەكەت ءبىر تۇتاس جۇيە يدەياسىن بەرىك ورناتىپ، توكيو وليمپيادا سپورت جارىسىنا دايىندالۋ، قاتىسۋ قىزمەتىن بار كۇشپەن ويداعىداي ىستەۋ كەرەك“، - دەپ باسا دارىپتەدى.

  باس شۋجي شي جينپيڭ تاعى بىلاي دەپ اتاپ كورسەتتى: باسەكەلىك دەنە تاربيە دارىندىلارىن باۋلۋ، تاڭداۋ، ىنتالاندىرۋ جانە قامتاماسىز ەتۋ مەحانيزمىندە جانە مەملەكەتتىك قۇرامالاردى باسقارۋ تۇزىلىسىندە جاڭالىق اشۋ كەرەك.

  جۇرت جۇمىلسا، تايشان تاۋىن دا كوشىرۋگە بولادى. وليمپيادا سپورت جارىسىنىڭ ءبىر جىل ارتقا شەگەرىلۋى، ىندەتتەگى بەلگىسىزدىكتەر، ۇزاق ۋاقىت جابىق كۇيدە جاتتىعۋ، جارىس ارقىلى تەكسەرۋ كەمشىل بولۋ سياقتى ءار الۋان ءتيىمسىز فاكتورلار الدىندا، جۇڭگونىڭ دەنە تاربيەشىلەرى باس شۋجيدىڭ نۇسقاۋىن ەستە بەرىك ساقتاپ، جەر - جەردىڭ، ءار سالا، ءار كاسىپتىڭ قولداۋى مەن كومەكتەسۋىندە يدەيالىق قۇرىلىستى كۇشەيتۋ، جارىسقا دايىندالۋ ءتۇزىلىس - مەحانيزمىن ساپالىلاندىرۋ، عىلىم - تەحنيكامەن دەم بەرۋ، ورىن اۋىستىرىپ جاتتىعۋ جانە جارىسۋ سياقتى شارالار ارقىلى وليمپيادا سپورت جارىسىنا دايىندىق جۇمىستارىنىڭ جۇيەلى، تولىق بولۋىن قامتاماسىز ەتىپ، قوسىننىڭ توكيوداعى جالپىلىق باسەكەلىك قۋاتىن ءونىمدى جوعارىلاتتى.

  توكيودا ۋاڭ شۇن جۇڭگو ەرلەردىڭ جەكە ادامدىق ارالاس مالتاۋ تۇرىندە تۇڭعىش وليمپيادا التىن مەدالىن السا، نىسانا اتۋ قۇراماسىنىڭ 4 التىن مەدالىن العانداردىڭ اراسىندا ەشنارسەدەن جاسقانبايتىن ”2000 - جىلدان كەيىنگى تۇلەكتەر“ بار، جەڭىل اتلەتيكا مەن سۋدا مالتاۋ 2 نەگىزدىك ۇلكەن تۇردە، ءبىر توپ ساقا ساڭلاقتار مەن جاس جەتكىنشەكتەر ىركەس - تىركەس وزدەرىنىڭ ەڭ جاقسى ناتيجەلەرىن، جارىس ماۋسىمىنىڭ ەڭ جاقسى ناتيجەلەرىن كورسەتتى...

  بۇل جازدا جۇڭگو وليمپيادا سپورت جارىسى ساڭلاقتارى كوپتەگەن جاستار تالپىناتىن ارداقتى ادامعا اينالدى − − سۋ بيڭتياننىڭ تاڭ قالارلىق 9 سەكۋند 83 تاقىلى بولسىن، الدە زىلتەمىرشى لۇي شياۋجۇننىڭ شەتەلدى ءدۇر سىلكىندىرگەن ايباتتى ەسىمى بولسىن؛ ياكي، العاش التىن مەدال العان ياڭ چياننىڭ كىشى پەيىل ءبيازى مىنەزى بولسىن نەمەسە ايەلدەردىڭ 3 كىسىلىك باسكەتبول قۇراماسى مۇشەلەرىنىڭ ءورشىل بەينەلەرى بولسىن، وڭ ەنەرگيانىڭ دۇركىن - دۇركىن تولقىندارى ىركەس - تىركەس نازارعا ءىلىنىپ، ەڭ جارىق جۇلدىزدارعا اينالدى.

  وليمپيادا سپورت جارىسى ساڭلاقتارى وزدەرىنىڭ ماڭداي تەرلەرى مەن ناتيجەلەرى ارقىلى ”ومىردە مۇنداي سايىس كەلە بەرمەيدى“ دەيتىن كۇرەسكەرلىك رۋحتى ەرشىمىنە كەلتىرە ءتۇسىندىرىپ، دەنە تاربيەنىڭ ءتۇپ توركىنى مەن ناعىز سىرىن اشىپ كورسەتتى.

  5 جىلدىڭ الدىندا باس شۋجي شي جينپيڭ ريو وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسىنىڭ بارلىق مۇشەلەرىمەن كەزدەسكەن كەزدە ايتقان ءسوزى ءالى قۇلاعىمىزدا جاڭعىرىپ تۇر: ”ءبىز باتىرلىقتى جەڭىس - جەڭىلىسپەن ولشەمەيمىز، سونىمەن قاتار، باتىر دا باتىلدىقپەن جۇرتتان وزۋى، باتىلدىقپەن بىرىنشىلىككە تالپىنۋى كەرەك“، ”جۇرەكتىلىكپەن ءوز - ءوزىڭدى جەڭىپ، ءوز - وزىڭنەن اسساڭ بولعانى، التىن مەدال ياكي مەدال الماساڭ دا، قۇرمەتتەۋگە جانە ماراپاتتاۋعا لايىقسىڭ“.

  وليمپيادا سپورت جارىسىنا 4 - مارتە قاتىناسقان جورعالاپ ءجۇرۋ سپورتشىسى ليۋ حۇڭ توكيو وليمپيادا سپورت جارىسىندا اعا جۇلدەگەرلىگىن قورعاپ قالا الماسا دا، قىمباتتى قولا مەدالعا قول جەتكىزدى. باس شۋجي شي جينپيڭنىڭ ىقىلاستى تاپسىرماسى 34 جاستاعى وسى ساقا ساڭلاقتى انا بولعاننان كەيىن قايتا جارىس جولىنا شىعارعان قوزعاۋشى كۇشتىڭ بىرىنە اينالدى.

  ليۋ حۇڭ بەيجيڭ دەنە تاربيە داشۋەسى 2016 - جىلدىق اسپيرانت اعا جۇلدەگەرلەر كلاسىنىڭ مۇشەسى. 2019 - جىلى 6 - ايدىڭ 18 - كۇنى باس شۋجي شي جينپيڭ اعا جۇلدەگەرلەر كلاسىنىڭ وقۋشىلارىنا جاۋاپ حاتىندا: ”جاڭا داۋىردەگى جۇڭگو بورىش ارقالاپ، كۇرەسكە مەن دە اتتانامىن دەيتىن رۋحقا ءتىپتى دە مۇقتاج. سىزدەردىڭ ۇزدىكسىز باستاماشىلدىقپەن سايىسىپ، قايراتتانا ىستەپ، دەنە تاربيەدە قۋاتتى ەل قۇرۋعا كوپتەپ ۇلەس قوسىپ، قوعامعا اناعۇرلىم مول وڭ ەنەرگيا تاراتۋلارىڭىزدى ءۇمىت ەتەمىن“، - دەدى.

  ۇزاقتان بەرى باس شۋجي شي جينپيڭ دەنە تاربيە ساڭلاقتارىنىڭ قايسارلىقپەن سايىسىپ، وتانعا داڭق اپەرۋىنە كوڭىل بولۋمەن قوسا، جارىس ستيلى، جارىس ءتارتىبى ماسەلەسىنە دە ايرىقشا نازار اۋدارىپ كەلەدى. ول بىلاي دەپ اتاپ كورسەتتى: قوزدىرعىشتارعا قارسى كۇرەستى باتىل ىلگەرىلەتىپ، ءمورالدىق التىن مەدال الۋ، قۇلىقتىق التىن مەدال الۋ، كىرشىكسىز التىن مەدال الۋ تانىمىن كۇشەيتىپ، قوزدىرعىشتارعا قاتىستى ماسەلەلەردى مۇلدە جارىققا شىعارماۋدى، وعان تيتتەي دە جول بەرمەۋدى باتىل ورىنداۋ كەرەك.

  توكيودا جۇڭگو دەنە تاربيە ۋاكىلدەر ۇيىرمەسى قوزدىرعىشتاردى مۇلدە جارىققا شىعارماۋداي، جاڭا تيپتى ايدارشا ۆيرۋسپەن مۇلدە جۇعىمدالماۋداي تاماشا جاۋاپ بەرىپ، جارىس ناتيجەسى مەن رۋحاني وركەنيەت قۇرىلىسىنىڭ ەكەۋىنەن دە مول تابىسقا جەتۋ نىساناسىن ورىندادى.

  ”بورىش ارقالاپ، كۇرەسكە مەن دە اتتانامىن“. جۇڭگو دەنە تاربيە ساڭلاقتارى باس شۋجيدىڭ ءۇمىتىن ءارقاشان ەستەن شىعارماي، بورىشتى ەستە بەرىك ساقتاپ، داندايسىماي، ۇشقالاقتىققا سالىنباي، كۇش ۇستىنە كۇش قوسىپ، وتان مەن حالىق ءۇشىن اناعۇرلىم ۇلكەن داڭققا قول جەتكىزۋگە قۇلشىنىپ، دەنە تاربيەنىڭ ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۋاتتى جۇڭگو كۇشىن ۇستەۋىنە مۇمكىندىك جاسادى.

دۇنيە جۇزىنە ۇنەمدى، حاۋىپسىز، تارتىمدى قىسقى وليمپيادا سپورت جارىسىن تارتۋ ەتەمىز

  توكيو وليمپيادا سپورت جارىسىنان كەيىن، بەيجيڭ وليمپيادا ۇلى شاڭىراعىنىڭ تاعى ءبىر رەتكى باس قوساتىن جەرىنە اينالادى. 9 - ايدىڭ 7 - كۇنى شاڭحاي اسەمونەر كينو ستۋدياسىنىڭ 2 جىلدىڭ الدىندا جاساپ شىعارعان مۋلت فيلمدىك ۇگىت فيلمى تاعى ءبىر رەت كەڭىنەن جالعاپ تاراتۋ تولقىنىن تۋدىردى: سۇن ۋكۇڭ، قار بالا، اسقاباق بالا، نىجا سياقتى ەلىمىزدىڭ كارتون كلاسسيك كەيىپكەرلەرى قىسقى وليمپيادا سپورت شەبەرلەرىنە اينالىپ، قىسقى وليمپياداعا قولداۋ كورسەتتى.

  بۇل كۇنى بەيجيڭ قىسقى وليمپيادا سپورت جارىسىنىڭ باستالۋىنا 150 كۇن قالعان ەدى، بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسى سپورتشىلارعا قىزمەت وتەۋ ءبولىمىنىڭ باستىعى يۇي دىبين بىلاي دەدى: ”بۇگىنگە دەيىن، ءبىزدىڭ بارلىق دايىندىق قىزمەتتەرىمىز نەگىزىنەن ورىندالىپ بولدى“.

  ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرعاندا، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە ءوتىنىش بەرۋ جانە ونى وتكىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى ستراتەگيالىق ورنالاستىرۋ.

  بۇل جۇڭگونىڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن تۇڭعىش رەت وتكىزۋى بولماق، باس شۋجي شي جينپيڭ بىلاي دەپ اتاپ كورسەتتى: ”بەيجيڭ قىسقى وليمپيادا سپورت جارىسى ەلىمىزدىڭ ماڭىزدى تاريحي كەزەڭدەگى كەلەلى نىشاندىق قيمىلى، مەملەكەت وبرازىن ايگىلەۋدىڭ، مەملەكەتتىڭ دامۋىن جەبەۋدىڭ، ۇلت رۋحىن سەرپىلتۋدىڭ ماڭىزدى ورايى“.

  حىبەيدىڭ چۇڭلي دەگەن شاعىن قالاسىنداعى ادامداردىڭ بۇل تۋرالى اسەرى ەڭ تەرەڭ. 2015 - جىلدىڭ سوڭىندا، چۇڭلي كەدەيلىكتىڭ تۋىلۋ مولشەرى %16.81كە جەتكەن كەدەي اۋدان بولاتىن، قىسقى وليمپيا سپورت جارىسى بۇل شاعىن قالانى ءبىر تۇندە تانىمال ەتىپ، وعان قار - مۇز كاسىپ سالاسىنىڭ قاۋىرت وركەندەۋىن اكەلدى.

  2019 - جىلى 5 - ايدا چۇڭلي كەدەي اۋدان قاتارىنان شەگىنىپ شىعىپ، كەدەيلىك قالپاعىن تۇبەگەيلى الىپ تاستادى. چۇڭليلىكتەر ءۇي ماڭايىنداعى ”قاردان ىرىس تاپتى“ − 2019 - جىلى قار - مۇز كاسىپ سالاسى جانە ساياحاتتىق قىزمەت وتەۋمەن تىكەلەي نەمەسە جانامالاي شۇعىلدانعاندار 30 مىڭ ادامنان استى، بۇنىڭ ىشىندە بۇرىنعى كەدەي حالىقتان 9000نان استام ادام بار.

  چۇڭلي عانا ەمەس، بۇل بەيجيڭ، تيانجين، حىبەيدىڭ سايكەستى دامۋىنا ساياتىن ءىرى ءىس، باس شۋجي شي جينپيڭ بۇعان ەرتەدە - اق جوسپار جاساعان بولاتىن: حىبەي ولكەسى، جاڭجياكوۋ قالاسى تاريحي ورايدى يگەرىپ، ”13 - بەسجىلدىق“ جوبانى اتقارۋمەن تىعىز ۇشتاستىرىپ، بەيجيڭ، تيانجين، حىبەيدىڭ سايكەستى دامۋىن ىلگەرىلەتۋمەن تىعىز ۇشتاستىرىپ، بەيجيڭ قىسقى وليمپيادا سپورت جارىسىنا دايىندالۋ ارقىلى ءتۇرلى جاقتارداعى قۇرىلىستى جەتەكتەپ، قىسقى وليمپيادا سپورت جارىسىنا دايىندالۋدىڭ جانە جەرگىلىكتى دامۋدىڭ ەكى ۇزدىك جاۋاپناماسىن تاپسىرۋعا قۇلشىنۋ كەرەك.

  2019 - جىلى 3 - ايدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2022 - جىلعى بەيجيڭ قىسقى وليمپيادا سپورت جارىسىن وراي ەتىپ قار - مۇز سپورتىن زور كۇشپەن دامىتۋ جونىندەگى پىكىردى» باسىپ تاراتىپ، قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا دايىندالۋ جونىندە ورنالاستىرۋ جاساۋدان سىرت، تاعى بۇقارالىق قار - مۇز سپورتىن زور كۇشپەن جالپىلاستىرىپ، جاستار مەن ورەندەردىڭ قار - مۇز سپورتىن كەڭ كولەمدە ورىستەتۋدى تالاپ ەتتى.

  قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانعاننان بەرى، قار - مۇز سپورتىنىڭ ”وڭتۇستىككە تارالىپ، باتىسقا بەت الىپ، شىعىسقا كەڭەيۋ“ قادامى كورنەكتى تەزدەپ، جەر - جەردىڭ قار - مۇز كاسىپ سالاسى قارىشتاي دامىدى، ”300 ميلليون ادام قار - مۇز سپورتىنا قاتىناسۋ“ بىرتىندەپ شىندىققا اينالىپ كەلەدى. جياڭسۋدا، بۇكىل ولكە بويىنشا قار - مۇز قيمىلدارىنا قاتىناسۋشىلار ميلليون ادام - رەتتەن اسىپ، 50گە جۋىق قار - مۇز الاڭى ”وڭتۇستىكتەگىلەردىڭ“ سەيىل - سەرۋەن قۇراتىن، كوڭىل اشاتىن جاڭا ورنىنا اينالدى.

  قار - مۇز سپورتىن بالالاردان باستاپ يگەرۋ كەرەك. ورتالاۋ مەكتەپتىڭ 2 - جىلدىعىنا ەندى تۇسكەن بەيجيڭدىك ءوسپىرىم گۋان زىجاۋدىڭ مۇز دوپقا ماشىقتانعانىنا 8 جىل بولدى، 4 جىلدىڭ الدىندا باس شۋجي شي جينپيڭمەن كەزدەسكەندەگى كورىنىس كۇنى بۇگىنگە دەيىن ونىڭ ەسىندە. 2020 - جىلى ول تاعى بەيجيڭ قالالىق جاستار مەن وسپىرىمدەر مۇز دوپ قۇراماسىنا قابىلداندى، ”شي جينپيڭ اتاي ءبىزدى مۇز دوپقا جاقسى ماشىقتانۋعا جىگەرلەندىردى. بەيجيڭ قىسقى وليمپيادا سپورت جارىسىندا ەرىكتى قىزمەت وتەپ، كوپشىلىككە مۇز دوپ سپورتىن تانىستىرعىم كەلەدى“، - دەدى گۋان زىجاۋ.

  300 ميلليون ادامنىڭ قار - مۇز سپورتىنا قاتىناسۋىن ىلگەرىلەتكەن ايبىندى جوبا حالىقارالىق وليمپيادا كوميتەتىنىڭ ءتوراعاسى باحتى ەرەكشە اسەرلەندىردى، ول مۇنى دۇنيە ءجۇزى قىسقى دەنە تاربيە تۇرلەرىنىڭ بەلەسى دەپ تانىدى، ”بۇنىڭ قىسقى دەنە تاربيە تۇرلەرى ءۇشىن نەدەن دەرەك بەرەتىندىگىن ويلاپ كورىڭىزدەر، بۇل قار - مۇز سپورتىنىڭ، ءتىپتى دۇنيە ءجۇزى دەنە تاربيەسىنىڭ دامۋىنىڭ ۇلى ورايىنا اينالادى“.

  دۇنيە جۇزىنە ءبىر كەزەك وتە تارتىمدى قىسقى وليمپيادا سپورت جارىسىن وتكىزىپ بەرۋ − 6 جىلدىڭ الدىندا بەيجيڭ قىسقى وليمپيادا سپورت جارىسىن وتكىزۋ ءوتىنىشىن بەرگەن كەزدە، بۇكىل دۇنيە جۇزىنە بەرگەن ايبىندى ۋادەمىز.

  وسى ۋادەنى ورىنداۋ ءۇشىن، قىسقى وليمپيادا سپورت جارىسىن وتكىزۋ ءوتىنىشى ءساتتى قابىلدانىپ ءبىر ايعا جەتپەي، باس شۋجي شي جينپيڭ وليمپيادا سپورت جارىسىن جاسىل وليمپيادا، بىرگە يگىلىككە كەنەلەتىن وليمپيادا، اشىق وليمپيادا، پاك وليمپيادا سپورت جارىسىن وتكىزۋگە تاباندى بولۋ جونىندە ماڭىزدى نۇسقاۋ بەرىپ، قىسقى وليمپيادا سپورت جارىسىن قالاي وتكىزۋ جونىندە باس پرينسيپ بەلگىلەپ، جالپى بەتالىستى ايقىن كورسەتتى.

  2021 - جىلى 1 - ايدا باس شۋجي شي جينپيڭ بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتى جونىندە جۇمىس باسىندا 4 - مارتە قىزمەت تەكسەردى. ول بىلاي دەپ باسا دارىپتەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىن جاقسى ىستەۋ داڭقتى بورىش، ماڭىزى زور.

  تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، قىسقى وليمپيادا سپورت جارىسىنىڭ دايىندىق قىزمەتتەرى پارتيا ورتالىق كوميتەتىنىڭ ورنالاستىرۋلارى مەن تالاپتارىن قاتاڭ تياناقتاندىرىپ، ىندەتتەن ساقتانۋ - تىزگىندەۋ مەن قىسقى وليمپيادا سپورت جارىسىنىڭ دايىندىق قىزمەتىن بىردەي يگەرۋگە تاباندى بولىپ، قىزمەتتەردى توقتاتپادى، تەبىندى السىرەتپەدى.

  قازىر بەيجيڭ قىسقى وليمپيادا سپورت جارىسىنىڭ 12 جارىس الاڭ - سارايىنىڭ قۇرىلىسى بۇكىلدەي اياقتادى، ءارقايسى جارىس الاڭ - سارايلارىنىڭ جۇمىس ۇجىمدارى تۇگەل قۇرىلىپ بولىپ، الاڭ - سارايلار جۇمىس جوسپارى مەن جۇمىس جوبالارىن تەرەڭدەتىپ، جاتتىعۋلاردى كۇشەيتىپ، ناقتى شايقاس قابىلەتىن جوعارىلاتۋدا.

  وليمپيادا رەفورما وي جەلىسىمەن توتەنشە قابىسقان وليمپيادا سپورت جارىسىن وتكىزۋ ۇستانىمى، مەملەكەتتىك قار اربا، قار شانا ورتالىعى مەن ”بيڭسىداي“ سياقتى الاڭ - ساراي قۇرىلىستارىندا ايگىلەنگەن وزىق عىلىم - تەحنيكا، استانا بولات - تەمىر كونە ونەركاسىپ رايونىن جاڭالاۋ مەن يانچيڭ جارىس اۋماعىندا ”تاۋ - ورمان الاڭ - سارايىن“ تۇلعالاۋدىڭ قورشاعان ورتانى قورعاۋ جوباسى...

  باس شۋجي شي جينپيڭنىڭ قامقورلىعى مەن جەبەۋىندە، بەيجيڭ قىسقى وليمپيادا سپورت جارىسىنا دايىندالۋ بارىسى ءارى جۇڭگونىڭ ۋادەسىن ورىنداۋ، ۇزدىكسىز ءوزىن جوعارىلاتۋ، جىلدام دامۋ بارىسى، ودان دا ماڭىزدىسى، دۇنيە جۇزىنە جۇڭگو جوباسىن، جۇڭگو پاراساتىن، جۇڭگو ۇلەسىن ۇسىنۋ بارىسى سانالادى.

دەنە تاربيەدە قۋاتتى مەملەكەت بولۋدىڭ نەگىزى بۇقارالىق دەنە تاربيەدە

  14 - كەزەكتى مەملەكەتتىك سپورت جارىسى شانشيدىڭ شي - ان قالاسىندا شىمىلدىعىن اشپاقشى. ”جالپى حالىق مەملەكەتتىك سپورتقا ات سالىسۋ، ءبىر نيەتپەن العا ۇمتىلۋ“ − وسى كەزەكتى مەملەكەتتىك سپورت جارىسىنىڭ نەگىزگى تاقىرىپتىق ۇرانى. بۇگىنگى تاڭداعى مەملەكەتتىك سپورت جارىسى كاسىپتىك سپورتشىلاردىڭ جارىسقا تۇسەتىن سالتاناتتى جينالىسى عانا ەمەس، سونداي - اق بۇقارا اۋەسكەرلەردىڭ دە ءوزىن ايگىلەيتىن ۇلكەن ساحنا بولىپ تابىلادى.

  توڭكەرىستىڭ قاسيەتتى جەرى يان - اندا، 14 - كەزەكتى سپورت جارىسىنىڭ جاڭادان سالىنعان الاڭ - سارايلارىنىڭ ىشىندە بىردەن - ءبىر ”جالپى حالىقتىڭ دەنە شىنىقتىرۋى“ اتىمەن اتالعان يان - ان جالپى حالىقتىڭ دەنە شىنىقتىرۋ سپورت ورتالىعىنىڭ سىرتىندا، ءبي ارتيسى ۋ يان جەرگىلىكتى دەنە شىنىقتىرۋ كومانداسىن باستاپ ويناقى دا كوتەرىڭكى شانبەي دەنە شىنىقتىرۋ بەل بارابانى، ياڭگى ءبيىن بيلەپ جاتتى. 8 - ايدىڭ سوڭىندا اياقتاعان مەملەكەتتىك سپورت جارىسىنىڭ بۇقارالىق جارىس قيمىلدارى كورمەلىك قويىلىم ءتۇرىنىڭ الاڭ ءبيى جارىسىندا، ول جەتەكشىلىك جاساعان 2 كوماندا جەكە - جەكە كاسىپورىندار، ءىسورىندار گرۋپپاسىنىڭ 1 - دارەجەلى سيلىعىنا جانە اۋىل - قىستاق، اۋىل - قالاشىق گرۋپپاسىنىڭ 3 - دارەجەلى سيلىعىنا يە بولدى.

  ”توڭكەرىس كەزىندە ءبىزدىڭ شانبەيدىڭ ياڭگى ءبيى مەن بەل بارابانى يان - اننان بۇكىل جۇڭگوعا تارالدى، قازىر ءبىز قاتىناسىپ جاساعان دەنە شىنىقتىرۋ بەل بارابانى، ياڭگى ءبيى سالاماتتىقتى دا بۇقاراعا جەتكىزىپ وتىر“، - دەدى ۋ يان.

  ”دەنە تاربيە سپورتىن دامىتۋ، حالىقتىڭ دەنە ساپاسىن كۇشەيتۋ“ − ەلىمىز دەنە تاربيە قىزمەتىنىڭ ءتۇبىرلى باعىتى جانە مىندەتى. باس شۋجي شي جينپيڭ: دەنە تاربيەدە قۋاتتى ەل بولۋدىڭ نەگىزى بۇقارالىق دەنە تاربيەدە، - دەپ ىشكەرىلەي اتاپ كورسەتتى.

  دەنە شىنىقتىرۋدى قاتتى ۇناتاتىن سانسىز جۇڭگولىقتاردىڭ ءبارى وزگەرىستى شىنايى سەزىنۋدە. پارتيا 18 - قۇرىلتايىنان بەرى جالپى حالىقتىڭ دەنە شىنىقتىرۋىنا بۇرىن بولماعان دەڭگەيدە ءمان بەرىلدى −

  2012 - جىلى ”جالپى حالىقتىق دەنە شىنىقتىرۋ سپورتىن كەڭ كولەمدە ەتەك الدىرۋ“ پارتيا 18 - قۇرىلتايىنىڭ بايانداماسىنا جازىلدى.

  2014 - جىلى جالپى حالىقتىق دەنە شىنىقتىرۋ مەملەكەتتىك ستراتەگيا دەڭگەيىنە رەسمي كوتەرىلدى.

  2016 - جىلى «جالپى حالىقتىق دەنە شىنىقتىرۋ جوسپارى (2016 − − 2020 - جىل)» رەسمي باسىپ تاراتىلدى.

  2017 - جىلى بۇقارالىق جارىس تۇرلەرى 13 - كەزەكتى مەملەكەتتىك سپورت جارىسىندا تۇڭعىش كورىنىس بەردى.

  سول جىلى پارتيانىڭ 19 - قۇرىلتايىندا ”جالپى حالىقتىق دەنە شىنىقتىرۋ قيمىلىن كەڭ كولەمدە ەتەك الدىرىپ، دەنە تاربيەدە قۋاتتى ەل قۇرۋدى جەدەل ىلگەرىلەتۋ“ نىساناسى ايقىن ورتاعا قويىلدى...

  2021 - جىلى «جالپى حالىقتىق دەنە شىنىقتىرۋ جوسپارى (2021 − 2025 - جىل)» رەسمي باسىپ تاراتىلدى.

  سالماعى باسىم حۇجاتتار مەن شارالاردىڭ بىرىنەن سوڭ ءبىرىنىڭ شىعارىلۋى حالىقتى وزەك ەتكەن دامۋ يدەياسىن ايگىلەيدى.

  سوڭعى جىلدارى، بۇقارانىڭ دەنە شىنىقتىرۋ تىلەگى ۇزدىكسىز كۇشەيدى. شي - اننىڭ دياۋجياسۇن قىستاعىندا، اۋلادا ءدارشىن گۇلىنىڭ جۇپار ءيىسى اڭقىپ، 1959 - جىلى 1 - كەزەكتى مەملەكەتتىك سپورت جارىسىندا موتورلى قايىق جارىسىنا قاتىناسقان جاڭ جىجۇڭ 10 نەشە قارتتى باستاپ دەنە شىنىقتىرۋعا ارنالعان چيگۇڭعا ماشىقتانىپ جاتتى، كوپ جىلدان بەرى ولار مۇنى ەشقاشان توقتاتپاي جالعاستىرىپ كەلەدى.

  ”مەن باسەكەلىك دەنە تاربيەگە جاتتىققام، زەينەتكە شىققان سوڭ، دەنە شىنىقتىرۋ ادەتىمدى اۋلاداعى بۇقاراعا جەتكىزدىم، كوپشىلىكپەن بىرگە سالاماتتىققا قاراي شەرۋ تارتسام دەيمىن“، - دەدى بيىل 82 جاستاعى ول.

  2021 - جىلى جۇڭگو حالىقارالىق دەنە تاربيە بۇيىمدارى كورمەسىندە، جۇرەك سوعۋىن ولشەي الاتىن سەكىرمە ءجىپ، گيمناستيكا ساباعىن ۇيرەنە الاتىن ”اينا“ قاتارلى جالپى حالىقتىق دەنە شىنىقتىرۋدىڭ جوعارى عىلىم - تەحنيكالى شاعىن بۇيىمدارى جۇرتتىڭ نازارىن اۋداردى، جۇڭگو دەنە تاربيە بۇيىمدارى كاسىبى بىرلەستىگى تاراتقان «2021 - جىلعى حالىقتىڭ دەنە شىنىقتىرۋ ارەكەتى مەن تۇتىنۋىن زەرتتەۋ بايانداماسىندا» كورسەتىلۋىنشە، جالپى قاۋىمنىڭ دەنە شىنىقتىرۋعا بولعان تانىمى بىرتىندەپ تەرەڭدەگەن، %87 دەنە شىنىقتىرۋشى قاۋىم ءار رەت دەنە شىنىقتىرۋعا 0.5 − 2 ساعات ۋاقىت جۇمسايدى ەكەن.

  باس شۋجي شي جينپيڭنىڭ قامقورلىعىندا، بۇقارانىڭ دەنە شىنىقتىرۋىنا ارنالعان قۇرىلعىلار مەن قىزمەت وتەۋ ورەسى دە سايكەستى جوعارىلاپ كەلەدى. 2020 - جىلدىڭ سوڭىنا دەيىن، بۇكىل ەلدە جالپى 3 ميلليون 713 مىڭ دەنە تاربيە الاڭ - سارايى بولسا، دەنە تاربيە الاڭ ورىندارىنىڭ جەر اۋدانى 3 ميلليارد 100 ميلليون شارشى مەتر بولىپ، بۇقارا ەڭ كوڭىل ءبولىپ وتىرعان ”قايدا بارىپ دەنە شىنىقتىرۋ“ ماسەلەسى شەشىلۋ ۇستىندە.

  شاڭحايدا 659 ورتا، باستاۋىش مەكتەپ جازعى دەمالىس كەزىندە 3 - جاق تيجارات جۇرگىزۋ، ءمالى باس بولىپ اتقارۋ، رايوندىق وقۋ - اعارتۋ مەكەمەسى مەن دەنە تاربيە مەكەمەسى تىكەلەي اتقارۋ سياقتى تاسىلدەرمەن الەۋمەتتىك اۋماق تۇرعىندارىنا اقىسىز اشىق ۇستالدى، اشىق ۇستاعان ۋاقىتى ورتا ەسەپپەن 4 − 6 ساعات بولدى...

  جالپى حالىقتىق دەنە شىنىقتىرۋدىڭ مازمۇنى مەن ءورىسىن كەڭەيتۋ ءۇشىن، ”قاتتى بولشەكپەن“ قامداپ قانا قويماي، ”جۇمساق بولشەكتىڭ“ قىزمەت وتەۋى دە كەنجە قالماۋى كەرەك. قازىر ۇكىمەت جەتەكشى بولعان، كوپ تاراۋ سايكەسكەن، تۇتاس قوعام ات سالىسقان، جالپى حالىق بىرگە قۇرىپ، بىرگە يگىلىكتەنەتىن ”ۇلكەن قاۋىمدىق“ ارنا العاشقى قادامدا قالىپتاسىپ، جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيە قۇرىلىسى كۇن سايىن جاڭارىپ، بۇقارالىق دەنە تاربيە جارىس قيمىلى ۇزدىكسىز تۇلەدى...

  كوپتەگەن ورىندا باس شۋجي شي جينپيڭ بالالاردىڭ جان - جاقتى دامۋىنا ايرىقشا نازار اۋداردى. 2020 - جىلى شانشيدىڭ انكاڭ قالاسى پيڭلي اۋدانى لاۋشيان قالاشىعى سەنترلى باستاۋىش مەكتەبىندە قىزمەت تەكسەرگەن كەزدە بىلاي دەدى: ” قازىر بالالاردا كوزاينەك تاعۋ كوبەيىپ بارادى، مەن مۇنان ۋايىمدايمىن. تاعى دەنە تاربيەلىك شىنىعۋ از بولعاندىقتان دەنساۋلىق دەڭگەيلەرى بەلگىلى دارەجەدە تومەندەدى. رۋحاني جاقتان وركەنيەتتى بولامىن دەسەڭ، دەنە تۇلعاڭ شىمىر بولسىن، مۇندا مەنىڭ ’دەنە تۇلعاڭ شىمىر بولسىن‘ دەگەنىم دەنەنى شىمىرلاندىرىپ، دەنساۋلىقتى كۇشەيتۋ“.

  بيىل 9 - ايداعى جاڭا وقۋ ماۋسىمى باستالعاندا، بەيجيڭ، شاڭحاي سياقتى كوپتەگەن جەرلەردەگى باستاۋىش مەكتەپتەگى بالالار ساباق كەستەسىندەگى دەنە تاربيە ساباعىنىڭ تاعى دا كوبەيگەنىن بايقادى، وقۋ - اعارتۋ مينيسترلىگى ”قوس جەڭىلدەتۋ“ قىزمەتىن كۇش سالا ىلگەرىلەتتى، سونىمەن بىرگە ”كۇن سايىن دەنە تاربيە ساباعى بولۋ“ ءتىپتى دە كوپ جەرلەردىڭ وقىتۋ ساباعىنىڭ ولشەمدى ۇلەسىنە اينالۋدا، دەنە تاربيەنىڭ جاستار مەن جاس وسپىرىمدەر تاربيەسىندەگى رولى مەن ۇستايتىن سالماعى بارعان سايىن جوعارىلاۋدا.

دەنە تاربيەدە قۋاتتى ەل قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرايىق

  100 نەشە جىلدىڭ الدىندا، ايگىلى پەداگوك جاڭ بوليڭ ەرەكشە تەبىرەنىسپەن: ”وليمپيادا سپورت جارىسىن وتكىزگەن كۇن جۇڭحۋانىڭ شارىقتاعان كۇنى!“، - دەپ بولجاعان ەدى.

  قازىر بەيجيڭ جازعى، قىسقى وليمپيادا سپورت جارىسىن وتكىزگەن الەمدەگى تۇڭعىش قوس وليمپيادا قالاسىنا اينالماق؛ 1984 - جىلعى لوس - انجەلەس وليمپيادا سپورت جارىسىنان قازىرگە دەيىن، ەلىمىزدىڭ دەنە تاربيە ساڭلاقتارى 262 وليمپيادا التىن مەدالىن الدى؛ بۇكىل مەملەكەتتە ۇنەمى دەنە شىنىقتىرۋعا قاتىناساتىن ادام سانى سالىستىرماسى %37.2كە جەتتى، 2019 - جىلى ادامداردىڭ مەجەلى ورتاشا عۇمىرى 77.3جاس بولىپ، ”شىعىس ازيا دىمكاسى“ قالپاعىن التى قابات اسپاننىڭ ار جاعىنا لاقتىرىپ تاستادى...

  ”قوس 100 جىلدىقتىڭ“ تاريحي توعىسۋ تۇيىلىسىندە تۇرعان شاقتا، دەنە تاربيەگە شىت جاڭا مازمۇن مەن ءورىس جۇكتەلگەنىن انىق كورە الامىز.

  2020 - جىلى 9 - ايدا اشىلعان وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ماجىلىسىندە، باس شۋجي شي جينپيڭ ”ءتورت ماڭىزدى“ ارقىلى جاڭا داۋىردەگى دەنە تاربيەنىڭ جاڭا مازمۇنىن جيناقتادى: دەنە تاربيە حالىقتىڭ سالاماتتىق دەڭگەيىن جوعارىلاتۋدىڭ ماڭىزدى جولى، حالىق بۇقاراسىنىڭ تاماشا تۇرمىسقا تالپىنىسىن قاناعاتتاندىرۋدىڭ، ادامنىڭ جان - جاقتى دامۋىن جەبەۋدىڭ ماڭىزدى ءتاسىلى، ەكونوميكالىق، قوعامدىق دامۋدى جەبەۋدىڭ ماڭىزدى قوزعاۋشى كۇشى، مەملەكەتتىڭ مادەنيەت جۇمساق قۋاتىن ايگىلەۋدىڭ ماڭىزدى تۇعىرى.

  جالپى حالىقتىق دەنە شىنىقتىرۋدان سالاماتتى جۇڭگوعا دەيىن ەكى ءىرى مەملەكەتتىك ستراتەگيا قوسىلىپ دەنە تاربيەدە قۋاتتى ەلدىڭ نەگىزىن بەكەمدەدى. 2014 - جىلى «دەنە تاربيە كاسىپ سالاسىن جەدەل دامىتىپ، دەنە تاربيە تۇتىنۋىن جەبەۋ جونىندەگى بىرنەشە پىكىردە» جالپى حالىقتىق دەنە شىنىقتىرۋ مەملەكەتتىك ستراتەگيا دەڭگەيىنە كوتەرىلسە، 2016 - جىلى «”سالاماتتى جۇڭگو 2030“ جوبا باعدارلاماسىندا» سالاماتتى جۇڭگو قۇرىلىسىن ىلگەرىلەتۋ − جۇڭحۋا ۇلتىنىڭ سالاماتتىق ساپاسىن جاپپاي جوعارىلاتۋداعى، حالىقتىڭ سالاماتتىعى مەن ەكونوميكانىڭ، قوعامنىڭ سايكەستى دامۋىن جۇزەگە اسىرۋداعى مەملەكەتتىك ستراتەگيا ەكەندىگى اتاپ كورسەتىلدى. باس شۋجي شي جينپيڭ بيىكتە تۇرىپ الىستى كوزدەپ، ەكى ءىرى مەملەكەتتىك ستراتەگيانىڭ اراسىنداعى ايقىن لوگيكا مەن جۇزەگە اسىرۋ جولىن دالمە - ءدال نۇسقالادى.

  سالاماتتىقتى ”1“دەسەك، ارتىنداعى ”0“ قانشا كوپ بولسا، بۇقارانىڭ باقىت سەزىمى سونشا كۇشەيەدى. مەملەكەتتىك دەنە تاربيە باس مەكەمەسى سپورت مەديتسيناسىن زەرتتەۋ ورنىنىڭ باستىعى شيە مينحاۋ مىنالاردى ءبىلدىردى: دەنە تاربيە قيمىلىنىڭ حالىقتىڭ دەنە ساپاسى مەن سالاماتتىق دەڭگەيىن جوعارىلاتۋ، ادامنىڭ جان - جاقتى دامۋىن جەبەۋ سياقتى جاقتارداعى رولىن ەشنارسە باسا المايدى.

  سۇرانىس قامداۋدى جەتەكتەيدى، قامداۋ سۇرانىستى تۋىنداتادى. ۇزدىكسىز كۇشەيگەن دەنە شىنىقتىرۋ رايى دا دەنە تاربيە كاسىپ سالاسىنىڭ قارىشتاپ دامۋىن ىلگەرىلەتەدى، 2015 - جىلدان 2018 - جىلعا دەيىن بۇكىل ەلدەگى دەنە تاربيە كاسىپ سالاسىنىڭ جالپى كولەمى جىلىنا ورتا ەسەپپەن %15.9 ارتتى، كاسىپ سالاسىنىڭ ارتۋ قۇنى جىلىنا ورتا ەسەپپەن %22.4 ارتتى، 2019 - جىلى بۇكىل ەلدەگى دەنە تاربيە كاسىپ سالاسىنىڭ جالپى كولەمى (جالپى ءوندىرىس) 2 تريلليون 948 ميلليارد 300 ميلليون يۋان بولىپ، ارتۋ قۇنى ءبىر تريلليون 124 ميلليارد 800 ميلليون يۋان بولىپ، GDPداعى ۇستايتىن سالىستىرماسى %1تەن استى.

  جاڭا تيپتى ايدارشا ۆيرۋس وكپە قابىنۋ ىندەتى جاقىنعى جىلداردا جوعارى قارقىنمەن دامىعان دەنە تاربيە كاسىپ سالاسىنا ءبىر مەزەت كەسىرىن تيگىزگەنىمەن، قوعامدىق دامۋدىڭ ىشكى قوزعاۋشى كۇش سۇرانىسىن تەجەي المايدى. ”13 - بەسجىلدىقتان“ بەرى تەك مەملەكەتتىك كەڭەس كەڭسەسىنىڭ ءوزى دەنە تاربيە كاسىپ سالاسى ساياساتىنان ۇشەۋىن جاريالادى، وزگە قاتىستى كاسىپ سالاسى جوباسى جانە دەنە تاربيە كاسىپ سالاسىنا ساياتىن ساياساتتار مەن حۇجاتتار بەينە جاڭبىردان كەيىنگى جاۋقازىنداي كوبەيدى، بۇگىنگى تاڭدا دەنە تاربيە كاسىپ سالاسى ادىرنادا تارتىلعان جەبەدەي بولىپ، 2035 - جىلعا بارعاندا حالىق شارۋاشىلىعىنىڭ تىرەكتى كاسىپ سالاسىنا اينالۋعا كۇش سالۋدا.

  ”دەنە تاربيەدەگى ءىرى ەلدەن“ ”دەنە تاربيەدەگى قۋاتتى ەلگە“ دەيىن ءبىر ارىپتىك ايىرماشىلىق قانا بولعانىمەن، ول جالپىلىق مەملەكەت قۋاتىنىڭ جوعارىلاۋىنىڭ جانە قوعامدىق وركەنيەت دەڭگەيىنىڭ العا باسقاندىعىنىڭ ماڭىزدى بەينەسى سانالادى. باس شۋجي شي جينپيڭ تالاي رەت دەنە تاربيە قوعامنىڭ دامۋىنىڭ جانە ادامزاتتىڭ العا باسۋىنىڭ ماڭىزدى بەلگىسى، جالپىلىق مەملەكەت قۋاتى مەن مەملەكەتتىڭ جۇمساق قۋاتىنىڭ ماڭىزدى بەينەسى دەپ باسا دارىپتەدى.

  جۇمساق قۋات بەرىك جىگەردەن كەلەدى. بەيجيڭ وليمپيادا سپورت جارىسىنان وليمپيادا ولشەمىن ۇيرەنۋدەن بەيجيڭ قىسقى وليمپيادا سپورت جارىسىندا وليمپيادا ولشەمىن ورناتۋعا دەيىن جۇڭگو دەنە تاربيەشىلەرى جۇڭگو جوباسىن تاپسىردى؛ جياڭسۋدىڭ ۋشيىندا قۇرىلعان تايچۋانداۋدىڭ بارلىق جارىس ءتۇرىن قامتىعان جارىس دۇنيە ءجۇزى تايچۋانداۋ سپورتىنىڭ جارىس ەرەجەسى رەفورماسىن جاساۋعا تىكەلەي باستاماشىلىق ەتىپ، جۇڭگو”IPى“ شىت جاڭا جۇڭگو حيكاياسىن باياندادى...

  دەنە تاربيە قۇدىرەتتەنسە، جۇڭگو قۇدىرەتتەنەدى، دەنە تاربيە مەملەكەتتى قۇدىرەتتەندىرىپ، گۇلدەندىرۋدىڭ، ۇلتتى كوركەيتۋدىڭ ارمانىن ارقالاۋدا. باس شۋجي شي جينپيڭ بىلاي دەپ باسا دارىپتەدى: ”دەنە تاربيە حالىقتىڭ سالاماتتىق دەڭگەيىن جوعارىلاتۋدىڭ ماڭىزدى ءتاسىلى ءارى جۇڭگو ارمانىن جۇزەگە اسىرۋدىڭ ماڭىزدى مازمۇنى، جۇڭحۋا ۇلتىنىڭ ۇلى گۇلدەنۋىنە زەيىن - زەردە، قايرات - جىگەر ۇيىستىراتىن قۇدىرەتتى رۋحاني كۇش ازىرلەيدى“.

  ءبىرىنشى 100 جىلدىق كۇرەس نىساناسىن جۇزەگە اسىرۋ نەگىزىندە ەكىنشى 100 جىلدىق كۇرەس نىساناسىنا قاراي شەرۋ تارتار كەزدە، جۇڭحۋا ۇلتىنىڭ ۇلى گۇلدەنۋىنە قاراي قادام تاستاعان شەشۋشى تاريحي تۇيىندە دەنە تاربيە مەملەكەتتى قۇدىرەتتەندىرىپ، گۇلدەندىرۋدىڭ، ۇلتتى كوركەيتۋدىڭ ارمانىن ارقالاۋدا، جۇڭحۋا ۇلتى ءتىپتى دە ايبىندى تۇردە دۇنيەنىڭ شىعىسىندا قاسقايىپ تۇر.

  (شينحۋا اگەنتتىگىنىڭ 9 - ايدىڭ 14 - كۇنى شي - اننان بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.